NÉGOCIAI IONS DIPLOMATIQUES

pour ce que je n'ay pas mon trein aveque moy et que je suys sans serviteur et sans bestes , et que me seroit trop grande torse aller en Bourgongne et après aller accomplir ladicte chargie, et aynsy m'en suys deschargé.

Cependant que j'ay demouré à Yspruch et que l'empereur ha esté à chasser entre ses montagnes, Thon ha despeché deux postes, celon que j'entends, par lesquelles n'ay riens escript; toutesfoys je croys que Thon vous ha adverty de toutes novelles et mesme du rencontre que ont eu ceulx de la garnison de Veronne contre les Veniciens, où sont demourés morts environ mil desdicts Veniciens, et rompu le pont qu'ils avoient faict sur la rivière de l'Athesy (l'Adige). L'empereur envoyé toutjours ses gens et s'aprouchie contre Trente petit à petit; et tout le monde crie de ce qu'il tarde tant, mais vous sçavez que la coustume est tielle. Je me doute que la chosse sera si tarde qu'il fauldra remettre à ung aultre année, si la paix ne s'ensuyt, laquelle est solicitée de toutz coustés, vous advertissant que Haro est despechié devers le roy d'Aragon aveque la responce de ce qu'il ha aporté, et l'empereur les entretient trestouts en bon espoir, et celon le tems il besognera. L'ambassadeur d'Angleterre, qui estoit allé dev;m! à Stercin, est aujourd'huy retourné devers l'empereur et ha eu audience. Monsieur de Gurce, qu'estoit retourné à Yspruch, sera demain devers l'empereur, et est l'ambassadeur d'Aragon aveque luy audict \ spruch , où a esté faicte la despechie dudict Haro; et luy estre arrivé, je me partiray incontinent, car j'ai desjà prins congié de l'empereur. Je croys qu'estes desjà advertye coman monseigneur de Savoye ha desjà apoincté aveque les Suizes et leur donne CLm florins d'or. Le pape veult luy-mesme tenir le concile à Rome et est pour rompre l' aultre; et ce fera la division de l'Eglise.

Madame, j'ay entendu de Philepot Lombard, fourier de l'empereur, cornant sa majesté impériale luy avoit accordé la première prébende vaquante à Namur, et que vous la vouîdriés doner à quelque m iltre de par delà; et pour ce, madame, que j'ay toutjour trové ledict Philipot Lombard prest à fere touts services à ceulx qui viegnent

icy de vostre part, et que pour vostre honeur il leur fet toute l'adresse à luy possible, et aussy qu'il me semble que l'empereur l'ayme et dict qu'il entend qu'il aye ladicte prébende, je vous en ay voulsu escripre en sa faveur, en vous suppliant de ma part que , pour les bons services qu'il m'a faicts, il vous plaise l'havoir pour recommandé et luy fere despechier son cas en bonne forme. Et au surplus, madame, vous me manderez, etc. Escript à Mathan, ce xxc jour de juillet à minuict.

Vostre très-humble et très-obeissant serviteur,

Mercurin de Gattinara.

Le roy de France c'est excusé de l'assemblée pour ce que sa femme est grosse et luy goteux; et cela faict refroidir les chosses.

ANDRÉ DE BURGO À MARGUERITE D'AUTRICHE

Le roi a reçu du pape un bref très-gracieux et sa réponse aux articles qui lui avaient été proposés. Il serait bien important de séparer le pape d'avec les Vénitiens. D'après les nouvelles d'Allemagne, ii paraît que l'on fera peu de chose cette année contre les Vénitiens. La reine étant indisposée , on ne peut lui parler des affaires relatives à certains marchands de la Flandre. ( Original. )

2 août , à Valence.

Madame, par mes dernières lettres du xxv du mois passé, avez esté advertye de toutes nouvelles occurantes.

Madame, ce qu'est despuis survenu est que le gentilhomme de l'ambassadeur d'Escosse est venu de Rome en poste, lequel en partit le xxe dudit mois passé, et a appourté au roy ung briefz du pape le plus gracieulx et humain du monde ; en oultre a appourté les articles de la response dudit pape touchant la paix1. Et ledit gentilhomme

' Voyez cette réponse dans le recueil des Lettres de Louis XII , III, 2.

dit de bouche tout plain de bonnes parolles de grant désir du pape à faire appoinctement. L'on actend demain monsieur de Tivoly, gouverneur d'Avignon , envoyé du pape , lequel par avant estoit icy son ambassadeur, et a Ton de espoir que, touchant la paix de Ferraire, se pourront accorder les diiïicultez que y sont, et semblablement louchant l'appoinctement de Venise, quant les Venissiens ne se vouldroient incliner à faire appoinctement au contentement de l'empereur. Il semble à aucuns pardeçà que, en cas que le pape ne vuille faire ainsi qu'il est tenu, de retourner toutellement au traicté de Cambray, toutesfois, s'il est contant d'abandonner les Veniciens et ayder à l'empereur pour le recouvrement de Trevys, que l'empereur, nonobstant se, devra incliner audit appoinctement, affin de séparer une fois le pape des Veniciens ; lesquelz demeurans seullets , ledit empereur ou par force ou par accord pourroit venir au-dessus de sa bonne intencion. Touteffois que monsieur de Tivoli sera venu, et que j'auray entendu plus particulièrement ce qu'il pourte, je vous en advertiray, et cependant je vous ay voulu expédier la poste pour vous advertir ce que dessus pour estre de l'importance qu'elle est, et je prie Dieu nous vouloir donner bonne paix au contentement de l'empereur, car nous en avons bien mestier.

Le pape a romput toute son armée, et a donné congié à tous ses gens de pied et à quatre compagnies de gens à chevaulx.

