ARTICLES DU TRAITÉ CONCLU A CAMBRAY

ENTRE L'EMPEREUR MAXIMILIEN ET CHARLES D'AUTRICHE SON PETIT-FILS, D'UNE PART , ET LE ROI LOUIS XII ET CHARLES D'EGMOND , DUC DE GUELDRE , D'AUTRE PART l.

(Minute ou copie du temps.)

1 0 décembre , à Cambray.

Premièrement a esté traictié, conclut et accordé, entre la procureuse et procureur dessus nommés, que, entre le très-sacré empereur, tant à son propre nom cpie aussi comme bail, tuteur et manbour duclit très-illustre prince des Espaignes et archiduc d'Austrice , d'une part, et ledit très-chrestien roi de France, d'autre, pour eulx, leurs royaulmes, pays "et subgectz quelconques, soit une bonne, vraye , fcable et lealle paix, singulière et incorrumpable union, amytié, ligue , fraternité et confédération , laquelle durera à la vie d'ung chacun d'eulx , assavoir dudit très-sacré empereur et dudit très-chrestien roy de France, et par un an après; et dès maintenant, ilz desmectent toute rancune, malvueillance et inimyté.

Item , il a esté conclut qu'il soit entre les dessusdites parties une especiale confédération contre les Turcz et autres infidèles et ennemys de la foy chrestienne , tellement que , leurs affaires accompliz , quant bon leur semblera ilz puissent entendre à l'exécution d'icelle emprinse ; et que si l'un d'eux , assavoir dudit très-sacré empereur et très- chrestien roy de France , vouloit invahir lesdits Turcz ou autres infidèles et ennemys de la foy chrestienne , l'autre sera tenu aydier à icelluy assailliant et l'assister de son povoir et luy faire et bailler toute ayde et faveur, provocant aussi à ceste glorieuse em-

1 Comme, jusqu'à présent, on ne con- duction faite par une plume contemponaissait que le texte latin de ce traité , raine. Voir le texte latin dans Dumont , nous croyons utile d'en donner ici la tra- Corps diplomatique, IV, iie partie, p. 1 1 1.

XÉGOC. DTPLOMAT. I. 29

prinse notre très-sainct père et tous autres princes et roys de toute la chrestienté.

Item , que , en ceste paix , union , amytié , ligue , fraternité et confederacion soient comprins et se entendent pour expressément comprins tous subgectz, vassaux, amys et confedercz d'une chacune partie , tant deçà cpie delà la mer, et quelque part qu'ilz soient ; et spécialement lesdites deux parties ont nommez pour leurs amys et confederez notre très-sainct père le pape et les serenissimes roys d'Angleterre, d'Ongrie et d'Arragon, pour leurs royaulmes et seigneuries.

Item, à la contemplacion de la magesté de l'empereur, il a este traictié , conclut et accordé que , durant un an prouchain puis le jour de la publicacion et ratitficacion des présentes devoir à encomencer, riens parvoye de fait ou d'armes ne sera actempté contre les serenissimes roy et royne de Navarre et leurs royaulmes et seigneuries, ne par le très-chrestien roy de France, ny par illustre seigneur Gaston de Foys, duc de Nemours, ou autres leurs subgectz, amys et confederez, directement ou indirectement, soubz quelque coleur que ce soit. Néanmoins , quant aux seigneuries qu'ilz tiennent soubz la souveraineté et jurisdiction du royaulme de France, l'on pourra contre eulx, juridicquement et par tous remèdes de justice, procéder et les contraindre de obéir à ce que en sera jugé; et quant au droit du royaulme de Navarre et autres choses que ne sont subgectes à la corone de France , demourra tout le différent de ce, durant ledit an, en suspens. Cependant, touteffois et devant que ledit an soit expiré, l'impériale majesté et le très-chrestien roy de Fiance pourront entre eulx traictier d'aucun bon expédient , pour paciiïier et apoincter ceste différence dudit royaulme de Navarre.

