II
Je VOUS dy pure vérité.
s. JEHAN.
Je vous pry par humilité S'il vous plaist que vous me dictes Qui pourroit estre le trahistes Qui vers vous penseroit tel chose.
Jehan, bel amy, bien dire t'ose Le trahistes n'est pas cachiez Par qui mon corps est dommachiez Il est cy en ma conpaignie.
JUDAS
Sui-je ce ? ne me celez mie ; Maistre, le dictes vous pour mov ?
DIEU
Tu le dis certes ; entour moy Boit et mengue et repaire Qui a pourpencé cest affaire.
Judas, mengue cette soupe Et boy du vin en ceste coupe :
Establir vous vueil loy nouvelle, Qui sera avenant et belle , Que ceulz qui bien la garderont En mon règne avec moy seront ; Et sy vous vueil touz ordener A Prestres et vous vueil donner Le saint Sacrement de l'autel, Et chascun face à Dieu autel, Gomme vous voierrez que feray.
s. JEHAN.
Du fére tost apris seray,
Mez que vous le nous enseignez.
Gardez que bien le reteignez, Lors de tous maulz serez gardez, Benoist soit ce pain de par Dé, Mon doulz Père qui est en gloire!
Mengez-en en bonne mémoire; C'est ma char qui est en fort justice. Sera par tamps pour vous tous mise.
De Dieu soit benoist ce vin cv ; Pour autre chose ne vins cy Que pour vous donner tel viande Qui contre péchié vous deffende.
Venez tous que Diex vous ament ; Ce est du nouvel testament Mon sanc qui pour vous tous sera Espandu, et qui m'aimera Sy l'enpeigne seurement :
C'est tout pour vostre sauvement.
Ce vueil-je que sachiez de voir:
Pour chascun vueil mort recevoir ; Maiz une chose pour vous vueil dire Vous aurez ennuit honte et ire, Car ly juifs ont grant envie De ce que mon corps est en vie ; Rien plus de moy ne puent haïr.
Quant cil venra qui doit trahir Mon corps, beau semblant me fera ;
l8o LA. PASSION
Par trahison me baisera
En la bouche, lors me penront
Li faulz juif et m'en menront.
Souffrir me feront grand douleui
J'en perdre toute ma couleur
L'eure approche que je vous conpte.
Tous en aurez paour et honte,
Vous sy espoventez serez,
Que tous ennuit me lesserez,
Quant vous voerrez lez faulz trnhiste/.
s. PÈRE.
Beau sire, tel chose ne dictes, Car de ceci point ne m'esmaie Que jà paour ne honte aie De rien qui ne puisse avenir.
DIEU
Pierre, quand tu verras venir Lez mauvaiz qui m'en maineront Paour et honte te feront.
Et en auras au cuer tristesse ; Et ainçois que li coq chantessc .11. foys en tel point tu seras Que .111. foys me renieras :
C'est vérité que j'ay compté.
s. PÈRE.
Beau doulz père, plain de bonté.
De ce sanz raison me blasmez ; Car de moy estez moût amez.
Ce li aultre s'en voulloient fuire Sy vucil-je partout conduire.
DE NOTRE SEIGNEUR. l8l
Pour rien tel tour ne vous feroye, Pour vous mourir miex ameroie ; Je vous suivrav partout sanz liiillo.
Pierre, Simon, comment qu'il aille Contre moy ne te doy (îeffendre :
Levez sus grâces nous fault rendre.
Beau doulz père toy gracions Pour tez biens fais et le prions Qu'en telles euvres nous maintiegncs Que nos âmes à la fin preignez Lassus en ta gloire celestre.
Touz les apostres dient :
Âmen.
DIEU
Ainssy puisse- t-il estre!
Séez-vous cy, je vaiz l'aourer.
Pierre, vien t'en sanz démorer; Jasque, Jehan, sus vous levez :
My cousin estez, moy debvez Suivre et garder; m'àme est triste Jusques à mort et par mort quitte Trestuit celles et cil seront Qui mez commandemens feront.
Plus avant de cy ne venez.
Tuit .III. ycy vous soustenez Et gardez que ne sommeilliez.
Mez ourez de cuer et veilliez, Aiez en Dieu dévocion Que n'entriez en templacion.
l82 LA PASSION
Cy prie Dieu premier à genous.
Doulz père, à toy, roy célestre, Pour ce c'est chose qui puist estre Que je n'aie pas ceste mort, /
Qui jà ducques au cuer me mort, Que toute fait ma char douloir ; Et non porquant le mien vouloir, Ne facez mie., mez le tien^ Qu'à ton plaisir du tout me tien.
Tout prest est le mien espris De mort souffrir pour l'esperis, Mais ma char sy ce deult forment, Car elle actent cruel tourment.
Cy retourne aux apostres et die à saint Père :
Pierre, tien toy de sommeillier.
