LOUIS XII À MARGUERITE D'AUTRICHE

Si Charles d'Autriche était majeur, le roi le sommerait de venir le servir comme son vassal, dans la guerre que le roi d'Angleterre veut lui faire. Il prie en outre Marguerite de déclarer si elle est ou non résolue de prêter secours aux Anglais. ( Copie. )

26 mai, à Etampes.

Ma cousine, j'gy receu les lettres que m'avez escriptes par le sieur de Genly, .mon conseillier et chambellan ordinaire , et sceu l'expédition et despesche que luy avez faite; et tant par icelle que par ce que i'ay depuis entendu, on demeure par delà en volenté de bailler ayde et faveur aux Anglois , anciens ennemys de la couronne de France , tant en gens de cheval des pays de Haynnau et Brabant que de navires, pour leur passage des pays de Hollande et Zellande, qui est ouvertement contrevenu au bien de paix et amitié quy, de tout temps, a esté entre moy et la maison de Flandres. Par quoy, si mon cousin le prince de Castille, vostre nepveu, estoit en eage, je le sommeroie à me venir servir contre lesdits Anglois, tant pour ce qu'il est yssu de laditte couronne , que pour ce qu'il est per de France et mon vassal, comme savez; mais, à cause de son jeune eage, je ne l'ay voulu ny ne veul faire. Et pour ceste heure, me souffit à. vous, ma cousine, qui avez la totalle charge de ses affaires et de ses pays, en escripre encores un cop, en vous priant, pour le bien de mondit cousin et de ses pays et subjets, me faire savoir vostre vouloir et intention sur ce et comme vous entendez que vous et lesdits pays de mondit cousin et ses subjets, vivres doresenavant avec mov et les miens ; car le temps porte et requiert qu'il est besoing

ENTRE LA FRANCE ET L'AUTRICHE. - 1513. 521 de savoir maintenant quy sera amy ou ennemy, afin que selon cela et que vous m'en escriprez, je y pourvoie comme je verray que faire se devra par la raison1.

Pareillement, ma cousine, j'escrips aux villes de Flandres2 et d'Artois, subjettes à laditte couronne, pour semblablement entendre leur intention et vouloir. Et à tant, ma cousine, etc. Escript à Estampes, le xxvie jour de mai.

. Signé Loys. Et plus bas : Robertet.