CLXX
LAURENT DE GORREVOD À MARGUERITE D'AUTRICHE
Capitulation de Térouane. Sortie de la garnison. Mesures prises pour empêcher le pillage. Faste du roi d'Angleterre et de sa suite. L'empereur et Henri VIII vont décider du sort de la ville conquise. ( Original. )
23 août, à l'abbaye de Saint-Jean.
Madame, à neuf heures du matin, a esté conclud le traicté avec les François estans deans Tlierouenne , en la manière qui s'ensuyt : ce a esté que environ le midi, lesdits Franchois sont sortiz hors la ville pour eux en aler, moyennant leur saulfconduyt qu'il leur a esté baillé . et sont partiz eulx et leurs baghes saulves, montez et armez ; la lance sur la cuysse , les enseignes ployées deans les fourreaux, et les gens de pied sont partiz en ordre, armez et embastonnez, leurs enseignes ployées, et en ont emmené toutes leurs baghes; ceulx dé la ville demeurent leurs corps et leurs biens saulves, et ceulx qui s'en sont voulu aler avec les François s'en sont alez par saufconduyt avec leurs biens. Les autres habitans qui sont demeurez en la ville feront le serment au roy d'Angleterre, et les traictera comme ses subjectz.
Madame, l'empereur et le roy d'Angleterre ont esté en armes, et la pluspart de leur armée, tant de cheval que de pied, et se sont mis en deux rencs : les gens de cheval d'ung cousté et les gens de pied d'ung autre. Et a l'on fait passer les François par le millieu , deux à deux, lesquelz , à leur sortir, ont mis tout leur bagaige devant eulx, et après leurs gens de pied françois, qui estoient environ le nombre de mm hommes, et après les lanskenetz, qui estoient au nombre de nc hommes d'armes, bien montez et bien armez, qui s'en aloient tous bien honteulx. Et vous asseheure, madame, que cest appoinctement a esté bon , car ceux qui se cognoissent mieulx que moy en telz choses et qui ont visité la ville, disent que si les Fran-
çois eussent eu le cueur pour la deffendre, que on ne l'eust point prinse d'assault.
Madame, l'empereur et le roy ont ordonné le conte Tallebot, qui est entré deans la ville avec nm Anglois à pied , pour la garde d'icelle et pour garder mesmement que nul, ny Anglois ni Bourguignons, ny entrent à celle fin qu'ilz n'y facent nulle pillerie; et a fait ledit conte Tallebot fermer les portes, et n'y a nul laisser entrer. L'empereur est revenu souppé, et couchera en l'abaye Sainct-Jehan, en son logis, et le roy s'en est retourné en son camp avec son armée. Demain au matin l'empereur et le roy se doybvent trouver à la messe , en la grand église de Therouenne.
Madame, j'ay sollicité aujourd'huy deux fois l'empereur qu'il luy pleust de vous escripre pour sçavoir ce qu'il luy plaist que les seigneurs qui sont auprès de vous facent ; mais il m'a respondu que , pour aujourd'huy, on ne luy parlât de riens, et que demain il vous escripra sa volunté.
Madame , vous ne veistes oncques gens si gorgias que le roy d'Angleterre et son armée ont esté aujourd'huy; car ce n'estoit tout que drap d'or et campanes d'argent dorées à plusieurs.
Madame , demain l'empereur et le roy prendront conclusion de ce qui se debvra faire de ceste ville, dont je vous advertiray ensamble des autres nouvelles qui surviendront.
Madame, je desireroye bien maintenant m'en retourner devers vous , comme il vous a pieu m'ordonner ; mais il ne m'est possible jusques à ce que l'affaire du roy catholique soit conclud, ensuyvant la charge qu'il a pieu à l'empereur me donner avec autres.
Madame , l'empereur et le roy d'Angleterre ont demeuré à cheval depuis neuf heures jusques à ceste heure, et moi avec eulx.
Madame, etc. Escript en ladite abaye Sainct-Jehan, ce mardi xxiii0 d'aost, environ vi heures après midi.
Vostre , etc.
Laurens de Gorrevod.
LAURENT DE GORREVOD À MARGUERITE D'AUTRICHE
Entrée de l'empereur et du roi d'Angleterre à Térouane. L'empereur vient ensuite à Saint-Omer. Les Français se sont retirés vers Montreuil, et ne paraissent plus décidés à livrer bataille. ( Original. )
25 août, à Saint-Omer.
