EDWARD PONYNGS À MARGUERITE D'AUTRICHE

Complot pour rendre la ville de Toumay aux Français et faire ensuite des courses dans le Hainaut. Marguerite est priée d'ordonner l'arrestation du principal conspirateur, qui est à Lille. (Original.)

1 1 septembre, à Toumay.

Très-haulte »et très-excellente princesse, plaise vous sçavoir que j'ay prins aulcuns manans de ceste ville qui avoient entreprins de rendre en la main des François ceste ville de Tournay, et ont confessé que, incontinent que cestedite ville eust esté prins, ilz eussent faict ung grosse course et entreprinse en Haynau et aultres pais de monseigneur l'archiduc. Et, pour ce que aulcuns manans de cestedite

NÉGOC. DIPLOMAT. I. 7/i

ville, chiefz et principaulx conducteurs de ceste affaire, sont présentement es pais dudit seigneur archiduc, dont le principal et chief de tous est à Lille, vous prie très-affectueusement, très-hauite et très-excellente princesse, qu'il vous plaise adresser voz lettres à voz officiers des villes de Lille et Mons en Haynau, leur mandant de livrer iceulx manans à telz personnages que à ceste cause devers eulx envoyeray. Et en ce faisant ferez très-grant honneur et plaisir au roy mon maistre, et pareillement audit seigneur archiduc et ses païs.

Au surplus, vous plaise, etc. De Tournay, ce xie jour de septembre XVe XHII.

Vostre, etc.

Edward Ponyngs1.

CXGIL

MERCURIN DE GATTINARE À MARGUERITE D'AUTRICHE.

L'empereur s'occupe de régler les différends qui existent entre ses neveux les princes de Bavière , qui sont à Inspruck. Il doit également statuer sur la querelle du maréchal de Vergy avec Gattinare. Prochaine tenue d'une diète impériale à Fribourg en Brisgau. La déroute des Vénitiens n'est pas telle qu'on l'a cru. (Original.)

12 octobre, à Inspruck.

Madame, despuys mes dernières lettre escriptes du v de ce moys, ay receu les vostres datées du mesme jour, ensemble celles que vous escripviés à monsieur de Gurce et à monsieur le tresourier Willingher. Et incontinent sommes allez, maistre Loys Maraton et moy, devers ledit tresourier, lui présenter voz lettres et luy dire nostre charge , lequel vous remercie très-humblement de l'honeur que vous luy faictes, et c'est tant offert à vous fere service que riens plus, et

1 Edward Ponyngs , que Poutrain , lus- gouvernement de cette ville et du Tourtorien de Tournay, nomme mal à propos nésis. Comme Gonzalve de Cordoue, on Povin, avait été chargé par Henri VIII du l'appelait le grand capitaine .

nous ha dict que la fortune ne luy avoit pas esté en ce bien propice, car sa femme estoit délivrée d'unne fdle qu'estoit incontinant allée à Dieu, mays qu'il esperoit qu'elle seroit tantost ensaincte de fdz ou fdle, et que lors, puisque vostre plaisir estoit de luy fere cestuy honneur, il vous en feroit advertyr, et se tiendroit perpétuellement obligié à vous.

Madame, j'ay aussy incontinent présenté vos lettres à monsieur le cardinal. Mays pour les gens qui estoient et les empeschemantz qu'il avoit, ne luy ay parlé plus avant, si non de le supplier qu'il tint main devers l'empereur à ma despechie. Il m'ha dict que l'empereur despechieroit toutz mes afferes deans troys ou quatre jours; et maistre Hans Renner m'en ha dict autant. Dieu veulle que ainsi soit, et me soufïira bien si je suys despeché deans huict, combien que l'empereur m'ha dict ce jourd'huy que je sollicite maistre Hans Rennei . et qu'il ha la charge de toute ma despeché. Je ne sçay encoures que c'est; mais je ne m'en yray pas sur courroies de perles.

