LES OUVRIERS
Dame , pour la crois et pour vous Sommes nous tous appareilliez.
Venez, vous serez bien paiez.
Lors voisent à Lectrée, et illecques soit i. autel et Fymage saint
Denys dessus.
Or ça , de par la mère Dieu , Mez bons amis, en ce saint lieu .1. biau moustier me commenciez, Et pour Jhésucrist vous songniez De faire chose qui ly plaise.
OGIER , le maçon.
Dame, ne soiez en malaise Fors de nous querre assez deniers, Car loyaument, comme monniers, Ouvrerons cest euvre d'église.
Huet, pren celle pierre bise, Sy Pesboche à ton grant martel.
huet , maçon.
Maistre Ogier, je say un art tel Que sans touchier et sans faillir Là vous feray en hault saillir , Mez qu'el die le coq chanter.
OGIER
Or du baver , or du venter ; Parle mains et fay bien besoigne.
HUET
Parla grant dame de Bouloigne, Je vueil faire une arde prestresse Qui chevauchera une asnesse, En ceste pierre de quarrel.
LE charpentier , en tenant i. baston.
Et je vueil cy faire .1. barrel Pour une fenestrele englesche.
OGIBR.
Va tendre ta ligne, sy pesche.
Ahay , es-tu jà au fenestres , Huet ?
HUET
Maistre ?
ogier.
Visons nos estres.
huet.
Maistre, visez.
ogier.
Nos .11. pignons
Avecques leur .1111. quignons
Seront bien l'un cy, 'l'autre çà.
HUET
Maistre, j'ay grant suet'de pieçà.
OGIER
Tez-toy.
HUET
Or sus.
OGIER
A mon aviz Bien sera cy la tour à viz ,
A archères et à dégrez De pierre de taille ou de grez ; Et bon est que l'esglise toute Soit à bon pilliers et à voûte.
Le cuer sera vers Orient^ Et la nef devers Occident.
Le maçonnement fait entier, Lors mete sus le charpentier Sy veult sez très et ses chevrons.
HUET
Beau sire Diex, et quant bevrons?
Il fait trop graat harle on cest estre.
A boire, à boire, sire prestre; J'ay le gorgeron escorchié.
LE CHARPENTIER
Et mon gosier est sy torchié Qu'il est sec comme dent de chien.
OGIER
Foy que doy vous, sy eât le mien.
A boire, prestre, ou nous mourrons.
DAN GENÈSE
Vous en arez quant nous pourrons.
Lors die à sainte Geneviève :
Dame, lez ouvriers n'ont que boire; Sermonnez-leur d'aucune histoire.
Tandiz que j'iray à Paris Faire emplir .1. ou .11. baris, Un pou lez faites déporter.
Diex nous vueille reconforter
Qui sez biens où il veut départ !
Or vous traiez .1. pou à part, Et priez Dieu de cuer et d'âme Qu'il nous aide.
DAN GENÈSE
Volentiers, dame.
Lors se metent à'oroison .
SAINTE GENEVIÈVE, à geiîOUS.
Dieu , qui muastes l'iaue en vin , Es nopces chiez Archedeclin, Vueilliezcy vostre grâce estandre Afin que lez ouvriers entendre Puissent mielx , et sanz murmurer , À faire euvre qui puist durer A l'onneur de vos bons amis Qui cy furent lonc temps a mis.
Lors se liève et die sus le pot :
Emple , de par Nostre-Seigneur , A sa* gloire et son honneur :
In nomine Patris, et Filii^ et Spiritus sancti
Amen.
Cy baille le pot à dan Genèse en disant :
Donnez, sire, à boire aus ouvriers.
Puis se remete en oroison, et assez tost revoise à Paris.
DAN GENÈSE, en prenant le pot.
Sans faille, Dame, volentiers.
Ça, beaus seigneurs, lez chiez levez;
Vecy bon vin, tenez, bçvez, Moulliez .1. pou vos consciences.
OGIER , en hochant la teste.
Foy que doy saint Lou de Cerences , Ce ne sont pas froides nouveles.
HUET
Je croy que c'est vin de prunelcs.
Où a-il esté sy tost forgy ?
DAN GENÈSE
Quant tu en aras en gorgy , Sy en juge lors, s'il te plaist.
huet, en «prenant le godet.
Or çà , je vueil savoir que c'est.
Cy tende et die :
Metez bien , monseigneur , metez.
DAN GENÈSE
Sy feray-je; tien, or te tez.
Porte cela en quiqu'en muce.
HUET
Sy feray-je, par sainte Luce.
Cy boive et puis die :
Sainte Marie , mère de Dieu , En quel pais et en quel lieu À ore creu se noble vin ?
OGIER
Es- tu enchanteur ou devin?
Tu joues des ars de toulete.
HUET , en baillant le godet.
Tenez, maistre, emplez l'amulete; «
Sy sarez se je vous dy bourde.
ogier, en tenant le godet.
