LOUIS DE PRAET X NICOLAS PERRENOT

Les conditions de la paix de Cambray qu'on vient de recevoir à Rome sont si avantageuses qu'on soupçonne quelles cachent quelque tromperie. Raisonnements de Louis de Praet, qui se justifie d'avoir conseillé un accommodement. Il rappelle les conditions qu'il avait proposées. (Archives générales de Belgique. — Copie.)

31 août, à Rome.

M. de Granvelle, à ce soir est arrivé le courrier de Gènes, qui entre aultres choses a porté lettres à messyre May du secrétaire Valdès; et disent lesdites lettres la venue de maistre Guillaume des Barres, avec les condicions de paix1, lesquelles sont sy avantageuses que aucuns doubtent qu'il y ait tromperie. Pour ce que tant de fois j'ay escript à l'empereur, le exhortant à ladite paix avec Franèe, et que peult-estre S. M. me pourroit tenir pour si peu long prévoyant les choses à venir , que luy eusse conseillé la rattiffication de ladite paix sans y avoir beaucoup pensé, et seullement superficialiter, comme disent les logystes, je vous veuix bien escripre, jà çoit que je croy ce sera trop tardt, ung discours que en moy-mesmes j'avoye fait avant que escripvisse à S. M. par Rodrigo de Ripalta. Vray est que ne l'escripvis lors à S. M. , tant pour ce que ne fais doubte, S. M. et vous aultres; messieurs, entendez les affaires trop mieulx que moy, que aussy pour ce que en cest endroit, et mesme-

1 La paix dite des Dames, parce que la due à Cambray, le 3 août i5ag, et puduchesse d'Ângoulême, mère du roi, et . bliée le 5 du même mois, dans la cathé- Marguerite d'Autriche, tante de Tempe- drale de cette ville. reur, en ont été les négociatrices» fut oon-

604 NÉGOCIATIONS DIPLOM ATIQCES

ment en matière si favorable que de paix, ne voulux jetter nub i pales, craindant que, en cecy comme en tontes anhres choses, /kcilins est destmere qaam reparare.

Le discours que je fi* en moy-mesmes touchant ladite paix avec France est le suyvant :

Que, en prenant les choses au pys qu elles pourraient avenir, considérant mesmement que l'empereur en ce cas avoit affaire avec gens que aultre fois lui avoient fidly à leur promesse, je trouvay que le roy de France pourroit encoures contrevenir audit traicté nagueres fait, en ung ou deux temps, assavoir après la restitucion de messieurs ses enfans, ou aussi auparavant d'icelle. Quant à la tromperie que ledit roy de France pourroit faire après la restitucion desDauIphins, je dis, supposant les condicions dudit accord estre telles comme furent concertés à Sarragosse, quelles sont si avantageuses pour Tempereur que je les extime trop plus que les deux enfans du roy, tant en argent comptant que en terres des François en Flandres; restitucion des g*ige* et obligacions que le roy d'Angleterre a de l'empereur et quictances de toutes debtes, mesmes de Y indempnité et arrérages d'icelles ; renunciacion du droit et pension de Naples, de Millan, restitucion d'Alexandrie, Ast, Barlette et Hesdin , les xxx ou il* escus par mois qu'est tenu de payer pour faire guerre aux Veniciens, etd'iceulx donner plesges en Amiens; en oultre, le bon et sainct voloir 'que S. M. monstre avoir toujours à la paix; la honte que le roy de France se feroit à soy-mesmes, si aultre fois faulçoit sa promesse, et le mauvais bruyt qu'il en acquerra par toute la chrestienté, mesmement envers ses subjeetz, qui sont fâches de la longue guerre; le péché qu'il fera envers Dieu; le mauvais .tour qu'il a fait à tous ses confederez; et que du moings, durant ceste dissimulacion, ledit roy françois ne les peut ayder publicquement, et par conséquent l'emprinse à Tencontre d'eulx est plus facile cependant à S. M. ; le mariage de la royne donne Eleonore; les ratifications des parlements de France, et plusieurs autres pointa que ledit roy de France doibt furnir, dont ne me souvient par ceur , toutes lesquelles choses ou la plus impor*-

tante part d yceiies doyent estre exécutées avant ou du moings au mesmes instant de la délivrance desdits daulphins. Et par ainsy, si S. M. est bien servi en l'exécution du traité, n'y peut avoir aucune tromperie. Et oseroie dire ( peut-estre une folie) que si ce ne fust pour la venue du Turc, et pour ce que suis chrétien, que je voul* droye que le lendemain après la restitucion desdits daulphins et accomplissement des choses dessus dites, ledit roy de France feist de nouveau la guerre à l'empereur, afin que S. M. le puist prendre despourveul d'argent et gens , tant de cheval que de pied. Toutes lesquelles raisons, M. de Granvelle, militent plus maintenant que en autre temps, puisqu'il a pieu à l'empereur passer en Italie en la saison si tardive, et (mal?) esquippé du nerf de la guerre. Je sçay bien que à Tencontre de cecy l'on pouiroit dire que, peult estre, tout ce que ledit roy françois fait est du sceu d'Anglois, Veniciens et autres ses colliguez , et que après avoir recouvré ses enfans , tous lesdits colliguez se rallieront ensemble pour faire de nouveau la guerre. À quoy, oultre que ce sont choses incertaines, avons assez responses et moyens pour y obvier, mesmement ceulx que je donnay par escript à l'empereur à Bourgues, lesquels avés entre vos mains, et singulièrement ung estant, que en tout advenement, S. M. doit faire la paix avec l'Italie, par quelque bout que ce soit , et soy mectre hors de si extrême despence; car, si S. M. veult continuer le trayn qu'il a mené ces années passées , sans prendre garde d'assembler une bonne somme de deniers pour contre quarte de ses ennemys, je voys son cas sans remède, comme plusieurs fois luy ai dit en vostre présence M escript, tant par ledit billet de Bourgues que nagueres par mesdites lettres du XIIe de ce mois et autres subséquentes. Et l'austre point estant que l'on pourrait dire que ledit roy de France ne furnira chose qu'il ait promise, ains seullement veult endormir l'empereur pour ceste saison au moyen dudit traicté. Sur quoy je responds que ce point auroit lieu si S. M. fust venu par deçà au commencement de may ou juing, et avec esquipaige convenable tant d'argent que autrement; car lors il y eust eu saison pour entrer en France avec apparance et

