CHARLES DE POUPET, SEIGNEUR DE LA CHAUX, À L'EMPEREUR
Bon accueil par le duc et la duchesse de Savoie. Propositions du seigneur de Monego. Bruits divers sur la durée de la paix. Arrivée et réception de l'ambassade a Lyon. Prochain départ de M. de Brion, amiral de France, pour aller en ambassade auprès de l'empereur. Pourparlers au sujet de la délivrance des enfants de France, de la reine et des sommes dues à l'empereur. On espère beaucoup de la reine Éléonore. Affaires et propos de Galéas Visconti. Deux familles sont cause de tous les maux qu'éprouve l'Italie. On soupçonne que la paix ne durera pas , et qu'on machine quelque tromperie. Raisonnements de la Chaux sur les événements et leurs résultats probables. Conseils. ( Archives générales de Belgique. — Copie. )
23 septembre, à Lyon.
Sire, je vous supplie me pardonner si ceste ma lettre se trouve ung peu longue, ce sera pour mieulx vous declairer tout ce que jusques cy ay veu et oy digne de vous escripre, et le superflu vous supplie le excuser.
Sire, depuis que dois Novalesa vous euz escript, en allant mon chemin me trouvay vers madame la duchesse de Savoye vostre bellesœur 1 , qui là me attendit avec messieurs ses deux fils ung jour tout entier, et comme par une lettre qu ay escripte à V. M. par Grospain. Elle me feit tout l'honneur et bon traictement que possible luy fut pour l'honneur de vous; et vous promects, Sire, que ce n'est fainte l'amour qu'elle vous porte. Au partir d'elle, m'en vins le lendemain à Saint-Jehan de Moryenne, où M. son mary aussi me attendoit, lequel envoya au-devant de moy plus de deux lieues le sieur de Luilin, gouverneur du pays de Vaulx, qu'est ung très-honneste et sage gentilhomme; et quant je vins près dudit lieu de Sainct-Jehan, trouvay mondit sieur de Savoye qui me vint au-devant, accompagné de
1 Béatrix, fille d'Emmanuel, roi de sant qu'un seul fils, de neuf enfants qu'elle Portugal, mariée en i5ai à Charles III, avait eus. duc de Savoie, morte en i538, ne lais-
bons personnages, et, quelque supplier que le feisse, ne me laissa jusques je fus au logis qu'il avoit pour moy fait acoustrer, qu'estoit très-bon. D me demanda de V. M. d'une si entière affection, que plus ne se sauroit dire; et à vous dire ce qu'en ay peu congnoistre, il vous ayme et vqus désire servir de vray bon cueur. Je fus depuis devers luy, et me demanda bien au long de vostre bon estât et santé, et me dit qu'il s'en alloit à Thurin, pour dois là aller vers V. M., et qu'il avoit desjà envoyé devers vous ses ambassadeurs, qui sont quatre, dont desjà vous ay nommé les deux, assavoir : l'evesque de Moryenne et le sieur de Sarmoya ; il y a ung sien président et encoires ung aultre dont ne suis souvenant de son nom ou tiltre. V. M. les verra qu'en fera le compte, et avec iceuls vont plusieurs gens de bien, comme l'ay sceu.
