r)0 NÉGOCIATIONS DIPLOMATIQUES

Les chosses dessus dictes fusrent mises à exeqution aynsy que je les havoye proposé. Et tant au premier siegie que au second et aussy à l'assemblé des estats , luy eult tant de nobles gens que je ne les sçauroie nommer, et luy fu monsieur le marescbal l , lequel se trova ung peu marry de ce qu'il n'estoit nommé au povoir, ou de vostre cousté ou de l'empereur. Toutesfoys il se monstra bien ayse de ce que le pays estoit en vostre main, et aussy fisrent tous les aultres. Et combien que madame la princesse2, à cause de son allée de Lyon, ne s'y trova poinct en icelle assemblée, neantmeyns elle envoya troys bons personnages en son lieu, et nous escripvit en declairant son bon vouloir et affection tiellement que toutes ebosses ont esté expédiées à vostre boneur et désir. Et estes reconue et jurée , madame, la contesse de Bourgongne. Et au regard des propositions faictes et des solempnités tant aux estats que au parlemant, je ne vous en escrips poinct, car vous l'entendrés d'ailleurs.

Nous trovasmes audict conté tout plein des bandes dressées entre les nobles pour faulte de justice; et pour ce que je ne povoye demourer plus longuement, je dressay quelque manière d'amytié tielemant que j'ay mis touts les gros différants en arbitragie , et despecbiasmes tout plein des afferes en justice, et mesmes devant mon partement fu pronuncé l'arrest pour despeebier ceulx qui ont faict mourir la femme de Jeban de Vers. Et touebant ledict Jehan de Vers, pour ce qu'il c'estoit allégué clerc, j'hay faict venir l'official de monsieur de Besançon devant les sieurs du parlemant, et luy faict touebier au doy que ledict Jeban de Vers ne debvoyt jouyr de son privilégie de clergie. Et pour ce fu mandé aux officiers de procéder oultre.

Vous advertissant qu'il y ha eu beaucop de pratiques et beaucoup d'offres pour le fere mettre en la main de monsieur de Besançon , espérant par ce moyen deslayer la ebosse jusques à ce qu'ils hauroient leur grâce. Mays j'ay rompu le coup et ay declairé à touts

Guillaume de Vergy.

Pniliberle de Luxembourg, princesse douairière d'Orange.

ceuix que m'en ont parlé qu'ils n'hauront jamays grâce de vous de si méchant cas, tiellement que les parents après me ont requis que pour leur honneur, aulmeyns Thon le fist mourir secrètement; et en cela me semble que vous pourriez gratiffier aux parents.

Monsieur le gouverneur de Bresse J arriva à Dole jeudy dernier au soir, que nous havions tout despechié, tant au parlemant que aux estats, et ne fu possible estre aveque luy, sy non ce soir, car lendemain matin nous partismes. Mays, devant nostre partemant, fu baillé une requeste de la part du tresourier Philippe de Chassey2, par laquelle il mandoit troys chosses : l'une un relief d'appel à cause de sa prinse; l'aultre, élargissement moyennant caucion, et la tierce, sy l'hon ne vouloit eslargir, aulmeyns qu'il fust mis hors de la main de ses ennemis et en aultres prisons. Sur laquelle requeste touts ceulx du parlemant fusrent d'opinion que, touchant le premier point, c'estoit chose clere que l'hon ne luy povoit refuser son relief d'appel ; et, au regard des aultres deux, combien qu'ils estoient touts asseurés par la relacion des commis de la part de l'empereur qu'il n'y havoit aulcuns cas requérants punicion de sang, et qu'il debvroit estre relachié à caucion, ou aulmeyns mis en aultre prison non suspecte, toutes foys, puysque l'empereur y avoit mis la main et que monsieur le mareschal y estoit affectionné, qu'il seroit mieulx que, par bons moyens, l'hon fist bonnes remonstrances audict monsieur le mareschal pour le mectre hors de ses mains, en quelque aultre prison du prince. Et fuy du mesme advis, et donnay la charge à mon vispresident et à monsieur de Rye de parler audict monsieur le mareschal, ce qu'ils fisrent, et le troverent bien difficile , non-seulement de le mettre en aultres prisons, mays de luy bailler aultres gardes au mesme chasteau , disant qu'il y estoit recommandé de la part de l'empereur; et que, si je vouloye prendre en chargie

1 Laurent de Gorrevod, comte de Pont- l'exercice de sa charge. (Voir Corresponde-Vaux , etc. (jance je Maximilien et de Marguerite d'A a-