Prestre , emplez ceste coquelourde , Que Diex vous tiengne en son servise.
DAN GENÈSE, en versant.
Vous avez pissé contre bise ; Sy vous est prins le mal roulant.
OGIER
Sire, c'est voir; pour ce en roulant Tumberay cecy en ma forge.
DAN GENÈSE
C'est bon oignement pour la gorge, Maistre Ogier, quant le temps est sec.
ogier , en monstrant le godet vuit.
Cetuy est mat; eschet, eschet !
Huet , voir , tu n'ez pas béjaune :
Il n'est Garladon ne Béaune, Par Dieu, qui vaille ce vin cy.
LE CH ARPENT TER
Ha ! ha! c'est râpe de Quincy.
Je cognoiz tropt bien vos baras.
OGIER 9 en ly baillant le godet.
ïens la main au pot , sy saras.
Cuides-tu que nous t'entroignon ?
LE charpentier, en monstrant le vin.
Pour lez blons cheveux, maistre oignon, Dont vient ore se pèlerin ?
DAN GENÈSE
De Couloigne dessus le Rin.
Qu'as-lu à faire dont il viengne?
DE SAINTE GENEVIÈVE. 2J l
LE CHARPENTIER
C'est bien dit; me* fièvre me tiengne , Se vous me servez de Pentroigne, Se jamais en ceste besoigne Je frape cop de besagùe.
HUBT.
Tu es bientost en fièvre ague :
Pren le godet et sy essaye.
le charpentier, en prenant le godet.
Je le vueil , çà quérez qui paie ; Dan Genoiz, emplez ceste lampe.
DAN GENÈSE
Or tien, boif pour la goûte crampe.
LE CHARPENTIER
Metez , metez, je vueil bien traire.
DAN GENÈSE
Tien , tien , mal bien te pubtril faire !
LE CHARPENTIER
Je vueil oindre mou gavioq,
OGIER et HUBT.
Boif, boif, sanglante passion*.
OGIER, quant le charpentier ara beu. Que dites-vous, maistre Rogier?
LE CHARPENTIER
C'est vin de bouche , maistre Ogier ; Sainte mère Dieu, vecy rage.
Qui oneques mez vit tel bevrage ?
Emplez , pour Dieu , encor ma coupe.
DAN GENÈSE
Tu es plus yvre que une soupe ;
Gomment pourras-tu jà douler ? ,
LE CHARPENTIER
Je feray les asnes voler ,
Mez que je boive une foys seule.
DAN GENÈSE
Or tien, mal feu t'arde la gueule!
LE CHARPENTIER , sanz boire.
Mère Dieu, c'est une fontaine; Nous avons beu à pance plaine, Et sy semble qu'âme n'y touche.
Folz est qui de cuer et de bouche , Ne veult Dieu loer et amer.
OGIER
Doulz Dieu en qui n'a point d'amer , Bien a cy miracle notable.
HUET
Moult est ore à Dieu agréable Nostre maistresse Geneviève.
LE CHARPENTIER
Beaus seigneurs, ce fessel me griève; . Je le vueil mètre soubz ma chape.
Cy boive.
OGIER et HUET.
Or garde bien qu'il ne t'eschape.
LE CHARPENTIER
C'est fait, le péril en est hors.
Lors baille le godet à Ogier en disant :
Tenez-moy ce godet, bon corps , Je le vous rens sain et entier.
DE SAINTE GENEVIÈVE. ïfî
OGIER, en prenant.
Par foy, tu es droit charpentier; En ton euvre n'a-il que remordre.
Monssour Genoiz , selonc vostre ordre Il me fault faire comme ly.
DAN GENÈSE
Que fus t- il ore ensevely
Et toi aussy. Que veult ce dire ?
OGlfeR.
Ne vous courrouciez mie, sire, C'est au lundy nostre coustume.
DAN GENÈSE, enverssant.
Tien donc, en maie estraine hume.
OGIER
Prestre.
DAN GENÈSE
Dy.
OGIER
Voulez que je dye?
A la guise de Normendie Je bef à vous de chipe en chope.
DAN GENÈSE
Il a trop froit, sy Penvelope.
OGIER , quant il ara beu.
Cetuy est mien, l'autre soit vostre.
DAN GENÈSE
Tu sces plus que ta pâtre nostre.
OGIER
Vecy belle chose, Huet.
374 MB* MlR/Wîfcfcè
HUET4 en prenante le godet.
Jà ne sera riche ttauëtt Prestre* feîtes cy vofctre aumosnô.
DA» GENÈSE
Esgar,. ce garsson me ranpofcne.
Or sus, de par Dieu , besongnez.
huet* . ...
Metez cy et ne vous feigniez.
Vous voirrez bien que nous feron.
DÀN GENESE»
Tien donc, fourre ton chaperon «
HUET
J'en fourreray avant ma pance.