Sire, ledit sieur me dit entre autres choses que M. de Monego1 lui avoit fait tenir parolles de luy vouloir vendre ledit Monego, % et que la chose estoit si avant qu'il en donnoit unm escus de rente, xxxm escus conténs, et luy promectoit le faire estre paisible jouyssant de son evesché et autres bénéfices qu'il avoit soubz la subjection du roy de France; et que estant en ces démenées, ledit de Monego luy donnoit entendre que le roy luy ouffroit merveilles pour laditte pièce. Mais ce nonobstant, il suyvit tousjours son marchief, pour ce que la pièce luy seroit bien duisable; et enfin luy dit, et aussy luy feit dire, qu'il en estoit avec V. M. en quelque marchief, et dois qu'il sceut cela, il dit et déclara qu'il n'y vouloit plus entendre, car en chose que désireriez il ne voul droit prétendre. Me dit enfin qu'il tenoit ledit sieur de Monego pour ung assez legier homme; mais cela, si vous plaist, ne doit aller plus avant. A ce que ledit sieur aussi me dit, il s'en va tout délibéré de aller devers vous, suyvant ce que luy avés escript, et vous promectz qu'il le fait de bon cueur. Une chose ay-je scène, c'est qu'il serche partout à emprunter, voyre à
1 Je présume qu'A s'agit d'Augustin pour suivre le parti de Charles-Quint, fut de Monaco-Grimaldi, évêque de Grasse, dépouillé de tous ses bénéfices. qui , s'étant détaché de la France en 1 5a4,
pouvoir vendre pour fere son voiage et pour aller jusques k Bouloingne, où là environ il espère trouver moyen de soy equipper; mais s'il luy failloit aller jusques à Rome, je croys qu'il luy seroit merveilleusement dommageable le fere. V. M. pourra adviser ce qu'il vous plaira qu'il face, car il est délibéré de vous obeyr. Si de nécessité avez à faire de son service, ne le devez espargner* et synon, veu sa bonne voulonté et que ses enffans sont vos neveurs, fils de celle que tant vous aymez, V. M. pourra avoir esgard à ce qu'il vous plaira que se face. Il m'a fait accompaigner et traicter, depuis qu'il a sceu mon entrée en ses pays, si bien, pour l'honneur de vous, que ne m'en sçauroye assez louer. Il est fort mal content que son président des comptes a esté prins, comme il m'a dit le vous avoir escript, et que luy aviez fait responce que m'en escripviez pour en parler au roy et à madame la régente.
Sire, en passant jusques cy, ay ouy plusieurs parlans de la paix différemment, assavoir : les ungs quelle tiendra, et autres que non, et dient aucuns que ce n'est que toute tromperie. L'on m'a dit aussi, venant jusques cy, que les Suisses, Veaiciens et Lucquoys avoient une secrète alliance contre V. M. , et que sans point de doubte les Suisses envoyent xxxm hommes en Italie contre vous. Quant j'ay ouy parler de si gros nombre l'ay moings creu; toutes fois, pour ce qu'il m'a esté dit en plus d'ung lieu, ay dressé d'en savoir la vérité que l'on m'a promis me fere savoir, et si c'est chose que vaille, vous en advertiray.
Jay trouvé avec mondit sieur de Savoye M. de Lullin, gouverneur pour mondit sieur de Savoye et madame vostre tante, du pays de Yaulx, qu'est ung très-honneste et saige gentilhomme; il a esté au roy, mais madame la régente la fait desappoincter. H se doubte que ce ait esté pour ce que , comme le vous voulu* naguieres monstrer par une lettre qu'il escripvoit à feu M. le grant-maistre, il avoit par bons moyens rompu le passaige que dernièrement vouloient faire aucuns Suisses et Valesiens vers M. de Sainct-Pol, que ne vous fut petit service. Il s'en est retourné audit quartier du pays de Vauh,
et m'a promis que, s'il oyoit quelque certaineté de partir gens comme dessus, qu'il le me fera savoir et qu'il vous sera bon serviteur; il est homme pour vous faire service, et luy serait bien employé quelque honneste traictement.