Madame , selon ce qui avoit esté conclud par l'empereur et le roy touchant leur entrée à Therouenne, comme vous ay dernièrement escript hyer, à heure de vespres lesdit seigneurs empereur et roy se trouveirent ensemble , et firent leur entrée audit Therouenne ; et en leur compaignie, je vous promectz, madame, qu'il avoit des seigneurs gorgias à merveilles, et tout de drap d'or et beau accoustrement que c'estoit ung triumphe. Madame, lesdits empereurs et roy vindrent descendre devant la grand église dudit Therouenne, et entrairent deans icelle, où par les chantres dudit seigneur roy fut chanté ung Te Deum laudamus bien mélodieusement. Ce fait, madame, et qu'ilz eurent eu visiter ladite ville, ledit seigneur empereur se partit pour venir en ceste ville de Saint-Omer, et ledit seigneur roy s'en retourna en son camp.
Madame, icellui seigneur empereur arriva au soir en cestedite ville à henvirron dix heures de la nuyt, et certes, madame, les gens habitants en icelle demenoient la plus grand joye du monde de son entrée, crians Autriche, Bourgongne ! et faisans grosse chiere à merveilles. Ledit seigneur vint coucher à l'abaye Sainct-Bertin; et aujourd'huy le matin est venu ouyr la grand messe en l'esglise Sainct- Omer de ceste ville, et après l'avoir ouye est retourné digner en sondit logis.
Madame, ledit jourd'huy j'ay receu les lettres qu'il vous a pieu m'escripre du xxmie de ce mois, et vous asseure, madame, que je fais tout debvoir de solliciter ma depesche devers ledit seigneur em-
pereur; lequel m'a encoires aujourd'huy dit qu'il avoit envoyé maistre Hans Renner devers ledit seigneur roy pour le fait de madite depesche, et que, incontinant qu'il seroit retourné, qui sera deans demain, je seray expédié; ce que je désire bien, madame, afin de m'en retourner devers vous, suyvant votre bon plesir, puis que avons trouvé une fin en ceste ville de Therouenne.
Madame, l'on a nouvelle que les François sont deslogez, et sont aler loger auprès de Monstreul, et, à ce que l'on a entendu par prisonniers, il n'ont pas délibéré de toute ceste année donner point de bataille.
Madame, j'espère estre demain depescbé, et m'en retourneray à toute diligence devers vous, pour vous dire plusieurs choses que ne vous puis vous escripre. Aidant Dieu, etc. Escript à Sainct-Omer, ce jeudi xx\e d'aost.
Madame, à mon retour, je vous feray la reponce à vous autres
lettres.
Vostre, etc.
Laurens de Gorrevod.
LAURENT DE GORREVOD À MARGUERITE D'AUTRICHE
Mécontentement de l'empereur, qui a un long entretien avec l'aumônier du roi d'Angle terre. H y a des choses que Gorrevod ne peut écrire. Dépêche de M. de Ravestain.
( Original. ) 25 août, à Saint-Omer.
Madame, l'empereur m'avoit dit qu'il me depescheroit en ceste ville; mais, à cause de quelque nouvelles que luy sont parvenues, il a envoyé maistre Hans Renner devers le roy d'Angleterre; et m'a dit ledit seigneur empereur que je ne puis estre depesche que ledit maistre Hans no. soit de retour devers luy.
Madame, l'empereur se partit yer de Therouenne pour venir en
ceste ville ung peu mal contant, pour la raison que je vous diray, quant je seray devers vous. Mais à cest après-digné le roy d'Angleterre a envoyé icy son ausmonier1, qui est principal gouverneur dudit roy, et a esté longuement avec l'empereur qu'il n'y avoit que eulx deux, et après s'en est retourné devers son maistre, et depuis le partement dudit ausmonnier, l'empereur a conclud de retourner demain à Therouenne, et m'a dit que je retourne avec luy pour avoir mon depesche, ce que je feray et solliciteray d'estre le plus tôt qui me sera possible, car je désire bien d'estre devers vous dire aucune chose que ne vous puis escripre.
Madame, monsieur de Ravestain2 vint mercredi après-digné trouver l'empereur en l'abaye Sainct-Jehan auprès de Therouenne, et incontinant qu'il eust parlé à l'empereur, il fut depesche pour s'en retourner devers vous, et croy que demain il sera à Lille3. Toutefïois depuis qui! eust son congé, il salua le roy d'Angleterre, et visita la ville de Therouenne, dont il vous pourra deviser à la vérité, comme cellui qui s'y cognoist.
