VÉNITIENS
(Minute eu copie du temps.)
10 décembre, à Cambray.
Premièrement, pour ce que cejorduy nous, avec très-reverend père en Dieu le cardinal de Rouan, légat en France, aux noms de la trèssacrée majesté impériale et du très-chrestien roy de France, avons conclut et accordé paix finale et confederacion , en laquelle, entre autres choses, avons enclos notre sainct-pere le pape et le roy d'Arragon, et encoires avons reserve povoir et faculté à une chacune des parties de en dedans quatre moys prouchains nommer en icelle paix et enclourre ses autres confederez.
Et, à cause que les Vénitiens, au grant préjudice du saint-siege apostolique, du saint-empire romain, de la maison d'Autriche et du très-chrestien roy de France, à cause du duché de Milan, et pareillement du roy d'Arragon, à cause du royaulme de Naples, de pieçà ont tirainegnement occupé et usurpé et de fait détiennent et présentement occupent plussieurs provinces, cités et seigneuries de plain droit appartenant ausdits notre sainct-pere, à la majesté impériale et aux roys dessus nommez , faisant deue relacion à ce que dessus il a esté traictié, conclut et accordé entre nous es noms que dessus, que l'impériale majesté ny le très-chrestien roy d-e France ne pourront enclourre ny dénommer pour confederez en ceste paix aujourd'huy faicte, en quelques manières que ce soit, le dux ny la seigneurie de Venise ou leurs subgectz , ni autres communs ennemys
Ces dispositions ne sont que la tra- se trouve dans Dumont, Corps diphmat duction contemporaine du texte latin qui t. IV, ir" partie, p. 1 14.
contre lesquclz se doit mouvoir guerre, ayns lesdits dux et seigneurie de Venise et leurs subgetz s'entendront et seront toutallement forcluz de ladite paix et confédération.
Item, il a esté traictié, conclut et accordé qu'il soit une especiale ligue, union, amytié et confcderacion entre notredit très-saint père le pape, pour lequel ledit cardinal de Rouan c'est fait fort et a promis d'avoir et exhiber sa raliflicacion de ces presens traictez de ligue et confédération, et entre le très-sacré empereur des Romains et les serenissimes roys de France et d'Arragon, contre lesdits dux et seigneurie de Venise et leurs subgectz, pour la conqueste et recouvrement de tout ce qu'ils ont perdu.
Item, pour l'avancement et l'acceleracion de ceste matière, il a esté traictié, conclut et accordé que ledit notre saint-pere le pape et roy de France et d'Arragon et ung chacun d'eulx avec soufïîsant nombre de gens d'armes de pied et de cheval et d'artillerie nécessaire seront tenuz, en dedans le premier jour d'avril prouchain venant, pour la conqueste et recouvrement des choses susdites, communément envahir et assaillir lesdits Veneciens, et que par nulz d'eulx se départira de ladite guerre, tant et jusques à ce que le saint-siege apostolique ait entièrement recouvré Ravenne, Servie, 1 avence, Arrymin avec leurs dépendances et apartenances , et les villes de Ymole et do Cesene, avec tous leurs droiz et apartenances quelconques, ensemble toutes autres pièces que lesdits Veniciens détiennent et occupent audit sainct-siege appostolique , et ledit trèssacré empereur ait recouvré Rouverey, Vérone, Padue, Vencense , Treviso, Forum Julium , avec ses territoires et deppendances quelconques et le patriarche d'Acquilege avec ses apartenances , ensemble tous autres lieux, places et seigneuries prinscs par lesdits Veniciens à ceste dernière guerre, des terres et seigneuries appartenantes à la maison d'Austrice, et généralement tout ce que lesdits Veniciens ont prins e1 usurpé , tant du saint-empire romain que de la maison d'Austrice, et que présentement ilz en tiennent et possessent, et semblahlcment ledit roy de France ait recouvré toutallement Rrixe, Crema,
Bergamo, Crémone, Geradalclo avec toutes leurs apartenances et deppendances, ensemble tout ce que anciennement a esté du duché et estât de Milan et des prédécesseurs dudit très-chrestien roy audit duché , et aussi ledit roy d'Arragon ait reconquesté tout ce que lesdits Veneciens ont prins et usurpé du royaulme de Naples et de ses prédécesseurs oudit royaulme, et encoires à présent détiennent et usurpent, assavoir : Trane, Brondux, Otrento et Galipole et toutes autres choses qui sont par eulx occupées du royaulme de Naples.
Item, quant à ceste invasion que se doit faire par la majesté impériale, pour ce que sa majesté a nagaires fait une trêve de trois ans avec lesdits Veneciens, laquelle, sans quelque honneste occasion, il ne pourroit rompre, il a esté convenu et accordé que sa majesté sera tenu d'envoyer aucun nombre de gens d'armes en ayde à notredit très -saint père, tellement que le jour de l'assault et invasion, qui sera le premier d'avril, soient emprès sa saincteté, s'il veut, et l'aydent et assistent en icelle invasion, et notredit sainct-pere escripra audit très-sacré empereur que, comme advocat et protecteur de la sainte esglise, il vueille de tout son povoir assister et aydier sa saincteté pour le recouvrement des biens de la saincte esglise romaine. Et alors sa majesté, en dedans quarente jours après le premier d'avril, avec l'empire et son armée fournye d'artillerie de son cousté, sera tenu de rompre et courir sur lesdits Veneciens et soubz ceste coleur s'i emploi er avec sa puissance.
