DANS LES PAYS-RAS

[Minute.)

Pour demonstrer et faire entendre à ung chescun de quel sorte le roy de France et son armée a vescu avec monseigneur îe prince de Castille , ses pays et subjectz qui cuydent eslre en paix avec luy et neutralité , pour austant que l'empereur, en qualité de mainbour, ne s'est jamès declairé contre luy, ayns expressément proteste de , en ladite qualité, demeurer neutre et aux traictez de paix, laissant et permettant par cestedile déclaration tous marchans et subjectz françois hanter et converser paisiblement de par deçà en toutes négociations, et que tous vivres et marchandises soient trafiquées en France sans aucun destourbier ou empeschement aucunement qui procède du sceu de madame , comme régente et gouvernante de la personne et pays de mondit seigneur le prince.

C'est assavoir que, si tost qu'il a esté bruyt de la guerre et descente des Anglois, que lesdits François ont interdit et deffendu toutes manières de leurs marchandises es marches de par deçà, comme vin et sel, et mesmes en aucuns lieux et quartiers de la liziere de la mer arresté et détenu les biens des marchans de par deçà jusques en la valeur de xxm escuz et plus.

En après se sont venuz loger sur le pays et conté d'Artois, et sur icelluy vescu comme en pays d'ennemys, piglant, mangeant et degastant tout ce qu'ilz ont peu, jà çoit que lesdits pays et conté appartenissent nuement à mondit sieur le prince.

Non contens de <o, vont mys et envoyé des stracliots et chevaulxligicrs, qui journellement ont couru et courrent encoires jusques aux portes des bonnes villes du dit pavs d'Artois, comme Sainct-Omer,

Arras , Ayre et Bethune , et sont es fourbourgs desdites villes venus prendre marchans et païsans prisonniers, iceulx amené et ransonné comme ennemys, sans laisser tout le bestial qu'ilz ont pu emmener avec eulx.

Et combien qu'ilz aient proposé la neutralité et allégué, et par notables gens , avec les lettres de madite dame , fait alléguer qu'ilz n'avoient nulle guerre aux François , ayns les traictoit l'on comme amys , leur faisant ouverture en nombre competant èsdites bonnes villes , et leur fournissant de vivres convenables , ce n'y a de riens servy, fors que de empirer leur affere.

Car, après ce, ilz sont derechief venuz et entrés le pays et conté de Haynau, qu'est pays sans aucun ressort, et avec certain nombre de gens de guerre ont piglé et couru sept ou huyt villaiges oudit pays de Haynau, emmené des subjectz et païsans dudit pays, en grant nombre prisonniers, fait pendre et morir aucuns d'iceulx, et les autres composés et ransonnés comme ennemis, et tellement que, en guerre ouverte, pys n'en seroient fere.

Oultre ce, sont encoires lesdits François venuz es fourbourgs de Hayre , et trouvant ilhec Jehan de Habart, capitaine dudit Hayre et domestique ordinaire de la maison de mondit sieur le prince , sur une petite mule , font abatu de ladite mule , et icelluy bien rigoureusement prins et emmené prisonnier, où il a demeuré aucuns jours , et y est encoires de présent , sans povoir avoir aucun élargissement , quelque porsuyte que l'on en ait fait.

Et que pys est, et pour plus se declairer ennemys des pays de par deçà et de mondit sieur le prince, tout ainsi que les marchans de son pays de Zellande s'estoient assemblés avec grant nombre de navyres àvoyle, chargés de herens et autres poissons et marchandises en leur manière accoustumée , pour icelles marchandises mener et conduyre en France, comme en pays seur et neutre, et ramener en leursdites navires vins et autres marchandises en eschanges , lesdits François leur ont donné bon espoir de ce fere, les laissant paisiblement entrer en leurs portz , et en iceulx vendre et descharger leur

NÉGOC. D1PLOMAT. — I. • 73

marchandise , acheter vins et autres denrées à eulx utiles et nécessaires en eschange; lesquelles ilz ont chargé en leursdits navyres, après avoir payé les droiz accoustumés, que sont signes de seurté. Et si tost qu'ilz ont eu affrété leurs navires avec lesdits biens pour leur retour, lesdits François se sont assemblez sur la mer, et ilhcc piglié , ravy et emblé auxdits poures marchans zellandois leursdites navires, en nombre de LXte et plus , ensemble leur biens et marchandises y estans, comme dit est, de la valeur de nc mil escuz, sans que d'iceulx ilz vueillent fere aucune restitucion, quelque porsuite que lesdits poures marchans en sachent fere , ayns ont prins lesdits marchans prisonniers ransonnez , et donné sauf conduit comme à ennemys declairez.

