MERCURIN DE GATTINARA À MARGUERITE D'AUTRICHE

Demande d'argent. Le roi de France hésite à mettre des troupes à la solde de l'empereur, et n'approuve pas les dispositions de guerre qu'il fait en ce moment. Détails à cet égard. Entrelien avec le chancelier de France. Interception d'une lettre adressée au pape par le seigneur Constantin, un des généraux de l'empereur, et contenant de fausses imputations à la charge du roi. Explications données au roi lui-même, au sujet de cette lettre. Louis XII montre les meilleures dispositions pour l'empereur. ( Original.)

8 novembre, à Blois.

Ma très-redoubtée dame, tant et si très-humblement que fere puys à vostre bonne grâce me recomande.

Madame, despuys mes dernières lettres que je vous ay envoyé par Labbe, est revenu mon homme aveque ce peu d'argent qu'il ha recovert du sr Diego Floris l, que ne sera pas pour moy deslogier d'icy, s'il fault que je demeure plus longuement; car mondict homme au venir per les postes et à son retour en lia despendu bien la quarte partie. Et pour ce, madame, je vous supplie que, en ensuyvant ce que l'empereur vous en ha escript, qu'il vous plaise ordonner à ceulx des finances de dresser le payement de la reste de mon voyagie, car aultrement il me fauldroit fere banque-faillite. Au regard de monsieur l'ambassadeur de Burgo, il se tient content pour ceste heure de iiic ducas qu'il vous ha pieu luy envoyer et vous en remereye trèshumblement, se recommandant le plus très-humblement qu'il peult à vostre bonne grâce, et vous suppliant le vouloir tenir pour excusé

1 Trésorier de Marguerite d'Autriche.

s'il ne vous escript à présent, car despuys que je suys icy il m'en laisse la chargie.

Madame, par mes dernières lettres vous fustes advertye bien amplement en quel terme estoit l'affere d'Espagne et de toutes les difficultés et cornant nous attendions la venue de monsieur le légat et la responce de l'empereur, lequel havions à plein adverty, et aussy fustes advertye de la venue du gentilhomme que l'empereur vostre père havoit envoyé en poste pour l'entretenemant des vc lances et pour la journée de Mantua. Et semblablement fustes advertye de la proposition de l'ambassadeur de Hongherie et de plusieurs aultres chosses. Et despuys icelles havons assez solicité auprès du roy pour havoir la resolucion et la responce de ce qu'havoit porté ce gentilhomme. Et fmablemant dimenchie dernier, le roy, pour resolucion de ceste matière, nous monstra aulcunes lettres qu'il disoit havoir receu de monsieur le grand maistre par lesquelles il y escripvoit que la gensd'armerie estoit très-mal en ordre, et qu'il estoit impossible, si le roy se vouloitayder des gens d'armes pour l'esté, qu'il puissent servir l'empereur ainsy qu'il desiroit; et escripvoit aussy mondict sr le grand maistre cornant il havoit esté à parlemant devers l'empereur et que l'hon trovoit impossible mettre à présent le siegie devant Lignague, à cause que la rivière d'Attesy 1 ha rumpu et envyronné ledict Lignague de eau, en remplissant les fossés et marests tellemant qu'il seroit impossible y mettre artillerie, et que à ceste cause, l'empereur ne povoit tenir les champs à présent. Et pour ce qu'il havoit mis guarnison à Yincence et en havoit baillé le gouvernement au sr Fraquasse de Sainct-Severin et luy se estoit retiré à Vérone aveque les gens d'armes allemants, et que ces deux cités estoient bien guarnies, et que le cardinal de Ferrare estoit retiré aveque ses gens en la ville de Montagnane et ceulx du pape estoient en aultres villes, et qu'il havoyt mis monsieur de la Palice aveque la hande des Françoys dedans Villefranche , qu'estoit ung lieu moyen entre Vérone

