CY COM MANGE
LA NATIVITE
In principio crecwit Deus celiim et terram^ etc.
Benois soit-il qui se tera Et fera paix pour mieulx oyr Chose dont tout cuer resjoir Se doit qui a entendement.
Sy requerrons dévoctement Tous et toutes au primerain , La mère au Pioy souverain , C'est Marie plaine de grâce , Qu'elle me doint temps et espace Que tel chose je puisse dire Qui soit au plaisir nostre Sire, Et de toute la court des cieulx Dont à nos âmes soit de mieulx Et à l'anemy confusion ;
L\ NATIVITE
Sy VOUS prie que nous en dison Ainssy com l'angle dit ly a En disant : Àve Maria.
In principio ^ etc.
En Genesie, ou premier livre, Peut véoir tout à délivre Comment le vray glorieulx Diex Créa premier et terre et cieulx, Et sy avoit sy grant povoir Que seulement par son vouloir Trestout fut fait à sa devise , Sy com nous tesmoygne l'Église ; Ce scevent ceulx qui oy l'ont , Mandavit et creata sont.
Puis list le soleil et la lune, Les planectes, et nomma l'une Mars et Vénus, l'autre Mercure, Et puis sy voult mestre sa cure A faire oyseaulx, poissons et bestes Qui vers terre pendent lez testes.
Et puis du lymon composa Adam , qu'en Paradis posa , Et luy mspira ou corps l'âme ; Quant il dormoit luy îist sa famc De sa coste, c'est chose voire.
Et puis le doulx Pioy de gloire Saigna Adam et le leva , Et dist : « Adam , véez-cy Eva ;
« Pour conpaigne je la te donne (( Et trestout le fruit t'abandonne « Qui est en Paradis terrestre , « Et en soiez sires et maistre , « Fors seulement du fruit de vie « Garde bien que n'y touches mie.»
Mais certes Adam tropt mal cassa, Le commandement Dieu trespassa , Car l'anemy qui le déçut Dont à douleur la mors reçut, Et par ce tout l'umain lignage Fut mis en doulereulx servaage En enfer grant pièce de temps Par l'espasse de .v. .m. ans.
Mais Diex, qui tant est débonnaire , Voulut les siens à soy atraire , Eslut pour nous salvacion, En la Vierge prist incarnacion Et demoura et vierge et pure Oultre le terme de nature, Vierge conçeut, vierge enfanta.
La mère qui tel enfant a Sans corrupcion , sans détresse Enfanta son fîlz en la cresce ; Là soubmist la déité En figure d'umilité.
Doulces gens , or ne vous esnuit; Ce Dieu plaist, vous verrez ennuit Au plaisir de la Trinité, De la haulte Nativité
Du doulz Jhésucrist le rnistèrc;
Sy requerrons !uy et sa mère Que le puissions si bien entendre Que en nos cuers veille descendre.
Et qu'eslire puissions la voie De Paradis , la noble joie A laquelle nous doint venir La Trinité qui sans fenir Fut et est et tousjours sera In scmpiterna secula.
Amen.
DIEU LE PÈRE
Or ay-je fait; par mon couvant, Le ciel sera touzjours mouvant , Ne cessera point de tourner Nuit et jour sanz point séjourner; La lune y est et le soleil Qui donront clarté non pareil ^ Et si fera la nuit fenir Quant sa clarté devra venir; Ainssv av fait la terre ronde Et la mer sy sera sy monde , Et sy ay fait à grant foison Bestes et oysiaux et poisson.
Or vueil former à mon ymage Homme qui aura avantage Par mon plaisir et seignorie Sur toutes choses qui ont vie, Pour recovrer de Paradis Les sièges dont j'ay (jeté) jadis
DE N. S. JESUS-CllUIST.
Lucifer, par son grant orgueil.
Cy preingne Dieu du limon «t face semblant de faire Adam; et Adam et Eve soient couvert d'un convcrtour, et Dieu die :
Adam , va sus, que je le vueii ; Vien-t'en en Paradis terrestre, Car il y lait bon et bel estre, ,Et moult est délitable lieu.
ADAM, à geuous.
A très glorieux puissant Dieu, Toy doy-je bien regi'acier Et de vray cuer mercy prier , Bien pert que tii ez mes amis Quant en ce biau lieu tu m'a mis Où est la joie sanz finer.
