CY COMMANCE
In principio creavit Deus celum et terram, etc^
Benois soit-il qui se tera Et fera paix pour mieulx oyr Chose dont tout cuer resjoir Se doit qui a entendement.
Sy requerrons dévoctement Tous et toutes au primerain , La mère au Roy souverain , C'est Marie plaine de grâce , Qu'elle me doint temps et espace Que tel chose je puisse dire Qui soit au plaisir nostre Sire, Et de toute la court des cieulx Dont à nos âmes soit de mieulx Et à l'anemy confusion ; ii. i
LA. NATIVITE
Sy vous prie que nous en dison Ainssy com l'angle dit ly a En disant : Ave Maria.
In principiû) etc.
En Genesie, ou premier livre , Peut véoir tout à délivre Gomment le vray glorieulx Diex Créa premier et terre et cieulx, Et sy avoit sy grant povoir Que seulement par son vouloir Trestout fut fait à sa devise , Sy com nous tesmoygne l'Église :
Ce scevent ceulx qui oy l'ont , Mandavît et creata sont.
Puis fist le soleil et la lune , Les planectes , et nomma l'une Mars et Vénus, l'autre Mercure, Et puis sy voult mestre sa cure A faire oyseaulx, poissons et bestes Qui vers terre pendent lez testes , Et puis du lymon composa Adam , qu'en Paradis posa , Et luy inspira ou corps l'âme ; Quant il dormoit luy fist sa famé De sa coste , c'est chose voire. Et puis le douta Roy de gloire Saigna Adam et le leva , Et dist : « Adam , véez-cy Eva ;
<( Pour conpaigne je la te donne « Et trestout le fruit t'abandonne « Qui est en Paradis tçrrestre , « Et en soiez sires et maistre, « Fors seulement du fruit de vie « Garde bien que n'y touches mie.»
Mais certes Adam tropt mal cassa, Le commandement Dieu trespassa , Car l'anemy.qui le déçut Dont à douleur la mors reçut, Et par ce tout l'umain lignage Fut mis en doulereulx servaage En enfer grant pièce de temps Par l'espasse de .v. .m. ans.
MaisDiex, qui tant est débonnaire, Voulut les siens à soy atraire , Eslut pour nous salvacion, En la Vierge prist incarnacion Et demoura et vierge et pure Oultre le terme de nature , Vierge conçeut, vierge enfanta.
La mère qui tel enfant a Sans corrupcion, sans détresse Enfanta son filz en la cresce ; Là soubmist la déité En figure d'umilité.
Doulces gens , or ne vous esnuit; Ce Dieu plaist , vous verrez ennuit Au plaisir de la Trinité, De la haulte Nativité
Du doulz Jhésucrist le mistèrc; Sy requerrons luy et sa mère Que le puissions si bien entendre Que en nos cuers veille descendre, Et qu'eslire puissions la voie De Paradis , la noble joie A laquelle nous doint venir La Trinité qui sans Tenir Fut et est et tousjours sera In sempîterrui secula.
Amen.
DIEU LE PÈRE
Or ay-je fait; par mon couvant , Le ciel sera touzjours mouvant , Ne cessera point de tourner ' Nuit et jour sanz point séjourner; La lune y est et le soleil Qui donront clarté non pareil , Et si fera la nuit fenir Quant sa clarté devra venir; Àinssy ay fait la terre ronde Et la mer sy sera sy monde , Et sy ay fait à grant foison Bestes et oysiaux et poisson.
Or vueil former à mon ymage Homme qui aura avantage Par mon plaisir et seignorie Sur toutes choses qui ont vie, Pour recovrer de Paradis Les sièges dont j'ay (jeté) jadis
Lucifer, par son grant orgueil.
Cy preingne Dieu du limon et face semblant de faire Adam; et Adam et Eve soient couvert d'un convertour, et Dieu die :
Adam , va sus, que je le vueil ; Vien-t'en en Paradis terrestre, Car il y fait bon et bel estre, Et moult est délitable lieu.
adam, à genous.