Madame, despuys son allée à Stenack, dont vous adverty par mes dernières lettres, sa majesté n'est revenu en ceste ville jusques hier. Et les ducs de Bavière, ses nepveurs, que l'hon disoit estre allez avec la duchesse leur mère , s'en retournèrent avec l'empereur et sont encoures icy; car il y avoit encoures entre eulx quelque petite difficulté que se vuydera aujourcl'huy et demain1. Et ce pendant monsieur de Viry et Montrichard n'ont eu aulcune audience jusques aujourd'huy après disner, et n'ont parlé que des matières dont vous ay adverty. Et tiens que ce ne soit de la pratique dont avez esté advertye d'aillieurs, et s'ilz en parlent, je l'entendray bien et y pourvoiray par bon moyen. Mais il me semble que, par maistre Guillaume de Boisset2 qui doibt estre à présent devers vous, en pourrez

1 Albert le Sage, duc de Bavière, mort trage de l'empereur, qui était en effet leur

en i5o8, avait établi le droit de primogé- oncle maternel.

niture dans sa maison. Cette disposition 2 Greffier des états et du parlement de

ayant causé de la mésintelligence entre Dôle. V. Correspondance de Maximilien, I,

Guillaume, fils aîné d'Albert, et Louis \~j?>; II, 60. son frère , le différend fut remis à l'arbi-

estre informée à la vérité, et sçay qu'il ne vous mentira poinct; car il est homme de bien et loyal, et vostre bon suject et serviteur. Lesdits de Viry et Montrichard ont bien parlé à l'empereur de par ceulx du pays pour le différent qu'estre entre monsieur le mareschal et moy, suppliant, actendu que nous sommes les deux chiefs du pays, que son plaisir soit pour le bien des subjectz appointer ceste matière et y fere bonne fin; car, pour ce que nous sommes toutz deux absentz du pays, les afferes ne s'en portent pas si bien. L'empereur les ha remis à demain xmc de ce mois à trois heures après midy, et m'a mandé que je m'y treuve pour ouyr ce qu'ilz diront, touchant ceste affcre, et leur respondre; et après sa majesté advisera ce qu'il sera à fere. J'espère de leur respondre, en sorte que je ne laisray liens couler de votre auctorité ny de mon honneur.

Madame, le commandeur partit d'icy vendredy dernier vie de ce mois, et vient par delà où il actendra ses instructions. Vous le pourrés enfoncer et entendre de sa chargie, et à ma venue entendrés le surplus et cogneistrez comment les chosses s'accordent. Le comte de Cariati [ ha esté depeschié àStenack, et s'en est retourné au gouvernement de Veronne. La diète impériale ha esté remise à Fribourg en Briscot à la Sainct-Sebastien. Les nouvelles de la destrousse de gens des Veniciens ne sont si amples que l'hon les avoit escriptes premier; bien ont-ylz esté rompuz et mis en fuyte et plusieurs mortz.

Madame, vous me manderés etcomanderés tousjours, etc. Escript à \spruck , ce xn jour d'octobre 1 5 1 1\.

1 Le comte de Cariati était, en 1012 et i5io, ambassadeur du roi d'Aragon à Ve-

MERCURIN DE GATTINARE À MARGUERITE D'AUTRICHE.

Il n'est pas vrai que la princesse d'Orange, de concert avec les sieurs de Viry et Montrichard, agisse pour mettre le pays de Bourgogne hors des mains de Marguerite. L'empereur veut que Gattinare se trouve à la journée de Fribourg en Brisgau pour le règlement des affaires de l'archiduchesse en Bourgogne. Nouvelles d'Italie. Bergame s'est déclarée pour les Vénitiens. Barth. d'Alviano fait des courses sur les terres de l'empereur. Le vice-roi s'est retiré dans Vérone, etc. Victoire du Sophi sur le Grand-Turc. Le seigneur Constantin se dispose à recouvrer sa principauté d'Achaïe.

( Original. ) 22 octobre, à Inspiuck.

