KGOCIATIONS DIPLOMATIQUES

constante voulenté de soy perpétuellement employer à l'entretenement de ladite paix, nous a par assemble chargié de parler et traictier de l'alliance de saint mariage d'entre madame Claude de France, vostre fielle, et de monseigneur le duc de Luxembourg, son filz unicq; de quoy faire nous a donné plain pouvoir et auctorité. Et pour y tant plus asseurement procéder a tant fait et procuré, que lesdits seigneurs et damme roy et roynne d'Espaigne y ont donné leur consentement, ainsi cpie paravant avoit fait le roy des Romains, sondit seigneur et père.

Sire, voulentiers vous raportons ces choses comme toutes sainctes, bonnes et grandement prouilitables au bien publicq et de la religion chrestienne ; aussi que par icelles cognoissiés le font du bon saing et entier couraige de mondit seigneur l'archiduc vers vous, le grand ardeur et désir incredible qu'il a de vivre avec vous comme bon voisin, humble et obéissant vassal.

Et pour ce, sire, que ces matières ne se puellent eschever ne vuidier sans communications, nous vous supplions présentement, en toute humilité, de trois choses: l'une, de nous donner et députer pour y entendre gens aymanspaix; l'aulire, que en personne quant voz aultres grans et pesans affaires le parmetteront , vous y plaise trouver; et pour la tierce, que soions tôt despechiés, affin que au temps à nous prefix puissions estre de retour.