S. RUSTIQUE ET S. ÉLEUTHÈRE
Et rioussy feron.
s. DENIS die en soy despollant.
Doulz Jhésus qui vous despoullastes Pour nous, et nu vous exposastes A estre batu durement , Soiez à cest commancement Et nous donnez ferme constance!
FESCENNIN.
Humebrouet, meine à la danco
— « ■■ ■— ■ ■■!—■■ Il — ^— ^ ^— ^— ^1 — ■ ■■■■■— — — ^ — — ^^— — «^—
Le maistre des tirelopins.
HUMEBROUET.
Je ly donrieray .n. lopins Qui ly feront le cul baler.
Cy le bâte en disant :
Denis , pourras-tu avaler
Ces .11. morcelés sans moustarde?
FESCENNIN.
Menjumatin que mau feu t'arde, Que fait là ta corde à fouer?
MENJUMATIN.
Sire, el veult filer au trouet Sus les costez à cest apostre.
Enleférant.
Tien , Denis, dy ta patrenostre!
FESCENNIN.
Que faites-vous? ferez à tasche.
HUMEBROUET , menjumatin , en le bâtant de courroies
sanglantes.
Or tien doncques, bons hons; masche.
FESCENNIN.
Frapez fort; je ne l'os point plaindre.
HUMEBROUET, MENJUMATIN.
Il soit pendu qui se scet faindre.
s. DENIS.
Doulz Jhésucrist , je vous rens grâces , De cen qui vous plaist que les traces De vostre sainte passion Ont en mon corps impression.
Gy die au peuple :
Bonnes gens , ne vous tristoiez
Se tourmenter vous me voiez; Car par la paine temporele Vient la joye perpétuele.
Prenez bon cuer et hardiece, Souffrez tous maulz à grant léece.
FESCENNIN. .
Hapelopin, Masquebignet, Que faites-vous en ce quignet?
Batez-moy ces deux pautonniers Qui sont de ces maulx parsonniers.
Faictes-les-nous .1. pou triper.
MASQUEBIGNET, HAPELOPIN.
Bientost les verrez défriper.
Lors lez bâtent en disant :
MASQUEBIGNET.
Que dites-vous de nos courgiez?
Sont-il de bonne main forgiez?
FESCENNIN.
Bâtez bien ces .11. grans liépars.
HAPELOPIN.
Le sanc en sault de toutes pars.
Regardez s'ilz sont tains en rouge.
FESCENNIN.
Il n'y a celuy qui se bouge:
Je voy bien que vos horions Ne prisent-ilz .m. porions.
Or suz, liez-moy ces païsans , De cheines de fer bien pesans
Et les jetez à terre dure En chartre puant et oscure.
En dementières pensserons De quel mort mourir lez ferons.
Délivrez-vous.
LES SERGENS
Sire, c'est fait.
HUMEBROUET.
Çà, Denis, vous soiez deffait
Et moy , se je bien ne vous ferre.
Lors le ferre.
MENJUMATIN.
Mez moy 5 se sy bien ne le serre Qu'il ne se pourra desserrer.
MASQUEBIGNET.
Je vueil dan Rustique ferrer.
A son conpaignon.
Pensse, toy, de frère Eleuthère.
HAPELOPIN.
Sy vueil-je faire, mon compère.
Bientost l'orras braire et crier.
Cy les serrent, s. DENIS.
Seigneurs, le corps povez lier Puisqu'à Dieu plaist, mez l'âme non Les liens que nous soustenon Ou corps en liée pacience Remetent Testât d'innosence, En l'âme, et de mal la dcslicnt,
Et a Dieu par amor la lient.
Pour ce sommes joieus et liez Quant vous nous liez mains ou piez; Car par vos durs liens de fer Des fors et durs liens d'enfer Est nostre espérit deslié, Par celuy qui pour nous lié Fut de durs liens à l'estache.
HUMEBROUET.
Passe avant , passe, vielle vasche.
£11 monstrant la chartre.
Va rimachier en celle escole.
MENJUMATIN.
Jaullier , euvre tost ta jaole :
Sy y met ses .m. baderaus.
LE JAULÏER.
.111. badereaux, mez maquereaus; Que sont leur robes devenues?
MASQUEBIGNET.
Hz les ont fait voler aus nues.
Que dyables en as-tu à faire ?