Madame , despuys mes dernières lettres du xne de ce moys , me suys enquis par toutz moyens pour sçavoir et entendre la vérité de l'advertissement que Thon vous avoit baillé, touchant la charge de monsieur de Viry et Montrichard , pour mettre le pays dehors de voz mains, et treuve qu'ilz n'en ont en riens parlé, et de moy-mesme, sans monstrer qu'il vient de vous, ay parlé audit Montrichard, luy disant que j'estoye esbahy qu'il poursuyvit tiehe matière à l'encontre de vous, et plus esbahy que madame la princesse luy eust consenty. Il me dict que ceulx qui m'avoyent de ce adverty avoient fally à dire vérité, et que cestoient gens qui tachoient de mectre en mal madame la princesse envers vous, laquelle ne desiroit que de demeurer vostre très-humble servante, et que je sçavoye bien que elle-mesme. moy estant en Bourgogne , m' avoit adverty des practiques que aulcuns en avoient voulsu fere , et cornant elle les avoit rompuez et n'y avoit voulsu consentir, et que icelle dame princesse avoit chargié ledit Montrichard de me communiquer toutes ses chargies, et de m'en dire aultant que à l'empereur; ce qu'elle n'eust faict si elle eust eu aulcun maulvays courage à l'encontre de vous, car elle entendoit que la communicacion qu'il m'en feroit seroit pour vous en advertir, et que ladite dame avoit plus tachié de porter et soustenir vostre

auctorité que aultrement, mays qu'il sembloit que l'hon la voulsist piquer et lui fere perdre son bon vouloir; que seroit à son très-grand regret. Et pour me saouler, afin que je cogneusse la vérité ou menterie de ce que Thon m'avoit donné à entendre, il me monstra les instructions comunes de monsieur de Viry et de luy signéez par maistre Guillaume de Boisset, disant que madame la princesse luy en avoit faict bailler ung double signé, affin que, si monsieur de Viry disoit plus avant que la chargie ne portoit, que ledit Montrichard puissit après le remonstrer à part à l'empereur. Et ne contenoient lesdites instructions austre cbosse que les poinctz dont vous ay desjà adverty conformes à la chargie de maistre Guillaume de Boisset. Et aussy me monstra les instructions particulières, touchant les saulneries signéez du clerc des rolles du puys du bourg desoubz conformes à la chargie «le monsieur de Flamerans et de maistre Bernard Vaulchier, fors que la conclusion est de supplier l'empereur pour vous escripre bonnes lettres, afin que vous depourissiez de construyre novelles salines, en laissant les chosses en tiel estât que vous prédécesseurs les ont laissiez. Et quant aux aultres deux poinctz secretz dont vous ay faict advertir, il en a pourté les instructions seulement en sa teste; et pour ce, madame, je tiens que ledit advertissement que l'hon vous avoit fet est procédé d'aulcuns de malcontens qui vouldroient bien les chosses estre en trouble.

Madame, cependant j'ay receu deux aultres voz lettres; l'une du Xe el laultre du xve de ce moys, et ne cesse de solliciter la despechie des afferes de Bourgogne et la main levée des terres du marquis, mays je n'en puys venir à bout. Quelque remonstrance que j'aye sceu fere, il vouloit remettre le tout à la journée de Fribourg en Briscot, tant de ladite main levée que des differendz de monsieur le mareschal et ceulx de la court de parlement, et aussy du faict des saulneries, en veullant prendre la cogneissance pour en fere appoinc- 1 cinent; et persévère que je me doie trouver à icelle journée de l'ribourg, qu'il ha remise au premier jour de février, et que lors vous y envoyez ung bon personnagie de vostre part pour avec luy