- Philippe de Chassey, trésorier de triche, I, 69, 70, 196, 327; II, 282.) Dole, fut accusé de malversations dans

de contenter l'empereur, qu'il me le bailleroit en garde à moy. Et cognoissant que ce n'estoit que pour moy jetter le chat aux giambes, et aussy que en ceste matière n'havove de vous nulle expresse ordonnance, je fis décréter la requeste dudict Chasscy pour luy ouctroyer son relief d'appel, et, touchant l'eslargissement ou changiement des prisons, que icelle requeste fust renvoyée à vous pour y ordonner vostre bon plaisir. Et me semble, madame, que pour aquerir l)on bruyt en ceste vostre première entrée, que par eiïect chascun cogneisse ce qu'havons presché aux estats et au siegie, que vous estes dame de justice et que vous voulcs icelle estre administrée à ung chascun sans port, faveur ou dissimulacion, vous debvés mander à ceulx du parlemant que, attendu la suspicion alléguée par ledict de Chassey, et mesmes que, celon que j'entends, pour le maulvays traictement qu'il ha eu, il ha desjà perdu les ongles des pieds et les cheveulx de la teste, ils le facent incontinent conduyre à Pouligny ou à Dole, hors des mains de monsieur le mareschal; et après, s'ils cogneissentpar justice qu'il doibvet estre eslargy moyenant caucion, qu'ils facent; et que, tant sur cella que sur la matière appellatoire, ils administrent audict de Chassey bonne et briesve justice. Et aynsy faisant , tout le monde louera Dieu , et sera crainte pour l'advenir de non attempter tielles violences, et ferés une euvre méritoire et piteable; car s'il demeure là, il est en dangier qu'il ne demeure en quelque desesperacion.

Madame, pour ce que je n'havoye le temps de vous escripre à mon partemant de Dole, à cause de la grande presse des gens qu'estoient à l'entour de moy et jour et nuyct, j'hay faict venir Nongin jusques icy, lequel vous renvoyé maintenant, vous advertissant que sambedy dernier vinsmes disner à Nouserey aveque madame la princesse ], qui nous fist très-bonne chiere pour l'honneur de vous, et se dict vostre très-humble subjecte et servante, et se monstre tant joyeulse de ce que ce pays est entre vous mains que riens plus,

La princesse douairière d'Orange.

ENTRE LA FRANCE ET L'AUTRICHE. - 1509. 253 et mesmes de ce qu'havés mys la justice du parlement en treyn, et vint frapper sur le governement du pays : vous entendes bien et estes assez sagie, et croy qu'il vous sovient bien des devises de aultrefoys, et me semble que , ni en cecy ny en aultres offices quelconques de ce pays, vous n'y debvés touchier jusques à la venue de maistre Loys, que sera plus briesve que la myenne; et par luy entendrés toutes novelles tant des finances que aultrement. Et vous asseure que M. le tresourier Bontemps * ba bien mangé les finances de ceste conté, tiellement qu'il n'y ha que mordre; toutesfoys nous bavons dict au tresourier qu'il soit sagie.

Je croy que des deniers qui cschorront despuys la prinse de vostre possession il n'en dispousera, sinon par vostre ordonnance, et vous appointera les estats que l'bon y bavoit faict à fin que luy ayez du regard.

Nous bavons trové que par faulte de poyer ceulx de la garnison de Joux, il y ba bien trente payes que demouroient tout jour à vostre charge, desquels l'bon se passera, puys qu'bavons payé et ne restoit à poyer que xmc livres; et pour ce monsieur le governeur, maistre Loys et moy se sommes faicts forts pour vous, et bavons ordonné le poyement à fin qu'ils vuydent et qu'ils ne lacent nul dommagie, et en havons faict une lettre au tresourier pour vostre prouffit.

Semblablement bavons, de vostre part, envoyé devers les Suizes Simon de Champagne aveque bonnes instructions, celon l'advis de messieurs des estats et celon la conclusion prinse aveque vous avant nostre partemant, et luy bavons baillé vous lettres de credence que signastes à nostre partemant, et aveque ce luy havons faict bailler par ledict tresourier xl livres pour ses dépenses.

Madame, nous allons à diligence, et espère que monsieur de Viry et moy serons à Thurin le premier jour de may pour le plus tard , et là entendrons à la despechie du demourant; et s'il survient quelque chosse digne d'escripre, vous advertiray.

1 Jean Bontemps, seigneur de Salans, trésorier général des domaines et finances en Bourgogne.

J'hay eu aujourd'huy nouvelles de Phrisio, que j'ay envoyé devant pour aller à Mantue; et lia passé par monsieur vostre frère \ et dict que les Françoys ne se peuslent asseurer que l'empereur alliet de bon pié en ceste entreprinse, et que monseigneur luy ha dict mesme qu'il scet bien que l'empereur ha desjà receu grand argent des Veniciens.

J'ay aussy eu novelles de ma fillie2, qui m'ha faict grand-pere et ha faict ung aultre fillie ; mays j'hay d'aultre cousté aultres novelles que ma femme3 est à l'extrémité; dequelles hay esté et suys bien marry. Dieu luy veullie donner guerison si c'est pour le mieulx.

Madame, vous me manderés et comanderés vous bons plaisirs pour iceulx accomplir de mon povoir, aydant Nostre Seigneur, auquel je prie, madame, qu'il vous doint l'entier accomplissemant de vous désirs. Escript à Genefve , le xxmie jour d'avril.

Vostre très-humble et très-obeissant subject et serviteur,

Merclrin de Gattinara.