Derechief , lesdits François avec aucuns stradiotz sont venuz audit pays d'Artois brûler maisons, ravir et enforcer femmes grosses et autres, tuer et murdrir leurs maris, emmener les aucuns prisoniers avec tout leur bestial, et, au surplus, les traicter plus inhumainement que leurs ennemys.

Par lesquelles choses semble bien que ledit seigneur roy de France n'a nulle voulenté de vivre en paix avec mondit seigneur le prince; ayns, par les gestes susdits, s'est assez declairé ennemy de mondit sieur, rompant contre luy, ses pays et subgectz , ladite neutralité.

Et encoires, despuis l'on a fait deffence aux bailliages d'Amyens, à Tentour des frontières de Picardie, de par ledit roy de France, que nulz marchans françois ne doisent plus conmercer ni marchander es pays de monsieur le prince, sur grosses paines, ny y apporter aucuns vivres ou marchandises, qui seroit ouvertement ouvrir la guerre.

Quant aux François, ilz ne se seroient douloir aucunement des pays et subgectz de mondit sieur le prince par raison; mais ilz vuellent bien inférer qu'ilz ont aydé , favorisé et assisté les Anglois, ce que ne fait ànyer; car, par les anciens traictiés et entrecours, ilz y estoient tenuz et obligés ; mais aussi ont-ilz ensemble favorisé et survenu les François quant ilz sont venuz en leur pays, et iceux assisté de vivres et autres choses nécessaires, vivant en ce comme pays neutre. Et n'estoit en leur povoir fere resistence à la puissance des Anglois; car, s'ilz ne rcussent eu par amour, ilz l'eussent prins par force.

Cette année a commencé à Pâques, 16 avril.

JEAN CAULIER À MARGUERITE D'AUTRICHE

Réclamations au sujet de la trêve d'Orléans et pour diverses seigneuries situées en Bourgogne. Réponses présumées du roi sur ces divers points. Conférence touchant les mêmes matières avec le trésorier Robertet. [Original double.)

12 août, à Paris.

Madame, hier au matin je recheu par ce porteur vos lettres écrites à Bruxelles le dernier jour de juillet, par lesquelles me ordonnés aler vers le roy très-chrestien pour sçavoir de luy son intention touchant la communication de marchandise, attendu que la trêve faite de par l'empereur et le roy d'Arragon s'entretient1.

Et si me ordonnés aussi par vosdites lettres luy requérir avoir main levée de vos comté, terres et seigneuries de Charolois, Chastel-Chinon, Noyers, Chaucin et la Perrière, sur lesquelles l'on a mis la main d'iceluy seigneur roy pour aucunes causes contenues en vostre mémoire que m'avez envoyé, en moy ordonnant au surplus luy parler d'aucunes autres matières déclarées en vosdites lettres.

Madame, incontinent vos lettres recheues, et pour obéir à icelles comme tenu y suis, deliberay de me partir et aler vers ledit seigneur roy, et pour ce faire baillay incontinent charge de acheter du

1 Le i3 mars i5i3 (i5iA) une trêve fort pour l'empereur et pour l'archiduc avait été conclue à Orléans entre Louis XII, Charles. Voyez Corps diplom. de Dumont , qui se portait fort pour le roi d'Ecosse , et IV, 1" part. 179. Ferdinand le Catholique, qui se portait

drap noir pour faire une robe, parce que ledit seigneur roy voeult que tous ceux qui parlent à luy soient vestus de noir l.