A très glorieux puissant Dieu, Toy doy-je bien regracier Et Je vray cuer mercy prier, Bien pert que tu ez mes amis Quant en ce biau lieu tu m'a mis Où est la joie sanz finer.
Un poy me vueil sy acliner Et repos prendre,
Gy face semblant de dormir de costé Eve.
DIEU
Puisqu'Adam dort, je vueil entendre :
Une famé je luy vueil faire De ce costé et lui atraire, Et partant sera sa pareille.
Or sus, Adam, sy te raveille.
Dieu preingne Adam et Eve par la main et die :
Eve ta conpaigne sera, En touz lieux son povoir fera De toy servir et honnorer.
Vous avez cv biau demourer , Multiplicamini ) crescite t
LA NATIVITE
Et ne souffrez nécessité De touz les fruiz que vous véez , Mez cestuy-cy vous est devéez ; De touz les autres povez prendre, Mes cestuy-cy vous vueil deffendre.
S'en mengiez grant mai en vendra :
Touz lî mondes l'achètera.
Je m'en voiz, ycy demourez.
ADAM
Sire , tu soiez aourez Quant tu m'as faite ceste famme.
Je la garderay sanz diffamme , Sans contredire.
EVE
Je te regracie , trez vraiz Sire , Tout-puissant Dieu glorieux , Qui tant es grans et vertueux Que par ta volenté pure Tu nous a crée à ta figure.
Certaine suy et sy say bien De vray que nous n'estion rien.
A touzjours mais vous servira y.
ADAM
Eve, m'amie, je te diray Je vueil de tout mon cuer entendre A moy bien garder de mesprendre Et tenir vraye obédiance.
EVE
J'eusse volentiers cognoissance , Ne say se l'avez entendu,
Pourquoy a ce fruit deffendu; Mez trop volontiers en mengasse, Soiez-en certain, ce j'osasse, Ne say qu'en die.
ADAM
Eve, douice seur et amie, Je ne say pas certainement Pourquoy il l'a fait ne comment , Mais à tout ce j'obairay.
EVE
Et moy aussy je le feray ; Mez moult volentiers en mengasse Pour certain, se je ne cuidasse Faire offence.
Soit .1. diable de costé l'arbre et face semblant de tempter ÈVe
BELGIBUS.
Le Maistre si a fait deffence Par trop grant mauvestié à Pomme Qui ne mengusse de la pomme.
Sy savoit du fruit la puissance Il en mengèroit sanz doubtence ; Sy tost que mengié en aroit Tout autant comme Dieu saroil De toutes choses bien et mal ; A son maistre seroit ygal , Et le povre homme pas ne pence Por quoy li a fait la deffence; Et sy en penroit sanz dengier Se il vouloit assez mengier,
Et saroit tout mal et tout bien :
Sy n'en verroit le Mestre rien Qui cy l'a mis.
EVE
Adam , chier compains et amis, Pour certain te fais assavoir Que tu ne puez science avoir Ne à grant digneté venir Se tu te veuls ainssy tenir De ce fruit mengier, bien le say.
Mengus-en, je ferai l'essay Et je t'en prie.
ADAM
Eve, je ne le feray mie :
Au fruit la main jà ne mestray, .
Mez de mon povoir j'entendray A garder le commandement.
Décevoir me vuels laidement Se te vueil croire.
EVE
Je te dy, pour parole voire ; N'as garde que je te déçoive , Ne aussy que Diex s'aperçoive Se toy et moy nous en mengions.
ADAM
Eve, forment nous mesprendrions Se, contre le plaisir de Dieu, En mengions, certain en sieu.
A tart seroit le repentir.
EVE
Adam, je vous dy, sanz mentir, Que grant profit nous en vendra.
Plain de science vous rendra ; Je vous prie , or essaiez.
Adam prengne la pomme et morde et se prengne parmy la gorge
et die :
Ha hay! je suy mal avoiez:
Ce morcel ne puis avaler.
Las doulereux! qu'il est amer!
En la gorge la mort me tient.
