LE PRÉVOST

Or çà, Lisbie, en maie estraine Avez-vous renoié nos Dieux ?

LISBIE.

Menez-les, sire, à Tombeleine:

Hz ne voient goûte des yeulz.

FESCENNIN.

Il dit blafardes et injures De nos Dieues et Mercures.

Coupez-ly en présent la teste.

HUMEBROUET.

Nç plus ne mains qu'à une beste

Ly feray voler la cervele .

En ly copant le col.

Tien, apostat, ceste merele!

FESCENNIN.

Avant , prenez-moy ce glouton ; Ne l'espargniez plus qu'un mouton.

Rompez le cuir et la ventraille :

De toutes pars le sanc ly saille !

Faites-les tous trois despoullier.

MENJUMATIN.

Vous les voirrez bientost soullier De sanc; sus, despoulliez vos robes.

MASQUEBIGNET.

Il nous ont servy d'ambèlobes:

C'est raison qu'ilz soient paiez.

s. DENIS.

Biaus seigneurs, ne vous esmaiez; Volentiers nous despoulleron.

hapelopin, aus autres.

Et vous, quoy?