Item, pour ce que le très-chrestien roy de France a voulu aussi inclurre expressément pour son confédéré messire Charles de Gheldres, dit dEgmond, lequel touteffois l'impériale majesté, pour ce qu'il n'a accepte les trêves des six sepmaines, ains icclles rompues, pretendoit

ENTRE LA FRANCE ET L'AUTRICHE. — 1508. 227 devoir estre toutallement forcluz de cedil traictié, et, en cas qu'il y deust estre comprins, le devoir, premièrement et avant tout euvre, constraindre de rendre ce qu'il a recouvré, maiz plustot usurpé dudit duché de Gheldres, après la paix ou trêve par luy faicte avec feu le serenfssime roy de Castille ; assavoir des villes et chasteaulx que ledit feu roy, par le contenu d'icelle paix ou trêve, devoit tenir et possesser jusques à ce qu'il fust cogneu du droit des parties, que sunt en somme quatre villes et trois chasteaulx qu'il a prins et usurpé après ladite paix ou trêve rompue, oultre la ville de Wesp et le chasteau de Mude en Hollande; esquelles pièces ledit messire Charles ne peult prétendre aucun droit. Il a esté conclut et accordé , pour bien de paix et à la contemplacion dudit roy de France, que ledit messire Charles d'Egmonde soit encloz en ce traictié avec ces conditions; assavoir, que ledit messire Charles soit tenu premièrement et avant toute euvre , en dedans xitc jours prouchains après la dacte de ce présent traictié, lascher et restituer au très-illustre monseigneur l'archiduc et prince des Espaignes ladite ville de Vesp et chasteau de Mude par luy usurpez en Hollande. Et quant aux autres usurpez au duché de Gheldres, auquel une chacune partie prêtent droit, affin que ledit affaire soit avec fondement finablement décidé et terminé, une chacune partie joyra, tiendra et possessera les villes et chasteaulx qu'elle tient de présent, avec leurs droiz, appartenances et dépendances quelconques, et ne se pourront traveillier ensemble directement ou indirectement jusques il soit cogneu du droit des parties. Pour laquelle congnoissance faire dès maintenant sont, communément et d'un commun accord, esleuz pour arbitres et compromissaires de ce différent : assavoir, ledit très-sacré empereur et les serenissimes roys de France, d'Angleterre et d'Ecosse, pourveu que ledit empereur et roy de France comme plus prouchains voisins, eslisent dedans un moys prouchain, chacun d'eulx, deux ou trois preudommes, ydoines et hommes honnestes; lesquelz, avoir préalablement fait serment de feablement visiter et rapporter, se trouveront sur le lieu qui par lesdits empereur et roy de France sera choisy, et illec verront et visiteront les droiz

des parties et examineront diligemment tout l'affaire, et feront au surplus tout ce qui sera nécessaire et expédient quant à ce. Et ladite visilacion ainsi faicte, et le procès par eulx instruict tout à plain, feront rapport ausdits quatre arbitres et compromissaires. Et pour icelle visitacion faire, les deux parties seront tenues de exhiber leurs' droiz es mains desdits personnaiges qui seront députez en dedans deux mois après l'élection et nominacion desdits députez. Lesquelz arbitres et compromissaires, en dedans un an, dès le jour de la publicacion et ratification de l'empereur et du roy de Fiance, ou plus tôt, si faire se peult, jugeront et termineront et proffereront leur advis et sentence sur ccsdits differens et droiz des parties. Et si lesdits compromissaires et arbitres ne peuvent se trouver ensemble en un lieu pour profFerer ladite sentence arbitramentale ou leur jugement, ung chacun d'eulx pourra députer un délégué en son lieu, qui, les parties appelez, se trouveront- ensemble , ou sur le lieu du différent , ou en autre qn'ilz choisiront, et sur lesdits differens prononceront leur sentence. Laquelle prononciation ainsi faicte aura austant de valeur et d'efficace que si elle estoit faite par lesdits arbitres. Auquel jugement et décision desdits arbitres et compromissaires, ou de leurs députez et déléguez, iccllcs deux parties seront contrainctes obéir, obtempérer et acquiescer sans aucun contredit. Et à quelle que ce soit desdites parties que ledit duché de Gheldres soit adjugé , comme dit est, l'autre partie sera tenue restituer tout ce qu'il se trouvera tenir et usurper dudit duché , et en toutes choses obéir et obtempérer à ceste sentence qui se profferra , comme dit est, sur paine de perdre le droit prétendu audit duché par la partie qui ne l'observera. Et si lesdits arbitres et compromissaires ne pouvoient à bonne, juste et raisonnable cause , décider et terminer ceste question en dedans ledit an, il leur sera loysiblc, incontinent ledit an expiré, ordonner quelque honneste moyen selon lequel icclles deux parties se devront conduyre et gouverner oudit duché de Gheldres, jusques à ce qu'il soit plus à plein cogneu du droit desdites parties pai lesdits arbitres, lesquelz pourront, s'ilz sont en ce tous d'un

