TROIS ROYS
Je le sçay bien certainement.
A Joseph mande hastivement Par son angle que il s'en voise En Egipte (trop fort m'en poise), Et qu'il l'emmaine isnellement Dame Marion et son enfant Et des mains Hérode sera qui te.
BELGIBUS.
Sil enfés est de grant mérite Et son père le sauvera Que maintenant pas ne morra.
Devant ce il vendra son point Et que trestout mettra à point Ce que son père a ordené Que trestout iy est abandonné ; Mèz une chose me desconforte De quoy souvant il me recorde Que nostre enfer il vuidera Quant de mort ressuscitera.
Sy en suis trestout forsonncz
BÉLIAS.
Nous serons trop bien assinez,
Et assez arons conpaignie.
Hérode fait une mesnie
De peliz enfans décoler
Qu'en enter ferons droit aler.
Sy lez tourmenterons apprement ;
Jà n'y aront aligement
Puisqu il seront en nostre garde.
BELGIBUS.
Bélias forment me tarde; Assez leur foray de meschief Que bien en venrons à bon chief.
RAPH4EL.
Joseph, amis, entens à mov, De riens ne soiez en effroy.
Diex ly pères à toy m'envoie Et veult que de riens ne t'esmoie Sy pren ta famé et ton enfant, En Egipte t'en va fuiant, Car Hérode sy fait quérir Touz lez enfans et fait morir Dessoubz l'aage de .11. ans Qui sont vrais, purs et ignocens; Quar il est plain de grant desroy Et cuide tuer le vray roy.
Sy t'en va tost isnellement Et plus n'y fày arrestement:
De par Dieu le t'ai-je conté.
JOSEPH
J'ay tout mon cuer espoventé De ce que j'ay cy entendu ; Certes j'en suis touz esperdu.
Entendez ca à mov, Marie, Et ne soiez point esbahie.
De cy nous en convient aler, Car Hérode fait décoler Sy aval lez petiz enfans Dessoubz l'aage de ai. ans :
Nulz n'en demeure en ce pais.
Touz cez sergens y a commis Et Diex le m'a mendé ainssy.
Sy nous fault tost partir de cy Et en Égipte nous en yrons.
NOSTRE-DAME
Puis qu'il l'y plaist, nous le ferons ; Sy nous mettons tost en la voie.
Le vrav Jhesus sv nous convoie Et nous doint venir à bon port Que nul ne nous puist faire tort; Devant mov mon enfant porteray.
JOSEPH
Mon troucelet tantost feray Et vous monteray sus la mule Qui pas volontiers ne recule.
Sy nous métrons tost au chemin, Tantost avant huy que demain.
Cy voisent Joseph et Marie tout bellement. BiÉTRis, famme.
J'ay .1. enfant de bel afaire, Biaus est de corps et de viaire, De tous enfès est ly plus biaux ; Bien ly feray touz cez aniaux.
C'est tout mon soûlas et ma joie :
Certes moult bien son temps enploie Qui ainssy fait telle porture.
YSABEL
Bien ay fait noble noriture, Touz jour tenir je le vouldroic.
Certainement miex ameroie A morir que il fut mort ; C'est ma joie et mon confori :
Besier le vueil trestout en l'eure.
BIÉTRIS.
Je prie à Dieu que la bonne Iieure.
Soit au mien donné maintenant :
Besier le vueil incontinant, C'est tout mon soulas et m 'amour.
YSABEL
Du mien ne sçay faire clamour; Regardez con belle toilette !
Besier le vueil en la bouchete.
Hé Diex! hélas! qui se tendroit De le amer n'en ne pourroit, En luy n'aroit sanz ne raison :
Chanter ly vueil de Marion.
JOSEPH
Dame je vueil .i. pou aler A se semeur à luy parler; Demander luy vueil nostre voie.
rsOSTRE-DAME.
Alez, Joseph; Diex vous doint joie!
Cy voise Joseph parler au semeur et die : JOSEPH.
Amis prodoms, entens à moy Et point ne soiez en desnoy ; Parle à nous .i. pou sy te plaist.
LE SEMEUR
Certes pas ne me desplaist ;
Or me dictes que voulez-vous?
JOSEPH
Je te prie ensaigniez nous Par t'amour et par ta mérite Tout droit le chemin en Egipte, Et s'aucun après nous venoit Qui d'aventure demendoit Se tu as veu passer nullui, Sy pourras dire à cellui Que tu n'as veu venir n'a 1er Ne personne par cy passer :
Amis, vueilles pour nous tant Taire.
LE SEMEUR
Prodoms et amis débonnaire Je le feray très volontiers Se âme vient par cez sentiers, Que je voy bien qu'estez prodoms.
