FIN DE

MERCURIN DE GATTINARE À MARGUERITE D'AUTRICHE.

Il se plaint de n'avoir pas l'argent nécessaire pour aller à Paris avec les autres ambassadeurs. (Original.)

1 7 janvier 1 5 1 4 , à Bruxelles.

Madame, j'ay tout à ceste heure reçu vos lettres, ensemble celles qu'il vous a pieu escripre à vostre tresourier le sieur Diego Floris , lesquelles luy ay incontinent envoyé par ung de mes gens, auquel il ha fet grosse difficulté de prendre le» lettres ny de les veoir, disant qu'il sçavoit bien que cestoit. Touteffois, finablement il les haleutes, et après ha fet toutz les seremantz du monde et se donne à toutz les diables que, quant vous luy escripriés cent lettres, il ne sçauroit finer cent maràyedis; et, par ainsy, je n'y vois nulle apparance. J'ay prins iey soubdàinement ce que m'ha esté possible pour mon accoustrerment et de mes gens ; mays je ne pourroye avoir les ouvrages sans argent, et ne m'est possible venir devers vous; car je n'ay présentement robbe ny pour chivauchier ny pour aller par ville; car, pour

wifiOC. DIPLOMAT. — II. 1

2 NÉGOCIATIONS ©IPLOMATIQUES .

fauite d'argent, j'ai esté contrainct bailli er ma robbe à chivauchier à l'un de mes serviteurs qu'estoit mal en poinct, et de ma robbe de deuil j'en faiz fere unne robbe de nuict fourrée d'aigneaulx noirs. Et par ainsy me fault estre recluz pour demain tout le jour. Toutesfoys, si ne venyés vendredy icy, je me rendray vendredy matin devers vous, quant je debvray venir en chariot; car M. de Nassou, auquel ce matin, avant que fere decoupper ma robbe , suys aller parler, m'a dict qu'il partira avant lundy, et que, pour le plus tard, il deslongiera lundy prouchain. Et, pour ce, madame, si vostre plaisir est que je face le voyage, vous trouvères moyen que vostredit tresôurier délivre Targenj à aultre que à moy, en monstrant que ce soit pour aultres voz affaires; car, quant à moy, je n'en sçauroye venir à bout, et il se laisroit plustost escourchier que de le moy délivrer que je m'en puisse servir à temps.

Madame, vous me manderez et commanderez, etc.

Escript à- Bruxelles, ce soir, xvne de janvier.

Vostre très-humble et très-obeissant subgect et serviteur,

Mergurin de Gattinara.

Instruction1 aux ambassadeurs envoyés vers François Ier, roi de France, pour le congratuler , lui faire hommage à cause des fiefs que le prince Charles tient de la couronne, et renouveler alliance avec loi. (OriginaL^

- . 19 janvier, *à Lou vain.

Mémoire et instruction pour messieurs le conte de Nassou2, monsieur de Sempy3, monsieur le doyen de Cambray 4, confesseur de môn-

• * Cette instruction est un des premiers Vianden , etc. , conseiller etchamheflan-du

actes importants qu'ait signés: Charles roi.

d'Autriche, après son émancipation, qui s Michel de Croy, seigneur de Sempy,

eut lieu le 5 janvier 1 5 1 4- 1 5 1 5. aussi conseiller et chambellan . . ; , * Henri , comte de Nassau , seigneur de 4 Michel Pavié fut nommé , le a novem-

seigneur, Philippe Daules1 son maistFed'hostel, monsieur le président du parlement de Dole2, maistres Jehan Gaulier3, conseillier et maistre des requestes, et Gilles Vanden Damme4, secrétaire de mondit seigueur le prince , tous ambassadeurs d- icelui seigneur prince de Castille, archiduc d'Austriche, etc., de ce que, de sa part, ilz auront à dire et remonstrer au roy très-chrestien, devers lequel 'mondit seigneur le prince présentement les envoyé.

Premiers, feront au roy les recommandations de mondit seigneur, humbles , deues et pertinentes , et lui présenteront ses lettres de credence.