ANDRÉ DE RURGO À MARGUERITE D'AUTRICHE

Indisposition du roi, du cardinal d'Amboise et de Robertet. Le roi a signifié au duc de Gueldre qu'il eût à entretenir le traité de Cambray. Impôt du comté de Charolais. Le roi envoie des troupes à l'empereur, sous la conduite du marquis de Mantoue. Nouvelles de la guerre d'Italie. (Original.)

Dernier juillet, à Milan.

Madame, pour non estre esté de retour mon serviteur de devers l'empereur vostre père, comme vous ay escript, ne vous ay peu ad ver- Charles III, duc de Savoie.

Klisa, mariée a Alexandre Lignana, comte de Setlimo. Andrietta de gli Avogadri.

tyr durant son absence du besoigné par moy louchant vos dernières lettres et autres précédentes; mais j'ay chargé à vostre procureur de Bresse estant par deçà vous escripre et adverty en quel estât les choses estoient. Et obstant, madame, que le roy estoit ung peu mal disposé de goûtes, semblablement a heu quelque petit excès de fièvres monseigneur le légat, lequel en est biengari, Dieu mercy; aussi a esté malade Robertet, ne les ay voulu fort presser pour l'expedicion des choses: mais incontinant que sera ung peu mieulx disposé ledit Robertet, qui a desjà les minutes des lettres touchant voz affaires particulières, le poursuivray à les expédier, et icelles estres expédiées, les vous envoyeray, que sera brief,

Touchant les choses de Gheldres, madame, le roy, oultre l'expediction qu'il a faicte à maistre Jehan Olivier son secrétaire, a escriptes bonnes lettres à messire Charles de Gheldres, et semblablement au maistre d'hostel Gamache , disant par sesdites lettres que entièrement il vouloit que le traicté de paix fut entretenu sans ce que aucunement riens se feit à rencontre, et autres bonnes paroles, tellement que je croy que pour l'expédition de sondit secrétaire et icelles ses lettres, les choses se mectront en bonne ordre et que ledit de Gheldres se tiendra en paix.

Quant à l'impost de mM mc liv. tournois fait en vostre conté de Charrolois, du don et ouctroy naguère ouctroyé au roy ou duché de Bourgoingne, dont par vosdictes derrenieres lettres m'escripvez , hier estant devers mondit seigneur le légat, pour ce qu'estoit tout pesant pour ces grandes chaleurs, doubtant de le fastidier, me sembloit non estre temps d'en parler. Toutelfois, je luy en parlis deux ou trois mots, et incontinant fit appeler monseigneur de Tournay, auquel il donnit charge de faire sans delay expédier ceste matière, laquelle je poursuivray devers luy, et fexpedicion faicte, vous envoyeray aussi le tout.

Madame, hier retournant de devers ledict seigneur roy estant à quatorze milles d'icy, receu la poste venant de vous sans aucune lettre de fempereur vostre père. J'ay vu les lettres qu'il vous a pieu

par icelle poste m'escripre, aussi les requeste et copie que m'envoyez. Et pour ce que ces jours passez icellui seigneur roy a heu quelque trois petit excès de fièvres tierces, et cuide qui ce soit plus pour ces grandes chaleurs que la débilité de sa personne, et croy aussi que, au plaisir de Dieu, sera de brief en très-bonne sancté et que de tout ne sera riens, je ne veulx si accop luy donner encombre. Touteffois, demain retourneray devers sa majesté, et selon ce que le verray bien disposé, luv evposeray le contenu de vosdites lettres et presenteray ladite requeste en me perforceant y faire tout mon povoir. Et de ce que se ensuivra vous advertiray sans nulle faulte; et pour non donner fastidie audit seigneur roy, si mondit seigneur le légat n'est bien disposé et en terme quelques autres affaires que l'empereur m'a mandé à diligence traiter avec luy ne se traictent, que empesche que ne luy puisse parler de cette matière, luy en parleray une auitre fois.

Au surplus, madame, touchant les chosses de l'empereur vostre père, je ne vous en escrips riens, pour ce que par luy en serez bien advertie, et aussi par nions, le président. Le roy a envoyé à vostre père cinq cens et trante lances aux despens d'icellui vostre père. Et demain se partie marquis de Manthue avec autres cens lances aussi, que d'abondant le roy luy envoyé, luy faisant dire que, s'il a affaire de trois ou quatre milles piétons, semblablement les luy envoyera aiïïn de parfaire ceste entreprinse.