espoir de y faire chose conforme à son désir et au bien de ses affaires et de la chrétienté ; mais, puisqu'il est arryvé en Tordre» équipage et saison que dessus, et qu'il voit desjà la fin d'aoust et les Ailemans et chevaulx n'estre encoires arrivez, le Turc si prouchain du royaulme de Naples en tel desordre, et ses gens de guerre condicionnez comm'ilz sont, les royaulmes d'Espaigne demeurez de la sorte que savez , et plusieurs autres inconveniens que sentez à l'oeul mieulx que moy, qui suis loing et les puis seullement imaginer par ce que je sçay des choses passées; je dis derechief que S. M. ne pourrait mieulx faire que dissimuler, et, en actendant que la rompture vienne encoires ceste fois dudit roy de France, si elle doit venir, mectre peyne de soy accorder avec ceste Italie par quelque boult que ce soit, et encoires qu'il ne puist à ce parvenir, du moings, oultre le mérite qu'il aura envers Nostre Seigneur, luy demeurera ce bruyt avec tous chrétiens généralement, que à luy n'a tenu de embrasser la paix autant de fois que ses ennemys y ont voulu entendre , et n'est honte d'estre trompé souvent pour matière si sainte que de paix; avec ce que en celle-ci n'y peult avoir tromperie d'aucun effect; car il est cler que si les François ne furnissent les choses traitez , ilz ne recouvriront leur enffans. Mais, au contraire, si S. M. maintenant refusoit ou delayoit de ratifier ce que a esté conclu à Cambray , ses ennemys auront parvenu à leur désir et donneront à entendre à toute la chrétienté et s'en ayderont, non seullement vers leurs subgectz et amys , ains aussi vers les subjectz de l'empereur, disans que S. M., sans aucun respect du bien de ladite chrestienté ny du dangier de son frère, ny venue du Turck , ny grandes et avantageuses condicions dudit traicté de Cambray, ne les a volu ratifier, et exaggereront ce point, Dieu scet comment, invocantes testes cœlum et terrain, là où, au contraire, sadite majesté, en cas que la rompture ou faulte viegne desdits François, sera excusée de tous lesdits inconveniens. Il me semble, M. de Granvelle, que, avec gens qui entendent ceste matière mieulx que moy, ce que dessus souffira pour mon debvoir; et davantaige, si vousplaist prendre la peine de lire encoires une fois le

billet susdit, que donnayà S. M., à Bourgues, verres toute ceste matière plus au long debatue ; si vous semble bon , pourrez monstrer ceste myenne fantaisie à ces sieurs, ou encoires à S. M. , afin qu'ilz voient que ce que m'a meu de tant conseiller à S. M. la ratifficacion dudit traicté de Cambray , supposant tousjours qu'il soit tel ou à peu prez que fust conceu dernièrement en Sarragosse, n'a point esté la confidence que j'aye en la foy ne promesse desdits François, mais partie pour ce que, à mon ad vis, ilz ont fait comme saiges; et d'autre part, que, pour les raisons susdites, me semble que l'empereur, encoires qu'il fust asseuré que ledit roy de France devroit rompre ledit traicté de Cambray, soit devant la délivrance des daulpbins, ou après, que S. M. pourtant ne devroit différer de la ratifficr. Je ne veulx louher mes oeuvres, mais à vous, comme à l'ung de mes amys, veulx bien dire que ce qu'ay presché de la bonté de S. M. , désir qu'il a à la paix et repoz d'Italie, luy a donné tel bruit partout où j'ay passé, et mesmementen ceste ville et court, que, tant le collège des cardinaulx que généralement tous autres qui auparavant craignoient sa venue , maintenant ayment S. M. et désirent sa présence. Et peut-estre si les Yeniciens envoyent icy pouvoir pour traicter, que les propoz que j'ay tenu au cardinal Cornaro dudit désir de l'empereur à la paix, en seront cause , et ont donné cueur audit cardinal d'en cscripre à ses parens et amys audit Venise; aussi a donné grand bruyt à sadite majesté le bon et honneste traictement qu'il a fait à ceulx de Gennes. Je vous laisse penser, en cas que S. M., par force de continuation de la guerre, se trouve enfaulte d'argent, et que son armée commençant à vivre à discrétion, quel bruit ce seroit, et comment en ung moment tous ses amys lui deviendraient ennemys , et quel cueur ses ennemys en prendraient ! Afin que messire May entende mieulx les affaires après mon partement, je luy ay communiqué toutes mes lettres particulières ; en effect, je ne obmettray riens k luy dire que me semblera estre au service de S. M. M. de Granvelle, je prie Dieu vous donner bonne vie et longue. De Rome , ce dernier jour d'aoust.

Le tout vostre entier amy , Lots de Praet.

n£goc. diplomat. — ii. 88