TOUS ENSEMBLE

Sire, Diex vous doint bonne vie!

s. POL.

Bien veigne ceste conpaignie!

Me voulez-vous riens commander?

s. DENIS.

Il vous a pieu à nous mander

56 la Conversion ce s. dents.

Et véez-nous cy tous près, chier sire, De faire quanque vourrez dire Sans vous jà contredire en riens.

Gy voisent à genous.

s. POL.

Loé soit Diex de tous cez biens!

Mez amis , croiez fermement

Qu'il n'est q'un Dieu tant seulement ,

Triple personne en unité,

Une substance en trinité ,

Père et Filz et Saint-Espéris,

Qui doit éstre amez et chéris

Sur tout temps et en tout lieu;

Non pas .m. Diex, mais .1. seul Dieu

Sans commancement et sans fin,

Qui homme ama tant de cuer fin

Qu'à s'ymage propre le fist ;

Mez pour ce que homme se forfist

Et que mortelement offendi t ,

Le filz Dieu vray Dieu descendit

Qui print nostre nature humaine

En Marie de grâce plaine

Qui fut et vierge et fille et mère,

Et il fut son filz et son père.

Le créateur fut créature :

Ce fut euvre par sus nature;

Ainssy le voulut peut et sceut.

Depuis, le baptesme receut,

Non pas pour ces péchiez monder ,

Mais pour le sacrement fonder

LA CONVERSION DE S. DGlns. 5^

Du baptesme de sainte Église.

Apostres quist à sa devise

Les quielz JTsa grâce apella

Et ses secrez leur révéla.

Les mors de mort resuscttoit

Et touz malades garissoit,

Et moult de grans merveilles fist

Que pur homme jamais ne feist ;

Puis fust en crois mort et fénis ,

Et vous monstra maistre Denis ,

Par sa grâce , la grant dur té

Qu'à tort souffroit , en l'obscurtë

Que l'ajr et la terre soustindrent,

Et es miracles qui avindrent;

Son âme en enfer dévala

Qui les siens délivrer ala. ,

Le corps en sépulcre se tint;

Mais au tiers jour là y revint

Et resuscita noblement

Vray Dieu, vray homme, vrayement;

Puis monta es cieulz à grant joye

En disant que par autel voye

Vendroit bons et mauvais juger

Et rendre à chascun son loyer.

Le croiez-vous corde mondo ?

Dites chascun : Credo.

TOUS

Credo .

s. POL.

Que requérez, dictes ? baptesme ?

TÔUZ ENSEMBLE.

Baptesme et miction de cresme»

s. POL.

Le voulez-vous sine dolo ? • Rcsponnezrmoy w/o.