Sire, j'ay escript ce que dessus avant mon arryvée en ceste cité, que lut lundi dernier xxe de ce mois. Le gouverneur d'icelle, qu'est de ceulx de Trivolz, nepveur du mareschal de France, me vint au-devant une bonne demy-lieue; puis après aussi y vindrent de par la cité aucuns bons personnages, et ne furent belles parolles et offres de mesmes espargnées. Il estoit environ six heures quant je entray, et, comme me trouvés au bout du pont de Sone, ung gentilhomme me vint dire de par M. l'admyral sieur de Bryon, me faisant les recommandations d'icelluy, que je fusse le bien-venu, et qu'il ne faisoit que arryver et que je advisasse de luy donner à soupper ou qu'il m'en donnast. Je respondis que je mercioys M. l'admirai de ces courtoisies, et que je tenoye son soupper plus prest et meilleur que le myen et luy yroye tenir compagnye; je fus descendre en son logis pour non le fere attendre. Il me vint au-devant jusques en la court de son logis, et me feit le plus gros receuil du monde et l'honneur de mesmes. Il me dit que le roy avoit esté fort aise quant il avoit sceu qu'il avoit pieu à V. M. m'envoyer devers luy, et que je luy seroye mieulx venu que personne que y eussiés sceu envoyer, et que sans doubte je le trouveroye si très-affecté d'entretenir l'amytié avec V. M. , que plus dire ne se saur oit; et que c'estoit chose assés expérimentée que, après gros débats, les vrayes et grandes amytiés se trou voient. Je luy respondis sur le tout le mieulx que sceuz, luy disant, pour fin du compte, que, vous estant le roy son maistre tel qu'il disoit, il trouverait en vous le meilleur frère et amy que jamès prince trouva. Il me offrit robbe pour me fere deshouser, mais je dis que je buvroye aussi bien tout housé que ung autre en pourpoint. Je fus assis au hault boult et bien servy et traicté. Après le soupper, où il y eust force gens de bien à une grande table de quatre platz, nous nous tirasmes à part au bout de la salle, et là me de*
manda de vostre bon estât et santé , me disant plusieurs bonnes choses de vostre personne; puis vint à me demander où je creoye qu'il vous trouverait. Je luy dis que je avoye eu nouvelles que estiés à Plaisance, et que Ton ne me avoit riens acertené combien y demoureriés, ne où vous yriés; que bien creoy-je que en ne séjournant gueres, il ne vous saurait trouver fort long duditlieu. Il rentra à commencer à louer le bien de la paix et ce que s'en ensuyvroit, ce qu'il savoit très-bien dire, et reciter en gros les maulx que de la guerre s'estoient ensuys; puis me dit que le roy son maistre luy avoit bien donné charge, entre autres choses, vous bien dire que, puisqu'il estoit vostre amy, vousvouloit bien faire dire et adviser que ce que auriés intencion de fere en l'Ytalie, le meissiés tost à execucion sans donner le loisir à vos ennemis de se rassurer ne fortiffier ; et que ne vous laississiés endormir de parolles ny offres que l'on vous pourrait faire pour vous fere perdre temps; et que l'on tacherait ainsi vous entretenir jusques l'yver fust venu, qu estoit fort prouchain , et que vous trouveriés les gens du monde qui plus de belles choses vous diroient, et au moings trouveriés de vray effeçt; et que de toutes ces choses il en parloit comme celluy qui les avoit expérimentez. Me dit plus , que le roy luy avoit commandé que tout ce que verriés en quoy il, sieur de Bryon, vous saurait servir, fust par parolles ou escriptures pour venir à voz fais et intencion, qu'il le feit comme pour sa propre personne; ce qu'il estoit délibéré de faire. Et après qu'il m'avoit dit toutes ces belles choses, luy louoye fort les bons advertissemens et advis que le roy donnoit, et que c estoit le commencement de bon chemin de vraye amytié, et que savoye que sériés bien aise de oyr le tout, et mesmes de son allée devers vous, que, comme vous avoit pieu le m'escripre, aviés sceue, et que le roy n'y eust sceu envoyer personne que eussiés plus agréable ni de qui eussiés plus de confidence. Il me dit après qu'il me vouloit bien dire quelque chose, et l'une des principales de sa charge, me priant luy aussi dire si j'en avoye aulcune commission de vous, as* savoir de la manière de faire et comment, de toute sehurté des par-