Item, si l'ung desdits confederez avoit plus tost reconquesté et reheu ses terres et seigneuries que l'aultre, il sera tenu ouvertement et sans decepcion aydier les aultres avec son armée jusques à ce qu'ilz aient semblablement reconquesté leurs biens desdits Veneciens entièrement.
Item, et si, pendant ceste guerre ou bataille contre lesdits Veneciens, l'une des armées avoit affaire de l'ayde de l'autre, en cas qu'elle fust envahie toute seule des ennemys, icelle autre armée sera tenue incontinent , sans delay, l'aydier et secourir.
Item, et pourront aussi se adjoindre en ceste présente ligue et
confederacion , le très-illustre duc de Savoye1, pour la conqueste du royaulme de Cyppre, et les ducs de Ferrare et marquis de Mantue, pour la conqueste et recouvrement de ce que lesdits Veneciens leur détiennent et usurpent, et seront tenuz pour comprins en cestedite ligue , selon ce que plus amplement sera accordé entre l'impériale majesté et le roy de France. Toutesvoyes , quant à la comprinse du duc de Ferraire, a esté dit quelle ne sera faicte, sinon en cas qu'il pave une somme de deniers à la majesté impériale, selon l'advis de notre sainct-pere et dudit très-chrestien roy de France, pour les actions que sa majesté a contre ledit duc de Ferrare2.
Il cm, quant au roy d'Arragon, entervenant principalement en eeste ligue et confederacion, pour ce que audit traicté gênerai de paix aujord'huy faicte entre la majesté de l'empereur et le trèschrestien roy de France, ledit roy d'Arragon y est dénommé pour confédéré et amy d'une chacune des parties et comprins pour ses royaulmes et seigneuries, il a esté convenu et accordé que les querelles des royaulmes de Castille, tant quant au gouvernement par ledit roy d'Arragon prétendu pour et au lieu de la roync de Castille sa fille, que quant aux droiz ou principaulté apartenant à très-illustre prince et archiduc, et pour les seurtés de sa succession, aussi quant aux dotz et douayre de ladite royne et autres dependences quelconques, h cause desdits royaulmes, seront traictées amyablement par arbitres qui se esliront d'un commun accord. Et afin que ceste présente emprinse faicte contre les Veneciens ne soit troublée, ayns que uni; chacun desdits confederez y puisse aller franchement, la majesté de l'empereur ni mondit seigneur le prince et archiduc, ou aultres pour eulx, pendant cestedite emprinse et jusques au parachèvement d'icelle et encoires six moys après, par voye de fait ni autrement, directement ou indirectement, ne feront aucune question dudit gou-
1 L'adjonction du duc de Savoie au traité 2 Sur les prétentions du duc de Fermera} fut demandée par ce prince, le rare et du marquis de Mantoue contre les ii5o9,etacceptéeparleJoiLouisXII, Vénitiens, voyez Histoire de la Ligue de
le ig du même mois. \ oir Dumont, Corps Cumbruy, par Dubos, livre 1.
diplomat. l\ . i' partie, i iG, 117.
vernement des royaulmes de Castille et autres dependences, ayns cependant cesdites querelles et toutes autres choses concernans les royaulmes de Castille demourant en souspens, et au mesme estai qu'elles sont à présent, et ladite emprinse parfaicte, seront tenuz lesdicts arbitres endedans lesdits six moys, ou devant, s'ilz veulent, traicter amyablement cette querelle, etinduyre les deux parties à appoinctement amyable.
Item, pour ce que audit traictié de paix aujourd'huy fait est traicté de l'investiture de Milan, qui se doit faire sans declairer le temps, à ce aussi que les deniers qui se paieront pour icelle se puissent de mieulx emploier en ceste emprinse contre les Veneciens, il a esté conclut et accordé que ladite investiture se devra faire le même jour qu'il apperra par effect ledit roy de France avoir envahy lesdits Veneciens, et alors que ses procureurs recepvant ladite investiture desboursent ladite somme de cent mil escuz d'or en or. Et sera faicte ladite investiture à telle condicion que ledit très-chrestien roy de France soit tenu de conquester le sien et aydier la majesté impériale pour aussi reconquester ce que les Veneciens luy ont usurpé, et non se départir de la guerre jusques le tout soit parfait. Laquelle condicion neantmeins ne sera couchée es lettres de ladite investiture, ayns seront faictes et concédées lesdites lettres de l'investiture sans exprimer ladite condicion et purement , selon la forme de l'investiture faicte à Aghenau; et seront comprinses en icelle investiture les seigneuries que se doibvent recovrer desdits Veneciens pour la part dudit trèschrestien roy de France, assavoir :Brixe, Crema, Crémone, Bergamo, Geradalda, et tout ce qui est de l'ancien domaine et estât du duché de Milan, avec leurs aparîenances et dépendances quelconques.