Un pov me vueil sv acliner Et repos prendre
Cy face semblant de dormir de costé Eve.
DIEU
Puisqu'Adam dort, je viieil entendre ;
Une famé je luy vueil faire
De ce costé et lui atraire,
Et partant sera sa pareille.
Or sus, Adam, sy te ra veille.
Dieu preingne Adam et Eve par la main et die :
Eve ta conpaigne sera,
En touz lieux son povoir fera
De toy servir et honnorer.
Vous avez cy biau demouror ,
Multiplicdmini , crescite^
LA NATIVITE
Et ne souffrez nécessité De touz les fruiz que vous véez , Mez cestuy-cy vous est devéez ; De touz les autres povez prendre, Mes cestuy-cy vous vueil deffendre.
S'en mengiez grant mal en vendra :
Touz li mondes l'achètera.
Je m'en voiz, ycy deniourez.
ADAM
Sire, tu soiez aourez Quant tu m'as faite ceste famme.
Je la garderay sanz diffamme , Sans contredire.
EVE
Je te regracie, trez vraiz Sire, Tout-puissant Dieu glorieux , Qui tant es grans et vertueux Que par ta volenté pure Tu nous a crée à ta figure.
Certaine suy et sy say bien De vray que nous n'estion rien.
A touzjours mais vous serviray.
ADAM
Eve, m'amie, je te diray Je vueil de tout mon cuer entendre A moy bien garder de mesprendre Et tenir vraye obédiance.
EVE
J'eusse volentiers cognoissance , Ne say se l'avez entendu,
Pourquoy a ce fruit deflendu; Mez trop volen tiers en meiigasse, Soiez-en certain, ce j'osasse^ Ne say qu'en die.
ADAM
Eve, douice seur et amie, Je ne say pas certainement Pourquoy il l'a fait ne comment , Mais à tout ce j'obairay.
EVE
Et moy aussy je le feray ; Mez moult volentiers en mengasse Pour certain, se je ne cuidasse Faire offence.
Soit .1. diable de costé l'arbre et face semblant de Icmpter Eve
BELGIBUS.
Le Maistre si a fait deffence Par trop grant mauvestié à l'omme Qui ne raengusse de la pomme.
Sy savoit du fruit la puissance Il en mengeroit sanz doubtence; Sy tost que mengié en aroit Tout autant comme Dieu saroit De toutes choses bien et mal ; A son maistre seroit ygal , Et le povre homme pas ne pence Por quoy li a fait la deffence; lit sy en penroit sanz dcngier Se il vouloit assez mengier,
LA NATIVITE
Et saroit tout mal et tout bien :
Sy n'en verroit le Mestre rien Qui cy l'a mis.
EVE
Adam , chier compains et amis, Pour certain te fais assavoir Que tu ne puez science avoir Ne à grant digneté venir Se tu te veuls ainssy tenir De ce fruit mengier, bien le say.
Mengus-en, je ferai l'essay Et je t'en prie.
ADAM
Eve, je ne le feray mie :
Au fruit la main jà ne meslray, Mez de mon povoir j'entendray A garder le commandement.
Décevoir me vue! s laidement Se te vueil croire.
EVE
Je te dy, pour parole voire , N'as garde que je te déçoive , Ne aussy que Diex s'aperçoive Se toy et moy nous en mengions.
ADAM
Eve, forment nous inesprendrions Se, contre le plaisir de Dieu, En mengions, certain en sieu.
A tart seroit le lepenli»".
Dli rv. s. JESUS-CHRIST.
EVE
Adam, je vous dy, sanz mentir, Que grant profit nous en vendra.
Plain de science vous rendra ; Je vous prie , or essaiez.
Adam prengne la pomme et morde et se prengne parmy la gorgo et die :
Ha hay! je suy mal avoiez:
Ce morcei ne puis avaler.
Las doulereux! qu'il est amer!
En la gorge la mort me tient.
Hélas ! trop à tart me souvient De la parole que me dist Nostre Seigneur quant il fist A poy que de couroux n'enrage. Las, dont m'est avenu se courage !
J'ay offencé à mon Seigneur, Sy en moray à grant langueur.
En enfer est ma place eslite, Autrement n'en puis estre quite ; Aler me fault à dampnement.
Desnué suis de vestement ; Mon meffait puet bien aparoir.