D'Aillemaigne vous devez sçavoir les nouvelles, et, à ceste fin, ne vous en escript. L'empereur, par ses dernières lettres, estoit par deçà Hisprouk une journée, et puisque le temps est tant avant, Ton croit que pour ceste année ne se pourra pas faire grant chose contre lesdits Venissiens par force d'armes. Et autres nouvelles ne sont d'Itallye , synon que les Génois, par moyen du pape, rendront Montpulsan1 aux

Jules II interposa, en effet, sa mé- chiavel, qu'il aima mieux suspendre son

diation pour faire rentrer la ville de ressentiment contre Florence , que la voir

Montepuîciano sous le joug des Floren- appeler à son secours les forces de la

tins. « Sa crainte des Français était si France. » grande, dit l'auteur de l'histoire de Ma-

Florantins ; pourquoy lesdits Florantins estoient prestz de commancer la guerre.

Madame, l'aultre hier, je receu la poste venant de vous, avec vos lettres touchant la naviere de certains marchans, comme contienent vosdites lettres; aussi pareillement la lettre que escripvez à la royne, laquelle, pour non estre sortye ces deux jours de chambre et ne luy povant parler, n'ay présenté vosdites lettres ne parlé de ce que m'escripvez , mais incontinant que l'on pourra parler à elle , qui sera raisonnablement deans deux ou trois jours, luy presenteray vosdites lettres, et solliciteray l'affaire et une bonne lettre d'elle, et icelle heue, la vous envoyray.

Le roy m'a dit qu'à la mityé de ce mois s'en retournera à Bloys, premièrement qui luy vienne oppression de ses gouttes.

A monsieur d'Angoulesme sont venuz aucuns excès de fiebvres tierces, touteffois legiers, comme à chascune fois trois ou quatre heures, mais l'on espère, à l'ayde de Dieu, qu'il sera tost guary.

Madame, s'il survient quelque autre chose, je vous en advertiray. A tant, je prie Notre-Seigneur vous donner très-bonne et longue vye avec l'entier de voz très-haulx désirs. A Valence, ce IIe jour d'aoust. Vray est, madame, que par les articles du pape ne de bouche n'est faicte aucune mencion de Boulongne ; de quoy l'on se donne grant merveille.

Madame, je vous supplie avoir pour recommandé mon secrétaire à luy faire donner quelque chose -, vous sçavez la peinne qu'il prend avec moy pour votre service.

Vostre très-humble et très-obeissant serviteur, Andréa da Borgo.

NÉGOC. DIPLOMAT. f. 54

ANDRÉ DE BURGO À MARGUERITE D'AUTRICHE

Arrivée de l'empereur à Trente, puis à Roveredo. En conséquence, le roi s'est hâté de lui envoyer l'aide promise. On attend l'ambassadeur du pape , mais on n'a pas grande confiance dans le résultat de sa mission. L'empereur a rappelé son ambassade de Rome. ( Original. )

3 août, à Valence.

Madame , le roy a heu ce matin nouvelles que l'empereur vostre père estoit à Trante et faisoit marcher avant ses gens de pied et de cheval, et que le mesme jour il se partoit dudit Trante pour venir k Roverayt, et que ainsi l' avoit dit de bouche Rogandorff à M. de la Palice, desquelles nouvelles est impossible vous escripre la grant joye qu'en a heu le roy et toute la court. Et à ceste cause, ledit seigneur roy, incontinant avoir entendu ces nouvelles, a fait despecher la poste à Millan afin que tout incotinant, sans delay d'une heure, oultre les six cens lances et les troys milles piétons et l'artillerye que desjà est à Sainct-Martin, oultre Veronne ung mille, luy soit envoyé le demeurant de l'ayde qu'est tenu le roy de luy donner : c'est assavoir les autres cinq mille piétons et les autres six cens lances, et que en ce n'y eust point de faulte. Et l'on a des advertissements, et se panse quelque bonne entreprinse que peult-estre aydera le bon droit et la bonne querelle du bon empereur.

L'ambassadeur1 du pape sera icy aujourd'huy. Touteilbis l'on ne se fye pas grandement à sa pratique. De ce que s'en ensuyvra je vous en advertiray, et par tout moyen sera bien au propoz tirer avant à son entreprinse, comme le roy enhorte continuellement l'homme de l'ambassadeur d'Ecosse, qui est venu de Rome et a dit au roy que l'empereur avoit revocqué tout ceulx qu'il avoit à Rome, et que

1 Angelo Leonino, évêque de Tivoli.

l'archidiacre l estoit parti desjà et le secrétaire devoit partir le xxie jour du mois passé. De quoy le roy a esté très-contant, veant que l'empereur ne pourroit aller plus droit.

Madame, je prie Nostre- Seigneur vous donner l'entier de voz bons, haulx et très-nobles désirs. A Valence, ce 111e jour d'août.

Madame, j'avoye différé expédier ceste poste, actendant resolucion touchant les marchans et temps pour luy en povoir parler et présenter voz lettres; mais elle est ung peu mal disposée2 et ne sort de sa chambre. Quant je pourray parler à elle, je solliciteray la chose.

Vostre très-humble et obéissant serviteur,

Andréa da Borgo.

ANDRÉ DE RURGO À MARGUERITE D'AUTRICHE

Nouvelles d'Italie. Conquêtes de M. de Chabannes. Incertitude sur les projets de l'empereur. On ne sait à quoi est destinée la flotte du roi d'Aragon, qui s'est montrée en vue de Gênes. Ferdinand dément les bruits qui ont couru au sujet de la descente de Pierre de Navarre au royaume de Naples. Il proteste de son amitié pour le roi de France; mais il a aussi, comme prince chrétien , des devoirs à remplir envers l'Eglise. Il voudrait que Bologne fût remise au pape. Réponse du roi. Discussion entre le roi et l'ambassadeur d'Aragon. ( Original. )

12 août, à Valence.

