TOUS ENSEMBLE
Nous vous commandons à Dieu, clame.
SAINTE GENEVÏÈVJB.
A Dieu qui vous gart corps et âme.
Sainte Geneviève vôise en son oratoire et là se tiegne <en oraison
et les autres où ils vourront.
Cy après est de une famé à qui madame sainte Geneviève rendit la veue que elle avoit perdue pour ce qup elk avçif emblé les souliers de la dicte Vierge.
Pour lez boiaus sainte Géline, Vêla dame Geneveline
En la monstrant.
Qui ne fait que p^eaymes bf opU jer , Sez yeulx essuier et mouiller, Qui a trop biep la main où ipetre ; Et je puis bien fondée et ren\etrp :
Je n'ay que frire ne que daire.
Lamproies, luz, barbeaus de laire Ne me prenent pas à la gorge :
A grant paine ay-je du pain d'orge, Qui souloie, las! &y bien vivre.
Tousjours estoie ou plaine ou yvre, Et plus me fesoie coigaier Qu*il (n'est) de coings en a. coignier.
Coignant çoigné onc ne coigna
LES MrRACLES
Tant de coirig comme on me coigna, Et lez coigneurs qui me coignoient Le coing du poing d'or me coignoient.
Plus n'y seray de coing coignie, Car ma coignie est-descoignie.
Tant est cuisans et vieille et dure, Qu'il n'est coigneur qui en ait cure, N'argent n'y veult en mètre et coing.
En monstrant sainte Geneviève.
Et velà madame en son coing Qui de coignier ne sceut onc note Ce dit-on, tant est nice et sote, Qui a de l'argent à poignies Com s'en le forjast à coignies.
Chascun ly donne tire à tire, Et tousjours bret, pleure et soupire, Coigne fort son huis et recoigne, Car je ly baudray tel engroigne, Foy que je doy saint Andrieu le Scot, Que je bevray à son escot Ou je faurray à faire tente.
Cil la regarde et puis die en hochant la main :
Elle est nuz piez ; ho! j'ay m'entente. -
Cy die à sainte Céline et à Margot:
Dieu vous doint bon jour, damoyseles !
SAINTE CÉLINE
Bien veigniez, dame ! quelz nouvelles ?
LA vielle, en soyasséant.
Je me vueil soer, ne vous desplaise.
DE SAINTE GENEVIÈVE. 2g3
MARGOT
Madame, estez-vous en malaise?
la vielle y en prenant les souliers secrètement. Oïl, j'ay .t. pou mal au cuer.
SAINTE CÉLINE
Diex vous doint santé, bêle suer !
LA vielle , en soy levant. .
Amen! à Dieu , je suis garie.
SAINTE CÉLINE ET MARGOT
Alez à la Vierge Marie.
Cy s'en voise la vielle en monstrant les souliers et en disant;
Or die, madame, sez hinnes:
Comment que soit, j'ay sez botines.
Voist mez piez s'el veult par la rue Et s'el a froit sy esternue.
En souriant.
Sa pucelle me sermonnoit :
Je lez prins,,Diex lez me donnoit.
Ay-je bien fait? oïl sans doubte.
Cy touche à sez yez et die :
Lasse, lasse! je n'y.voy goûte.
Diex, Diex! que m'est-il avenu?, Or suis-je bien au pain menu.
Certes il est bien emploie :
Jamaiz mon cuer ne fust ploie Ne ma mauvestié abatue , Se Dieu de fait ne m'eust batuc.
Je vueil retourner à tastons.
2g4 LES MIRACLES
Pleust à Dieu que .xv. bastons Elle rompist sué mez costez.
Cy rende lez souliers et die :
Voz souliers que j'avoie ostez, Dame , larrecineurement, Vous rend et vous pry humblement Que m'en vueilliez pardon donner.
Dieu le vous vueille pardonner, Et je sy fay et de bon cuer; Mais pour Jhésucrisi, bêle suer, Vous es tes jà toute ancienne.
Devenez bonne crestienne , Car vostre vie est périllieuse.
Lasse! meschente et doulereuse,
Oncques bien ne fis en jeunece;
Encor ay pis fait en viellece,
Or suis floibe et vieille obstinée,
Et à maufaire acoustumée.
Lasse! comment porray-je à Dieu plaire ?
Dieu, m 'amie, est sy débonnaire Que quant pécheur ou pécheresse Se repent et sez péchiez lesse, Et en son cuer pense et propose Que jamaiz il ne fera chose Qu'il puisse qui à Dieu desplaisc , {jors ont lez anges joye et aise ,
Et Dieu pardonne tout en l'eure.