Hélas! devant luy comparoir N'oserai-ge : las! que feray?
Quelle responsse ly diray / Excusacion riens n'y vault.
En grant langueur morir me fault.
Eve, tu m'as forment deçeu ; Je m'en suis tiop tart appcrçeu ;
LA NATIVITE
De ce péchié forment me double Et ma postérité trestoute; Assez puis gémir et plourer, En enfer me fault demourer Par mon meffait.
DIEU
Adam, Adam, et qu'as-tu fait?
Dont t'est venu le hardement D'avoir péchié sy laidement Ou péchié d'inobédience ?
Souffrir t'en convendra pénence.
Tant que en ce siècle seras En douleur ton corps useras Quant mez commenz as trespassez.
.v. ,M. ans sy seront passez, Et le tien pour chose certaine, Ains que tu soiez hors de paine.
En terre ta vie quesras; Ta faute clèrement verras.
Or t'en va hors de Paradis.
ADAM
Ha: mon Seigneur, j'ay trop mespris Vers vous, aiez de moy mercy.
Saint Michel tiengiie une espée ardant et boute Adam et Eve hors de Paradis et die :
Avant, avant, va-t-an de cy !
Tu n'ez plus digne de cy estrej Fuy tost de devant ton mestre Puisque tu es trouvé sy fauls, Sy traites, sy desloyaulx,
DE N. S. JESUS-CHRIST. l I
Que son commens n'as retenu.
Malement t'est desavenu De courroucier ton Creatour.
Va-t-an! en terre de labour De tes mains te faudra ouvrer Se ta vie vuels recouvrer.
Touz ceulx qui après toy vendront Par ton grant meffait se tendront De Paradis déshérité.
ADAM
J'ay fait trop grant iniquité, Je le cognois bien, monseigneur, L'an ne pourroit faire greigneur.
Et quant ne povons plus cy estre, Or nous enseignés très chier mestre Que nous ferons.
DIEU
Moult avez eu lez cuers félons Quant ainssy avez désobay ; Trop malement vous meschay.
Sy tost qu'au fruit la main tandis, Te souvicnt-il que je te dis :
Tu désobays, tout en l'eure En enfer en feras demeure ; Puis .1. homs en la croiz mourra. Autrement estre ne pourra ; Et par sa mort l'umain lignage Sera osté de grief servage.
Or prens à .11. mains une besche Et la terre fouiz et besche,
I '1 LA NATIVITE
Et te vest de robe de honte.
Ton péchié tout autre surmonte :
Tu peuz assez gémir et plourer.
ADAM
En terre me fault labourer Sanz plus atendre.
Cy preigne une besche et laboure.
EVE
11 me convient aussy entendre Sanz delay à faire besoigne, Et iîUer tantost ma queloigne Pour faire draps et cravechiez, Nappes, touailles et oreilliez.
Faire le fault quant le convient, Car tel ovraige m'apartient.
Cy parlent les .11. prophètes.
AMOS
Hélie, entendez, amiz ;
J'ay en mon cuer jà pieçà mis
Une merveille que vous diray.
Vous savez bien, et c'est tout vray,
Et hoc scio ita esse ,
De la ligniée de Jessé,
Une vierge sy doit issir;
Et celle vierge doit flourir,
Et après tel fruit portera
Qui le peuple confortera :
CJesl l'atendue de nos pères.
HKLIE.
Amos, vos paiolles sont clcres,
DE N. S. JÉSUS-CHRIST. l3
Et sy est trèz bien limité
En une autre auctorité
Ly ceptres royal de Judée;
Nullement ne sera faussée.
Cilz qui est l'expectation
Du peuple et la rédempcion,
Et erraument que il naistra
Toute Judée périra ;
Pour ce devons nous tous veillier
Et contre luy appareillier.
Bien say que de nuit il naistra,
Mez je ne say quant ce sera ,
Et pour ce veullier nous convient.
AMOS
Je cognois bien que de prez vient, Et le povons trop bien savoir; Escript est, je le dy pour voir, Et est senefié de pieçà.
Vée cy le sire qui vient çà Et tous les sains avec luy.
Et celluy jour trestout par luy Sera grant lumière partout.
Autre chose n'a que je dout Le roy Sérar en son palais , Qui moult bel et nommié lais Sy a pardedans un ^mage Qui au cuer ly fera grant rage, Car par dessure il est escript:
Il n'est nulz qui le defféist.