Madame, le ixc jour de ce présent mois fut par moy expédiée la poste par laquelle avez esté advertye de toutes nouvelles. Despuis j'ay receu voz lettres du nif de cedit mois, et, pour estre responsives auxmyennes, ne vous seroye autre repplicquer sur icelles, synon, madame, que en ces choses de Gheldres n'y vois autre remède pardeçà et devez faire votre cas, priant Dieu qui vous en donne bonne

1 Ferry de Carondelet, archidiacre de 2 II est sans doute question de la reine.

Besançon, ambassadeur de l'empereur près Voyez la lettre suivante.

du saint-siége.

fin à votre grant honneur et proumt; et en parlant derechief au roy de bonne manière desdites choses de Gueldres, me dit qu'il n'y seroit plus faire qu'il y avoit fait, et qu'il ne se mesleroit aucunement flurlil de Gueldres, et que de ce deviez estre asseurée, et ainsi encoires de présent le vous promectoit : je n'y sçay autre remède, synon que comme dessus devez faire vostre cas.

Touchant le billet en ziffre que vous m'avez envoyé , pour estre aussi responce à ce que je vous ay cscrit, ne vous faiz autre repplique, fors que, madame, avez très-bien besoigné d'avoir fait ce qu'avez fait.

Madame, des choses de Nevers, j'en ay derechief parlé, et n'est sepmaine que je n'en parle, et n'ay pour responce autres que bonnes paroles. Et dernièrement m'a l'on respondu comme le roy ayant escript à madame de Nevers; et (elle) estre fort pressée de cette affaire, avoit respondu que, quant le roy seroit à Bloys, qu'elle iroit par devers luy et luy diroit sa resolucion ; et aultre chose n'y puis.

Madame, des nouvelles, le roy a heu cejourd'huy la poste avec lettres de monsieur de la Palice, données le cinquième jour de ce mois, à un villaige près de Padue, xx mille italiens, et escript les nouvelles suigans : assavoir que, après recouvrée Suave, laquelle a esté destruicte, pillée et bruslée, se tira avec la compaignie à Limigne, là où estoient aucuns gens d'armes de Veniciens, lesquelz, sentans leur venue, s'enfuirent; et fut aussi prinse, pillée et bruslée ladite ville de Limigne.

Item, que les gens desdits Veniciens, qui estoient semblablemenl dedans Montaignane et Est et en autres villes, tous se sont retiré à Padue et Trevys, et se sont toutes lesdites villes et pays, excepté ledit Padue etTryvis, renduz à l'empereur.

Item , que la ville de Vincence envoyst ses ambassadeurs pour se rendre semblablement à l'empereur, mais les estradiotz des Veniciens les prindrent.

Item, que ledit sieur de la Palice retournoit devers Vincence pour l'avoir et avoir semblablement des vivres, et aussi pour ouvrir le chemin de l'Escallc à l'empereur.

Item, que l'onavoit nouvelles que l'empereur estoit à Yuan, comme je croy plus à plain en devez estre advertye de l'empereur votre père. Toutefïbis je vous ay voulu escripre les dessusdites nouvelles , desquelles le roy a esté très-joyeulx.

Item , l'on a nouvelles comme l'empereur estoit en pansement de faire mectre le siège à Trivys, mais l'on ne sçait encoires s'il ira personnellement ou s'il y envoyra l'armée.

De Gennes sont venues nouvelles que l'on avoit veu soixante navires d'Espagne, lesquelles aloient à Naples; l'on cuide que ce soit l'ayde que le roy catholique doit envoyer à l'empereur, mais elle seroit esté plus tost à l'ayde de l'empereur s'il eust fait desbarquer audit Gennes ou à Plombin, portz plus prouchain que d'aller à Naples ne parla.

L'ambassadeur d'Arragon a heu une poste du roy son maistre, avec lettres du 11e jour de ce présent moys, données à Yoilledouliz, où estaient le roy et la royne, et à ceste heure doivent estre à Bourgos. Et je croy, madame, que devez avoir souvenance d'aucuns advertissemens que vous envoyay, où estoit contenu d'aucun apprest de gens que faisoit ledit roy catholique en faveur du pape, quant Pierre Navarre descendit à Naples avec quatre mille piétons. Ledit roy catholique respond à ceste heure qu'il n'est point vray, mais que la descente duclit Pierre Navarre audit royaume de Naples estoit seullemant pour mectre en point ses gens pour aller sur les Mores, ensuyvant le vot qu'il en a fait.

Item, escript tout plain de bonnes paroles envers le roy, lui offrant pour conservation de ses royaulmes et pays tous ses biens et sa personne, mais que aussi, pour conservation des biens de l'Eglise, ledit roy catholique ne peult faillir à ce qu'il est tenu comme prince chrestien et feudeutaire de l'Eglise. Sur quoy, l'ambassadeur dudit roy se parforce de persuader que Boulongne soit rendue au pape. A quoy le roy a respondu beaucop de raisons par lesquelles il feroit bien se depporter de telle instance, et que continuellement ledit roy catholique prie pour la paix, et que, d'austre cousté, il boute avant toutes difficultez pourquoy elle ne se face, et qu'il parle de Bon-

longne , et fait instance pour icelle, et aussi procurant que autres princes facent le semblable ; et l'ambassadeur du pape , qui est envoyé icy à cest heure n'en a point parlé ung seul mot. Et quant oires il en parleroit, qu'il n'auroit point cause de se plaindre dudit seigneur roy; car Boulongne n'est pas à luy, et s'il a prins la protection d'elle, c'est pour beaucoup de raisons et sans préjudice de l'Eglise, et que ladite ville de Boulongne ne demande autre chose synon que leurs privilèges soyent observez, comme ilz sont esté par le passé par dix papes ensuyvans , et confermez par le présent pape , lesquels après les a rompuz, et ses lieutenans voulu tirannizer ladite ville. Et dit le roy que l'on a veu combien de mal a fait l'année passée ledit pape à l'empereur et à luy.

Après, ledit roy de France a fait grandes querelles avec ledit ambassadeur d'Arragon ; ne envoyé le secours à l'empereur, selon qu'il a promis, mais de tout cousté il mect empeschement. De quoy ledit ambassadeur s'est parforcé d'escuser son maistre.

Et, à La fin, ledit seigneur roy de France a remonstré audit ambassadeur qu'il escripvit audit roy d'Arragon son maistre ad ce qu il se vuille abstenir de ces choses, que sont toutes pour indirectement soubstenir les Veniciens et au grant préjudice et dommage de l'empereur et de monseigneur.