11 me semble que povez escripre audit seigneur roy une lettre de vostre main condolant de sa petite maladie, comme sçaurez bien faire, espérant par icelle vostre lettre que icellui seigneur roy soit desjà en bonne convalecence; de quov avez très-grant joye et singulier plaisir, luy remercyant très-affectueusement des bonnes responces et gracieuses paroles qu'il donne tousjours à voz particuliers affaires; car certes, madame, elles ne seroient esté meilleures, et vous promeetz qu'il vousayme de tout son cueur et a très-bonne affection en vous: vi semblablement devez faire à mondit seigneurie légat. Des nouvelles de pardeçà : les Veniciens sont venus courir au pays

de Ferraire et ont prinse deux ou trois petites villes que le duc de Ferraire avoit recouvrée d'eulx, et vouloient encoires lesdits Veniciens marché plus avant; mais ledit seigneur duc de Ferraire y a envoyé une compaignie de gens à chevaulx et à pied qui les ont rebouté. Je prie à Dieu que vostredit père y puisse faire une bonne deffaicte de sa part, ce que je croy y fera. Le pape luy envoyé aussi deux cens lances.

Madame, il vous plaira tousjoursme commander vos bons plaisirs, que je accompliray de tout mon povoir comme suis tenu, aydant Dieu, auquel je prie vous donne, ma très-redoubtée dame, l'entier de voz très-haulx et nobles désirs. A Millan, ce derrenier jour de juillet.

Vostre très-humble et très-obeissant serviteur,

Andréa da Borgo.

ANDRÉ DE RURGO À MARGUERITE D'AUTRICHE

Le roi Louis est résolu à abandonner totalement le duc de Gueldre, s'il ne se soumet au traité de Cambray. Succès de l'empereur en Italie. (Original.)

12 septembre, Gien-sur- Loire.

Ma très-redoubtée dame, ji très-humblement que faire puis, à votre bonne grâce me recommande.

Madame, après les dernières lettres que vous ay escriptes de Lyon, le xxviie jour d'août dernier passé, le roy s'est parti de là et a tousjours tiré chemin sans séjourner, avec la royenne sa femme, jusques aune petite ville sur la rivière de Leere (Loire), nommé Saint-Pierre le Moustier1, où il luy survint quelque petites goûtes, pour laquelle cause séjourna seulement ung jour et monta deslà sur ladite rivière

1 Saint-Pierre le Moustier, dans le Nivernais, situé non sur la Loire, mais à peu de distance de cette rivière.

NÉGOC. D1PLOMAT. 1, 33

de Leere avec ladite royenne sa femme, navigeant sans séjourner jusques à Cosne sur ladite rivière, où il survint quelque petite arteracion à la royenne ; par quoy ledit seigneur roy et elle demeurairent en icelle pour quatre ou cinq jours, et par chemin les suyvant lousjours de près, comme de deux lieues, et aucunefois lougeant où lougoit ledit seigneur rov, j'ay parlé par deux fois à luy et l'ay trouvé tousjours bien disposé et avec bonnes paroles envers l'empereur votre père pour l'emprinse de la reste appartenant à votredit père. Et en ce temps qu'il a esté audit Cosne, et estant lougé à deux petites lieues près de luy, j'ay receu vos lettres lundi passé au soir par la poste propre que m'avez envoyée. Et incontinant icellcs veues, le lendemain matin , me suis tiré où estoit ledit seigneur roy, et pour ce qu'il n'estoit possible parler à luy, pour la cause qu'il estoit continuellement en la chambre de ladite royenne sa femme, sans ce que personne extrangerc luy peult parler, me tiray devers monsieur le trésorier Robertet, auquel je monstris vosdites lettres , luy remonstrant tout le contenu en icolles et autres choses qu'il me sembloit estre nécessaires. Il me fit responce que vous, madame, ne déviés avoir aucune suspicion que le roy supportist aucunement messire Charles de Gheldres; car certes il ne luy avoit escript une seule lettre depuis le traictié de paix, fors celle que derrenierement luy avoit escripte de Milan, et assura qu'il estoit certain que, quant escriproye à monsieur le légat de ces choses et envoyeroye le double de votredile lettre, mondit sieur le légat escriproit audit sieur de Gheldres, de sorte qu'il luy donneroit à congnoistre les lettres à luy escriptes par ledit seigneur roy estre à telle fin qu'il ne veult ny entend aucunement que ledit messire Charles face nulle nouvelleté ny entreprinse contre ledit traité de paix, et que, si ainsi le fait, qu'il ne le supportera en nulle manière ne aussi luy donera port ny faveur, ains l'abandonnera; ainsi que oultre ces lettres semblablemant luy escriproit; et dit ces paroles ledit Robertet, et que vous, madame, déviés désirer que ledit de Gheldres eust prins quelque ville sur monsieur votre nepveur , afin (pie ledit seigneur roy eust plus