Cest ymage trébuchera
l4 LA NATIVITÉ
Quant Vierge mère enfantera, Et ainssy savoir le povons.
HÉLIE
Ne say point se nous le verrons :
A lentement de la Vierge L'estoille plus clère que cierge Sy luira droitement à l'eure Que l'enfant naistra sanz demeure.
Balaam sy le prophétiza Lors que son asnesse parla, Que de Jacob estoille ystroit Qui grant clarté demostreroit.
Vers les parties d'Orient En sera l'aparissement Pour vérité.
AMOS
Hélie , suz l'auctorité
Devons entendre Sébile
Qui fut royne moult nobile,
Et dist q'uns naistroit de famme,
Sanz corrupcion, sans diffame,
Lequel Dieu et homme seroit ,
Mort et passion souffreroit
En un fust dont l'en feroit croiz
Pour nous racheter des destroiz
D'enfer, où trestout noz sains pères
Sont qui souffrent pâmes amères.
Pour tant je vous lou et conseille
Que entre nous faisons la veille,
Sur nous soit, non pas sur le peuple
DE N. S. JÉSUS-CriRIST. l5
Que l'en doit bien tenir avueugic.
Point n'entendent les escriptnres Qui leur semblent pesant et dures Et ne les veulent escouter.
HÉLIE
Amos, il nous fault rapourter
Auls escriptures et les entendre
Que nous povons moult bien comprendre :
.1. fîlz en Bethléem naistra
Qui d'enfer nous délivrera
Où noz pères sont maintenant.
AMOS
Hélie, je dy certainement Ainssy est-il; sy est merveille, Oncques mez ne fust la pareille, Que Vierge sy doie enfanter; Mais il nous en fault raporler , Soiez-en certain, à la letre.
HÉLIE
Amos, sanz ajouster ne mestre.
Je croy moult bien les escriptures Que aucuns trouvent pour obscures Qui en parolent proprement; Sy en loonsDieu haultement En luy regraciant, par sa grâce.
Que il nous doint temps et espace De le véoir se ce puet estre Comme vray Dieu et roy celestre.
l6 LA NATIVITÉ
Cy parle Adam qui veult trespasser.
ADAM
Mon Dieu , mon père, mon Seigneur ,
Moult me fistes trèz grant honneur
Quant de terre vous me formastes
Et en Paradis me posastes :
Bien le doy avoir en mémoire.
Pleust à vous que g'i feusse encore !
Se vos commens eusse tenu
Il ne m'en feut pas mal avenu.
Mon créatour, je fiz grant tort ;
Jamez nul jour ne feusse mort.
Or voy bien que par mon défaut
Assez briefment morir me fault ,
Et aussy touz autres moront.
De mort eschaper ne poront,
Et quant ceste présente vie
Sera trespassée et fenie,
S'àme droit en enfer yra ,
Dont jamez ne se partira
Se de nous ne vous prent pitié.
Sy vous requier en charité,
Doulz roys de pais et de concorde,
De doulceur , de miséricorde ,
Qu'au jour de mon trespassement
Vous m'envoiez arousement
De Tuile du saint Paradis.
Mon corps est forment maladis ,
Mèz de l'âme tropt plus m'esmay.
DIEU
Adam , amis, entons à moy :
En enfer peine soufFreras, En la fin arousez seras Du sanc qui me sera osté Des pies, des mains et du costé.
Mez moult m'as fait le cuer dolent Quen faussas mon commandement.
Reçois la mort en pacience, Car par moy auras délivrance Quant .V. .m. ans seront passez; Va-t-an, je t'en ay (lit assez , Plus n'en veuil dire.
ADAM
O trez-puissant gloriex sire, M'àme et mon corps je te commant.
Cy se voise Adam coucher sur une couverture , et en alant die; Cep, mon enfant , isnellement Va-t-an en paradis bon erre Pour Dieu prier et requerre De trez-bon cuer piteusement Qui m'envoit l'ennoliement De l'uille de miséricorde , Car Belgibuz tient jà la corde Pour moy fort lier et estraindre :
Je ne puis plus icy remaindre; Or y va toust et je l'en prie.
CEP , filz Adam.
Mon cher père , sanz point destrie Iray tantost voz plaisir faire.