Le roy partira d'icy le lendemain de Notre-Dame de ce mois et s'en ira par eaue, luy et la royne, d'icy à Lyon, faisans tous les jours deux lieux, de Lyon à Rouane, et dès là monsteront sur eaue, et font compte d'estre à Bloys environ la fin du mois de septembre. Madame, etc. A Valance, ce xnc jour d'aoust.

Vostre, etc.

Andréa da Borgo.

L'on a heu, expédiant ceste, la poste par laquelle l'on est advertit que l'empereur devoit estre de retour à Trante, pour délibérer avec son conseil sur l'entreprinse, le i\c de ce mois.

L'armée combinée de l'empereur et du roi est près de Padoue. L'empereur est en pourparlers avec les Vénitiens. Réponse du pape aux propositions du roi. Il n'y est fait aucune mention de l'empereur. On tient le pape pour mort. Arrivée d'un ambassadeur anglais pour exhorter le roi à la paix. ( Original. )

26 août, à Lyon.

Madame , par la dernière poste expédiée par moy à Sainct-Valier, le xixe jour de ce présent mois, je vous envoyay deux doubles encloz en mes lettres, par lesquelz fustes advertye des nouvelles occurrantes. Celles qui sont despuis survenues sont telles que s'ensuyvent , assavoir :

Que l'armée de l'empereur et du roy, après avoir prins aucunes petites villes, estoit prouchainne de Padue trois mille ytalliennes, non point pour y mectre le siège, mais pour actendre autres entreprises, selon qu'il seroit advisé, après avoir faicte l'unyon de tous les gens.

Item , que l'empereur avoit pratique d'appoinctement avec les Venissiens , et. estoit retourné le messager desdits Venissiens à Venise , pour entendre la dernière resolucion , laquelle l'empereur actendoit dans huit ou dix jours.

Item , le roy a eu la response du pape touchant la paix, de laquelle je vous envoyé le double cy-encloz. Vous verrez qu'il ne fait nulle mencion de l'empereur, et que, au demeurant des articles, ilz sont beaucop pires que les autres que apporta premièrement l'embassadeur dudit pape quant il vint à Valance ; et, à ceste cause, le roy luy a respondu que , puisque le pape ne fait nulle mencion touchant l'empereur, qu'est le principal , qu'il ne peult ne veult entendre à faire riens avec ledit pape sans ledit empereur, et que sil ledit pape veult appoinctement, il est mestier qu'il responde ainsi qu'il appar-

tient aux responces que le roy luy fit à Valance. Ledit ambassadeur du pape dit que , touchant le cas dudit empereur, le pape en traicte avec luy, et qu'il en fera bien. Il n'est encoires délibéré que se doit faire dudit ambassadeur, s'il s'en doit retourner en Advignon , pour non avoir apporté chose de fondemant , ou vrayement s'il demeurra icy jusques il ayt autre responce : de ce que s'en déterminera je vous en advertiray.

En escripvant cestes , sont venues lettres de la segnorie de Florance et de l'ambassadeur du roy résidant là , datées du xxme jour de ce mois au soir, contenant comme le pape avoit desjà heu trois jours la fièvre, et qu'il luy estoit advenu ung très-grant accidant, et que les medicins le tenoient pour mort sans espoir. Pleust à Dieu qu'il eust esté en paradis jà est ung an et demi1 !

Il est venu, jà sont trois jours, icy devers le roy ung ambassadeur d'Angleterre pour l'enhorter à îa paix et avoir regard; l'on luy a remonstré toutes les justifficacions quilz sont de la part de l'empereur et du roy; je croy que de ceste ville il sera expédié pour s'en retourner.

Le roy se partira d'icy demain ou après-demain , pour s'en tirer à Bloys.

Madame, j'ay cejourd'huy matin receu voz lettres du xxe de ce mois; je n'ay point voulu parler de ce que m'escripvez pour les nouvelles et choses occurrantes à présent, car il ne seroit pas au propoz jusques passé trois ou quatre jours.

Ma très-redoubtée dame , il vous plaira moy commander vos bons plaisirs pour les accomplir de mon petit povoir, comme je suis tenu. Priant à Dieu, ma très-redoubtée dame, vous donner très-bonne et longue vye. A Lyon , ce xxvie jour d'aoust.

Vostre très-humble, etc.

Andréa da Borgo.

1 Le pape Jules II survécut à cette maladie, et ne mourut qu'en 1 5 1 3 , dans la nuit du 20 au 2 î février.

ANDRÉ DE BURGO À MARGUERITE

Nouvelles de la santé du pape , que l'on croit toujours mort et qui guérit toujours. Le roi d'Aragon approuve la conduite du pape à l'égard des cardinaux de Sainte-Croix et de Constance. L'empereur s'occupe d'un appoinlement avec les Vénitiens. [Original.)

4 septembre, à Lyon.

Madame, le roy eust hier nouvelles par lectres venues de Florance, datées du xxne du mois passé, comme le pape estoit tenu pour mort. Despuis, survindrent autres lettres, tant de l'ambassadeur d'Escosse estant à Piome, que dudit Florance, du xxxe dudit mois, comme ledit pape avoit. esté si au bas jusques audit xxvne jour dudit mois que l'on le tenoit pour mort, et que, dez ledit xxvne jusques audit trantiesme, ledit pape estoit fort meillioré, tellement qu'il se tenoit pour guary et avoit perdu la fièvre. Sur lesquelles nouvelles le roy s'est ce matin party, sans plus vouloir actendre. Encoires sont venues autres lettres d'ung marchant, du xxixe du passé, lequel escripvoit que le pape n'estoit encoires guary. Desquelles choses, madame, il m'a semblé vous debvoir advertyr.

Entre autres nouvelles que sont venues d'Espagne , l'ambassadeur du roy estant devers le roy catholique , a escript comme ledit roy catholique luy avoit dit comme le pape faisoit très-bien de priver le cardinal de Saincte-Croix et de Constance, et que ainsi le pape le vouloit et entendoit faire. De quoy l'empereur et le roy ne sont pas contant, disant qu'ilz ne le souffreront pas, et que, en cas qui les vuille priver, qu'ils ne feront jamais appoinctement avec ledit pape; et ainsi leur ont promis par escript.