ENTRE LA FRANCE ET L'AUTRICHE.— 1514. 591 appoincter toutes chosses. Je luy ay faict les troys ouvertures desquelles vous ay pieçà escript; il n'en treuve nulle à son appétit. Je sollicite, s'il ne veult fere main levée, que du moingz il vous baille recompense ou qu'il quitte les aydes de Bourgongne; et de ce ay baillé mémoire à monsieur de Gurce pour le dresser: je ne sçay que ce sera. Et quant à ladite journée, il m'havoit unne foys accordé que je m'y trouvasse tout seul à la journée, et qu'il ne se mesleroit que de l'appoinctement , et que, s'il ne povoit appoincter, il vous renvoyeroit les parties pour les pourveoir de remède convenable de justice. Mays, après que les despecbies ont esté toutes prestes à signer, il ha tout changié et retourné à son premier propoz; et quant au faict des saulneries, je luy ay remonstré que d'en vouloir prendre la cogneissance, et de travailler les parties de venir à icelle journée, c'estoit fere plus qu'ilz ne demandoient; car il ne requeroient que unne lettre missive adressante à vous. Je soliciteray aujourd'huy et demain, à l'ayde de monsieur de Gurce, de fere rabbillier, si je puys, les chosses en mellieur estât; aultrement je seray constrainct de m'en venir à tielle despechie que je pourray avoir, et laisray maistre Loys Maraton pour solliciter le surplus.

Madame, monsieur de Savoye a icy envoyé Laurentz Rabbuz, son maistre d'hostel, pour aulcuns differendz qu'il ha contre le marquis de Montferrat, à cause d'Ancise, et tiendray main que l'empereur luy parlera de vous afferes avant qu'il despechie; et desjà ay pourjecté unne bonne minute de lettres que l'empereur escripra à mondit seigneur de Savoye; car il est maintenant sur sa despeche, et semble qu'il ne désire aultre chosse que d'havoir congié de l'empereur pour fere la guerre audit marquis; et à ceste cause s'en est allé en Piedmont, et espère ledit Rabbuz que le mariage de mademoiselle de Savoye se fera.

Madame, quant aux nouvelles de par dezà, il est vray que Bergame a tourné du cousté des Veniciens. Touteflbys l'on en fet extime; car le chasteau se tient pour l'empereur, et ce sera ung moyen pour avoir de l'argent à payer les gens d'armes. Bertholomi d'Al-

viano estoit venu à Vicence avec les gens de guerre des Veniciens, et ha faict aulcunes courses sur les terres de l'empereur, et de là s'en est tourné contre Frivoly, et tient Thon qu'il vouldra là yverner ses gens. Le vice-roy ha retiré ses gens dedans Veronne, dont les Veronoys sont malcontentz. Touteffoys je tiens que, pour ceste novelleté de Bergame, ilz se joindront avec les gens du seigneur Prospère Collompna; et l'empereur envoyé des Allemans de renfort pour garder Veronne. Du pape, il n'y ha aultre chosse que ce que desjà vous ay escript, fors que Thon actend la resolucion que feront les Suizes, à ceste journée à laquelle l'empereur ha envoyé : et illeques se resouldra ce que dehvra estre de ceste ligue. L'hon a novelles que le Turc a eu unne terrihle secousse du Souphy, et ha perdu unne grande multitude de gens1, tiellement que, pour ranforcer son armée, il ha laissé Constantinople du tout despourveu et abandonné; et le seigneur Constantin qu'est à Rome se apreste pour aller recouvrer sa duchié ou principaulté de Aquaye 2, et le pape lui baille aulcuns navires pour ce fere.

Madame, vous me manderez et commanderez tout jour voz bons plaisirs pour iceulx acomplir de tout mon povoir, aydant Nostre Seigneur, qui, ma très-redoubtée et souveraine dame, vous doint l'entier accomplissement de vous très-haultz et très-vertueulx désirs. Escript à Yspruck, ce xxne jour de octobre i5i4-

Vostre très-humble et très-obeissant subjet et serviteur,

Mercurin de Gattinara.

1 C'est précisément le contraire qui arriva. Le 26 août ibil\, Sélim Ier livra bataille à Ismaël, sophi de Perse, dans la plaine de Chalderon , le battit complètement et lui enleva Tauris, capitale de l'A-

berbidgiane.

2 Le seigneur Constantin , dont il a déjà été question dans cette correspondance ,

appartenait à l'illustre famille des Comnènes , qui avait occupé le trône impérial d'Orient dès le XIe siècle. David Comnène, qui régnait à Trébisonde en 1^62 , lorsque Mahomet II s'en empara, fut emmené à Constantinople et mis à mort peu de temps après.