grande occasion de l'abandonner; je luy respondis qu'il n'a voit tenu audit sieur de Gheldrcs; et que, s'il eustpeu parvenir à son emprinse, ainsi fut esté fait, comme il povoit veoir par vosdites lettres. En conclusion fut son advis que devoye escripre audit sieur légat. et envoyer le double de vostredite lettre, ce que j'ay fait en la meilleure sorte que j'ay peu, osté aucune parole du premier et dernier chapitre d'icelles vos lettres qu'il sembloit estre nécessaire; qu'il ne doubtoit aucunement que ledit sieur légat n'y mist bonne provision, comme la chose bien le requeroit, et escriproit audit de Gheldres en la forme que dessus. Et certes, madame, les bonnes nouvelles du bon portement de l'empereur votre père n'ont à ce nuyt, mais sont esté bien bonnes. Et incontinant après que je fus parti dudit Robertet, receut lettres de vostredit père, du mie de ce mois, par lesquelles fust adverty comme iceliuy votre père estoit approché après Padue d'ung mille ytalien, pour y mectre le siège, avec plusieurs autres bonnes nouvelles toutes plainnes de tous bons espoirs ; et que d'autre part estoient prinses les villes d'Est et de Monselle, et mises à sac, aussi que Montignaigne, bonne et grosse ville, estoit prinse par composition de payer certain milliers de ducatz, et quatre cens pyonniers, et autres bonnes nouvelles. Et semblablement d'autre cousté ay heu nouvelles que l'empereur vostredit père a envoyé une bonne quantité de gens d'armes, fornis de toutes choses nécessaires pour assiger Lignacgue , lieu bien importable.

Des autres nouvelles qui sont survenues en mon arrivée icy, vous les pourrez veoir par le double des lettres que j'envoye à l'empereur vostredit père, l'original desquelles je luy envoyé par la poste du roy. Après que les aurez veues, je vous prie estre votre bon plaisir les faire lier avec celles adressant à monsieur de Gurce, et les envoyer par ensemble. Et cy-après, pour ce que moy estant à Blez , seray prouche de vous, pour quoy auray meilleur occasion vous envoyer, et pour plus grant seurté, les lettres à vostredit père, et les faire pourter de Flandre par les postes d'Allemaigne; pour quoy me sembleroit estre bon que envoyissiez un ou deux messaigiers par

devers moy exprès pour pourter lesdites lettres jusques à vous, et ainsi est mon advis.

Aussi, madame, fadvis de mondit sieur le trésorier Robertet et le myen a. esté que l'ambassadeur, que devez envoyer pour la cause que vous ay escrit, se doit arrestcr à Paris, faisant savoir à monsieur le légat son arrivée, et comme vous l'adressez à luy, veullant luy mander son bon vouloir et plaisir, si se doit tirer par devers luy, ou quel chose luy est nécessaire faire, et faire tout ainsi que mondit sieur le légat luy mandera et ordonnera, assavoir si se tirera premièrement devers luy ou devers ledit seigneur roy.

Ma très-redoubtée dame, il vous plaira, au surplus, mander et commander tous vos bons plaisirs, etc. A Guya-sur-Leere \ le xne jour de septembre.

Votre très-humble et obéissant serviteur,

Andréas de Burgo.

MERCURIN DE GATTINARE A MARGUERITE D'AUTRICHE.

Gattinare rend compte de ses pourparlers avec les ambassadeurs d'Espagne. Efforts pour rompre l'appointement qui se négociait. Ruses diplomatiques. Marguerite a tort, quand elle est mécontente, de ne pas s'expliquer plus clairement envers un homme tel que lui. Affaires de Gueldre. Il revient à ses débats avec les députés d'Espagne. Nouvelles d'Italie. L'empereur sollicite du roi de France des troupes nouvelles. Louis XII ne paraît pas disposé à accorder ce subside. Les allaires de l'empereur vont mal en Italie. La princesse ferait bien d'écrire à son père pour le réconl'orter'et lui donner des conseils que développe Gattinare. {Original.)

29 octobre, à P.lois.

Ma très-redoubtée dame , tant et si très-bumbleinant que 1ère pays, à votre bone grâce me recomande.

Madame, depuis la despecbie de mon clerc, lequel bay envoyé

1 Sans doute Gien-sur-Loire.

devers vous, ay receu en ung paquet de monsieur de Guree deux de vous lettres qu'estoient envoyées par les postes de par delà, et ont esté plus de cinq sepinaines en chemin : la première, donée a Bruxelles le premier jour de septembre, concernant mon retour et du mesme contenu des aultres deux, esquelles je vous hay faict dernièrement response; l'autre, du vii de septembre, par laquelle vous escripviez estre bien joyeuse de la rompture de cestuy appoinctement d'Aragon \ Et ensemble me faisiés responce à aucunes particularités desquelles vous havoye par avant escript, me touchant quelque chose de l'appoinctement de Gheldres.

Madame v puys que j'hay receu vousdites lettres, pour satisfere à ce que vous m'escripviés, veulliant tendre par bon moyen à la rompture d'icelluy apoinctement d'Espagne, sans la chargie ny de l'empereur, ny de vous, ny de nous : bavons journellement esté en grosses disputacions avec les ambassadeurs du roy d'Aragon, lesquels avons trové subtilz, cauteleux, difficiles et entièrement desraisonnables; de sorte que, non-seulement ils ne vouloient ouyr parler des articles nouveaulx par nous proposés, ayns vouloient gloser les articles ordonés par le roy, et changier en pluseurs endroietz la substance d'iceulx, disant beaucop de grosses paroles et nous remonstrant qu'ilz n'estoient pas en nécessité de fere cestuy apoinctement, et que la tardance d'icelluy estoit plus à domagie de l'empereur que du roy leur maistre, nous donant assés à entendre que le reboulement de l'empereur en Italie ne procedoit sinon pour non estre d'acord aveque le roy leur maistre. Aus quelz, combien que leur haions souffisantment respondu, neantmeyns pour les mieulx confuler et pour mettre la rompture sur eulx, sans encourrir de notre cousté l'indignacion du roy, bavons présenté