Pour l'exposition de laquelle leur crëdence diront comment mondit seigneur, tout nouvellement et depuis environ la veille des Roix derrain, a esté émancipé de tutelle et manbournye, et mis au gouvernement et administration de ses pays, seigneuries et subgectz de par deçà.

Que mondit seigneur scet et congnoist qu'il tient aucuns de sesdits pays et seignouries de par deçà, en fief et hommaige du roy et de la couronne , dont il est prest et délibéré de fere au roy tout tel debvoir, honneur, obeyssance et service qu il appartient et qu'il est tenu de faire , tant à son sacre et couronnement que autrement.

Et combien que mondit seigneur ait eu doleur et esté desplaisant du trespas du feu roy, dont Dieu ait l'ame; considérées neantmoins toutes choses, mesmement que tous humains, granset petis, sont subgectz à la mort, davantaige que le feu roy estoit homme anchien, débile et maladieux, et que, en tous afferes, Ton se doibt conformer à la voulenté et disposition de Nostre-Seigneur, mondit seigneur se

bre i5og, confesseur du jeune archiduc 3 Jean Caulier, seigneur d'Aigny, déjà

Charles. 11 mourut à Bruxelles, ie 17 mai employé, à plusieurs reprises, dans les

1517. Voyez nos Recherches sur l'église ambassades de France,

métropolitaine de Cambrai, aa3, et Cor- 4 On voit par les comptes du trésorier

respondance de Maximihen , I , ao5. des guerres pour 1 509 , que Gilles Vanden

1 Philippe Dalles, mentionné plusieurs Dammc était alors secrétaire du prince

fois ci-dessus. d'Ànhalt.

1 Mercurin deGattinare.

treuve grandement consolé et resjoy de la succession de ladite couronne advenue audit seigneur roy présent, non-seullement pour ce que de vray droit, hoirye et succession, elle lui appartenoit et debvoit appartenir, mais aussi pour ce qu il est prince tant valeureux et vertueulx, en fleur et force d'eaige, espérant que, par luy et par ses vertus, ne seront tant seullement augmentés ses pays, royaumes et subgectz, mais toute la chrestienneté, et singulièrement que les princes ses parens et voisins, dont mondit seigneur s'en tient l'ung, en vauldront de mieulx.

Et pour, de la part de mondit seigneur le prince, demonstrer le bon voulloir et affection que il porte au roy, lui sera dit et remonstré que mondit seigneur sur toutes choses desîre son. amour, et d'avoir bonne, vraye, ferme et entière amitié, intelligence et alliance avec luy et son royaume plus que avec prince du monde, espérant que, au moyen de ladite alliance et la grâce de Nostre-Seigneur, nid autre ne leur pourra nuyre, et que par ensemble, ilz pourront fere de grans choses au bien de eulx et de leur chose publique , et à l'exaltation de notre sainte foy catholique.

Et se quelque plainte, mescontentement ou mencion.se faisoit de la part du roy ou d'aucuns aultres, sans fere semblant qu'il procedast du roy, de l'assistence que a esté faite aux Anglois, ou que le roy pensist avoir quelque autre cause ou occasion de mescontentement de choses faites ou advenues depuis le trespas du feu bon roy de Castille, cui Dieu absoille,

Sera dit et remonstré que se, durant la minorité de mondit seigneur, ait esté faite chose que fere ne se devoit ou dont le roy puist avoir regret, qu'il en desplaist à mondit seigneur, et ne croit point que le roy lui vouldroit ce imputer, veu son bas eage, ains, en toutes choses passées, le tenir pour excusé et davantaige le garder, estre son protecteur et deffenseur, ainsi que roy est tenu fere à son parent vassal envers tous ceulx qui le vouldroient nuyre à la cause dite , ou autrement aucune chose lui demander, suppliant audit seigneur roy ainsi le voulloir fere.