1 L'Adige, qui passe à Lignago.

et Pisquere, et que, s'ils estoient pourveus des vivres, ils demoureroient là pour secourir là où il seroit mestier, et que, toutes et quantes foys vouldroit assiéger Lignague et que la eomodité y fust, ils seroieut prêts non-seulement lesdicts vc lances, mays toutes lesaultres gens que sont à Pisquere. Et aussy, s'il venoit quelque aultre affere à l'empereur, que mon dict s1' le grand maislre aveque toute la puissance viendroit à le secourir, et pour ce le roy se resolvy non estre mestier d'envoyer aultres gens d'armes puys qu'il n'est question sinon de tenir guarnison. Et au regard de la journée de SVlantua, ii nous dict que monsieur le grand maistre s'i troveroit, et tout ce que seroit conclu en icelle il le tiendroit de son cousté , et qu'il seroit plus prest de passer les monts aveque bonne et grosse puissance que l'année passée, car il vouloit veoir la fin de ces Veniciens. Nous luy respondismes toutes bonnes paroles, en le remerciant de la bonne affection qu'il monstroit bavoir à l'empereur; mays luy remonstrasrnes cornant l'empereur n'avoit pas le povoir luy seul d'entretenir cestuy yver les garnisons nécessaires sur la guarde des villes qu'il tient sans ayde des aultres confédérés, et qu'il devoit adviser de non mettre l'empereur en dangier; car il estoit le belfvard de touts les aultres confédérés; et se luy pardoit le sien, les aultres alliés ne s'en troveroient pas bien, et que, quant la maison du voysin brusle, les aultres doivent bien havoir regard à le secourir, à fin que le feu ne viegne sur eulx. Finablemant, il nous dict qu'il avoit venu beaucop de princes se perdre pour fere la guerre en iver, et que luy ne se vouloit mettre en ce dangier; mays que, s'il sourvenoit quelque affere à l'empereur en tenant ses garnisons, il y vouldroit ayder de tout son povoir; et, à fin que sa majesté impériale peust mieulx entretenir ses guarnisons et payer ses gens d'armes, il nous dict que, si l'empereur vouloit conclure l'apoinctemant aveque le roy d'Aragon, il avanceroit l'argent de quoy nous serions d'accord et le feroit incontinent tenir à Millau; et ne demandoit aultre terme sinon d'aultant que la poste puisl aller d'icy là. Et nous dict aussy le roy cornant il estoit adverty par monsieur le grand maistre que l'empereur envoyoit icy

une aultre grosse ambassade; ce que croyons sera pour traicter et conclure ce que touts les confédérés debvront fere pour Testé que vient. Et au regard de l'ambassadeur de Hongherie, nous dict cornant il estoit résolu que le roy son maistre entreroit la confederacion de Gambray, et qu'il seroit prest aveque toute son armée rumpre contre les Veniciens le premier jour de mars que vient.

Madame, havoir entendu ces chosses, nous en havons adverty bien au long l'empereur par le mesme gentilhomme qu'il nous havoyt envoyé ; et croyons, puys qu'il est question de recevoir ledict argent si promptemant, que facilemant il se accordera à l'apoinctemant d'Espagne, toutainsy que le roy vouldra, sans havoir regard aux difficultés desquelles luy bavions par avant escript. Mays il ne se fera conclusion où que je soye, qu'il n'y ayt quelque garde derrière pour préserver toutjours le droit et prouffit du prince.

Combien que nous tenons que la resolucion de cestuy affere sera "en la main des noveaulx ambassadeurs, lesquels seront quatre ou cinq, celon que le roy nous ha dict, etl'hon ne scet ancores les noms, bien nous ha dict le roy qu'il y semble une chosse superflue, et qu'il se contentoit aultant des ambassadeurs qu'il ha icy sans en havoir plus grand nombre. Mays quant à nous, aux matières que nous havons par les mains, nous serons beaucop plus ayses et plus deschargés quant il y hauroit plus grands personnagi es, et Dieu voulsist qu'il y eust ancores une demy-douzenne de meilleurs personnagies de par delà.

