LE SEIGNEUR DE BEERSELE ' À MARGUERITE D'AUTRICHE

L'empereur veut que l'archiduc Charles vienne le trouver à Lille, ce qui réjouit fort le

jeune prince. Justification de son caractère, sur lequel on a fait de faux rapports.

( Original. ) 16 septembre, à Malines.

Madame, par Colin le veneur et autres venus freschement de devers l'empereur, monseigneur vostre neveu a esté averty que l'empereur doit estre d'intencion et résolu de mander mondit seigneur à venir fere ung tour devers vous à Lille, et que à ceste fin et pour le conduire oudit voyage doyent icy estre envoyez aucuns seigneurs , comme monsieur le prince de Cbimay, monsieur de Chievres et autres.

Henri de Witthem, seigneur de Béer- Charles. Voir l'excellent recueil intitule : sele , chevalier de la Toison d'or, con- Messager des sciences historiques de Belgique, seiller et second chambellan de l'archiduc année i83g , 386.

ENTRE LA FRANCE ET L'AUTRICHE. — 1513. 551 Desquelles nouvelles ledit seigneur a esté fort resjoy, et croy quelles lui ont esté plaisantes le possible; car, ainsi que souvent le declaire, tout le plus grant plaisir que lui sauroit estre seroit d'estre en la compaignie de l'empereur et de vous, madame, et tant plus au temps de maintenant pour entrer en congnoissance et accointance avec le roy son beau-frere. Pourquoy, madame, je vous avertis en humilité, ou nom et au désir de mondit seigneur votre neveu, qu'il vous plaise tenir la main que le propos de l'empereur en ceste partie sortisse et proviengne selon que lui en a esté rapporté.

Madame, après les devantdites nouvelles qui ont ainsi resjoy mondit seigneur vostre neveu mon maistre, il est venu quelque chose à ma congnoissance qui m'a esté autant à déplaisir; toutefois non si très-grant comme il seroit, se je ne congneusse bien au certain le vray du cas. Madame, j'ay entendu que, par moyen de quelque rapport ou devises, vous devez estre informée que mondit seigneur vos- Ire neveu seroit si maistrieux et plain de ses voulentez qu'il n'est à gouverner ne conduire, ou tel autre rapport de semblable substance. Madame, je ne say autrement au vray se vous avez en telle sorte esté advertye, mais je ose bien présumer et dire que, si mondit seigneur vostre neveu feust de telle sorte ou affere, j'en auroye la congnoissance et expérience autant que nul autre; mais je vous afferme, madame, en bonne vérité, que à tort et mauvaise cause l'on auroit en telle manière de luy rapporté; car il n'est nul qui ait oncques veu ne apperceu au contraire, que en toute heure et à tous propos, ledit seigneur ne soit du tout enclin, prest et appareillé d'acomplir et satisfaire à ce qu'il entend estre au plaisir et vouloir de l'empereur et de vous, madame. Et quant à son gouvernement autrement, je n'ay jusques à ores veu ne apperceu, ne n'a aussi autre, comme je croy, qu'il n'entende et acquiesse debonnairement à tous bons propos et avertissemens que lui sont faiz. Et certes, madame, le tout bien considéré, je ne say si raisonnablement l'on deust plus demander en luy qu'il y a. Pourquoy, madame, vous supplie en humilité que ne vueillez croire ne vous arrester à telz propos; car j'espoir qu'en

l'effect vous aurez expérience du contraire. Au plaisir Dieu, etc. Escript à Malines, le xvie jour de septembre.

Vostre, etc. Bersselle.