S. MICHIEL

Diex tout puîssans et véritable, Il est digne de tout honneur, Car vassaumètit, sanz déshonneur Vous a honnouré et sërvyl

S. GABRIEL

Sire Diex , il a deservy Repos, soûlas, gloire et léesce; Car mouls douleurs, honte et tristece A pour vostre amour soustenués.

S. RAPHAËL

Volentiers descendrons des nues, Doulz Diex , et le visiteron , Et solennement chanteron.

Lors voise Jhésus et ses anges en chantant : Santorum mentis, etc., et quant ilz seront venus, preigne Jhésus l'oiste sus l'autel et die :

jhésus , en ly baillant l'oiste.

Denis, paix soit avecques toy!

Reçoif le propre corps de moy Dont tu as fait le sacrement.

Persévère constantement , Bientost verras la Trinité Face à face en félicité , Et tout quant que tu requerras

Legièrement enpetreras.

Lors s'en retournent sans plus dire.

s. dénis, àgenous.

Doulz Jhésucrist, vray Dieu bénigne, Monstre m'as de grant amour signe En ceste visitacion.

La noble récréacion Que m'âme a , ne saroie-je dire :

Loenge, honneur et gloire, sire, Soit à ton nom signe fine.