Item, sera aussi loysible au serenissime roy d'Angleterre de se enclourre en ceste confederacion et ligue contre les Veneciens, soit pour les offendre tant seulement, ou pour la deffence, ou tous deux ensemble, ainsi qui luy semblera pour le mieulx, pour laquelle comprise est réservé lieu convenable audit roy d'Angleterre d'une part et d'autre en ce présent traictié.
NEGOC. mPLOMAT.
Item, il a esté accordé que s'il advenoit, que Dieu ne vueille, que l'un desdits confederez aliast de vie à trespas avant l'exécution de ceste -■mprinse, que son hoir ou successeur la puisse porsuyvre et parachever ou lieu du defmnct, s'il vouldra; et, s'il ne veult, que neantmeins les autres confederez exécutent et parachèvent ladite emprinse.
Item, il a esté conclut et accordé que, si aucun des dessusdits, assavoir de notre très-saint pcre le pape ou desdits trois princes, assavoir l'empereur et les roys de France et d'Arragon, ne acceptoient ceste présente ligue et confederacion, et icelle ne ratifiassent ou missent à exécution, que tel contrevenant soit forcluz de ceste présente ligue et confederacion, et que les autres confederez ne luy soient en riens obligez, demeurant neantmeins ferme et estable ceste présente confédération , quant aux autres, lesqueîz seront tenuz l'exécuter pour leur part.
Item, que lesdits très-sacré empereur et le très-chrestien roy de France et les autres confederez doivent conserver la personne de notredit saint père, sa dignité, jurisdiction et auctorité, et du saintsiege appostolique envers et contre tous ennemys qui les vouldroient inquiéter et traveillier.
Item, que pareillement ilz reçoivent en leur protection illustre Francisque-Marie de la Rovere, prefect de Rome, et l'aydent, conservent et assistent à maintenir et garder les terres et seigneuries qu'il tient de présent, ou que deument il aura cy-après, envers et contre tous ceulx qui en ce le vouldroient troubler.
Item , que nul desdits confederez puisse, en quelque manière que ce soit, faire paix ou trêves, ny autre apoinctement quelconque avec lesdits Veneciens, sans l'exprès consentement de tous les autres confederez.
Item, que notre très-saint père le pape doive procéder par censures ecclésiastiques, et mes mes par voye d'interdit, contre lesdits Veneciens, les duc et seigneurie desdits \ eneciens, leurs subgectz, pays et seigneuries à culx subjetz, et contre tous ceulx qui leur donneront ayde, faveur et assistenee; et qu'il invoque lesdits empereur et roy de France et autres confederez à luy prester le bras séculier, baillant aussi représailles contre lesdits Veneciens et leurs subgetz,
ENTRE LA FRANCE ET L'AUTRICHE. — 1508. 243 et donnant leurs biens en proye; lesquelles choses ainsi faictes, seront tenuz lesdits empereur, roy de France et les autres confederez , aydier et assister sa saincteté à ce que lesdits censures, interditz et autres remèdes ecclésiastiques sortissent bon effect; et se feront ces choses avant le jour de l'envaïssement dessus decîairé.
Item, que notre très-saint père, le très-sacré empereur et trèschrestien roy de France , envoyent et escripvent par ensemble au roy de Hongrie, pour l'esmouvoir, attirer et induyre qu'il se vueille adjoindre en ceste ligue et confederacion, et se enclorre en icelle pour le recouvrement de ce que lesdits Veneciens luy détiennent et occupent induement, et afin qu'il se prépare à leur fere guerre environ ledit premier jour d'avril.
Item, il a esté convenu et accordé que, si le Turche , ennemy de notre foy chrestienne, incité desdits Veneciens ou autrement, invahissoit les chrestiens, que lesdits notre saint-pere, le très-sacré empereur, très-chrestien roy de France et les autres confederez dessus nommez qui seront comprins en ceste ligue , de toutes leurs forces, unanimement et d'un commun accord, seront tenuz y courir comme au feu, selon et en la manière que par notredit saint-pere, le très-sacré empereur et le très-chrestien roy de France, et le roy d'Aragon, pour le commun bien et prouffit sera conclut.
Item, que tous iceulx confederez qui vouldront estre comprins en ceste ligue et confederacion seront tenuz, en dedans deux moys prouchains, ratiffier, louer, confermer et agréer ce présent traicté et toutes et quelconques les clauses y contenues, et faire depescher leurs lettres de ratifEcacion en forme deue, scelées de leurs seaulx avec aussi soubmissions aux censures ecclésiastiques, et soubz leurs serments et obligations de biens en bonne et deue forme.
Lesquelles choses, etc.1
'On trouvera dans les Lettres de milien I", comme tuteur de Charles , ar- LouisXII,!, i36 etsuiv., les Articles se- chiduc d'Autriche, prince de Costillc . parés et particuliers arrestés entre Mar- d'une part, et George d'Amboise, cardiguerite d'Autriche, pour l'empereur Maxi- nal , pour le roi Louis XII , d'autre pari.