commun accord, et non autrement, proroguer ledit compromis pour une fois tant seulement , demeurant toujours ceste paix ferme et estable entre les parties contrahans. Et si ce pendant se mouvoit aucune controverse sur le possessoire desdites choses et appartenances d'icelles , ne pourront ny debvront icelles parties en ce procéder par voye de fait; ayns remectront ce différent aux arbitres qui se esliront et députeront par l'impériale majesté et le roy de France. Et si ledit messire Charles de Gheldres, dit d'Egmonde , ne obtemperoit et observoit aucune des conditions et qualités dessusdites, ou que aucunement il contrevenist à aucune d'icelles, directement ou indirectement, soit non restituant les villes de Hollande, desquelles dessus est faicte mencion, soit qu'il ne voulsist accepter et ratiffier ce présent traictié en tant qui le touche , soit aussi qu'il ne voulsist obéir â ce qui seroit pronuncé et jugé par lesdits arbitres et compromissaires esleuz comme dit est , ou en quelque autre manière que ce soit il faillie au contenu de cedit traictié, cesdits cas ou aucun d'iceux advenant, ledit très-chrestien roy de France, en quelque manière que ce soit, ne donera alors aucune ayde ou faveur audit messire Charles; ymo , efiectuelement mectra paine que aussi les subgectz dudit très-chrestien roy de France , en quelque manière que ce soit, ne luy feront aucune ayde, faveur ou assistance, tellement que ledit messire Charles, en nul des cas dessusdits, n'aura du très-chrestien roy ny de ses subgectz, directement ou indirectement, sous quelque coleur que ce soit, nulle ayde, faveur et assistence.

Item , peur ce que , par la trêve de six sepmaines nouvellement faicte entre la majesté impériale , tant à son nom comme aussi au nom de très-illustre prince monseigneur l'archiduc et prince des Espaignes, son nepveur, et Te très-chrestien roy de France, tant à son nom que aussi au nom de messire Charles de Gheldres, dit d'Egmonde, entre autres choses, ledit très-chrestien roy de France a expressément promis en bonne foy et en parolle de roy, pour luy et ledit messire Charles de Gheldres , que , pendant ledit terme de six sepmaines, ladite trêve seroit entretenue sans aucune inno-

vacion ; et si aucune chose estoil faicte au contraire , il feroit cella reparer et remeclrc au premier estât. Et pareillement la majesté impériale, pour luy et monclit seigneur l'archiduc, ont promis faire le semblable. A ceste cause il a esté conclut et accordé que tout ce que, pendant le temps d'iceile trêve de six sepmaines, aura esté, d'une part et d'autre, prins et occupé, au préjudice d'icelles trêves, contre tous ccuK qui sont nommez et comprins en icelles, se devra incontinent restituer et réparer et remectre au premier estât, toutes exj cj)cions arrieremises, et que le très-chrestien roy de France le fera ainsi par eflect faire et exequuter, tant de sa part que aussi f ! ne! i t messire Charles, et le semblable fera sa majesté, pour luy et mondit seigneur l'archiduc.

Item , puisque ce présent traictié a effect de paix quant à Gheldres , il a esté convenu et accordé que les marchans et subgectz , d'une part et d'autre, auront liberté de converser, aller et passer des terres de lune des parties aux autres, et que les personnes particulières qui auront des biens au terroir de l'autre partie et des < oiiIc.Ipi ez . retourneront, d'une part et d'autre, à leurs biens, et (Salement les gens ecclésiastiques, ausquelz nul empesche ne sera fait, d'une part ou d'autre, au possessoire de leursdits biens ecclésiastiques, lesquelz ils auront au domaine de l'autre partie. Et en oultre , s'il y a aucuns prisoniers , d'une part ou d'autre , que iceulx seront aussi délivrez, baillant prisonier pour prisonier; et s'il y avoit plus de prisoniers d'une part que d'autre, iceulx seront mis à ranzon selon le taux ordinaire que l'on a accoustumé jusques icy observer en ladite guerre de Gheldres , saulfz et reservez ceulx qu: desjà se sont mis à ranzon, desquelz icelles ranzons demoureront fermes et vailliables.

