BON LARRON

C'est grant merveille que de tov.

Encor est-ce de tes paroles?

Gestas, gardes que tu rigoles Ne à qui tu as dit tes oultrages.

Par Dieu, lu n'es mie bien sages Mais fol musart.

• MAL LARRON

Ce sçay-je bien.

Oncques toy ne moy ne féismcs bien, De ce ne m'as qu'un pou apris.

BON L\RRON.

C'est voir, mais qui Jhesu a pris, Fait pcnrc ne mettre à tourment, Bien sçay que péché a forment , Car filz est au père célestre; Mais moy, toy devons cy bien estrc^ Car nous Tavons trop bien gaigné.

Maint hom avons nous meschengné Et destourbé pour son avoir.

Gestas, ce pues- tu bien savoir, Je te lo que mercy li cries Pour tes péchez et li dépries Qu'il les le vueille pardonner.

MAL LARRON

N'ay cure de ton sermonner.

Dy va, je te dy et par droit Il feroit trop bien qui l'ardroit, Car il est bougre et ypocripte.