JOSEPH
A Dieu frère vous commandons; A Dieu aiez bonne espérance ; Qu'en bien aiez montepliance Et vous garde d'enconbrement !
HAPELOPIN.
Avant, compains, appertement ; Penssons bien fort de bésolgnier Et faisons tost sanz espargnier.
Faire nous fault nostre devoir Se nous voulons le gré avoir De Hérodc le noble roy.
Tuer nous fault par grant desroy
Tous lez enfans que trouverons Que jà nulz n'en espargnerons Tant qu'arons tué le hardel Qui tant de paine et de duel Nous fait : avant, ne lessons rien.
HUMEBROUET.
Avant, compains, vecy le mien ; De moy sera tost décolez.
BIÉTRIS.
Ha! hay! f'aulz murtricrs, que volez/ Voulez vous tuer mon enfant?
Sanglans truans, larrons puant, Je vous estrangleray en l'eure
IIAPELOPIN.
Gertez, maintenant sanz demeure Je descoleray cestuy cy :
James ne partira de cy.
S'ara la teste copée ; Je ly donrrai telle acolée. Avant, putain, laissiez aler, Tantost vous seray si baler, Or ça bienîost en maie estraine.
YSABEL
Diex VOUS met en maie sepmaine Larrons murtriers; las ! mon entant A làulz malvaiz tristes puant.
Hay! vrais Diex! las! que feray?
Jamais au cuer joie n'auray.
A mon enfant, las! que ferai- gc?
Bien dov avoir au cuer la raige :
3o .LE GEU DES TROIS ROYS.
Merveilles est que ne me tue.
BIÉTRIS.
Lasse! le mien forment m'argue Lasse meschante mal aheurée !
De quelle heure fu-ge oncques née?
A! murtriers, on vous puist pendre!
Or ne sai-ge quel conseil prendre Puisqu'enssy voy mon enlant mort.
De laide et angoisseuse mort Morir m'en fault certainement.
YSABEL
Je ne puis vivre longuement En tel esnuy, en tel tristesse; Jamais au cuer n'aray léesse Quant j'ay perdue toute ma joie.
Certes plus vivre ne pourroie :
Il me faut morir tout en l'eure.
HUMEBROllET.
Sans faire ycy plus de demeure, Hapelopin, mon compaignon, Je te prie que riens n'espargnon Tant que nous aiens mis à mort Ce garsson qui nous fiit grant tort.
Tant yrons que le trouverons Et la teste ly esterons, Anssy qu'au au 1 très avons fait, Sans y faire noise ne plait :
Or en a Ions liastivement
HAPELOPIN.
Je le vueil bien certainement,
LE GEU DES TROIS ROYS. i3,
Car certes j'ay grant désir Que puisse ce hardel tenir :
M'espée ou corps ly bouteray :
Autre vengence n'en prendray Que plus ne vivra, sanz doubtence.
LE SEMEUR
Vray Diex que tu as grant puissance !
Semé ay ce blé, maintenant, Cuillir le fault incontinant, Car je voy bien qu'il en est temps.
HUMEBROUET.
Sa beau prodoms, à nous entens Et ne vueilliez de riens mentir :
Tu t'en pourroies bien repentir.
Passa-il hui par cy nul âme Homme n'enfant, varlet ne dame Qui portassent petiz enfans?
LE SEMEUR
Cerlez, seigneurs, je vous convant Conques puis que mon blé semay Personne vu venir n'aler n'ay, Ne créature petit ne grant.
Or vueil saier mon blé errant, Certainement plus n'atendray.
HAPELOPIN.
Certes arriére retourneray, Humebrouet, mon compaignon ; Faisons bien, tost sy retournon.
Car plus ne savons où aler.
Piessà ne finàsmes d'aler :
l32 LE GEU DES TROIS ROYS.
Le hardel trouver ne povons.
HUMEBROUET
Hapelopin, nous ne savons Ce tuez est certainement.
Alons nous en hastivement Et à Hérode coaterons Tout ce que fait nous arons.
IIÉRODE
Entendez h moy, maistrez Hermès; Je vov retourner noz gens d'armes.
Bien croy qu'il ont fait leur devoir ; Tout maintenant le vueil savoir.
Devant moy venir lez feray Et puis sy leur demenderay Ce tué ont ce ribaudel.
HERMÈS
Se trouvé ont le baltardel , N'en doubtez, il ont mis à mort :
A lui n'aront point fait d'acort.
Huchier les vueil incontinant; Sa, gens d'armes, venez avant :
Dictez au roy ce qu'avez fait.
HAPELOPIN.
Certes, sire, sans plus de plait Le vous dirons vsnellemen t.
Tué avons certainement Dez enfans assez à planté, Que bien aviens la volenté.