Hélas! trop à tart me souvient De la parole que me dist Nostre Seigneur quant il fist A poy que de couroux n'enrage.
Las, dont m'est avenu se courage !
J'ay oflencé à mon Seigneur, Sy en moray à grant langueur.
En enfer est ma place cslite, Autrement n'en puis estre quite ; Aler me fault à dampnement.
Desnué suis de vestement ; Mon méfiait puet bien aparoir.
Hélas! devant luy comparoir N'oserai-ge : las! que feray?
Quelle responsse ly diray ?
Excusacion riens n'y vault.
En grant langueur morir me fault.
Eve, tu m'as forment deceu ; Je m'en suis trop tart apperçeu ;
ÎO LA NATIVITÉ
De ce péchié forment me double Et ma postérité trestoute; Assez puis gémir et plourer, En enfer me fault demourer Par mon meffait.
Adam, Adam, et qu'as-tu fait?
Dont t'est venu le hardement D'avoir péchié sy laidement Ou péchié d'inobédience ?
Souffrir t'en con vendra pénence.
Tant que en ce siècle seras Eh douleur ton corps useras Quant mez commenz as trespassez.
.v. .ml ans sy seront passez,.
Et le tien pour chose certaine, Ains que tu soiez hors de paine.
En terre ta vie quesras; Ta faute clèrement verras.
Or t'en va hors de Paradis.
ADAM
Ha: mon Seigneur, j'ay trop mespris Vers vous, aiez de moy mercy.
Saint Michel tiengne une espée ardant et boute Adam et Eve hors
de Paradis et die :
Avant, avant, va-t-an de cy !
Tu n'ez plus digne de cy estre; * Fuy tost de devant ton mestre Puisque tu es trouvé sy fauls, Sy traites, sy desloyaulx,
DE N, S. JESUS-CHRIST. I l
Que son commens n'as retenu.
Malement t'est desavenu De courroucier ton Creatour, Va-t-an! en terre de labour De tes mains te faudra ouvrer Se ta vie vuels recouvrer.
Touz ceulx qui après toy vendront Par ton grant méfiait se tendront De Paradis déshérité.
ADAM
J'ay fait trop grant iniquité, Je le cognois bien, monseigneur, L'an ne pourroit faire greigneur.
Et quant ne povons plus cy estre, Or nous enseignés très chier mestrc Que nous ferons.
dieu.
Moult avez eu lez cuers félons Quant ainssy avez désobay ; Trop malement vous meschay.
Sy tost qu'au fruit la main tandis, Te souvicnt-il que je te dis :
Tu désobays, tout en l'eure En enfer en feras demeure m y Puis .1. homs en la croiz mourra.
Autrement estre ne pourra ; Et par sa mort Pumain lignage Sera osté de grief servage.
Or prens à .11. mains une beschc Et la terre fouiz et besche,
i'2 LA NATIVITÉ
Et te vest de robe de honte.
Ton péchié tout autre surmonte :
Tu peuz assez gémir et plourer.
ADAM
En terre me fault labourer Sanz plus a tendre.
Cy preigne une besche et laboure.
EVE
Il me convient aussy entendre Sanz delay à faire besoigne, Et fi lier tantost ma queloigne Pour faire draps et cravechiez, Nappes, touaiiles et oreilliez.
Faire le fault quant le convient, Car tel ovraige m'apartient.
Cy parlent les .n. prophètes.
AMOS
Hélie, entendez, amiz :
J'ay en mon cuer jà pieçà mis
Une merveille que vous diray.
Vous savez bien, et c'est tout vray,
Et hoc scio ita esse ,
De la ligniée de Jessé,
Une vierge sy doit issir;
Et celle vierge doit flourir,
Et après tel fruit portera
Qui le peuple confortera :
C'est l'a tendue de nos pères.
HÉLIE
Amos, vos parollcs sont clères,
DE N. S. JÉSUS-CHRIST. l3
Et sy est trèz bien limité
Eu une autre auctorité
Ly ceptres royal de Judée;
Nullement ne sera faussée.
