ET MARGUERITE D'AUTRICHE, D'AUTRE PART

(Orig. en parchemin scellé.)

1 8 octobre , à Rouen.

Lovs, par la grâce de Dieu, roy de France, à tous ceulx qui ces présentes lettres verront, salut. Comme pour parvenir à quelque bon traicté de paix ou longue trêve et abstinence de guerre entre trèshaut, très-excellent et très-puissant prince et nostre très-cher et trèsamé frère l'empereur, nostre chère et très-amce cousine la duchesse doaavriere de Savoye , etc. , et nostre très-cher et très-amé cousin l'archiduc d'Autricc, d'une part, nous et nostre très-cher et très-amé cousin le duc de Gheldres, les pays, terres et seigneuries et subjetz de chacun de nous, d'autre, laquelle paix ne se peust si tost ne si facilement faire et traicter. pour ce qu'il conviendra faire plusieurs allées et venues pour assembler et envoyer les personnages qu'il fauldra envoyer d'un costé et d'autre pour ceste matière, sans prendre préalablement quelque petite trêve : Nous, à ces causes, qui desirons de tout nostre cueur, et pour éviter aux maulx, perilz et inconveniens qui adviennent par fait et disposicion de guerre , que ladite paix ou longue trêve se puisse prendre entre nous , avons prins et accepté, prenons et acceptons par ces présentes, bonne et seure trêve et abstinence de guerre avec ledit empereur, nostreditc cousine la duchesse douayriere, et nostredit cousin l'archiduc d'Austrice, pour eulx, l'evesque d'Utrecht, le duc de Cleves, le conte de Homes et les barons du pays de Gueldres tenans leur party, leurs pays, terres. M-i-neuries et subgcctz, pour nous et nostredit cousin le duc de Gheldres, ot pareillement pour no/, très-chers et amez cousins

ENTRE LA FRANCE ET L'AUTRICHE. — 1508. 219 l'evesque de Liège et sieur de Sedan, noz pays, terres, seigneuries et subgectz , jusques à six sepmaines prouchain venans, à compter du vingt-cinquesme jour de ce présent mois d'octobre, pendant lequel temps les choses demoureront en Testât qu'elles sont, tant en Hollande, Gheldres que ailleurs, sans rien innover d'une part ne d'aultre, pourveu que icelle trêve ne soit communicative entre les subgectz de nosdits frère et cousin l'empereur et archiduc, et ceulx de nostredit cousin le duc de Gueldres, et que durant icelle, iceuk seigneurs empereur et archiduc et nostre cousin de Gueldres ne pourront ravitailler les villes et places tenans leurs partiz par les paix l'un de l'autre. Promettant en bonne foy et parole de roy, pour nous et nostredit cousin le duc de Gheldres, que pendant ledit temps de six sepmames , nous tiendrons et ferons entretenir de nostre part ladite trêve sans rien faire et innover, et si aucune chose estoit faicte au contraire , nous la ferons reparer et mectre au premier estât. En tesmoing de ce, nous avons faict mectre nostre scel à ces présentes. Donné à Rouen, le xvme jour d'octobre, l'an de grâce mil cinq cents et huit, et de nostre règne le onziesme l.

Sur le repli, Par le Roy : Robertet.