Madame, vous me manderez et commanderez voz bons plesirs, et je mectray peine vous obeyr, etc. Escript à Sainct-Omer, ce jeudi xxve d'aost à xi heures de la nuyt.
Vostre, etc.
Laurens de Gorrevod.
1 Thomas Wolsey , depuis évêque de 3 La princesse se tint à Lille durant Lincoln, archevêque d'York et cardinal. cette courte expédition de l'empereur et
2 Philippe de Clèves et de la Marck, sei- de Henri VIII auprès de Térouane. gneur de Rovestein , mort le 28 janvier
1 527 à Winendale. Voyez Robert Macquériau , édition de M. Barrois , l\U-
LAURENT DE GORREVOD À MARGUERITE D'AUTRICHE
Entrevue de l'empereur et du roi d'Angleterre. L'empereur vient à Aire. On débat dans le conseil la question de la démolition de Térouane. Cette démolition est résolue comme avantageuse aux intérêts de Charles d'Autriche. Démarches au sujet de Pedro Navarro. MM. de Longueville et de Clermont sont envoyés en Angleterre. Henri Mil aurait bien voulu avoir aussi les prisonniers faits par les Bourguignons. Les Français sont retirés à Crécy près de Montreuil. (Original)
27 août, à Aire.
Madame , l'empereur partit yer après-disné de Sainct-Omer et vint passer par Therouenne; et le roy partit de son camp et vint trouver ledit seigneur empereur à Therouenne, et parleirent eulx deux bien longuement ensemble. Et, à ce que l'empereur m'a dit après leurs divises, le roy d'Angleterre luy dit qu'il parleroit de tout à son conseil, et après luy feroit la responce. J'ay sollicité l'empereur de ma depesche, mais il m'a dit qu'il fault que jactende qu'il ait la resolution du roy d'Angleterre et aussi m'a ordonné de retourner aujourd'huy au camp, et de mener avec moy l'archidiacre de Besançon1 et Banissys2 pour nous trouver avec monsieur de Vincester3 et autres du conseil du roy d'Angleterre, et aussi avec les ambassadeurs du roy catholique, pour fere une bonne conclusion en leur différent; et de tout ce qui se conclura je vous en advertiray ou le vous vray dire moy-mesmes, mais que je puisse estre depesche de l'empereur.
Madame, l'empereur vint au soir soupper et coucher en ceste ville d'Ayre; et est logé au chasteau; et après souppé bien tard il tint le conseil où estoient monsieur de Ravestain, monsieur de Fyennes,
1 Ferry de Carondelet. évêque de Winchester en 1 5o2 , mort en
" Jacques de Bannissis, secrétaire de 1Ô28. Il a fondé à Oxford le collège Cor-
l' empereur. poris Christi.
Richard Fox, parrain d'Henri VIII,
ENTRE LA FRANCE ET L'AUTRICHE. — 1513. 545 monsieur de Lalain et autres, et me commanda d'y demourer : ce que je feis. Ledit seigneur empereur proposa comme le roy d'Angleterre estoit content de fere de la ville de Therouenne ce qu'il plairoit à l'empereur, et mit en avant lequel seroit le meilleur, ou de garder ladite ville de Therouenne et la revitailler ou de la démolir. La chose fut longuement débattue, et pour resolution il fat conclud que l'on la fera démolir. Et à ceste cause le roy d'Angleterre ne bougera encoires son camp d'auprès dudit Therouenne pour quelque jours, pour tant myeulx povoir faire démolir ladite ville, qui sera ung grand bien pour les pays de monsieur votre nepveur. Monsieur de Ravestain est party ce matin et va passer par Bethune, lequel vous contera le tout.
Madame, en ensuyvant ce qu'il vous a pieu m'escripre de Petro de Navarre, j'en parlay à l'empereur devant que en parler ailleurs. Il treuve la chose difficile, et neantmoins me dit que je le povoye mectre en avant comme de moy-mesmes, ce que j'ay fait; et de la responce que j'en auray, je vous en advertiray.
Madame, j'ay aussi parlé de la carrake et ay fait monstrer la lettre qu'd vous en a pieu m'escripre à monsieur de Wincester par maistre Loys. Ledit seigneur, avoir veu la lettre, dit que ladite lettre estoit bien saige et qu'il mectroit la matière en conseil , et après feroit la responce. Maistre Loys et moy solliciterons ladite responce, et après en serez advertie.
