LE SONGE D'ENFER

En songes doit fables avoir, Se songes puet devenir voir; Dont sai-je bien que il m'avint Qu'en sonjant .i. songe, me vint * Talent que pèlerins seroie.

Je m'atornai et pris ma voie Tout droit vers la cité d'Enfer.

Errai tant quaresme et yver Qu'a droite eure i fui venuz, Mes de ceus que g'i ai connus

Ne vous ferai ci nul aconte n

Devant que j'aie rendu conte De ce qu'il m'avint en la voie.

Plesant chemin et bêle voie Truèvent cil qui enfer vont querrej Quant je me parti de ma terre, « Force que li contes n'anuit, Je m'en ving la première nuit A Covôitise la cité.

En terre de Desleauté Est la cité que je vous di.

Ge i ving par .i. mercredi; Si me herbregai chiés Envie.

Plesant ostel et bêle vie Eûmes, et sachiez sans guile, Que c'est la dame de la vile.

Envie bien me herberja ; En l'ostel avoec nous menja Tricherie, la suer Rapine ,

. . Et Avarisce, saiousine.,

Vint avoec li, si comme moi samBle.

* Por moi véoir toutes ensamble Et vindrent et grant joie firent De ce qu'en lor pais me virent.

Tantost, sanz contremander, Yint Avarisce demander Que je novèles li déisse « Des avers, et li apréisse Lor fez et lor contenemenz.

Si com chascuns de ses parenz Se demaine ma demandé ; Et je ly ai tantost conté .t. conte qu'ele tint à buen, Quar je li contai que li suen Avoient du pais chacié Larguèce, et tant s'est por chacié Sa gent, que Larguèce n'avoit Tor ne recet, ne ne savoit Quel part ele puet durer ; Ne le pot mes plus endurer Larguèce, ainz est en si mal point, Que chiés les riches n'en a point.

Ce li contai : grant joie en ot,

Et Tricherie a .1. seul mot

Me redemanda esnfuméht

Que je li déisse comment

Li tricheor se maintenoient

Icil qui à li se tenoient,

Se le voir li savoie espondre,

Et je que tost si voil r espondre.

Li dis de son voloir .1. pou,

Que Tricherie ert en Poitou

Justice dame et vis contesse,

Et a por prendre sa promesse,

En Poitou, si com nous dison,

Ferme chastel de trahison, * :