II

L\ NATIVITF,.

Pas ne doy aler au contraire,

Mez aiez en Dieu bonne espérance,

Bonne foy et bonne fiance

Que certes Dieu vous confortera ,

En touz vos maulz vous aidera.

De vostre esnuy certainement

Suis courrouciez moult malement;

Ne say qu'en doie devenir.

Je m'en vois pour tost revenir.

Cy s'en va à Dieu en Paradis , et die : Gloriex Diex puissant et fin , Sanz commancement et sanz fin , Roy sur touz rois, vrais droiturier, A mains jointes je te requier Par ta douleur et amistié Que de mon père aiez pitié , Car il est au lit de la mort.

Quant au monde est délivre mort Pour le mors qui fist en la pomme , Or vous requier trez-humblement , Donnez-ly l'enoliement De l'uille de miséricorde , Par quoy il ait pais et accorde Que aus vostres avez promis.

DIEU

Raphaël, entensçà, doulz amiz :

Véez cy Cep, qui est filz Adam , Par qui je souffrère dur aham , Qui me requiert piteusement Pour son père enouliement

De l'uiie de miséricorde Dont puisse avoir pais et concorde.

A Cep l'enfant tu t'en yras Et de par moy tu li diras Quant son père sera feniz Et il sera en terre mis, Que tantost de planter s'avence Dessus sa fosse ceste branche.

Ce rain tant montepliera Que une crois faicte en sera Où la vie recovrera mort Qui aus âmes donra confort :

Or ly va dire.

R\Pn\EL.

Il est bien raison , trez-doul/ sire , Que je soie prest d'obéir , De faire tout vostre plaisir.

Cy voise Raphaël à Cep et ly baille la branche , et die

Cep, beaus amis, entens à moy :

Dieu le père m'envoie à toy Et par moy t'envoie ce rain Qui est du pommier , pour certain , Dont ton père menga la pomme.

Va-l-an de cy , congié te donne , Et quant ton père sera mors , Dedans sa fosse, suz son corps Le planteras, Dieu le commande.

A présent plus ne li demende, Car de luy plus n'enporteras.

20 LA NATIVITE