Item, aussi oultre lesdits confederez, amys, vassaulx et subgectz, comme dit est, par ensemble nommez et comprins, sont nommez et expr< s s iment incluz de présent, de la part de la majesté impériale. les illustres duez de Julliers et de Cleves , révérend père en Dieu monseigneur l'evesque du Trecht, le comte de Bornes et les nobles

ENTRE LA FRANCE ET L'AUTRICHE.— 1508. 2à\ et vassaulx de Gheldres tenans le party de sa majesté impériale et. de monseigneur l'archiduc; et pareillement, de la part dudit roy très-chrestien de France, dès maintenant sont nommez et incluz révérend père en Dieu l'evesque de Liège et messire Robert de la Marche, seigneur de Sedan, avec aussi les suhgeclz et vassaulx tenant le parti de Gheldres.

Item, quant aux autres confederez, amys, vassaulx et subgectz, lesquelz une chacune des parties a et entent de nommer, et lesquelz ne sont spécialement nommez en ce présent traictié, il sera loysible à une chacune desdites parties : assavoir au très-sacré empereur et au très-chrestien roy de France , iceulx dénommer, en dedans quatre moys prouchains; lesquelz dénommez alors soient comprins tous ainsi en ce présent traictié comme si dès maintenant ilz y estoient nommez et spécialement declairez.

Item-, il a esté conclut et accordé que, pendant ceste paix, jusques monseigneur l'archiduc parvienne en l'eaige de xx ans, l'ommaige et fidélité qu'il devroit faire au très-chrestien roy de France, pour raison de ce qu'il tient se meuvant du fiefz de sa couronne de France, sera tenu en suspens.

Item , ladite paix durant , a esté dit , conclut et accordé que mondit seigneur l'archiduc tiendra et possessera toutes icelles seigneuries se meuvans en fiefz de la coronne de France, par la mesme forme et manière et soubz les mesmes previleges et grâces que le feu roy de Castille tenoit et possessoit au temps de sa vie et de son trespas : assavoir tant quant aux aydes des subgectz et composicions ordinaires des contés d'Artois et de Charelois et des autres seigneuries et lieux subgectz à la coronne de France , que aussi quant aux greniers à sel et au cours du sel de Salins au duché de Bourgogne et autres seigneuries adjacens , aussi quant à la surceance des mil livres viennoises \ et quant à toutes autres choses dont icelluy feu roy de Castille, au temps de sa vie et de sa mort, joyssoit, saulvez

1 Voyez ci-dessus, page 62

toujours, en toutes choses, les droiz de la souveraineté; et seront tous empeschemens mys esdits biens de par ledit roy de France ostez el levez, et le tout réduit et restably ou mesme estât en quoy les choses estoient au temps de la vie et mort dudit feu roy de Castille. Ny désormais, pour les choses qui se actemptent ou conté de Bourgogne , par voye de justice ou pour l'exaction des aydes d'icelluy conté. contre tous cculx qui y tiennent et possessent biens, ticulx empeschements se mectront à requeste d'ung chacun subject royal, avns seront tenuz tclz subgectz avoir recours à la justice, et seront, dès maintenant, renduz et restituez les deniers levez à cause desdits empeschements, et receuz par ledit roy de France ou ses officiers près le trespas dudit feu roy de Castille. Et pour iceulx aussi, pour l'ayde nouvellement donnée et accordée par les estats du conté d'Artois et autres que cy-après seront accordez par lesdits estaz, soient bailliées et expédiez lettres par le très-chrestien roy de France en bonne forme. Et se pourront lesdits aydes et composicions lever par .simples quictances de mondit seigneur l'archiduc, par les mains du recep> eur desdits aydes et composicions qui sera député en la manière accoustumée, à conditions toutes voyes que, pour lever icelles aydes et composicions d'Artois, sera tenu mondit seigneur l'archiduc, de deux ans en deux ans, impetrer et obtenir lettres de congié pour lever lesdits aydes; lesquelles lettres ainsi demandées et requises, ledit très-chrestien roy de France, durant ceste paix, de sa libéralité Iu\ octroyera benignement, et le semblable sera fait quant aux greniers à sel.