Cent et .xLiiii. milliers Avons occis de noz aciers.
LE GEU DES TR.OIS ROYS. i33
Esse bien Tait , qu'en dictes-vous ?
IIÉRODE.
.1. beau fait avez fait pour nous :
Mez que vous aiez tué l'enfant Que cez .m. roys alient quérant Dictez-moy ce riens en savez.
HUMEBROUET.
Nanil, Sire ; savoir devez Que point trouvé nous ne l'avons Et grant paine mis y avons.
Jà du pais cstoit partis Quant {]e vous fusmes départis Très donc que lez blez on semoil.
Bons à soier sont orendroit , Je vous en dy tout mon avis.
HÉRODE
Hay! je doiz bien enragier vis,
Du sans yssir et forsonner
Et mon corps tout abandonner.
Fuiez de cy, touz vous tueray,
Ne point ne vous espargneray ;
Car yriez suis durement
De cez .m. roys certainement
Qui ainssy me sont eschapés,
Que ne lez ay point atrapés.
Morir m'en fault à grant tristresse
Du grant courroux et de détrece
De l'enfant que n'avez tué.
Certes forment suis argué,
iNloiir m'en lanlt sair/ plus atendre.
l34 LE GEU DES TROIS ROYS.
HERMÈS
Vueilliez en vous bon confort prendre , De riens ne vous desconfortez.
Solaciez-vous et déportez Puisqu'il ne puet estre autrement.
HÉRODE
Mestres Hermès, certainement Mez biens sont trestouz passez j Car je ne fus oncques lassez De mal faire toute ma vie.
Sy ne sçay mèz que je die :
Morir me fault à grant doulour.
BELGIRUS.
Bélias, huy nous croist honour , Nous arons noble compaignie.
A Hérode ne fauldrons mie Que j'ay tant fait pour mon angin Qu'il vendra tantost à sa fin.
Il ce veult touz viz enragier.
RELIAS.
A luy alons sans estargier,
Et faisons tost, sy nous hastons.
De ce tuer fort l'enortons ,
Sy l'enporterons tout en l'eure.
BELGIRUS.
Or y alons en la bonne heure.
Cy voisent parler à Hérode, et die :
BELGIBUS.
Hérode , entens tost à nioy Que diables suis qui viens à loy.
Bien sçay qu'à nous tu ez rendus Et en noz lieux est atenduz Fay hardicment, et sy te tue, Car tu seras en nostrc mue.
D'un bon coustei te fier tantost :
Je t'aideray; or fay bien tost, Car vivre ne puez longuement.
HÉRODE
Murtrir me fault tout maintenant, Ha hay ! alas ! que feray ?
.1. coutel vueil, sy me tueray :
Plus ne vivray certainement.
BÉLIAS.
Nulz ne te voit , fier hardicment , Boute fort car je ly ay mis.
HÉRODE
Certez plus ne vueil estre vis; Droit en mon cuer en senz la pointe.
Or est ma vie toute estainte :
Ha hay ! ha hay ! le cuer me fault.
BELGIBUS.
Bélias, sa vien à l'asault; Vien tost, Béliaz, compains, Cilz c'est tuez à cez .u. mains.
Voy-le te; cy il est tous mors, Prenons son âme et son corps :
Oncques ne fut plus malvaiz bons.
Portons le tost en noz maisons , Car il iicL sa fanjme murtrir Et cez .jii. lilz aussy morir ;
Et son père trestout vivant Fist-il boulir en pion boullant.
Il cuida lez .m. roys tuer, Mais contre eulz ne pot arguer.
Puis sy a fait par sa malice Dez enfans une grant justice , .XLiii. mille à grant tort Décolcr et tout mectre à mort.
Or l'enportons ysnellement Sanz luy faire aligement Que certez bien l'a ueservy.
BÉLIAS.
Avec nous sera servi D'enlremés de gros bâtons , Et la sauce d'escorpions, De coleuvrcs et de serpens :
Ly ferons-nous touz cez despens.
En .1. beau feu l'en métrons :
Autre aligence ne ly ferons, Or l'enportons sanz faire arest.
BELGIDUS.
Or çà, certez , je suis tout prest Sy pren de çà et moy de là.
Or çà, de par le diable, çà.
Cy remportent en enfer.
DIEU LE PÈRE
Raphaël, amis, entens à moy , A Joseph va, dy ly par moy Qui s'en revoit, sanz faire arieslj En la cite de Nazareth ,
LE GEU DES TROIS ROYS. l'i'J
Et que de riens ne s'ébaie ; Qui s'en revoit lui et Marie, Que de Hérode pas ne se doubte , Car il est njort sanz nulle doubte :
Or t'en va tost isnellement.