Après que ces choses auront esté dictes en audience publicque, devant le roy, les princes de son sang et les seigneurs de son conseil, par la meilleure forme et manière que messieurs les ambassadeurs sauront adviser, en captant la benivolence du roy et de tous autres, pourront dire en termes generaulx qu'ils ont ancoires d'autres matières, lesquelles ils désirent bien communiquer à loisir avec les gens du roy, quant son plaisir sera leur ordonner et députer gens pour ce fere.

Et, en la communication, pourront commencer à parier comment, en Tan XVe et vu ou vm, fut fait certain traicté de paix en la cité de Cambray, entre l'empereur et feu le roy très-ebrestien , lequel , depuis r a esté confermé et ratiffié, et par ladite ratification ont esté comprins les héritiers et successeurs d'iceulx princes , et astraints à f entretenement d'icelui, requerront que, de la part du roy présent, ledit traicté soit confermé, ratiffié et approuvé, offrant de la part de mondit seigneur le prince fere le semblable.

Sur quoy lesdits sieurs ambassadeurs insisteront si avant qu'ilz verront estre expédient pour le bien de mondit seigneur et de ses affaires.

Et pour ce que mondit seigneur présuppose que ledit sacre se fera assez tost, affin de non faillir d'y envoyer, pour de sa part faire son debvoir, seront despeschées et délivrées audit sieur de Nassou, et sur son nom seul, lettres-patentes de procuration especial et irrévocable les plus expresses que fere se pourront, pour, de sa part et ou nom de mondit seigneur, se transporter à dilligence devers le roy, et se trouver à Rains au lieu et jour de son sacre; luy présenter et requérir de par icelui seigneur de luy fere audit sacre tout tel debvoir que per de France et conte de Flandres est tenu de fairer tout ainsi que mondit seigneur feroit et seroit tenu de fere, se en personne il s y povoit trouver, faisant ses excuses de non comparicion personnelle humbles, deues et pertinentes, tant à cause de sa réception et des occupations nécessaires que à cause d'icelle il a, comme de plusieurs autres urgentes afferes qui journellement lui surviennent et accroissent, suppliant au roy prendre sesdites excuses tant justes,

honnestes et raisonnables, de la bonne part; et, pour procéder ausdits debvoirs, présentera icelui sieur de Nassou Lesdites lettres de procuracion, quant et ainsi qu'il verra estre expédient et nécessaire.

Semblable présentation de debvoir fera mondit seigneur de Nassou , en vertu d'autres et semblables lettres de procuracion que lui seront aussi délivrées pour la duchié de Bourgogne et à cause d'icelle, comme doyen des pers.

Et, s'il n'est à ce receu ne admis, fera secrète protestation de non préjudice au droit de mondit seigneur en ceste partie, et en prendera instrument tel qu'il appartiendra, sanstoutesfoiz aucun bruyt ou semblant de regret, aigreur ou mescontentement , ains le plus gracieusement que fere se pourra.

Ce fait, mondit sieur de Nassou, en vertu encoires d'autres lettres de procuracion especial et irrévocable sur luy seul, ainsi que dessus, se présentera aussi pour, de la part et ou nom de mondit seigneur, reprendre et relever du Toy en fief les contez de Flandres etd'Arthois, avec les autres parties qu'il tient m ou van s et despendans de sa couronne, et offrira de luy en fere les foy, hommaige et serment de fidélité tel* qu'il appartient, et que ses prédécesseurs sont accoustumezfere, et contendera par tous moyens d'estre à ce receu, veu les excuses- et occupations dessusdites.

Item, et si , de la part du roy, estoit parlé dès differens pour la pacîficaoion desquels a nagueres esté dressée et tenue certaine journée et communicacion à Peronne , entre les députés du feu roy, d'une part, et ceulx de mondit seigneur, d'autre, touchant la restitucion des prinses et entrefaites qui, durant la guerre d'entre les feu roy de France et celuy d'Engleterre , ont esté faites d'ung costé et d'autre , et d'autres semblables matières qui ne sont- encoires appoinctez , diront que monseigneur le prince désire qu'ils soient widiez le plus tost et par le meilleur et plus amiable moyen, au contentement et à l'indempnité des adommaigez d'ung party et d'autre que fere se pourra, et que , pour ce fere , lesdits sieurs ambassadeurs ont , de la part de mondit seigneur, charge et povoir d'y besoingner toutes les

Foiz qu'il plaira au roy semblablement y vQùlloir commeclre et députer aucuns akns de sa part povoir semblable.