1 Mercurin de Gattinare avait été en- triche et du gouvernement de la Castille.

voyé à Blois par l'empereur, pour négo- Voir l'instruction donnée par Maximilien

cier, sous l'arbitrage du roi Louis XII, un à Gallinare et à André de Burgo , Lettres

accommodement avec le roi d'Aragon, au de Louis XII , I, 180. sujet de la succession de Philippe d'Au-

s'ilz vouloient accepter la capitulation du roy, ainsi que les articles estoient couchiés, sans y riens adjouster ny diminuer; que nous estions contentz de l'accepter et stipuller le traictié dès maintenant; et ne cuydés pas que cella ayt esté par bestisc ny par follie, mays pour ce que nous sçavions bien qu'il y bavoit des motz en deux ou troys articles qui touchioent trop près du cueur au roy de Aragon et qu'il ne les laisroit jamays en cette sorte. Et ainsy bien nous en estoit advenu que lesdits ambassadeurs d'Aragon, qui avoyent si bien pesés les motz que nous-mesmes, ne voulurent pas accepter ce party, sinon par ung moyen que le roy cleclarast aulcuns motz, lesquels ils disoient être obscurs, impossibles et non conveniantz à la matière; mays nous leur respondismes que nous ne voulions point venir à novelle declaracion desdits articles, s'ilz ne se declaroit par ensemble les aultres difficultés des articles noveaulx, lesquelles voulions toutes commettre au roy : ce qu'ilz ne ont pas ancores voulsu accepter, disantz quilz ne ont commission de traictier, sinon sur ces articles préalablement ordonés par le roy. Et par ainsy veulliantz tendre à rompture, nous tenions et tenons ancores le chemin overt que la rompture viendroit de leur costé et non pas du nostre, et que etilx seulz en seroient chargiés et non pas nous, combien que, pour entretenir les choses en sourceance, l'hon eust proposé ung moyen d'attendre la venue de monseigneur le légat pour regarder si l'hon y sçauroit trover quelque mellieur expédiant.

Madame , cependant que nous estions en ceste sourceance , sans nous plus assembler ny débattre, est arrivé le secrétaire de monsieur l'ambassadeur de liurgo, par lequel hay receu vous lettres escriptes à Bruxelles le xuue de ce moys; et par icelles je cognoys assez votre mescontentement en ceste matière, d'aultant que ne me parlés elerement, ainsy que debvroit fere la maistresse à son serviteur; ayns me bailliés une culliere, disant ne vouloir estre faicte mencion de vous, et que j'en fasse ainsy que je l'entendz. Lesquelz molz se devroient escripre à ung estrangier et à ung homme incogneu, non pas à moy, lequel havés assés cogneu et expérimenté.

ENTRE LA FRANCE ET L'AUTRICHE. — 1509. 263 Mays puys que ainsy est que vous m'en mettes la bride sur le col sans me declairer plus avant, je suys bien contrainct m'y governer de sorte que je ne me tyre le chat aux jambes et que je m'en aillie au grant chemin que Thon ne me puisse en rien chargier ny reprouchier. A ceste cause nous bavons adverty l'empereur bien au long de tout le démené de cestuy affere et des difficultés qui y sont, à fin qu'il nous envoyet expressément ce que nous baurons à fere; et celon ce qu'il nous mandera nous efforcerons satisfere à son désir et accomplir notre chargie au meyns mal que nous sera possible. Combien que je vous asseure que, si conclusion y doibt estre, elle ne sera pas si dommagiable, ny si deshonourable que Thon l'a vous ha blasonée, cornant je vous feray cognoistre à ma venue devers vous.

Au regard de l'apoinctement de Gheldies, j'en hay escript en bien bonne sorte là où je cognoys estre expédiant, et espère qu'en haurés bien brief bonne responce. Et mesmes je cognoys par quelques devises que nous avons eu icy aveque le chancelier que du cousté de par deza l'hon désire icelluy apoinctement ainsy bien que vous faictes, ce que me fet croire que vous en haurés meilleure issue.

En outre , pour ce que par icelles vous lettres du vne de septembre vousm'escripvés, que vous entcndriés à la overture de Tortelet, je vous advize que, moy estant dernièrement à Thurin, combien que je n'eusse aultre novclles de vous, j'hay comme de moy-mesme taslé le guet. Mays je Ireuve la matière bien difficile, et vouldroit monseigneur des condicions que j'e luy ay dict clerement que vous ne les accorderiés pas; de sorte qu'il en ha esté fort marry contre moy, ainsi que entendrés plus à plein quant je seray devers vous.

