LES ANGES

Lors preignent .11. dalmatiques rouges et .11. chapiaux de fleurs, et voisent chantant: Exultet celum laudibus, puis dient aus apostres:

Amis de Dieu, tenez à joye Que nostre sire vous envoyé.

Lors se lièvent les apostres sans parler et vestent les dalmatiques, vt metent les chapiaus sur leurs testes et voisent à Néron et les anges avecques eulz, et S. Pol , en passant, baille à Pautille son cuevrechief sans riens dire.

PAUTILLE.

Diex ! j'ai veu monseigneur saint Pol Que les tirans tindrent pour fol.

Lasse, lasse! il ne Pestoit mie; Bien a sa promesse acomplie.

Il m'a geté desus le chief , Sain et entier, mon cuevrechief.

Fol n'estoit pas , mais fol estoit Qui son Dieu et ly despitoit.

En sa foy vueil mourir et vivre; Dieu me vueille escripre en son livre !

Néron, nous vivons à honneur, Mais tu mourras à déshonneur.

Lors s'en voisent avec les anges en paradis.

NÉRON

Ha Mahommet! dor-je ou je vueille?

Pierre et Pol , dont j'ay grant merveille , Son venus à moy par grant yre.

MASQUEBIGNET.

Entendez çà, entendez, sîre!

Sachiez de voir que les Rommains Grans et petis , clers et vilains , Viennent pour vous à mort ruer.

NÉRON

Àins qu'ilz viegnent me vueil tuer A ce pel que je rongerày Qu'en la pance me bouteray.

Lors ronge .i. baston et le boute en sa pance et chiée mort.