HENRI VIII, ROY D'ANGLETERRE, À MARGUERITE D'AUTRICHE
Il autorise ses ambassadeurs , malgré les difficultés qu'il y trouve , à accompagner la princesse à l'assemblée de Cambray. {Original.)
7 novembre, à Greemvich.
Très-haute et excellente princesse , ma très-chere et très-amée bonne cousine , à vous je me recommande tant affectueusement et cordialement que faire puis, et vous plaise savoir que, combien que
Le 6 décembre, le cardinal d'Amboise prolonge la trêve de huit jours. (Lettres de Louis XII, I, i3i.)
par les derrcnicres lettres que je vous ay escriptes, rcsponsivcs à la jvquesle que m'avez faicte d'ordonner et commander à mes ambassadeurs qui sont par delà de vous accompaigner et assister à la journée et assemblée qui se doit faire et tenir à Cambray, entre vous et mou cousin le légat de France, je vous ay signifié que, pour plusieurs grandes et raisonnables considérations, je ne povoye par honneur ordonner et commander à mesdits ambassadeurs d'eulx trouver à ladite assemblée, fors mon chevalier et conscillicr messire Edouard Wwigllide, lequel j'avoye appoincté auparavant, en tant qu'ilz n'avoienl encoires esté oiiyz de mon bon frère et cousin l'empereur vostre père, et que ce seroit chose fort estrange qu'ilz deussent aller ailleurs et laisser le principal de leur charge qu'ilz avoient, tant envers mon frère et cousin l'empereur vostredit père qu'envers vous. Toutefois jVntens que dempuis l'empereur, mondit bon frère et cousin, les a favorablement ouyz et recueilliz en leur donnant bonne et gracieuse audience, et qu'il les a très-fort instantez de vous accompaigner, et à ceste intencion ordonné et commandé à son orateur et ambassadeur le prevost de Gâssel* de m'en soliciter et instanter de sa part. A ceste cause et pour ce que je désire de tout mon cœur faire chose qui puisse estre au gré et consentement de luy et de vous et crue je vouldroye bien voulentiers que mesdits ambassadeurs vous peussent d'aucune chose servir et prouffiter au bien et advancement des matières pour lesquelles vous vous devez trouver avecques mondit cousin le légat, et que très-singulierement je désire qu'en ce puissiez acquérir honneur et louenge, aussi en tant que j'ay secu que mondit bon frère et cousin l'empereur vostredit père a par deux ou troys fois ouy iceulx mes ambassadeurs sur le contenu en leurdite charge, comme dit est, et que je suppose que dempuis la rescripeion qu'ils m'ont faicte il les a encoires derechief ouyz , j'ay pour les considérations dessusdites, neantmoins que par ce moyen je diffère et retarde mes propres causes et affaires, ce que je n'eusse pas voulentiers faid , ne feust pour complaire à mondit bon frère et à vous, George de Themsicke, conseiller et maître des requêtes.
combien que je considère bien aussi que mesclits ambassadeurs ne sont pas pourveuz de chevaulx ne de telles cboses qui leur seroient nécessaires et requises d'avoir pour aller en tel voiage , parce que , à leur département d'avecques moy, je ne pensoye point qu'ilz deussent aller plus avant que à l'empereur mondit bon frère et cousin vostre père et par devers luy.
Toutesfoiz, afin de complaire à mondit bon frère- et cousin et à vous, comme dit est, leur ay maintenant ordonné et commandé de vous accompaigner et assister à ladite journée et vous faire tout le plaisir et service que possible leur sera; car sur toutes choses je désire à vous faire honneur et plaisir et souvent entendre de voz bonnes nouvelles, et pourtant je vous pry, ma bonne cousine, que m'en vueillez escripre et advertir de temps à aultre , à quoy prendray toute joye , félicité et plaisir, et de ma part suis bien délibéré de vous faire le semblable, ainsi que sçait nostre Créateur, qui, trèshaulte et excellente princesse , ma très-chere et très-amée bonne cousine, vous doint aussi bien prospérer que je vouldroye ma propre personne , et vous octroyer l'accomplissement de voz désirs. Escript en mon manoir de Grenewiche, le vnc jour de novembre. Vostre bon et loyal cousin. Signé Henry. Et plus bas : Meautis.