Cilz qui est Pexpectation
Du peuple et la rédempcion,
Et erraument que il naistra
Toute Judée périra ;
Pour ce devons nous tous veillier
Et contre luy appareillier.
Bien say que de nuit il naistra,
Mez je ne say quant ce sera ,
Et pour ce veullier nous convient.
AMOS
Je cognois bien que de prez vient, Et le povons trop bien savoir; Escript est, je le dy pour voir, Et est senefié de pieçà.
Vée cy le sire qui vient ça Et tous les sains avec luy.
Et celluy jour trestout par luy Sera grant lumière partout.
Autre chose n'a que je dout Le roy Sérar en son palais , Qui moult bel et nommié lais Sy a pardedaus un ymage Qui au cuer ly fera grant rage, Car par dessure il est escript:
Il n'est nulz qui le defféist.
Cest ymage trébuchera
l4 LA NATIVITÉ
Quant Vierge mère enfantera, Et ainssy savoir le povons.
HÉLIE
Ne say point se nous le verrons :
À lentement de la Vierge L'estoille plus clère que cierge Sy luira droitement à Peure Que l'enfant naistra sanz demeure.
Balaam sy le prophétiza Lors que son asnesse parla, Que de Jacob estoille ystroit Qui grant clarté demostreroit.
Vers les parties d'Orient En sera l'aparissement Pour vérité.
AMOS
Hélie , suz l'auctorité
Devons entendre Sébile
Qui fut royne moult nobile,
Et dist q'un& naistroit de famme ,
Sanz corrupeion, sans diffame,
Lequel Dieu et homme seroit ,
Mort et passion soufFreroit
En un fust dont l'en feroit croiz
Pour nous racheter des destroiz
D'enfer, où trestout noz sains pères
Sont qui souffrent paines améres.
Pour tant je vous lou et conseille
Que entre nous faisons la veille,
Sur nous soit, non pas sur le peuple
DE N. S. JÉSUS-CHRIST. l5
Que l'en doit bien tenir avueugle.
Point n'entendent les éscriptures Qui leur semblent pesant et dures Et ne les veulent escouter.
HÉLIE
Amos, il nous fault rapourter
Auls éscriptures et les entendre
Que nous povons moult bien comprendre :
.1. filz en Bethléem naistra
Qui d'enfer nous délivrera
Où noz pères sont maintenant.
AMOS
Hélie, je dy certainement Ainssy est-il ; sy est merveille , Oncques mez ne fust la pareille , Que Vierge sy doie enfanter; Mais il nous en fault raporter , Soiez-en certain, à la letre.
HÉLIE
Amos , sanz ajouster ne mestre, Je croy moult bien les éscriptures Que aucuns trouvent pour obscures Qui en parolent proprement; Sy en loons Dieu haultement En luy regraciant, par sa grâce, Que il nous doint temps et espace De le véoir se ce puet estre Comme vray Dieu et roy celestre.
l6 LA NATIVITÉ
Cy parle Adam qui veult trespàsser.
ADAM
Mon Dieu , mon père, mon Seigneur ,
Moult me fistes trèz grant honneur
Quant de terre vous me formastes
Et en Paradis me posastes :
Bien le doy avoir en mémoire.
Pleust à vous que g'i feusse encore !
Se vos commens eusse tenu
Il ne m'en feut pas mal avenu.
Mon créatour , je fiz grant tort ;
Jamez nul jour ne feusse mort.
Or voy bien que par mon défaut
Assez briefment morir me fault ,
Et aussy touz autres moront.
De mort eschaper ne poront,
Et quant ceste présente vie
Sera trespassée et fenie,
S'âme droit en enfer yra ,
Dont jamez ne se partira
Se de nous ne vous prent pitié.
Sy vous requier eh charité,
Doulz roys de pais et de concorde,
De doulceur , de miséricorde ,
Qu'au jour de mon trespassement
Vous m'envoiez arousement
De Tuile du saint Paradis.
Mon corps est forment maladis ,
Mèz de l'âme tropt plus m'esmay.