Mais, pour ce que ledit seigneur roy, en ordonnant sesdits députez à fere ce que dit est, pourrait demander que semblablement et tout par une communication , fessent wydée$ et décidées aucunes autres grosses- matières d'ymportance , comme le fait de la chambre légale et les appellacions des crimineulx de Flandres, les legittimacions et anoblissemens faiz par les prédécesseurs de monseigneur en ses contez de Flandres etd'Arthois, la congnoissance des cas royaulx en la chastellenie de Lille et autres esquelles consiste la haulteur de mondit seigneur, iceulx seigneurs ambassadeurs y procéderont tout meurement et à loisir, et n'y prenderont aucune conclusion ou resolution, sans premiers en advertir mondit seigneur,, et jusques sur leur advertissement ilz auront sa responce.

En ouhre , pour ce que mondit seigneur désire , selon que dessus est dit, bonne, vraye et entière alliance, amitié et intelligence avec ledit seigneur roy, et que icelle alliance ne se pourrait mieulx fere, ne plus fermement asseurer que par traictié ou alliance de mariage, iceulx ambassadeurs, ou cas que quelque ouverture leur soit faite du mariage d'entre mondit seigneur et dame Renée, assentiront et entenderont à ce que ledit seigneur roy en vouldra dire, et mesmement quel dot ou partaige il voudroit faire à icelle dame , et de tout ce qu ilz entenderont de ceste matière advertiront continuellement et diligenment mondit seigneur, tenant tousjours la matière en bon train et en bons termes, sans rompture, pour après y continuer, et procéder plus avant, selon les responses et charges que par mondit seigneur leur seront sur ce faictes et escriptes.

Item, sera requis par messieurs les ambassadeurs, de par monseigneur, au roy très-chrétien , que son bon plaisir soit lever la main et empeschement mis à madame es conté de Charolois, terres et seigneuries de Chastel-Chignon , Chaulchtn et la Perrière, et icelles rendre à madite dame , et l'en fere et souffrir joyr suyvant le bail et transport que luy.en a esté fait, ensemble aussi du droit de gabelle

des greniers à sel dudit conté de Charolois, terres et seigneuries de Chastel-Chignon et de Noyers, et tout ainsi que faisoit le feu roy de Castille de son vivant et qu'il est dit par le traicté de Cambray, en faisant, au surplus, rendre et restituer à madite dame tous les deniers escheuz, tant depuis ladite mainmise jusques à présent, comme aussi les deniers que, auparavant icelle mainmise, auraient esté deuz à madite dame, tant par ses receveurs grenetiers que autres officiers, et qui seroient trouvez avoir esté receuz par les officiers dudit seigneur roy, et de ce que dessus obtenir lettres patentes en bonne forme.

En oultre, soit supplié audit seigneur roy avoir lesdits pays de Charrolois et autres seigneuries dessusdites, ensemble des habitans, en sa bonne protection et recommandacion , et les garder de foulle et oppression.

Et si quelque difficulté estoit faicte par ledit seigneur roy sur la restitucion desdites seigneuries, soubz couleur des plaches de monsieur le marquis de Rotbelin , sera advisé par messieurs les ambassadeurs sur ce que dessus et autres afferes de madicte dame, dont à plain par monsieur le président de Bourgogne ilz seront informez, trouver quelque bon expédient, selon et ainsi quilz pourront faire pour le mieux.

Et du moins que le roy se veulle contenter d'empesoher, soubz la coulleur dessusdite, autant de biens seullement appartenans à madite dame, que monte ce que s'en détient audit sieur marquis, duc de Longue ville, et faire lever la main du surplus des biens d'icelle dame.