Madame, le roy d'Angleterre a envoyé le duc de Longueville en Angleterre, et aussi monsieur de Cleremont, vis -amiral, et tous les autres prisonniers qui estoient entre les mains des Anglois. Le roy eust bien volu avoir tous les prisonniers qui sont entre les mains des Bourguignons, mais il ne se sont voulsu accordé de les bailler; à quoy le roy a eu quelque regret.
Madame, l'on a nouvelles que les François se sont retirez à Cressy •
1 Crécy, bourg de Picardie, sur le ruis- thie, fameux par la bataille qu'y perdit la seau de Maye, entre la Somme et l'Au- France le 26 août i346.
NEGOC. DIPLOMAT. — 1 .
qui est auprès de Monstureul, et par deçà ledit Monstureul, et croy bien que ceste année il ne mangeront point de la bataille.
Madame, l'empereur ne bougera aujourd'huy de tout le jour de ceste ville; de ce qui surviendra je vous en advertiray à diligence, en vous suppliant, madame, qu'il vous plaise me mander, etc. Escript à Ayre, ce samedi \xvne d'aost, à huit heures du matin.
Vostre, etc.
Laurens de Gorrevod.
LAURENT DE GORREVOD À MARGUERITE D'AUTRICHE
\rrivée de M. de Berghes. Avantages qu'on en espère. Le conseil du roi d'Angleterre n'a pas voulu encore s'occuper de l'affaire du roi d'Espagne. Ordres donnés pour la démolition de Térouane. Déjà on abat la porte de Saint-Esprit. On fait courir le bruit de la mort du roi de France. ( Original. )
27 août, à Aire.
Madame, j'ay receu la lettre qu'il vous a pieu m'escripre du xxvie d'aoust à xi heures de nuyt, responsives aux myennes, et suis bien joyeulx, madame, de la venue de monsieur de Berghes, car il pourra grandement servir aux affaires qui sont présentement en train. Il est arrivé ce soir à Sainct-Omer, et a mandé icy son secrétaire, pour sçavoir où il pourroit trouver l'empereur. J'ay trouvé ledit secrétaire qui ne savoit à cuy s'adresser, pour ce qu'il n'avoit peu trouver maistre Loys Maraton, et suis aie tout exprès devers l'empereur, luy dire la venue dudit seigneur de Berghes, et savoir où il luy plairoit qu'il le vint trouver. Ledit seigneur empereur m'a dit que je mandasse à monsieur de Berghes qu'il le vint icy trouver demain au digne; ce que je luy ay escript par son secrétaire, et, luy estre venu,
luy communiqueray toutes choses sans luy riens celer, et ay espoir que sa venue pourra prouffiter.
Madame, le conseil du roy d'Angleterre n'a point aujourd'huy volu entendre à l'affere du roy catholique, à cause d'autres afferes qu'ilz avoient à depescher en leur conseil, mais nous ont remis à demain matin, et ont dit qu'il n'y auroit point de faulte qu'ilz n'entendent à besoingner oudit affere avec nous, et de ce qui s'en fera vous serez advertie.
Madame, l'empereur a depesché à tous coustez à ceulx de Flandres et d'Artois, voisins de Therouenne, pour fere venir force maçons et paysans pour démolir ladite ville de Therouenne; et croy qu'il y viendront de bon cueur, et que l'on en fera ung beau villaige.
Madame, il court icy quelque nouvelle que le roy de France est mort, mais on ne le tient pas pour véritable; si vous en avez quelque nouvelle de vostre cousté, vous feriez bien d'en adverty l'empereur.
Madame, j'ay envoyé maistre Loys Maraton devers monsieur de Vincestre, pour solliciter la responce de la lettre que m'aviez escript, touchant le patron de la carrake; et combien qu'il dit l'autre jour, quant il vit la lettre, qu'elle estoit bonne et saige, ce non obstant, aujourd'hui pour toute responce il n'a dit autre chose synon que messire Thomas Spinelly avoit charge de l'affere de ladite karraque , et que jusques à ce qu'ilz eussent responce de luy, ilz n'y feroit autre chose; et ainsi le vous doit escripre ledit maistre Loys.
Madame, dez aujourd'hui l'on a commencé à démolir la ville de Therouenne, et il y a eu imc pyonniers anglois qui ont commencé à abattre la porte du Saint-Esperit, et tiens que demain s'i trouvera grand nombre de maçons et paysans pour parachever le reste.