Madame, après ces chosses démenées, nous fusmes avant iher apellés au logis de monsieur le cbancellier, lequel de la part du roy nous communiqua la teneur de une lettre escripte par le sr Constantin au pape, laquelle havoit esté prinse par quelque gens de monsieur le grand maistre. Et contenoit ladicte lettre troys poincts bien maulvais: l'ung, que le roy havoit contramandé monsieur de la Palice et toutes les gens d'armes, non veuillant qu'ils demourassent plus au service de l'empereur; l'aultre, que monsieur le grand maistre havoit esté avec vic lances, pour prendre Veronne sous umbre de

cherité, en monslrant de vouloir secourir i' empereur, mays que l'evesque de Trente, qu'estoit adverty de l'empereur, ne les havoit voulsu mettre dedans. Le tierc poinct estoit que Padua eust esté prinse troys moys passés, s'il n'eust esté pour croyre les Françoys. Sur laquelle lettre monsieur le grand maistre havoit envoyé devers l'empereur son lieutenant le capitayne Ricault, lequel, en la présence dudict sr Constantin, présenta devant l'empereur lesdictes lettres en disant que ledict sT Constantin havoyt faulcemant menty escripvant cella, et qu'il vouloit sur ceste querelle le combattre; et vous asseure, madame, que, quant nous vismes tiel mistere, nous fusmesbien estonné, mesmemant que n'havions de ce nul advertissement de l'empereur. Et despuys que je arrivay en ceste ville n' h avons receu lettre de luy.

Toutes Toys, celon la qualité du cas, au mieulx que nous fust possible, respondismes audict chancelier que l'hon ne debvoit prendre part à tielles lettres ny à tiels raports; car Thon povoyt assés cogneistre par efïect que l'empereur n'havoit nulle diffidence des Françoys, pins qu'il havoit mys en leurs mayns touts ses biens, sa fortune et sa propre personne, et qu'il les havoit tenu aveque luy et demeuré en leur simple garde. Et s'il eust eu aulcune diffidence, il n'est pas vray et semblable qu'il en eust demandé bavoir des auitres, ainsy qu'il fesoit. Et au regard de monsieur le grand maistre, que nous sçavions bien qu'il estoit allé pour obvier aux mutineries des Veronoys qui estoient en motion très-grande, et non point pour entreprendre sur l'empereur, et que de ce en estions adverty par le gentilhomme que l'empereur nous havoit envoyé, qui ainsy le testiffia; et touchant Padua, que nous sçavions bien certainement que la perde estoit plus tost pour ledict sr Constantin que pour les Françoys, tielemant que ledict chancellier se trova satisfaict et nous pria de part le roy vouloir advertir l'empereur d'icelle comunicacion.

Lendemain, que fu ihcr matin, nous allasmes au disner du roy pour veoir s'il havoit quelque object en ceste matière et pour entendre si nous sçaurions tirer quelque chosse plus ayant de luy, et