Et pour ce que, en communicant avecq révérend père en Dieu monsieur l'eveque de Trinopoly2, ambassadeur du roy catholique, lequel se recommande très-humblement à votre bonne grâce, et s'offre à vous faire tous services à luy possibles, de la matière de Nevers, demanda se aviés aucunes terres en Bourgongne, et entre autres dénomma Charolois, Chastel-Chynon et Chaulcin, après avoir veu vosdites lettres, je me suis advisé aler vers iceluy seigneur, auquel j'ay parlé des charges par vous à moy baillié contenues en vosdites lettres; sur quoy il me dit que, en tant qu'il touchoit la communication de marchandise , que le roy me respondroit que la trêve n'est point acceptée par l'empereur, et qu'il n'a fait son devoir d'envoier l'acceptation desdites trêves en dedens le temps en dedens lequel il le devoit faire, et si n'estoit ladite trêve publié es pays de monsieur. Et quant à la main levée de vos terres et seigneuries, il me dit qu'il en avoit parlé audit seigneur roy, lequel luy avoit respondu, quant aux greniers au sel, que s'estoient ses droits reaulx et qu'il les avoit accoustumé donner chacun an aux seigneurs et princes de son sang ayant seigneuries esquelles y a greniers au sel, quant ils les demandent, et de ce leur fait expédier lettres; ce qu'il n'a esté requis de vostre part. Et quant au traité de Cambray, il luy dit qu'il avoit esté rompu en plusieurs manières. Quant à Charolois et Chastel-Chinon, luy dit que, puisqu'il ne povoit avoir raison et justice de ce que l'empereur avoit fait prendre des terres de ses vassaux et gens, qu'il a peu faire saisir vos terres jusques à ce que ayez fait rendre lesdites terres et plusieurs autres choses. Et pour ce que je fus adverty que monsieur le trésorier Robertet estoit en cette ville,

1 La cour portait encore le deuil de la l'ordre des Frères Prêcheurs , évêque de

reine Anne de Bretagne, décédée le 9 jan- Tripoli, fui tour à tour ambassadeur du

vier précédent, à Blois. roi catholique en France et en Angleterre.

N 11 3 ne connaissons aucune ville épis- Il fut promu, en 1617, à l'évêché d'Elne,

copale du nom de Trinopoli; il faut lire et mourut en 1 52^. sans doute Tripoli. Bernardo deMesa, de

je me deliberay, par le conseil dudit sieur ambassadeur, alervers luy; ce que j'ay fait, et luy ai présenté les lettres que luy escripvés, et luy exposé en brief les charges que m'aviés bailliés; lequel me dit et respondit qu'il n'entendoit rien en notre fait, car la trêve est faite et conclute dès le xme jour de mars dernier, en la ville et cité d'Orléans, sans ce que depuis il soit apparu au roy que l'empereur ait acchepté (accepté) ladite trêve ne qu'il l'ait promis entretenir, aussy que lesdites trêves n'avoient esté publiés es pays de monsieur, et que l'on en vouloit faire desdites trêves comme l'on avoit fait des trêves de l'année passée. Et quant à la main levée de vos terres et seigneuries, il me dit qu'il n'y avoit apparence de lever les mains de vos terres, et monsieur de Longueville n'auroit main levée des siennes que l'empereur a fait prendre. A quoyje respondis, puisque l'empereur l'avoit fait prendre et que n'en estiés en cause, l'on ne devoit adreschier à vos terres. Et lors il me dit que l'empereur avoit deux qualités, l'une comme empereur, et l'autre comme manbourg, desquelles il use à son plaisir. Et voyant que, en alant vers ledit seigneur roy, je ne auroie autre response, mesmement touchant la communication de marchandise, affin de gaigner temps et aussy que je n'eusse repuise quil eust peu tournera esclandre, je me suis advisé vous renvoyer ce pourteur et advertir de ce que dessus, affin que par luy il vous plaise sur ce m'escrire vostre bon plaisir, et ce que j'auray à faire et comment je me debvray conduire sur lesdites responses; ce que je feray sans quelque séjour.

J'ay entendu, entre autres devises dudit Robertet, que la paix est entre les roys de France et d'Angleterre l.