DIBU.
Adam , amis , entens à moy :
En enfer peine soutireras, En la fin arouscz seras Du sanc qui me sera osté Des pies, des mains et du costé.
Mez moult m'as fait le cuer dolent Quen faussas mon commandement.
Reçois la mort en pacience , Car par moy auras délivrance Quant .v. .m. ans seront; passez; ; Va-t-an, je. t'en ay dit assçz , Plus n'en veuil dire,
ADAM
O trez-puissant gloriex sire , M'àme et mon corps je te commant.
Cy se voise Adam coucher sur une couverture , et eu alant die;
Cep, mon enfant , isnellement Va-t-an en paradis bon erre Pour Dieu prier et requerre De trez-bon cuer piteusement Qui m'envoit l'ennoliement De l'uille de miséricorde , Car Belgibuz, tient jà la corde Pour moy fort lier et estraindre ; Je ne puis. plus icy remaindre; Or y va toust et je l'en prie.
CEP , filz Adam.
Mon cher père , sanz point destrie Iray tantost voz plaisir faire.
l8 LA NATIVITÉ
Pas ne doy aler au contraire, Mez aiez en Dieu bonne espérance, Bonne foy et bonne fiance Que certes Dieu vous confortera , En touz vos maulz vous aidera.
De vostre esnuy certainement Suis courrouciez moult malement; Ne say qu'eiï doie devenir.
Je m'en vois pour tost revenir.
Cy s'en va ! à Dieu en Paradis , et die :
Gloriex Diex puissant et fin , Sanz commandement et saiïz fin , Roy sur touz rois , vrais droiturier , A mains jointes je te requier Par ta douleur et amistié Que de thon père aiez pitié , Car il est au lit de la morU Quant au monde «est délivre mort Pour le mors qui fist en la pomme , Or vous requier trez-humblement , Donnez-ly l'enoliement De l'uille de' miséricorde , Par quoy il ak pais et accorde Que aus vostres avez promis.
DIEU
Raphaël , entons çà, doulz amiz :
Véez cy Cep, qui est filz Adam , Par qui je soufirère dur aham , Qui me requiert piteusement Pour son père enouliement
De l'uile de miséricorde Dont puisse avoir pais et concorde.
À Cep l'enfant tu t'en yras Et de par moy tu li diraa Quant son père sera feniz Et il sera en terre mis.
Que tantost de planter s'avénce Dessus sa fosse ceste branche.
Ce rain tant montepliera Que une crois faicte en sera Où la vie recovrera mort Qui aus âmes donra confort :
Or ly va .dire.
itÀPHAEL.
Il est bien raison , ÉDô2>doulz sire , Que je soie prest d'obéir , De faire tout véstre plaisir.
Gy voise Raphaël à Cep et ly baille la branche , et die :
Cep, beaus amis , entens à moy :
Dieu le père m'envoie à toy Et par moy t'envoie ce rain Qui est du pommier, pour certain, Dont ton père menga la pomme.
Va-t-an de cy^ congié te donne, Et quant ton père sera mors , Dedans sa fosse , suz son corps Le planteras, Dieu le commande. ; À présent plus ne li demende , Car de luy plus n'enporteras.
GEP.
Puisqu'autre' conseil ne me donras , Je ne me dois pas retarder D'aler mon doulz père garder.
Quant vendra au deffinement Je feray le commandement De nostre sire, c'est raison.
BELGlBUZ, premier déabie.
Adam , venez en noz maison Ou premier estage d'enfer.
Avec noz maistre Lucifer Serez servy et honnouré ; Maiz vous avez trop demouré :
Dites à Dieu qu'il vous sequeure.
ADAM
Va-t-an , Sathan , plus noir que meure ; J'ay paour de ta compaignie.
belgibuz.
Ainssy ne m'eschaperas mie , Vousvendroiz en nostre maison.
ADAM
Aler m'y fault contre raison ,<<••< Mez encore le jour vendra Que à Dieu de moy souvendra , Et je le croy certainement.