entrasmes en paroles de ces lettres du sr Constantin, et luy dismes en substance ce qu'havions dict au chancelier, dont il se trovast bien satisfaict et nous parlast bien overtemant; monstrant qu'il n'havoit nulle diffidence de l'empereur, et qu'il se tenoit bien asseuré de luy qu'il n'y fauldroit en riens, et aussy nous dict que monsieur le grand maistre estoit ung peu plus asseuré des villes qu'il havoyt en garde qu'il n'estoit par avant, et que l'empereur havoit donné bon ordre dedans Vincence et Veronne et luy havoit mys bonne garnisons, et que pour l'apoinctement et l'entretennement d'icelles garnisons, sa majesté impériale havoit accordé aveque les Florentins qui luy bailloient principalemant la somme de XLm ducas dont il se monstra bien joyeulx, et dict que luy-mesme havoit conseillé aux Florentins de aynsy le fere, et que sans luy ils n'en eussent riens faict; et nous dict cornant l'empereur estoit allé à Trente et qu'il debvoit envoyer sa femme à Veronne, où il havoit laissé tous les seigneurs et conseillers de sa maison; et nous dict ledict sire roy cornant il havoit desjà son cas prest pour passer les monts incontinent au printems, à fin de parachever ceste entreprinse des Veniciens par vous premièrement ordite. Et nous dict plus ledict roy cornant il havoit novelles que les Veniciens, par faute d'argent, havoyent cassé tous leurs gens de pied et qu'ils havoient imposé taillies sur les testes et sur les maisons; ce qu'ils n'avoient jamays faict auparavant, et aussy que leurs galères qu'estoient arrivées toutes chargées de marchandises estoient demouries, sans que nul ayt voulsu riens acheter desdites marchandises, qu'est d'ung très-grand damagie auxdicts Veniciens. Et pour ce, il espère que ceste esté, sans nulle faulte, l'hon en ha ura la fin. Madame, l'hon nous ha aussy parler du faict de Gheldres que ne duroit que pour ung an, et est tantost au bout1; et est mestier havoir prorogacion et ne se peult fere sinon par l'empereur et le roy. Et aveque ce l'hon nous ha parlé de l'apoinctement, nous havons ad-

1 Le traité de Cambray, du 1 o décem- régler leurs différends; mais l'arbitrage bre i5o8, accordait une trêve d'un an, n'ayant pu se faire dans le terme fixé, il pour laisser aux parties le temps de faire fallut le proroger.

NÉGOC. DIPLOMAT. 1. 35

verty l'empereur à fin qu'il pourvoye tant sur la prorogacion que sur la journée à tenir, et qu'il en envoyé le povoir à vous pour y prendre quelque bonne resolucion.

Et nous semble , madame, que soubs coulleur de cestuy aflere de Gheldres , vous fériés un grand bien à l'empereur vostre père et à monseigneur vostre nepveur de mettre les postes de vous jusques icy; car l'bon esbripra plus francbiemant à l'empereur et à vous de toutes cbosses, sans bavoir double que nous lettres soyent perdues ou ouvertes, aynsy qu bavions veu par expérience beaucop de foys. Et les afferes que sont à traictier maintenant ne sont pas de si petite importance qu'ils ne méritent bien d'entretenir ce peu de postes de là jusques icy, pour deux ou troys moys, qui vous porteront beaucop plus de prouffit qu'elles ne vous sçauroient couster, attendu qu'il n'y ha pas plus de xvn ou xvm postes, et pourrés bavoir coàtinuelemant. novelles de deux jours en deux jours. Neantmeyns cependant me semble devés renvoyer les deux cbivaulcbieurs, assavoir Labbé et ce pourteur, à fin que l'ung d'eux soit tout jour en chemin et vous puissions plus sovent advertir de toutes cbosses.

Le procureur de Charreloys est icy toujour poursuyvant vous afleres; il ha despecbié la lettre de l'ayde et aussy celle de Chaulcin et de la Perrière; mays au regard de celles que touchie les chargics imposées sur le granetier, combien qu'elles aient esté accourdées, neantmeyns despuys ils ont refusé les délivrer pour raisons assés frivoles; et vous en vouldroient mettre en procès, combien que ce soit contre le traictié de payx. Toutes foys nous bavons advisé , ledict procureur et moy, que, sans prendre aultres lettres, il contraindra en vertu de la mainlevée et du traictée de paix ledict granetier à poyer. Et s'il en appelle, l'bon le poursuyvra par justice et se monstrera les estats des aultres granetiers passés, que sera plus seur; et par aynsy ledict procureur s'en retournera demain pour aller à exe-

quter le demourant.

Votre très-humble et très-obeissant serviteur,

Mergurin de Gattinara.