L'empereur a pratique d'appoinctement avec les Veniciens : je prie Nostre-Seigneur qui se face. Je croy en estes advertye par sa magesté, ensemble d'autres nouvelles.

Madame, pour ce que je vous ay advertye, par l'autre poste, de

NÉGOC. DIPLOMAT. I. 55

toutes choses occurantes, à ceste cause ne vous faiz plus longue lettre, fors que je prie le Créateur, madame, qui vous doinne très-bonne et longue vye. A Lyon, ce 1111e jour de septembre.

Yostre très-humble et très-obeissant serviteur,

Andréa da Borgo.

ANDRÉ DE BURGO À MARGUERITE D'AUTRICHE

L'empereur, averti de la mort du pape, envoie M. de Gurce à Rome pour travailler à l'élection d'un meilleur ; mais cet évêque , étant en chemin , a appris la guérison de Jules II. Prise de l'Escale, du Coblo et de Castel-Novo. L'armée se dirige sur Mestre. A. de Burgo se rend à Moulins , où est déjà le chancelier. ( Original. ) .

8 septembre , à la Palize.

Madame, par la dernière poste expédiée le vL de ce présent mois, je vous ay advertye des nouvelles survenues; despuis je suis venu continuellement demyt-journée après monsieur le chancellier, pour que , s'il survenoit aucunes nouvelles j'en puisse estre adverty, et selon i celles me povoir conduyre.

Madame, hier me vindrent de l'empereur vostre père lettres par lesquelles, ayant heu advertissement de la mort du pape, m'escript qu'il envoyoit monsieur de Gurce à Rome, afin de ayder à faire ung bon et sainct pape, quil n'eust plaisir de mectre discort en la chrestianté. Et après mondit seigneur de Gurce m'escript comme , ayant prins congié de l'empereur et se mectant au chemin, survindrent les nouvelles de la convalescence du pape; par quoy il n'ala plus oultre, et m'escript que, si la nouvelle continue de la guarison dudit pape, qu'il retourneroit devers l'empereur.

Item, il m'escript comme l'empereur se hastoit pour aller à l'armée.

Madame, pour ce que icy n'est venu autre nouvelle du pape des-

puis icellui que je vous ay dernièrement escriptes, Ton croy qu'il voise toujours en amendement.

Mondit sieur le chancellier m'a adverty des nouvelles qui sont survenues dTtallye par trois postes, despuis le partement de Lyon, et par la première, que l'Escalle et le Coblo avoient esté prins, qu'estoient passaiges bien importans, comme vous devez sçavoir. Item, par la seconde , que Castelnovo avoit esté prinse , qui estoit ung autre passage de très-grande importance, et que l'empereur desiroit grandement à avoir, et que tous les passaiges à cest heure sont ouvert à l'empereur. Par la dernière, ceste nuyt est venu nouvelles comme l'armée s'en aloit à Mestre, et que toutes choses aloient très-bien.

Madame, si Dieu plait, demain seray à Molins, où est ceste nuyt monsieur le chancellier qui s'en va à Paris; de là, je feray lever les postes jusques à Paris, pour les raseoir ou droit chemin de Bloys, où je seray pareillement, si Dieu plait, samedi prouchain; et jusque-là n'aurez plus de nouvelles de moy ; mais incontinant que j'y seray, vous advertiray de ce qui sera survenu, et je croy, madame, que cependant devrez estre advertye d'Allemagne de tout.

Madame , je vous despeche ceste poste, tant pour vous adverty des nouvelles dessusdites, que pour envoyer ung pacquet de lettres alant à l'empereur, à messire Francisque1, maistre des postes, afin qu'il envoyé sans delay, et c'est la responce que je faicz aux dernières lettres de votredit père.

Madame, je prie Nostre-Seigneur vous donner très-bonne et longue vye. A la Palize, ce vincjour de septembre.

Madame, l'ambassadeur d'Angleterre, avoir heu la responce dont je vous ay advertye, se partit le vc de cedit mois. A son partement je le visitis de la part de l'empereur, monsieur votre nepveu et vostre, et luy priay avoir tousjours pour recommandé les affaires de vous tous envers le roy son maistre, auxquelles il a bonne affection.

Vostre très-humble, etc. Andréa da Borgo.

1 Francisque de Taxis , maître des postes de l'empire.

ANDRÉ DE BORGO À MARGUERITE

Situation de la sanlé du pape qui, au dire des médecins, ne peut guérir. Défaite de deux compagnies qui voulaient faire leur jonction avec M. de la Palice. (Original.)

10 septembre, à Moulins.

Ma très-redoubtée dame, si très-humblement que faire puis, à vostre bonne grâce me recommande.

Madame, moy estre arrivé en ceste ville, ay heu une lettre de monsieur le chancellier, par laquelle il m'escript, entre autres choses, ce qui s'ensuyt : « Aujourd'uy la poste venant de Gennes a passé icy. J'ay heu lettres de monsieur le cardinal de Sainct-Severin, qui est jà arrivé audit Gennes, et s'est là arresté quant il a sceu que le pape n'est point mort. Dudit Gennes, il a nouvelle que ung courrier espagnol, qui est à l'ambassadeur du roy catholique estant à Rome, arriva audit Gennes, le 1111e de ce mois, et partit de Rome le 11e. Il dit que le pape n'est encoires du tout guary de sa febvre, et qu'il ne se sent de la saincture en bas, et ne s'ayde ne de piedz ne de jambes qu'il ay. Je m'arreste fort ausdites nouvelles, veu qu'elles sont si fresches , et aussi qu'elles confrontent à certains autres advertissemens venans de Rome, par lesquelx, à ce que l'on escript, le pape est encoires malade de sadite febvre, et dient les médecins qu'il n'en reschapera jamais.