Lundy dernier, fut monsieur le comte de Fauquenberghe appelle en la cour de parlement sur le quatrième deffault; mais Bochart demanda induce de trois sepmaines pour en advertir; ce qu'il luy fut accordé. Et le lendemain il demanda au procureur gênerai qu'il le mouvoit d'avoir fait appeler ledit sieur comte, attendu que la paix estoit

1 En effet , cette paix avait été conclue à y avait arrêté le mariage de Louis XII avec Londres le 7 du même mois d'août, et l'on Marie d'Angleterre , sœur de Henri VIII.

faite. A quoy respondit que jà soit qu'elle fut faite, il ne ses semblables n'y estoient coniprins; et aujourd'huy ledit procureur luy a dit qu'il ne poursievra plus ledit sieur comte, et que luy et ses semblables sont coniprins en la paix. Madame, etc. De Paris, le XIIe d'aoust.

Vostre très-humble et très-obeissant serviteur,

J. Caulier.

MERCURIN DE GATTINARE À MARGUERITE D'AUTRICHE.

Gattinare visite le cardinal de Gurce. Explications. Les soupçons conçus contre la princesse sont dissipés. On parle à Rome de paix et de mariage entre la France et l'Angleterre ; ce qui rendra les Vénitiens moins disposés à un appointement. (Original.)

24 août, à Augsbourg.

Madame, despuys mon partement de Bruxelles suys venu en xv jours en ceste cité d'Ausbourg; et ayant ici trouvé monsieur le cardinal de Gurce, y allay fere la révérence et présenter vous lettres, et luy dis ma credence au meyns mal que me fust possible, sans riens oblier de ce que j'avoye en chargie , et luy communiquay aussy les afTeres que je debvoye poursuyvir devers l'empereur, tant de monsieur que vostres. Et semblablement l'informay bien au long de mon cas, luy suppliant me vouloir ayder, dresser et assister en toutz lesdits afTeres pour en avoir briefve despecbie, et aussy me dresser le chemin où je pourray plus tost trover l'empereur.

Madame, il me fist pour l'honneur de vous très-bon recueil. Et après qu'il se fust un peu deschargié des frivoles souspicions passées, dict qu'il n'havoit jamays laissé pour icelles de vous fere toutz services, et vous dresser toutes les chosses à vostre intencion, et mesmes de 1ère ratifher le traictié que aviez faict avec le roy d'Angleterre, celon qu'il avoit aussy dict à maistre Loys Maraton, qu'il y avoit aussy

ENTRE LA FRANCE ET L'AUTRICHE. — 1514. 583 apporté lettres de vous et parlé de vostre part. Et puys qu'il n'estoit plus novelles de souspecions, que vous le treuveriés tiel qu'il avoit esté du commencement, et que aux alTeres que j'avoye en chargie, tant de monsieur que de vous, et aussy es miens pour l'honneur de vous, il s'y emploieroit. Et pour ce qu'il avoit lors receu lettres du tresourier Willingher que debvoit icy venir, il me conseilla de séjourner jusques à sa venue pour mieulx entendre quel chemin l'empereur tiendroit, et aussy pour sçavoir toutes novelles afin de vous en advertir, en me disant que, ledit Willingher venu, il pourroit despechier une poste pour advertir de toutes choses et vous fere responce sur les lettres que je luy avoye appourté de vostre part. Et pour ce, considérant qu'il estoit bon soy reculer pour mieulx saillir, et que, en m'en allant à l'adventure par ses montagnes, je l'eusse peu chierchier dung cousté et il fust allé d'ung aultre, que m'eust esté ung grand reculement avec le travail de ma personne et de mes chivaulx, et aussy que, en séjournant icy, je ne perdoye poinct temps, et que je povoye bien incorporer mondit seigneur le cardinal de toutz les affaires que j'avoye en chargie, pour en estre plus tost despechié quant il se trouvera devers l'empereur, pour ces causes, ay esté content d'ensuyvir son conseil et séjourner icy, où ay desjà séjourné six jours.

Cependant est venu ledit tresourier Wellingher, lequel me donne assés à entendre que l'empereur doie plustost venir en ceste ville que aultrement; et estoient d'opinion mondit sieur de Gurce et luy que je deusse encoures y séjourner. Mays, pour non estre reprins de longue négligence , après que luy ay faict escripre pour despechier ceste poste, me suys résolu de partir demain, et ay prins le chemin par escript qu'il doibt fere, et m'en iray à le rencontrer en Bavière, là où il peult fourcher son chemin, ou devenir icy ou d'entrer les montagnes pour tirer à Ispruck. Et s'il vient icy, j'en seray tant plustost despechié; mais s'il prend le chemin de Ispruck, mondit sieur de Gurce ne s'i trouvera jusques au xiinc de septembre. Touteffoys il a plus de espoir qu'il viendra icy.

