D'AUTRICHE

Dispositions pour la réception de la princesse et la tenue du congrès. ( Original. )

22 novembre, à Cambray.

Madame, tant et si très-humblement que faire povons à vostre bonne grâce nous recommandons.

Madame , nous avons à la mynuict receu vos lectres et celles que escripvez à monsieur le légat de France , que luy avons incontinent envoyé par le poste, et sy avons aussy receu celles que escripvez aux

prevost et eschevins de ceste cité , que leur avons baillé et exposé ce que par vos lectres nous escripvicz.

Lesquelz nous ont requis avoir induce parler à leurs compaignons qui avoient esté toute la nuyt sur boult pour ouvrir les portes aux postes, et, après avoir leu vos lectres et communiqué à leursdits compaignons, nous ont à ceste heure respondu qu'ils vous merchioient, cl sont très-joyculx du contenu en vos lectres, se emploieront leur povoir au furnissement et accomplissement d'icelles, pourveu qu'ils aient le semblable de monsieur le légat de France, nous suppliant leur vouloir envoyer, le plustost qu'il sera possible, vostre rolle pour, celon ce et celui dudit seigneur le légat qu'ils ont requis aussy avoir, eulx régler à la widenge des personnes estans en ceste cité non desclarées esdits rolles.

Nous avons veu le rolle de vos fouriers estans icy, la copie duquel vous envoyons cy-enclose, pour ce qu'il n'ataint le nombre de quatre cens chevaulx.

A ce matin sont venus vers nous messieurs de Humieres et de Monthoison , aucuns chargés de faire le logis des François, qu'ils nous ont dit que ledit seigneur le légat, oultre les quatre cens personnes à chevaulx dont il a fait son rolle, voldroit bien amener jusques à quarante personnes à chevaulx italyens dont il ne se poeult faire quitte, sy qu'ils nous ont dit, et que vous, madame, polriez faire le semblable; sur quoy leur avons respondu que volluntiers vous en advertirions pour, sur ce vostre plaisir sceu , en rendre la responce1.

Madame, commandez-nous vos très-nobles plaisirs, etc.

\ Cambray, le xxne novembre.

Vos très-humbles et obéissants serviteurs , J. abbé de Marolles, et J. Caulier.

I -il' h ml les dispositions préliminai- i20-i35; Correspondance de Mu.vimilicn et res et les incidents de ce congrès de de Marguerite , I, 97-991 10/1-106, 107, Cambray, croyez Lettres de Louis XII, T, 108.