« Monsieur l'orateur, j'ay différé à vous fere sçavoir les nouvelles de la poste de hier matin , que j'euz à Rouanne, pour ce qu elles n'estoient pas fortbounes, mais ce sont des fortunes de guerre. Les nouvelles sont telles que les capitaines Mangeron et Richemont avecques leurs compaignies, et avec eulx estoient aucunes gens de l'empereur, . veuillans passer de Vincence et aller trouver monsieur de la Palice , ont esté surprins par les Veniciens qui s'estoient mis en trois ambu-

ches et estoient jusques à viiic chevaulx veniciens; et ont esté nosdits gens cleffaiz. Vray est qu'il s'en est saulvé une partye, mais lesdits chappitaines sont demeurez prisonniers. »

Madame, s'en alant d'icy le serviteur du maistre des postes pour lever les postes jusques à Paris, je vous ay voulu adverty de ce que dessus cependant que je arriveray à Bloys. Priant à tant, madame, Nostre-Seigneur vous donner très-boune et longue vye. A Molins, ce Xe jour de septembre.

Vostre très-humble et très-obeissant serviteur,

André de Borgo.

ANDRÉ DE RLRGO À MARGUERITE D'AUTRICHE

Expédition de quelques affaires particulières. Nouvelles du pape, du roi d'Aragon, de l'empereur. On compte peu sur la paix avec Venise et avec le pape. L'ambassadeur d'Aragon s'efforce de justifier la conduile de son maître à l'égard de l'empereur. M. de la Palisse a ordre de rester en campagne jusqu'au 18 octobre. (Original.)

24 septembre, à Blois.

Serenissima domina, etc Post expeditionem dicte poste,

declaravi régi scripta serenitatis vestre in favorem domini de Bevres, et alia contenta in dictis litteris. Respondit rex oportere expectare adventum domini cancellarii ; postea ego videns eum non venire , feci scribi a rege unas bonas litteras predicto cancellario cum copia litterarum serenitatis vestre, et ego misi originales domino Bouchard, advocato S. V. in Parisio; et direxi ei litteras regias et meas ad cancellarium. Preterea feci scribi a rege ipsi cancellario in bona forma pro causa Nivernensi , ut omnino taliter faciat quod que semel ordinata fuerunt habeant effectum, ita quod rex non sit amplius molestatus; et monui de eo dominum advocatum, ut solicitet et postea moneat S. V. de iis que fient.

De novis iste sunt quod :

Papa quasi totaliter convaluit; tamen dicunt quod 11011 poterit diu durare. In ceteris nullus apparatus est belli «x latere pape.

Nova heri venerunt ex Hispania. Piex et regina Aragonum scrihunt omnia bona erga regem Francie de optimo animo suo ad intertenendam amicitiam, et quod mentiuntur qui aliter divulgant; et quod illud quod rogavit pro facto Bononie, fecerit tanquani bonus princeps christianus, et hortatur pacem sicuti consuevit.

Ex castris nova sunt : quod continuo exercitus laboral)at in recuperandis aliis locis, et erant proximi Tervisio; et César dederat capitaneis suis et domino de la Paliza potestatem faciendi que sibi melius viderentur contra Venetos , et sua majestas ivit Bolzanum ubi sunt congregati status patrimonii.

De pace veneta spes non est , quia Veneti revocarunt suum oratorem, non volentes illam facere cum inclusione régis Francie. Est tamen quedam alia pratica cum Venetis, medio oratoris Aragonensis : nescio quid fiet ; placeat Deo dare nobis bonam pacem , quia indigemus.

Circa pacem pontificiam nunquam orator pape habuit ullum responsum; nec est multa spes, precipue ob dilïicultatem de Bononia.

Orator Aragonensis dixit mibi multa bona ad demonstrandum quod, non obstante quod rex suus non misent auxilia Cesari, de quo facit multas excusationes, vult tamen alio modo juvare Cesarem, et alia bona verba.

Rex Francie scripsit domino de la Paliza ut perseveret adhuc in castris usque ad diem xvm octobris.

Rex revertitur hoc vesperi hue cum fdia domina Claudia. De iis que supervenient monebo S. V.

Dixit mibi Robertetus quod habent omnia bona ex Anglia, de quibus est bene letus. Commendo me humillime in bonam graciam S. V. Datum Blesis, die xxmi septembris i5i 1.

E. S. V. Humillimus servus,

Andréa da Borgo.

P. S. — Quia secretarius meus est infirmais h, scripsi in lingua latina. De habenda Padua neque Tervisio fere nulla spes esl.

ANDRÉ DE BURGO À MARGUERITE D'AUTRICHE

Excommunication des Florentins par le pape, pour avoir permis que le concile se tînt à Pise. Séquestre de leurs biens. En retour, le roi fait séquestrer les biens que le pape et sa famille pourraient avoir dans la seigneurie de Gênes. Les cardinaux prient le pape de convoquer le concile en une autre ville neutre, si celle de Pise ne lui plaît pas. Négociations de l'évêque de Tivoli. L'empereur ne veut plus envoyer l'évêque de Gurce à Rome. On attend l'ambassadeur d'Ecosse. Le roi soupçonne que, par ces pratiques, le pape et les Vénitiens veulent gagner du temps et empêcber la tenue du concile. On congédie à Naples une partie des troupes espagnoles. Le pape semble radouci à l'égard du duc de Ferrare. Presque tous les babilants d'un village voisin de Beaugency sont morts de la peste, qui a fait périr aussi deux enfants de la chapelle de la reine. ( Original. )

15 octobre, à Baugency.

Madame, le xxvne jour du mois passé expediay la poste, vous advertissant des nouvelles que occurroient par deçà.

Despuis de l'empereur vostre père ne de l'armée n'est survenue aucune nouvelle; de quoy le roy demeure bien esbay. Quant aucune chose en surviendra, je vous en advertiray tout incontinant.

