LEZ AUTRES DYABLES

Fuions, ilz sont tous hors du sen.

Cy s'en fuient.

Lors emporte l'âme saint Michiel, et die à sainte Geneviève :

Geneviève la Dieu amée , Geste àme qui estoit dampnée Te donne Dieu que tant reclaimes, Que tu honneures, sers et aimes; Dedens son corps je la reboute.

En la remetant.

Liève-le, car il vit sans doute, Et le fay tantost baptisier.

Cy mete Tymage soulz l'enfant et s'en retournent sans chanter. SAINTE GENEVIÈVE, là, liève la teste et die : Doulz Dieu, nul ne saroit prisier La doulceur, Painour souveraine Qu'avez à créature humaine.

Bien m'avez eue en mémoire, Je vous en rend loenge et gloire.