Item , pour ce que noble seigneur, Loys d'Orléans , marquis de Rothelin, afferme avoir esté spolié du chastel de Joux; et au contraire l'on prétend icelluy marquis n'avoir esté spolié dudit chastel, nuis l'avoir prins juridiquement, sur ce finablement, pour bien de paix, et afin que les grans biens appareils d'icelles ne soient trouble/, par petites choses, a esté conclut et accordé que ledit marquis et sa femme, tant à cause de ladite spoliacion par eulx prétendue, et d'aucuns dommaiges à icelle cause supportez, comme ilz disent,

et pour raison du droit prétendu en icelluy chastel d'une part et d'autre , aussi sur les attemptez ou conté de Bourgogne , seront tenuz demeurer en droit et raison et obeyr à ce qu'en sera jugé devant juges competens et là où de droit il se devra faire; demeurant ce pendant ledit chastel de Joux avec ses appartenances es mains des officiers de la Mié I. et de Mgr l'archiduc. Et neantmeins, pendant le temps que la congnoissance de ce se fera, afin que lesdits marquis et sa femme n'ayent cause de plainte , a esté conclut et accordé qu'il tiennent et possessent le chastel de Noyers, situé ou duché de Bourgogne, avec ses rentes, droiz et apartenances, excepté le grenier à sel, lequel ne s'entend y estre comprins aux appartenances dudit chastel, aux condicions icy declairées : assavoir qu'il sera fait inventoire de tous les meubles, tant estans à présent oudit chastel de Noyers, que de ceulx qu'estoient au chastel de Joux ou temps de la prinse d'iceluy, et que lesdits marquis et sa femme promectront et donneront bonne seurté que, s'il advient qu'il soit jugé le chastel de Joux ne devoir estre restitué ausdits marquis et sa femme, en ce cas lesdits marquis et sa femme ne feront aucune difficulté dudit chastel, ayns incontinent libéralement relascheront à sa majesté impériale et à monseigneur l'archiduc ledit chastel de Noyers, avec tous ses meubles inventoriés, sans aucun contredit, et pareillement , s'il estoit jugé ledit chastel de Joux se devoir restituer ausdits marquis et sa femme , alors , moyennant la restitucion dudit chastel de Joux , et obtempérant à ce qui sera jugé , se restitueront aussi ledit chastel de Noyers avec ses meubles et appartenances.

Item , pour ce que es contés de Flandres et d'Artois , l'on prétend plusieurs abuz s'y faire journellement par les officiers de très-chrestien roy de France après la mort du feu roy de Castille, contre touteffois la manière acoustumée et contre la forme des previleges et anciennes coustumes desdits pays, il a esté traictié et accordé qu'il se tiendra une journée amyable ou lieu qui sur ce, d'ung commun accord, sera advisé, et là, s'y trouvant les députez d'une part et d'autre dedans trois mois prouchains , toutes choses bien desbatues

NÉGOC. D1PLOMAT. I. 3o

r.Vi NÉGOCIATIONS DIPLOMATIQUES

et entendues, se appointeront telz differens amyablement ; et s'il ne se peult luire alors, Ton aura reeors aux remèdes de droit , ceste paix et amytié demeurant neantmeins en son entier.

Item , a esté conclut et accordé que toutes anciennes querelles et actions prétendues, d'une part et d'autre, entre l'empire, la maison d'Austrice et de Bourgogne et la corone de France , desquelles querelles et actions en ce présent traictié n'est faicte nulle mencion , quant aux euvrcs de fait , demourront en souspens et en leur estât pendant ceste paix , et demourront saulvez les droiz d'une chacune des parties , esquelz droiz ne sera en riens prejudicié par ceste présente paix et amytié.

Item, il a esté convenu et accordé que la majesté impériale sera tenue baillier l'investiture de tout le duché et estât de Milan , contés de Pavye et d'Anglerie , etc. , au très-chrestien roy de France ou à ses procureurs, pour luy et ses enffans masles descendans de luy; et au cas qu'il n'en ait aucuns masles, pour madame Claude sa fille, et son espoux futur, et pour leurs enffans masles et descendans d'euh en leal mariage du corps de ladite dame Claude. Et s'il advenoit icelle dame Claude aller de vie à trespas sans avoir enffans, et ledit très-chrestien roy vint à avoir autres filles , ladite investiture se baillera pour l'aisnée desdites filles ou pour celle que ledit très-chrestien roy vouldra eslire oudit duché , et pour celluy à cuy il aclviendroit quelle fust mariée, et leurs enffans masles descendans d'eulx ; et sera faicte ladite investiture avec les clausules nécessaires et con venables, jouste la forme de l'investiture autresfois faicte à Aghenou. Et à celle cause sa majesté renonce au mariage çà-devant traicté entre ladite dame Claude et le prince Charles , ensemble es paines contenues oudit mariage; et moyennant ce ledit très-chrestien roy de France sera tenu , pour tous droiz de l'investiture qui se fera de nouvel, payer à la majesté impériale la somme de cent mil escuz d'or an soleil en or, et ce par les mains de ceulx qui recevront ladite investiture, du jour de laquelle il sera convenu.

