MARGUERITE D'AUTRICHE AU ROI LOUIS XII

Elle l'informe que l'empereur est pleinement satisfait du traité de Cambray. (Original. Bibliothèque du Roi, fonds de Béthune, 8466.)

h janvier, h Bruxelles.

Monseigneur, par monsieur de Paris, vostre ambassadeur, pourrez à plain entendre en quel vouloir il a trouvé l'empereur mon seigneur et père , touchant les choses traictées et conclûtes à Cambray, lequel, monseigneur, vous asseure ne pourroit estre meillieur. Et de ma part tiendray tousjours main envers luy qu'il y continue de bien en mieulx, comme de ce et autres choses serez cy-après plus à plein adverty par ses ambassadeurs qu'en brief il envoyera devers vous; vous priant, monseigneur, aussi de vostre costé continuer en ceste bonne et saincte euvre , et me mander s'il y a chose en quoy vous puisse faire service, et de bien bon cueur le feray, aydant Dieu, auquel je prie, monseigneur, vous doint bonne vie et longue. Escript à Bruxelles, le 1111e jour de janvier, xvc et huyt.

Votre très-humble cousine, Marguerite.

MAXIM1LIEN 1er À LOUIS XII.

Lettre de créance pour Amé de Viry, Mercurin de Galtinare, Jehan Caulier et Louis

Barangier. (Minute.)

Février, A Bruxelles.

Très-hault, très-excellent et très-puissant prince, très-chier et très-anié frerc et cousin. Ensuyvant ce que ça devant vous avons es-

cript et fait dire par voz ambassadeurs , nous envoyons présentement noz amez et feaulx eonseilliers et chambellan , Amé, sieur de Viry, Mercurin de Gattinere, président de nostre conté de Bourgoigne, et maistre Jehan Caullier, maistre des requestes ordinaire de nostre hostel, pour ambassadeurs, et maistre Loys Barangier, pour secrétaire devers vous; ausquelz avons ordonné vous dire et communicquier aucunes choses de par nous, ensemble de noz nouvelles. Sy vous requérons les oyr et croyre pour ceste foiz comme nous-mesmes, et à iceulx, sur leur charge, faire bonne et briefve depesche, afin que de mieulx puissions exécuter nostre bonne intention. A tant, très-hault, très-excellent et très-puissant prince, très-chier et trèsamé frère et cousin, nous prions Nostre Seigneur qu'il vous ait en sa saincte garde. Escript en nostre ville de Bruxelles, le . . . .jour de février, xvc et huyt.