Madame, l'on m'a dit que demain les principaux du conseil du roy d'Angleterre dévoient venir en ceste ville , pour luy apporter la responce des divises que l'empereur et le roy eurent yer ensemble. Et aucuns disent que ledit seigneur roy y viendra en parsonne ; de ce qui s'en fera vous en serez advertie.
Madame, etc. Escript à Ayre, ce samedi xxvne d'aoust, à x heures de nuyt.
Vostre, etc.
Laurens de Goriœvod.
FERRY DE CROY À MARGUERITE D'AUTRICHE
Il demande du secours pour la ville de Hesdin, qui est en danger. Pertes qu'il y essuie pour son propre compte. ( Original. )
27 août, à Saint-Omer.
Madame, j'ay receu ce matin lettres de mayeur et esclievins de la ville de Hesdin, lesquelles ay envoyées à l'empereur pour veoir la substance d'icelles , qui est que la ville est en très-grand dangier, sy remède ne se y mest; et de moy je me pars à ceste heure pour y aller là où, sy elle se pert, seray perdu avoeucq; car possible n'est la tenir contre puissance, aux provisions qui y sont de gens et d'aultres chozes nécessaires, comme desjà par plusieurs fois le vous ay escript en me en deschergant.
Madame , vous en ferés vostre plaisir, et me ferés sçavoir, s'il vous plaist, ce que auray à fere. Je y avoie mis, à mon partement pour venir yssy, quelques compaignons, espérant que provision se y metteroit et que monsieur de Fiennes les feroit payer; ce qu'il me a dit ne povoir fere; pour quoy leur ay fait donner congiet.
Madame x je feray à tant fin, priant Dieu vous donner, etc. De Saint-Omer, ce xxvir6 d'aoust xvc xm.
Madame, je vous advertis que les Franchois me ont logé tous mes villaiges et y sont aincores, et sy la guerre fut esté, je n'eusse tant perdu que j'ay.
Vostre , etc.
Ferry de Croy.
LAURENT DE GORREVOD À MARGUERITE D'AUTRICHE
Arrivée des troupes suisses et de celles du duc de Wirtemberg. L'empereur et le roi d'Angleterre sont en bonne intelligence. M. de Bergbes se rend auprès du roi d'Angleterre. ( Original. )
30 août, à Aire.
Madame, je vous escripviz hier comme les affaires de l'empereur et du roy sont en bon trayn, et ont prins une bonne resolution en leursdites affaires, ainsi que je l'espère vous dire demain de bouche; car l'empereur m'a dit que je seroye aujourd'huy depesché pour retourner devers vous.
Madame, l'empereur ne bougea hier de tout le jour de son logis de ceste ville, et croy qu'il n'en bougera encoires aujourd'huy; car il est après à fere des depesches pour Italie et pour Allemaigne.
Madame, monsieur de Berghes est party à ce matin pour aller l'ère la révérence au roy d'Angleterre , et pour visiter la ville de Therouenne, et sera icy de retour au soir et vous escripra.
Madame , l'empereur a eu nouvelles comme les Suysses sont marchez , et au lieu qu'il n'avoit demandé que seze mille , il en vient bien vim daventaige, sans gaiges; et aussi le duc de Wirtemberg s'est mis avec eulx, qui vient de gayeté de cueur à ses despens.
Madame, je ne vous escripray point la reste des bonnes nouvelles;
mais les garderay pour les vous dire demain, moyennant l'aide de
Dieu, auquel je prie, madame, etc. Escript à Ayre, ce mardi penul-
time d'aoust, à vin heures du matin.
Vostre, etc.
LAURENS DE GORREVOD.
p. S. — Madame, j'ay baillé à monsieur de Berghes la lettre que luy escripviez , laquelle il a monstre à l'empereur en ma présence, et
après que l'empereur a veu ladite lettre , il a dit : « Ma fille a eu peur que noz affaires fussent mal dressez, mais tout est bien; le roy mon bon frère et moy nous entendons bien; » et plusieurs autres divises, lesquelles j'espère vous compter brief, car l'empereur a dit qu'il me depescheroit aujourd'huy.
Madame, monsieur de Berghes m'a prié vous fere ses excuses qu'il ne vous escript point, car à ce matin il s'en va visiter la ville de Therouenne, et fera la révérence au roy d'Angleterre et visiter son camp, et m'a dit que par moy il vous escripra.
Madame, pour ce que j'espère demain estre devers vous, je ne vous feray plus longue lettre , fors de vous supplier qu'il vous plaise me mander, etc. Escript à Ayre, ce mardi penultime d'aoust.
Vostre, etc.
Laurens de Gorrevod.