Sy. conseille que sans demeure A mon seigneur Févesque aléa, Et vos péchiefe ly révèles Entièrement et vrayement.
Volentiers et isnelement.
Dame, quant que dites je feisse , Et plus encore se je véisse ; Maiz Dieu scet que goûte n'y voy.
SAlltTE GENEVIÈVE.
Et je pry Dieu, en qui je croy,
Qui lez aveugles enlumine ,
Qui lez péchiez quant veult termine ,
Que s'il est aihssy com vous dites ,
Par sa gr&ce ei par lez mérites
De sa benoiste passion ,
Il ait de vous compassion
Et vous vueilte rendre la veue.
En la seignant.
la vielle > è jointes mains.
Hé, Diex! que j'estoie mal meue!
J 'est oie pardue et dampnée Se vous ne m'eussiez visitée.
Grâces vous rend dévotement Et vous promez amendement.
Adieu , dame*
Adieu, m'amie.
LA vielle, en s'en alantàl'évesque.
A Dieu qui vous doint bonne vie Et en tout bien persévérance, Car par vous ay-je repentance.
Cy voise devant Févesque et die à gênons :
Mon chier seigneur, confession.
l'évesque de paris.
Bonne dame, sanz fiction Confessez à Dieu vos pédiiez , Et gardez cjue riens n V fessiez ; Car tantipielx vous confesserez, .
Tant en meilleur estât serez.
Qui bien s'acuse Dieu l'excuse, Et qui excuse Dieu l'acuse.
Dieu scet lez péchiez clèrement, Nient mains il veult qu'entièrement Ceulx qui lez ont faiz lez confessent , Et s'en repentent et s'en cessent.
S'ainssy le font, Dieu tout pardonne ; S'il ne le font toute personne Qui oncques fut, est et sera, Vueillent ou non , leur maulz sara.
la vielle.
Sara, lasse ! et où yray ?
Doncques sanz mentir tout diray.
J'ay plus chier honte temporele Endurer que pcrpétuele ; Mais certes, se je vous raconte Ma vie, j'aroy sy graut honte
Et vous sy grant horreiur arez , Que d'angoisse vous me fuirez Sy com feriez une couleuvre.
l'évesque.
Suer , non feray ; car qui descuevre Ses péchiez à grant diligence A Dieu en sa conscience.
Doit-on doncques ceulx despiter Que Dieu veult et daigne habiter, Dont les angelz ont joye et feste?
Qui ce feroit seroit bien beste.
Fille , chambre neitte et parée Plaist trop plusqu'orde et enfumée.
Vaissel qu'on fourbist et escure Est plus plaisant que plain d'ordure.
Pour ce vQstre ka\e fourbissiez Et de vertus l'acoin tissiez.
Dieu par grâce y habitera Qui sa gloire vous donnera Après ce monde, n'en doubtez.
Ha, monseigneur! or m'escoutez :
Je suy trop vieille, il est trop tart.
l'évesque.
Fille , l'ennemy par cest art Vous déçoit cauteleusement Et meinne à vostre dampnement Par voye de désespérance.
Laissiez,- ayez en Dieu fiance Qui chascun doulcement reçoit.
En quelque estât ou aage soit Qui de bon cuer à luy retourne , Goûte n'attent point ne séjourne.
Sy fera-il vous à bonne chière!
Sire , pour Dieu, en quel manière?
Oncques bien ne féis en ma vie.
l'évbsque.
Gardez-vous bien, gardez m 'amie, De l'enflemy qui point ne cesse D'ampescher qu'on de se confesse.
Aus uns promet que vrayement Hz vivront bien et longuement * Et que temps aront et loisir De repentir à leur plaisir.
Ainssy lez aveugle et obstine ; Mais la mort vient qui le gieu fine.
Aus autres dit que bien mourront , Et façent du pis qu'ilz pourront ; Car Dieu ne lez a pas formez Pour estre en enfer defformez. Il dit voir ce n'est pas la cause, Mais par le venin de sa clause Il baille la fin saint Lienart, A Ysengrin et à Renart.
Le faulz mauvaiz ne leur dit mie :
(( Maise fin ensuit maise vie. »
Ceulz-cy fait-il pécher senz honte, Tant que d'enfer ne tiennent conte.
Tropt lez fait en Dieu espérer.
Lez autres fait désespérer Et dit que jà pardon n'auront; Jà demander tant n'el sauront Comme il fist Cayin et Judas.
II ment, ment le faulx Sathenàs :
La miséricorde divine, Innombrable, tousjours s'eftclitie À qui pardon demandera , Jà sy grant pécheur ne Sera.
Ainssy fait Dieu cruel ou nice , Ou senz pitié ou senz justice , Et par trop ou par pou doubter Lez fait en grans péchiez bouter.