De tout ce que par iceulx seigneurs ambassadeurs sera traicté, fait et besoingné sur les choses dessusdites et chacune d'icelles, ilz advertiront continuellement mondit seigneur le prince, à la plus grand dilligence que fere pourront, ensemble de toutes nouvelles et choses d'importance quilz pourront entendre. • Charles.

Ainsi conclu et ordonné par monseigneur en son conseil , à Louvain, le xixe jour du mois de janvier, Tan mil vc et xim.

Do Blioul.

MERGURIN DE GATTINARE À LOUIS BARANGŒR1.

D ne peut obtenir d'argent pour les frais de son ambassade, et sera obligé de laisser partir ses collègues, au risque d'être pris en chemin par les gens de Robert de la Marck. (Original.)

20 janvier, à Bruxelles.

Monsieur le maistre, je suys ad idem, et treuve le seigneur Diego Floris sicut erat in principio, disant tout jour qu'il n'a poinct d'argent, mays qu'il en actend. Il pourra tant actendre que mon cas ne sçauroit estre prest à l'heure que les aultres partiront ; et ne suys pas délibéré trotter après, tout seul, pour le dangier de messire Robert, qui a prins le sieur du Rupt et deux des Vauldrey venantz par dezà , et tient les champs de toutz coustez. J'en escrips à madame, comme verrez, que , s'il n'y ha aultre ordre, je me trouveray au deslogier des aultres tiellement que demeurray, mays ma maladie me tiendra à la bourse ; et, pour ce, vous prie que, avec monsieur le gouverneur2, auquel ceste sera comune, veuillez présenter incontinant mes lettres à madame, et faire despechier mon homme qu'il puisse retourner icy au gitte , à fin que je sachie cornant ma maladie se pourtera la nuyct qui vient, et que , celon ce , je me puisse disposer; et vous prie qu'il n'y ait faulte ; car, certes , je suys à plate bourse , et doys tout plein d'argent qu'il fault poyer avant que partir. Et quant Diego Floris me poyera ce que m'est dehu, il ne me soubrera pas grant argent pour faire long séjour au voyage ny pour y fere gros frays. Et treuve que ma despence croist; car mon advocat m'envoye le filz de sa feme pour le conduyre avec moy en ce voyage : ce que ne luy puys refuser, à cause de mon

1 Louis Barangier, seigneur d'Àubigny, * Laurent de Gorrevod , gouverneur de

premier secrétaire et maître des requêtes Bresse, de F archiduchesse.

■i00C DIPLOMAT. — U. 2

procès. Et à tant, je prie à Nostre-Seigneur, etc Escript à

Bruxelles, ce soir, xx de janvier i5i5.

L'entierement vostre,

Mebcurin de Gattinake.

MERCURIN DE GATTINARE X MARGUERITE D'AUTRICHE.

Départ pour l'ambassade de France. Précautions prises pour la réussite des négociations.

(Original) 21 janvier, à Bruxelles.

Madame, vous avez si bien conjuré le seigneur Diego Floris, qu'il m'a poyé de ce qui m'estoit dehu; et, à i'ayde de Dieu, partirons demain après disner, au gitte à Haulx. J*ay esté ce matin devers M. Nassou et devers M. de Sainct-Py1, qui se monstrent joyeulxque je voyse en ce voyagie. Ils m'ont dict que le greffier de Tordre2 debvoit estre icy au disner, qui apporteroit les instructions et toute la despechie ; et que 9 luy estre arrivé , nous nous pourrions assembler pour veoir ce qu'estoit à fere; et que, après disner, nous fusmes touts trouver devers M. de Nassou. Et illeques ledict greffier ha dict qu'il avoit apporté toute la despechie , et que les instructions estoient tieHes qu'elles avoient esté conclûtes en leur présence , et n'y avoit riens esté changié; et, quant au mariaige, que la resolucion estoit que n'en debvions poinct parier qui ne nous en parlerait. Mays si, de leur cousté aussy, ils n'en faisoient aulcun semblant, l'hon pourrait en devises mettre quelques mots generaulx en avant, disant que monseigneur désire entretenir bonne paix et union avecque le roy, et quel-