Au surplus, le procureur de Charreloys ha esté par plusieurs jours icy, et a trové qu'il n'etoit pas expédiant prendre les lettres de congié pour lever l'ayde de Charreloys , et qu'il seroit en diminucion de votre auctorité et pour vous ouster l'assemblée des estats; mais ha faict faire une aultre lettre de deffense au receveur des aydes de non molester ceulx de Charreloys, disant que, par novelle assemblée, en usant de votre auctorité, vous pourrez imposer et

lever ladite somme et davantagie, si vous vouldrés, et me semble qu'il dit la vérité. L'hon est après pour fere les aultres despesches nécessaires celon vous instructions et renvoyer ledit procureur.

Madame, j'hay oublié dessus vous escripre, touchant la matière de Espagne, ce que les ambassadeurs d'Aragon nous ont dict du traictié de Marnix; car ils disent avoir advertissement du roy leur maistre que Marnix luy ha dict de votre part que, pourveu qu'il bailliast quelque chosse au prince et qu'il asseurast la succession dudit prince, que vous laisriés le demourant et qu'il ne vous chaloit des aultres articles. Et combien, madame, que je tiens fermemant que Marnix soit si discret qu'il n'haura pas parlé si follement, mesmement n'en haiant nulle chargie, et croy sans fautte que c'est une ehiosse controvée pour sçavoir que chosse nous bavons au ventre, neantmeyns pour ce povés assés évidemment cogneistre que ce que ledit roy d'Aragon dict audit Marnix de l'autre apoinctement qu'il disoit estre traicté icy n'estoit que pour lui tirer le ver du nez, et pour sçavoir s'il avoit aultre chargie plus avant qu'il n'y havoit declairé; car de înesme ha il faict à nous, combien que ses ambassadeurs ont trové à cuy parler, ainsy que pourrez estre advertye par monsieur le maistre Philippe Dalla, qui ha esté présent à toutes choses et ha ouy toutes les disputes, et sans luy n'ha esté riens dict ny traicté. Et luy ont bien dict lesdits ambassadeurs en barbe comment le roy leur havoit dict que vous n'estiés pas contente de cestuy appoinctement, luy disant expressemant que, si ledit apoinçtement ne se faisoit , que vous ne recepvriés riens de votre douhaire en Espagne; mays û leur fust honestement respondu partoutz ensemble qu'il n'y havoit nul que plus désira cestuy apoinçtement que vous, ne qui plus eust prins de povnc pour induire l'empereur votre père à ce fere; et que à ceste lin vous haviés envoyé votre secretaire pour traicter ledit apoinçtement, et que vous estiés si asseurée du roy catholique comme de votre bon père, qu'il ne vouldroit en liens souffrir (pie vous deniers l'usent empeschiés. Bien confessa ledit Philippe Dalla qu'il liavoil dict que toutz les conselliers de par

ENTRE LA FRANCE ET L'AUTRICHE. - 1509. 265 delà tro voient cestuy apoinctement, ainsy qu'il estoit proposé par aulcuns articles à vous envoyés, fort déraisonnable et au grand dommagie de monseigneur votre nepveur et deshoneur de l'empereur votre père; sur quoy pluseurs aultres parolles dictes et répliquées d'ung cousté et d'aultre, que seroit longue chosse escripre. Vous advertissant, madame, que despuys qu'est levé le siegie de Padua, lesdits ambassadeurs d'Aragon se sont tenus et tiegnent si baultz et si fiers, que d'aulcuns articles qu'ilz nous bavoient desjà accourdés en la présence de Robertet, maintenant ils refusent de les admettre. Je prie à Dieu qui nous en doint bonne yssue, car je vous asseure qu'il n'y ha nul de nous qui ne voulsist bien estre dehors de ceste peliterie. Touteffoys j'espère que Dieu nous aydera.

Madame, despuys le jour de ma venue ici, pour ce que les chemins estoient rompuz, à cause du lievement du siegie de Padua, nous sommez demourés sans havoir novelles de l'empereur votre père jusques à présent qu'il ha envoyé ung gentilhome en poste devers le roy pour lui declairer les causes par lesquelles ledit siegie ha esté levé, et comme il ha proposé de aller mettre le siegie à Ligniague, pour garder que les villes deVeronne et de Vincence ne soyent adoumagiées. Et pour ce que les vc lances françaises s'en vouldroient revenir pour se refreschir ung peu cestuy yver et s'en retourner l'esté que vient, l'empereur escript au roy et luy prie que en lieu d'icelles vc lances il luy plaise luy en envoyer aultres vc novelles; mays en ce le roy en fet difficulté, disant qu'il ha aussy bien mestier de mettre garnison dedans ses villes qu'il ha gaignées. Touteffoys il ha escript par la poste à monseigneur le grand maistre pour l'advertir qu'il fasse fere les monstres, et s'il pourra fournir gens d'armes assés pour satisfere à touts deux. Et cependant la compagnie de monseigneur de la Palice demourera pour le siegie de Lignague. Et vous asseure, madame, que les afferes de l'empereur sont maintenant en grande perplexité; et s'il n'est bien aydé des aultres confédérés, il est en dangier de perdre tout ce qu'il ha conquis en Italie; que luy seroit, oultre le dommagie inextimable, ung

ivÉGOc. DirLoiiAT. — i. 34

reboutement perpétuel, tiellemant qu'il ne seroit pas craint cornant il ha esté jusques à icy.