De Florance et de Rome, le roy a heu les nouvelles que s'ensuyvent, assavoir :

Que ung commissaire du pape , qui estoit audit Florance , avoit déclaré aux Florentins que, au cas qu'il voulsissent donner Pisa pour tenir le concilie, sa saincteté feroit le mal qu'il pourroit à l'encontre

1 Lne lettre écrite le k avril i5n (1 5 12) quo jam diulaborat; et continuo est in

par M. A. de Burgo à Louis Barangier medicinis : et maie succedet ei res, si

s'exprime ainsi au sujet de la maladie de non cavet in cibo et potu , in quo non

Jean le Veau : « Secretarius est in lecto in habet regulam , quamvis amice fuerit mo-

domo cujusdem mulieris que ipsum curât. nitus »

Est totus infirmus ex illo morbo gallico

d'eulx, leur declairant particulièrement les maulx que leur feroit ledit pape. A quoy les Florantins respondirent que jà avoient accordé ledit Pisa à l'empereur et au roy pour tenir ledit concile, leur remonstrant par bonnes raisons qu'ilz ne povoient ne dévoient faire autrement.

Item, que ledit commissaire s'en alit de là à Gennes, où ils afïixerent les excommuniements contre lesdits Florantins, ne l'ayant ozé fere en leurs terres et seigneuries.

Item, que le pape a fait séquestrer tous les biens desdits Florantins estans à Rome et Anconne, que sont extimez à grant valeur.

Le roy, après avoir entendu ces nouvelles, a mandé que semblablement soient séquestrez tous les biens qu'ont et pourroient avoir les parens et autres gens dudit pape en la seigneurie de Gennes, et a asseuré les Florantins que, si le pape leur veult courir sus ou fere quelque autre dommaige, qu'il y emploira tout son royaume et sa personne.

Les cardinaulx qu'estoient à Millan, ont envoyé à Rome declairer au pape que, s'il ne luy plait le lieu de Pisa et sa saincteté vuille entendre au fait dudit concilie, qu'elle-mesme le mecte en ville neutre, seure et sans suspiction, et eulx sont contans de y aler.

Dudit Rome, nouvelles sont, par lettres du xxie jour du mois passé, que, avant le pape entendu la responce donnée à Lyon par le roy à i'evesque de Tivoly son ambassadeur, de laquelle responce dez ledit Lyon je vous advertys, sa saincteté a respondu à sondit ambassadeur estant icy, et le semblable a lieu le roy d'autre cousté, assavoir:

Que , puisque ledit seigneur roy avoit dit audit Lyon à sondit ambassadeur I'evesque de Tivoly, que il ne povoit ne vouloit aucunement entendre au fait de la paix , que premièrement sa saincteté ne list responce touchant le fait de l'empereur, et que premièrement ne fust entendu à la satisfacion dudit empereur et à l'appoinctement d'entre sa sacrée magesté et les Venissiens, à ceste cause, sadite saincteté escript à sondit ambassadeur comme il a envoyé devers ledit empereur avec chapitres souffisans et bons, touchant ledit appoinc-

tement des Veniciens, tellement que sadite impériale magesté se pourra et devra contanter.

Ledit ambassadeur du pape et le roy ont encoires nouvelles qu'il avoit requis que monsieur de Gurce alit à Rome pour conclure toutes choses, et que l'empereur avoit respondu qu'il n'envoyeroit point mondit sieur de Gurce, que premièrement les choses fussent bien asseurrées, afin que il ne luy intervinse comme à l'autre fois, et que sa saincteté avoit bon espoir que, en toute façon, l'empereur luy envoyroit ledit de Gurce.

En oultre, ledit ambassadeur a heu responce du pape, que sa saincteté avoit délibéré envoyer icy l'ambassadeur d'Escosse avec sa dernière resolucion de ce qu'il entend de fere avec ledit seigneur roy et le duc de Ferraire pour le traicté de la paix; et se devoit partir ledit ambassadeur d'Escosse le xxime du mois passé. Il ne pourra estre icy que ne soit le xxe de ce présent mois.

Le roy m'a dit encoires comme le pape vouldroit que monsieur de Paris alit à Rome pour le traicter de paix.

Ledit seigneur roy a craincte que ces pratiques d'appoinctement ne soit, synon que le pape et les Veniciens font ce pour empescher le fait du concilie et de la guerre, pour tousjours passer temps et fere leur cas, comme a esté par cy-devant. Et, à ceste cause, il est d'advis d'entendre aux choses commancées et d'autre part à la paix, afin de incliner plus ledit pape et lesdits Veniciens aux choses raisonnables pour ladite paix, laquelle ledit seigneur roy désire, mais qu'elle soit seure et ferme.

L'on a advertissement du royaume de Naples, comme il a esté donné congié aux gens de pieds espagnolz qui estoient au royaulme, réservé deux mille qui s'entretiennent là , et que tout le demeurant s'en retournoit une partye en Affrique et une autre partye en Espaigne.

Le cardinal de Ferraire est allé en Ferraire avec congié du pape, lequel ne demonstre plus tant de hayne contre le duc de Ferraire ne ledit cardinal , comme il estoit acoustumé.

NÉGOC. DIPLOMAT. I. 56

L'on a advis comme le cardinal de Sainct-Severin estoit jà passé le Jacq de Garde pour aller devers l'empereur, envoyé de par le roy; la cause de son alée est pour prandre une bonne conclusion et deliberacion sur toutes choses, tant sur le fait de la paix que sur le fait de la guerre, s'il la convenoit poursuyr, et que ladicte paix ne se peust fere.

Madame, à ung village près d'icy cinq lieues, sont morts quasi tous ceulx dudit village de peste, et en ceste ville deux enlfans de la chappelle de la royne. Pourquoy l'on fait la plus grant garde du monde.

Aujourd'uy sera icy monsieur le chancellier. Je entendray de luy ce qu'il aura fait touchant l'affaire de Nevers, et d'autres choses dont je luy avoye escript, et, par la première poste, vous en advertiray ensamble d'autres nouvelles.

Madame,' après mes lettres escriptes, et vuillant expédier la poste, sont venues les nouvelles dont vous envoyé la substance par escript icy enclose1. Si aultre chose survient, en serez incontinant par moy advertye.

Madame, le roy se partira samedi prouchain pour retourner à Bloys.