1 Lisez Sempy. Cest le nom sous lequel * Laurent du Blioul , seigneur du Sart »

on désigne souvent Michel de Croy, qui élu greffier de la Toison d'or en 1A96. était en effet seigneur de Sempy dans le Boulonnai*.

c un à la traverse deust mettre en avant le moyen celon que Fhon y cogneistroit l'inclinacion du roy. Et est M. de Saint-Py d'advis, auquel les aultres se conforment, que, pour l'introïte, Thon doibt demander, après l'arengue faicte , quant nous serons en communication , la confirmacion du traiçtié de Cambray; et nous arrester à icelluy, avant que venir à debatre les particularités et entrefaictes. Car, ayant commencemant d'amytié , tous les aultres poincts se pourront mieulx vuyder par amytié et doulceur, que si nous missions les difficultés au commencemant. Et cela mis en deliberacion , chascun a esté de son opinion ; combien que j'ây dict que la confirmacion du traiçtié de Cambray simplemant île nous servirait de gueyres, car il ne dure que ung an après le trespas du roy, et que en ce luy fauldroit renoveUemant, à quoy ils se conforment. Et cecy me semble , madame, que tourne k vostre honeur, que Thon prende le patron sur le traiçtié qu'est passé par vos mains, et duquel Thon tenoit si peu d'extime. Aultre chosse n'ha esté dict ny declairé du contenu es instructions; lesquelles n'ay ancoures vehues ny demandé de les veoir. Ledict greffier ha dict aussy qu'il y avoit troys povoirs : l'ung estoit que si Ton receoit l'ambassade pour se trouver au sacre du roy, que M. de Nassou eust povoir d'exhiber le service pour la duchié de Bourgongne, et M. de Sainct- Py pour la conté de Flandres ; F aultre povoir est, en cas que l'on ne voulsist souffrir ledict seigneur de Nassou représenter et servir pour la duchié de Bourgogne, que ledict seigneur de Nassou, avec protestacion de non prejudicier au droict que monseigneur ha en la duchié , fist luy-mesme le service pour la conté de Flandres, et croy que c'est la protestation dont vous me parlyés : le tiers povoir est pour reprendre de fied et fere l'homage des pièces que monseigneur tient de la couronne. Et s'ils ne reçoipvent l'homagie par procureur, et que le roy veulle que monseigneur le face en personne , l'hon ha chargie de requérir que ce soit en la manière que fust faict au roy vostre frère et au mesme lieu, sur cest esté, quand monseigneur yi*a fere sa réception. Toutçsfoys, mesdicts sieurs, combien qu'ils se mettent en chemin sur ceste chargie, ne sont pas d'opinion de passer Cambray

sans avoir le saulfconduict, lequel ils attendront là, ensemble la certaineté du jour du sacre. Et leur semble que si Thon dislaye d'envoyer ledict saulfconduict, que sera signe qu'ils ne désirent poinct que nous soyons au sacre , pour crainte des protestacions que Ton y pourrait fere, qui ne soufriroit tenir la place du premier per, à cause du duchié de Bourgongne. Et peultrestre que l'ambassade d'Angleterre, que l'hon dict que y sera devant nous, fera retarder le roy de venir à Reyns; car ladicte ambassade ne se vouldroit poinct trouver au sacre , sans aussi fere protestacion de non préjudice. Et aussi est assez vraysemblable que l'on ne les y vouldroit souffrir pour ce fere.

Madame, de ce que surviendra serés tout jour advertye. Et cependant me povez mander, etc. Escript à Bruxelles, ce soir, xxi* jour de janvyer xvc et xxntf5.

Je vous envoyé les copies de vos renunciacions et contrelettres , pour les garder avec vos lettres de la conté de Bourgongne , pour s'en servir un aultre foys, s'il est besoing. Et ne fault oblyer de retirer mes motifs et allegacions.

Vostre très-humble et très-obeissant subject et serviteur,

Mercurin de Gattinara.