RAPHAËL

Sire, g'i vois certainement Et plus d'arrest je n'y feray :

A Joseph bien tost m'en yray.

Cy voise à Joseph, et die :

Entens à moy, Joseph, beau-frère, A toy m'envoie Dieu le père ; Son angle suis qui viens à tov Et sy te mande de par moy Que t'en voise sanz faire arrest En la cité de Nazareth, Et pren ta femme et ton enfant, Sy t'en va tost incontinant , Et prens en toy bon reconfort Que le roy Hérode sy est mort.

Te m'en vois, plus ne t'en diray.

JOSEPH

Amis, tanlosi je m'en yray Puis qu'enssy Diex le me mande; Je (èray ce qui me commande Que c'est raison certainement.

Alons-en tost haslivcmcnt , Marie^ ma très-doulce amie ; De Hérode ne doubtons mie.

Sv retournons en Nazaredi

Et n'y faisons séjour n'arrest.

Or montés, trèz-doulce Marie ; Ly très-doulz Diex sy nous conduie , Car en sa garde nous metons!

NOSTRE-DAME

C'est bien dit, Joseph; or montons.

De nous aler forment désire :

Loons haultement nostre Sire ; Devant moy mestray mon enfant.

JOSEPH

Loer devons le Roy puissant ; Marie, démenons grant joie.

Or, alons bien tost nostre voie Que Diex, qui touz nous a formé, Qui doulcement nous a amé, Nous vueille donner par sa grâce Qu'en paradis nous aions place.

Sy chantons tant bécus que camus, Chascun TeDeum laudamus.