boni . il ;t esté convenu et accordé que tout ce que a cà-devant

esté traictié à Trento, à Bloix et à Hagenau entre icelles parties, à quoy par ce présent traictié il n'a esté expressément derogué , demourra en son entier et sortira bon elïect, tout ainsi que s'il en estoit faicte expresse mencion en ce présent traictié.

Item , si se movoit aucune question entre l'empereur et le roy de France sur l'interpretacion de ce présent traictié ou autrement, icelle question sera décidée amyablement et ne viendra l'on à aucune euvre de fait.

Item, il a esté convenu et accordé que notre saint-pere le pape et les roys d'Angleterre et d'Arragon et les princes du saint-empire soient conservateurs et pleisges de ceste présente paix , union et concorde , et de tout leur povoir assistent celle des parties qui l'observera contre l'autre qui ne l'observera.

Item, il a esté convenu et accordé qu'au moyen de ceste paix soit faicte abolicion générale de tous delictz, mesuz, offenses et injures faictes et perpétrez par les subgectz d'une chacune des parties ou terroir et demaine de l'autre, en Gheldres ou ailleurs, pendant les guerres et divisions passées , à cause de la guerre , et soient remises, d'une part et d'autre, toutes paines encourues, et soient aussi revocquées et annullées toutes sentences , bampnissemens , delfaulx, contumaces, toutes declaracions et mitigacions de paines par quelconques juges ordinaires ou extraordinaires à la cause que dessus prononcées et profferées, tellement que d'oires en avant soit loysible aux subgectz de l'une des parties aller libéralement aux demaines et seigneuries de l'autre.

Item , il a esté conclut et accordé que le très-sacré empereur, tant à son nom que comme tuteur et mainbour de mondit seigneur le prince et archiduc son nepveur, et le très-chrestien roy de France, à son nom, et aussi messire Charles de Gheldres, dit d'Egmonde, en ce que le touchent , soient tenuz dedans ung mois prouchain , que s'encommencera puis la publicacion de ce présent traictié, conserver, ratiffier, louer et approver ce présent traictié de paix et d'amytié et toutes et quelconques choses y contenues ayant deue relacion d'ar-

ticle à autre, et expédier et bailler leurs lettres de ratiûicacion d'une chacune partie, en bonne forme comme il appartient, et le tout de leur serment, lecpicl ilz feront sur la sainctc croix et Evangiles de Dieu. Et pour plus grande scurté de le tout observer, se soubmectront aux censures ecclésiastiques avec toutes renonciacions, obligacions et autres choses nécessaires.

Item, que ce présent traictié de paix soit publié en l'empire et es royaulmes et seigneuries d'une chacune des parties , et qu'il soit registre en la chambre impériale, et à Parys, en la court de parlement et en la chambre des comptes, présent et consentant à ce le procureur gênerai du très-chrestien roy de France; et le semblable sera fait en la court du grant conseil de mondit seigneur l'archiduc et en sa chambre des comptes.

Lesquelles choses dessus contenues, ainsi conclûtes et accordées, avons promis et promectons par ces présentes, en tant qu'il nous touche, en bonne foy et en parolle de princesse, et par notre serment pour ce donné sur les sainctes Evangiles de Dieu, par nous corporellemcnt touchez . faire ratiffier, conformer, louer et agréer par mondit seigneur et père l'empereur, tant en son nom que comme tuteur et mainbour de monseigneur le prince de Castille et archiduc d'Austrice , mon ncpveur, en dedans le terme dessus prefix et soubx l'obligacion de tous et quelconques noz biens presens et advenir, et avec toutes renonciacions et autres clausules nécessaires. Et en tesmoinage de ce nous avons signées ces présentes de notre main et fait seeler de notre seel. Donné en la cité impériale de Cambrey, le xe de décembre, l'an mil Ve et huict.