Ne puez-tu une heure veillier?
Avecques moy veilliez proier Qu'en temptacion ne soiez ; L'eure de mon tourment aproche.
s. PÈRE.
Grant doulour prés du cuer vous touche ;
Je le voy moult tréz bien a ce
Que tout conireval vostre face
Le cler sanc de sueur dégoûte.
Tainte en est vostre face toute :
Aval chéent lez goûtes clères.
DIEU, à genous.
Encor te prie, beaulz doulz pères.
Se le tourment que sy m esniaie
DE NOTRE SEIGNEUR. l83
Ne puis eschapper que ne l'aie Que tu faces ta volentc.
Cy retourne auz apostres et die ;
De dormir moult entaleuté Estez quant veillier déussiez.
Se vous en sacion eussiez Nulle foys ne vous truys levez.
s. JASQUE.
Nous avons tous lez yeulz grevez De trop veillier ; s'avon mesaise Se nous dormons ne vous déplaise ; Car moult grant pièce avons veillié.
DIEU
Vous n'estez pas trop travaillié.
Veilliez et de Dieu vous souvegnc, Que mauvaise erreur ne vous pregne Trop estez endormi forment.
DIEU, arrière à genous, die :
Beau père, de ce grief tourment Moult volentiers eschapperoie, Se ta volentc s'y octroie, Car la mort forment m'espoente ; Et s'ainssy est qui t'atalente Que muire, je le doie vouloir ; Gonbien que m'en doie doloir, Le fez de la mort vueil porter.
En ange chante sus : E 1er tic.
Filz de Dieu, je te vien conforter :
Ton père dit que par ta moit
l84 LA PASSION
Seront racheté de la mort D'enfer luit cil qui bien feront.
Pour toy faire mourir seront Par tant juif en paine grant.
Rien double ne petit ne grant, Va à la mort ton corps souffrir.
DIEU
Beau père, je vueil bien souffrir Puisqu'il vous plaist ce grief martirç.
JUDAS
Pinceguerre, je vous vien dire Alon, car il en est point.
PINCEGUERRE.
Or voy-je bien que il n'a point Sv voir disant en ceste terre Comme est Judas.
BAUDIS.
Nous vient-il querre ?
Il nous a bien convent tenu.
MOSSÉ.
Un prophète mal avenu Sera se le poons tenir.
Malquin, Haquin, tantost venir Avec nous vous enconvient
MALQUIN.
Alons donc, mais bien me souvient Noz lanternes en portcron.
IIAQUIN.
Maintenant lez alumeron,
Je vueil aler pour vous aidier.
DE NOTRE SEIGNEUR. l85
JUDAS
Seigneur, laissiez vostre plaidier.
Tantost avecquez moy venez.
Et gardez qu'autre ne prenez Que celui que je baiseray.
Jà moult beau semblant H feray :
De ce sui-je bien enformez.
DIEU
Reposez vous et vous dormez :
De mon tourment approche Teure
Que ly pécheurs me courront seiu'e.
I/amour que j'ay vers mez amis
En ceste détresse m'a mis.
En crois me fera estachez
Et ou visage decrachez ;
La mort que l'oulTrir me laurra
A mez adversaires vanra
Se il se vuellent repentir.
s. JEHAN.
Beau père, sanz la mortsentii', Ceci bien amender sariez Que nulle paine n'en ariez, Ce devons nous croire et savoir.
DIEU
Jehan, bien vueil la mort avoir :
Levez sus que dormi assez
Avez ; velà ceulz amassez
Qui me quièrent, je les vous montre.
Ne fuion pas mais à l'encontrc
Leur aloii j veci (|ui m'aprochc.
Qui me baisera en la bouche Pour me trahir; lors me penront.
Cil homme armé et m 'en marron t Que quérez vous que ne celez /
PINGEGUERRE.
.1. Homme qui est appelez Jhesu de Nazareth.
DIEU
Ce sui-jc.
BAUDIN
Enchanté ay esté ; ce puis-je Bien dire, plu ne lu oncques.
MOSSÉ.
Par ma loy tout ainssv doncqucs Ay-je esté et pis encore.
DIEU
Biau seigneurs, que querez vous ore Qu'à ceste heure estez ensamblé ?
PINGEGUERRE.
De paour ma la char tramblé Dont j'ay forment le cuer iré.
Ce que nous quérons te dire :
Jhésu de Nazareth quérons.
DIEU
Véez me cy .
Judas, que ferons .'' As tu rien oy qui te plaise.
JUDAS
Dieu te garl, maislre, cai- me baise
Et je toy en foy en la bouche.
DIEU
Ce baisier près du cuer me touche , Amis, en baisant m'as trahy.
MALQUIN.
Jhésu, moult te voyesbahy :
Pi is es, te veulz tu pas deffendre ?