Madame, vous pourrez cogneistre de quelle sorte j'ay disposé mondit sieur de Gurce par les lettres qu'il vous escript, par lesquelles aussy entendrés de ces novelles. Et me semble, madame, que le debvez entretenir; car, à ce que j'entendz, toutz les gros aiTeres du monde passeront par ses mains, et par son moyen en pourrés avoir participacion. Et tiens que l'empereur le despechiera bien tost pour retourner en Italie; et pour ce, si vous escripvez sovent quelque bonnes lettres, il n'y aura que bien. Et tant que je seray par dezà, je mettray poine à l'entretenir, de sorte qu'il vous escripra sovent de ses novelles, et par luy serés adverty à la vérité.

Madame, vous me manderés et comanderés toutjours vous bons plaisirs, etc. Escript à Ausborg, ce xxinie jour de aoust xvc et xime. Madame, despuys mes lettres escriptes , mondit sieur le cardinal m'ha dict que, par les lettres qu'il vous escripvoit, il se rapportoit sur les myennes, et me ha ordonné vous escripre que vous le trouvères entièrement enclin à vous fere tout honneur et service, et si bien disposé envers vous qu'il a esté du commencement. Et quant aux novelles, il m'ha dict qu'il avoit eu nouvelles du pape, cornant les articles que luy avoient esté envoyés pour la paix de Veniciens luy plaisoient; mays, pour ce qu'il estoit bruyt à Romme de la paix et mariage entre les François et Anglois \ qu'estoit prest à conclure, si cela se faisoit, les Veniciens seroient plus durs et ne

! Ce mariage de Louis XII avec Marie d'Angleterre, sœur de Henri VIII, ne fut conclu que le i4 septembre i5i/t; mais le traité de paix entre les deux rois avait été signé dès le 7 août. (V. Dumont, IV, 1" part. i83.) Marguerite d'Autriche, qui redoutait cette alliance, s'était efforcée d'y mettre obstacle, en députant vers le roi d'Angleterre Jacques deThiennes, souverain bailli de Flandre, avec des instructions pour rappeler que la princesse était accordée à Charles d'Autriche, et que d'ailleurs Henri avait écrit de sa propre

main la promesse de ne jamais traiter avec la France sans le consentement de la gouvernante des Pays-Bas. Le 1 1 septembre le roi d'Angleterre chargea Richard Wingfeld, débitis de Calais, d'expliquer et de justifier le traité qu'il avait conclu avec Louis XII. (V. Lettres de Louis XII, IV, 349, 355.) Du reste, l'empereur, par un acte daté du 1" octobre suivant, donna son adhésion audit traité, en consentant que Charles d'Autriche y fût compris.

(Dumont, ibid. 196. )

condescenderoient à nul appoinctement, esperantz le retour des François en Italie, par moyen duquel ilz esperoient non-seulement garder ce qu'ilz ont, mais recouvrer ce qu'ils ont perdu. Et dict que les Suizes avoient pourjecté quelque intelligence avec le pape et aultres seigneuries d'Italie; que n'estoit pas au propos de l'empereur. Toutefois il tient que ce ne sera riens. Des aultres afferes publiques et de ce que luy semble estre à fere, il dict que par moy à mon retour il vous advertira de toutes choses bien au long, et vous declairera entièrement son avis sur toutz les afferes du monde, afin que semblablement vous luy renvoyés après votre advis , et que maintenant il ne vous sçauroit advertir de chosse que ayt fondement sinon en l'air; mays, estre devers l'empereur, celon les resolutions que se feront, il vous advertira, et me fera despechier bientost pour vous venir dire le tout. Et certes, madame, je le treuve le mieulx disposé du monde envers vous.

Vostre très-humble et très-obeissant subject et serviteur,

Mercurin de Gattinara.