Madame, il me semble que, par son grand bien et pour monstrer que vous havés ses afferes au cueur aultant que les vôtres, vous luy debvriés escripre une bonne lettre de votre main, le reconfortant des infortunes qu'il ha eu, et qu'il doibt en ce se monstrer plus vertueux et avoir espoir en Dieu et en sa bonne querelle, et prendre meilleur couragie à pourveoir que les enemis ne puissent nuyre cestuy yver, et l'exhorter que, pour la reputacion, il ne veullie pas tourner les espaules ny abandoner Italie, mays que, après la entreprinse de Lignague, pour doner couragie à ses amys et subjectz, s'il ne veult tenir les champs, que aulmeyns il mette bones garnisons là où il sera mestier, mesmes à ces deux grosses villes, Vincence et Vérone, et aux passagies, et qu'il se tiegne cestuy yver aveque sa personne dedans Vérone, où il sera très-bien asseuré. Et se tenant là, il pourra d'heure à aultre, s'il y survenoit quelque alfere, havoir l'ayde de toutes les gens d'armes de France, de Mantua et de Ferrara. Et par ce moyen il tiendroit le passagie overt pour fere venir tant de gens d'armes d'Allemagne qu'il vouldroit havoir, et tiendroit ses ennemis demourant là en maravellieuse crainte et despence, et luy viendroit mille moyens d'havoir argent de ces princes et communaultés d'Italie. Et par le contraire, s'il tournoit les espaules, quant il ne s'en retourneroit jamays que jusques à Trente, il perdroit la reputacion, et les subjetz et amys perdroient le couragie et diroient qu'il s'en seroit fuy. Et estant en Allemagne, il ne troveroit qui luy voulsist baillier ayde de ung seul denier, ayns perderoit non-seulement ce qu'il ha conquis, mays mettroit le demourant de son patrimoine en grand dangier. Vous advisant qu'il ha desjà apoincté avecq le duc de Ferrara qu'il luy baillie dès maintenant XLm ducats pour payer les gens d'armes; et au regard des actions que l'empereur havoit contre luy, ils s'en sont sobmiz au pape et au roy; et povés assés penser que, estant l'empereur en Allemagne, il n'eust piezà faict tiel appoinctement et aussy ne fc-

roient les aultres cornant les Florentins qui sont après pour apoincter semblablement.

Madame, vous me pardonerés si je faiz du presumptueux à vous escnpre si familièrement, car l'affection me transporte et me semble fere mon debvoir. A tant, ma très-redoubtée dame, je prie le Créateur qu'il vous doint l'entier acomplissement de vous très-haultz et très-vertu eulx désirs. Escript à Bloys le xxvme jour d'octobre i5oç>.

Des articles du traictié que je vous hay envoyé, nous summes presque d'acord jusques au xme et aussy des aultres troys derniers, mays il y en demeure quatre en question desquelz les Espagnards ne veuillient ouyr parler en façon quelconque. L'ung est l'article des chosses donées et ouctroyées par le feu roy de Castillie; car ils disent que par sentence le tout lia esté révoqué. L'aultre article est des maistratz; car ils disent que le roy leur maistre veult retenir quelque cbosse en soy pour demonstrer au prince, quant il yra en Castillie, l'amour qu'il y porte. L'aultre est des bénéfices; car ilz ne veuillient consentir aulcunement qui soit réservé ung seul office ny bénéfice; mais ils disent que, quant ilz seront d'acord, le roy leur maistre en donnera tout jour quelcun à la requeste de l'empereur. L'aultre est du subside de mcm ducatz; car ilz disent que c'est une chosse que n'ha jamays esté acoustumée en Castillie et que ce seroit pour mutiner le peuple. Au regard des aultres articles, nous accorderions assés, moyennant quelque changiemant desdits articles, que n'est pas de grande importance; touteffoys nous nous tenons fortz que nous ne conclurons poinct sur les aultres, si ne summes d'accord semblablement desdits quatre articles. Et cependant en havons adverty l'empereur et attendons sa responce , celon laquelle nous conduirons, vous advertissant que faisons le mieulx que nous est possible, et tenonz nous adversaires en très-grande souspeçon ; de sorte qu'ilz me craignent comme le diable et ne se contentent pas fort de moy, commant pourrés plus à plein estre adverty par monsieur le maistre Pbilippe Dalla, sans lequel n'bavons faict ung pas ny dict ung seul mot, et bavons continuelement mangié

ensemble, afin que chascun entende si nous y allons au droict chemin ou non.

Votre très-humble et très-obeissant serviteur,

Mercurin de Gattinara.