Je prie, madame, Nostre-Seigneur, etc. A Baujency2, ce xve jour d'octobre, à la nuit bien tard.

Vostre, etc.

Andréa da Borgo.

' Cette annexe ne s'est pas retrouvée. cette terre à titre d'apanage de la maison

: Beaogency, sur la Loire, à quatre d'Orléans; mais en i5Z|4i Beaugency fut lieues ouest d'Orléans. Louis XII possédait réuni au domaine de la couronne.

ANDRÉ DE BURGO À MARGUERITE D'AUTRICIIi: .

L'empereur espère s'emparer prochainement de Trévise et de Padoue. Mission de l'évêque de Gurce à Rome. Embarras pécuniaires augmentés encore par le prochain départ d'A. de Burgo. Le cardinal de Saint-Séverin négocie la paix. On attend sous peu l'ambassadeur d'Ecosse. A Naples , on se prépare à la guerre. Le roi est retenu par la goutte à Notre-Dame de Cléry. ( Original.)

20 octobre , à Baugency.

Madame, combien je croy soyez advertye de la part de l'empereur votre père des nouvelles qui occurrent par delà en Itailye , toutefois je vous ay voulu envoyé le double cy-encloz des lettres de monsieur de la Palisse, que sont des nouvelles qui viennent icy au roy.

Madame, l'empereur m'escript encoires par lettres du neufiesme

de ce mois, comme il alloit mectre le siège devant , et avoit

envoyé dire à monsieur de la Palice qu'il mist le siège devant Trevys, et l'avoit fourni de tout ce qui estoit nécessaire pour ledit siège, et esperoit de l'avoir brief en ses mains, et non seulement ledit Trevys, mais encoires Padua; et m'escript de prier le roy de vouloir entretenir encoires ung peu de temps ses gens d'armes. Mais desjà le roy a escript de les revocquer pour la nouvelle de ceste ligue. Toutefois on espère que, devant qu'ilz ayt les nouvelles, qu'il se aura fait quelque chose.

Madame, l'empereur m'escript encoires comme il expedioit monsieur de Gurce pour se tirer en Rallye et à Rome, tant pour pacifher ces choses que fere appoinctement avec les Veniciens, et me mande que je soye prest afin que, tout incontinant que seray mandé, je me parte pour me tirer devers ledit sieur de Gurce; et m'escript qu'il mectra ordre icy qu'il me fera sçavoir. De quoy je vous advertiray quant j'en sçauray quelque chose.

Madame, je me suis entretenu le plus longuement et mieulx que j'ay peu de l'argent qui m'a esté par vous dernièrement envoyé et

d'autre que j'ay peu recouvrer. De quoy j'ay payé mes debtes, et du demeurant ay fait mon possible de m'entretenir jusques icy, et me suis abstenu de vous importuné , congnoissant les affaires de la guerre que menez de présent; mais, pour ce que suis sur mon parlement et n'atends autres synon que l'empereur vostre père me mande de me partir, ce que ne pourroye fere sans vendre la initié de ma vecelle ou mitié de mes autres meubles, que ne seroit mon honneur et

mains celuv de l'empereur et de monseigneur , et de mon alie

à Rome il me fauldra grant argent, et d'en avoir de l'empereur il n'y a point d'espoir. Par quoy, madame, je vous supplie pour la quarte lois que ne me vuilliez faillir à chose si importante; et que ce soit tout incontinant, car je sçay que deans six jours j'auray le commandement de m'en aller, et le delay seroit laperdicion. Et, à ceste cause, j'envoye homme de messire Francisque de Taixis, qui tenoyt icy la poste, pour'm'apporter ladite lettre de change, par lequel je vous prie la m'envoyer tout incontinant. Madame, je ne demande que partye de ce que m'est deu; et, quant riens ne me seroit deu, on me devroit pourveoir sur le temps advenir pour chose tant importante.

Le cardinal Sainct-Severin s'est party de l'empereur pour retourner en Itallye, et luy et mondit seigneur iront ensamble, et procure ledit cardinal par aucun bon moyen la paix , et en a l'on bon espoir.

L'ambassadeur d'Escosse est actendu icy dans six ou huit jours, et, selon les advertissemens que l'on a, le roy croit qu'il ne pourte pas chose de grant fondement par quoy se puisse fere la paix; mais l'on a plus d'espoir en la pratique de mondit sieur de Gurce et du cardinal. Touteffois l'on entend d'autre cousté à la persequution du concilie, et en cas que le pape ne vuille qu'il soit tenu à Pise, l'on est contant que sa saincteté le face en ung lieu neutre, et non pas à Piome, que n'est lieu seur.

Le roy a heu nouvelles du royalme de Naples, que là ne sentent fors que à preparacion de guerre et à amasser gens de pied et de cheval, et que le semblable fait le pape. Et d'autre cousté le roy semblablement apreste tout son cas contre tous, et l'empereur fera aussi

le semblable, afin que, sil le maulvais sort voulsist que la paix ne se fist, qu'il se puissent avec leur force fere tellement que les Veniciens et autres ennemys se mectent à la raison avec ledit empereur et le roy de France.

Le roy s'en seroit jà retourné à Bloys , mais il luy est survenu sa goutte, et demeurra encoires aucuns jours à Nostre-Dame de Clery.

Madame, vous pourrez pourvoir de fere lever les postes, ou, si voulez les laisser jusques veigne ung autre ambassadeur, lequel l'empereur vostre père m'a escript d'envoyer jusques à ce qu'il me renvoyé icy, et croy que, si la paix se faict, qu'il ne persuadera pas à y retourner, car j'y suis esté assez longuement.

Madame, quant je seray en Itallye avec monsieur de Gurce, je vous advertiray, par tous moyens que pourray, continuellement des nouvelles, et vous plaira me mander et commander, madame, si est service que je vous puisse fere par delà, car je seray toujours prest à le fere comme pour l'empereur vostre père , vous suppliant me tenir continuellement en vostre bonne grâce.

Madame, je prie Nostre-Seigneur, etc. A Beaujency, ce xxe jour d'octobre.

Vostre, etc. Andréa da Borgo.