Aucuns fait tant par gloire vaine Appéter loange mondaine Que jà ilz ne confesseront Leurs grans maulz, maiz se loeront ; Et dira Mahault en confesse Qu'el n'est putain ne larrdnnessc Ou'ilz telz papelardes croiroit En l'eure il lez canoniseroit.
Gardent soy, Dieu en scet le voir, Et l'ennemy pour décevoir A tant de pièges et d'engins Que senz Dieu n'y puet nul engins.
Trop est soubtilz, bien vous garde/ Néant meins, bêle suer, regardez, Comme Jhésucrist grâce plaine Fist tantost à la Magdalaine.
Dieu poise trop plus, bêlé suer,
3ûO LES MIRACLES
L'amour et la douleur du cuer, Qu'il ne fait la peinne du corps.
Cha donc, metez cel venin hors Que vous avez répons en l'âme.
LA VIELLE , en levant les yex au ciel.
Vostre ayde , glorieuse dame !
Sire , je me confesse à Dieu Et à vous qui tenez son lieu , A Nostre-Dame, à sains, à saintes , De mes euvres fausses et faintes , Et de toute offense et péchié Dont mon. cœur puet estre entechic , En dit, en fait ou en pensée, Depuis l'eure que je fu née.
Sire , quant à parler apris , A mentir, à jurer me pris , A jouer, chanter et dancier , A père et mère courouscier, A embler noiz, poires et pommes; A accoler ces jeunes hommes, Tantost perdy mon pucellaige.
J'ay tout honny en mariage, Et puis ay-je esté maquerelle Qui trop empire ma querelle.
Je suy orguilleuse, envieuse, Gloute , yreuse, avaricieuse, Mesdisant et de maise affaire, Et pareceuse de bien laire.
Jangleresse en oiant lez messes , J'ay veuz enfrains, jeûnes, promesses ,
DE SAINTE GENEVIÈVE. 3oi
Les commandemens de la lov.
II n 5 a ne cuer ne senz sur moy Dont je n'aye Dieu courouscié Et moy et mon proisme blecié. Dire ne sauroïe la disme De mes péchiez, c'est ungabisme ; Mes , sire , en grant contriction , Vous requier absolu cion , Et vous promet amendement.
l'évesque.
Le doulz Jhésucrist dignement T'absoille, suer, et je sy faiz, De tous tes péchiez et meffaiz.
In nomine Patris y etc.
Suer , vous avez trop forvoié Et vostre temps mal emploie.
Sy vous en fault endurer paine :
Trois jours jeûnerez la sepmaine En Page toute vostre vie , S'essoing n'avez de maladie.
Nus piez yrez lez venredis , Jeûnant en eaue et en pain bis.
Corde ceinte et hairé vestue Honteusement yrez par rue :
Fuyez le vin comme venin.
Se riens avez de larrecin Sy le rendez ; car rendre ou pendre Tant com povoir se puet cstendre Se vous ne povezsy voulez, Et du non povoir vous douiez.
Tousjours soit Dieu devant voz yeulz
Et voz péchiez nouveaulz et vieulz
De lez plorer ayez coustume ,
Et ne vous prisiez une plume.
La messe oiez dévotement
Et lez sermons soigneusement.
Confessez-vous souvent et bien.
M onstrez exemple de tout bien
A voz prochains qu'avez retirais
De bien faire et à péchié trais.
Faites les euvres de pitié
A cuer dévot et humble et lié.
Sy vous sourt paine ou pestilence
Recevez tout en patience.
Voz membres qui tant ont servy
A péchié qu'ilz ont desservy,
Enfer, désormais à Dieu servent,
Sy bien que paradis desservent.
Plorez, orez, jeûnez, veilliez,
En bien faire vous traveilliez,
Et en bonté persévérez.
Ainssy vous vous raccorderez,
Au doulz roy de miséricorde.
là VIELLE, en prenant congié.
Mon chier Seigneur, je m'y accorde.
JDieu vous maintiegne en sainte foy.
l'évesque.
Alez à Dieu , priez pour moy.
Cy s'en^oise la vielle en disant :
Hé Diex! que je suy deschargie
DE SAINTE GENEVIÈVE. 3o3
» '■' iii ■ —
De grant faissel, ce m'est aviz.
De tout mon cuer vous regracie, Doulz Jhesucrist, filz de David.
Or parfaites par courtoisie, Le bien qu'avez en m'âme mis , Et vueilliez que par bonne vie Puisse vaincre mes ennemis.
Dieu, Père, Filz, Sains -Espériz, Gart âme et corps dfestre paris!
Vojse s'en.
