JUD,VS

Or faites donc, vaille que vaille, Vostre bonne volonté, sire; Oiicquez de vous mal ne vous dire Non feray-je dorénavant.

DIEU

Jehan, tray ça tez piez avant; Laver lez vueill et essuier.

s. JEHAN.

Ce ne me doit pas ennuier, Mais je le vous deusse faire.

DIEU

Jasque prés de moy te fault traire, Car je te vueil laver lez piez.

s. JASQUE.

Jà ne me laverez lez piez :

Cil VOUS plaist, lavez moy la teste.

Encore n'est-ce pas chose honneste Qui à vous à faire aparteigne.

DIEU

Jasque, de ce bien te souveigne,

Je le vueil et il fait sera.

s. JASQUE.

Certes moult m'en ennuira.

Or faites, maiz ce poise moy.

DIEU

Pierre, tray te ça près de moy ; Il me plaist tez piez nectoiesse.

s. PÈRE.

Beau doulz père plain de liaultesse, Vous dictes mez piez laverez :

Se Dieu me doint joye non ferez.

.Ta ne me sera reprouchié Que vous aiez mez piez touchié Souffrez vous en pour Dieu, beau sire.

DIEU

Pierre, Pierre, ne me desdire.

Tu ne sces pour quoy faiz cecy ; Mez ains que me parte de cv Et tu tez piez lavez auras.

Je te prou met tu le sauras Le lavement point ne me griève.

Et se je tez piez ne te lave Jà part n'auras avecquez moy.

s. PÈRE.

Puist que ainssy est dont, lavez-moy .

Non pas lez piez tant seullement, Mez mains et chief entièrement :

Je le vous pry en guerredon.

DIEU

Pierre Symon, enten moy don ;

DE NOTRE SEIGNEUR. l-^y

Et VOUS trestoust, se vous ni'amez, Se vostre maistre me clamez, Vostre maistre suis voirement, Sy vous dy tout communément De rien desciple ne doit estre Souverain pardessus son maistre.

Je vueil que pais soit entre vous^ Car tantost partiray de vous ; L'eure aproche bien, se me samble :

Pour ce vous amonneste ensamblc Que mez euvres vous essaussez Et ma créance partout haussez.

A tous vous ay voz piez lavez ; Pourquoy l'ay fait vous ne savez :

C'est .1. example que vous donne.

Vivez ensamble sanz ramponne ^ Ly .1. à l'autre ainssy le face Se vous voulez avoir ma grâce ; Car vous estes de péché monde Puisque vous ay lavé de l'onde.

Judas, non pas je vous couvent Tous ceulz qui sont en ce couvent :

Ce que je vous dy n'est pas fable.

Or retournons touz à la table :

Mez disciples, je suis haïs , De l'un de vous seray trahis ; Par ly mon corps est jà vendu, Par ly seray en crois pendu.

Bon ly fust qu'encore fust à nestre ; Sy ne peust trahir son maislre.