ties, se devroit fere ia délivrance de messieurs les daulphin et duc d'Orléans, aussi de la roynne, et, de leur ceusté, les deniers et choses k quoy ils estaient obligez. Je luy dis que, sans point de doubte, vous ne m'aviés donné nulle charge de parler de ceste matière, mais puisqu'il avoit charge d'en parler, il vous trouvèrent si franc, ouvert et raisonnable à luy respondre en toutes choses, qu'il congnoistroit que , en allant es affaires du cousté du roy, comme Ton doit entre vrays frères et amys et alliez, vous vouldres toutes choses bonnes et raisonnables, et qu'en vostre voulenté et intencion il n'y failloit faire nulle doubte. Et quant à cest affaire, ce ne me sembloit chose fort difficile, car de mieulx ne se sauroit adviser que les moyens tels qu'ils furent tenue, et au lieu où l'eschange se feit de la personne du roy à celle de messieurs ses enffans pourrait sembler que la chose se pourroh ainsi fere , et que si aucun mettoit meilleur moyen en avant, j'estoye certain que trouveriés toutes choses bonnes, et yriés en toutes choses comme prince véritable et de vertu doit fere, moyennant que ainsi se face envers vous. Il m'embrassa sur ce le plus fort du monde , me disant qu'il estoit plus aise de oyr vostre tant bonne et vertueuse voulenté que de chose de ce monde. Puis vint à me toucher quelque mot de M. d'Angoulesme l , me disant que je verroye. on luy l'un des plus beaulx josnes princes qu'il est possible de veoir, et aussi les deux petites dames les plus belles que Ton sauroit veoir; et me semble qu'il eust bien voulu que fusse entré en quelque propos du contenu au billet que vous fust baillé par des Barres, mais je celay cela; puis feist une rencharge, disant que, dois que la roynne seroit avec le roy, elle auroit, au plaisir de Dieu , tost d'autres enffans qui ne seraient moings beaulx que les premiers, et me dit qu'elle estoit tant désirée de tout le royàulme et de toutes manières de gens que c'estoit chose non à croyre, et le me reprint ainsi à dire par deux ou trois fois; et, de sa party c'estoit une des choses qu'il desiroit te pins que de la veoir avec le roy; ne ônqaes
1 Charles, troisième fils du roi, né le aa japvier i5*i» mortle.8 septembre iM5.
ne me tint parolle de madame la régente, synon sëullement me disant.que les enffans dessus dits estoient avec elle, que. me .fait aucunement soupçonner qu'il ne layme que bien à point; il n est seul qui m'a dit telles parolles de la roynne , quant au désir que chacun a de sa venue, et dierrt qu elle sera cause dé la restauracion de ce royaulme, que, à la vérité, à ce que ay ouy, en a bonbesoing. Il me dit qu'il envoieroit en diligence ung gentilhomme devers V. M. pour l'asseurement de son passage sur les frontières, et pour savoir où il vous plairoit qu'il vous aille trouver. Je vouldroye que V. M. y eust pourveu avant qu'en soyez requis; car ung myen serviteur queenvoiay devant en ce, lieu pour prendre mon logis, veit les lettres que Iq roy escripvoit au gouverneur de cedit lieu, par lesquelles il commandoit que l'on me feit tout l'honneur et bon traictement que possible serait; et, certes, ils s'en sont bien acquictez et acquictent tous les jours.
Je me suis obliet, Sire, vous dire que entre les devises que ledit sieur admyral me tint sur l'affaire du bien de paix, mesmes en l'Ytalie, il rua quelque mot, disant qu'il vouldroit bien que ne vous fussiés tant lyé et obligé que pour ce laisissiés à fere toutes bonnes choses. Je luy dis que, sans point de doubte, vous ne vouldriés laisser de garder et entretenir ce que auriés promis; il me dit que cela estoit bon, mais que aussi ceulx à qui auriés promis se debvroient contenter de choses raisonnables, et que, après que leur auriés fait remonstrer, ne sériés du tout obligé à faire synon ce que verriés estre raisonnable et pour ung mieulx. Je ne voulus luy donner à congnoistre que je soupeçonnoye bien pour qui il le disoit, mais je le cuyde depuis avoir esclaircy par messire Galias Visconte1, qui me vint trouver à Sainct-Pol, après que y euz oy la messe, et me ra-
1 Galéas Visconti, Milanais, banni lors i5i3, il était déjà chevalier de Tordre
de la rentrée du duc François Sforce, du roi, ce <rai ne l'avait pas empêché d'a-
servait dans Tannée française dès Tan- bandonner le service de Louis XII pour
née l5a3. Il figure, en novembre i5i5, se joindre à Maximilien Sforce. (Mémoires
1 parmi les seigneurs milanais qui festoyé- de Fleuranges, èàit. de Lambert, i3g-a&a.) rent François I* h son entrée à Milan. En
mena jusques en ma chambre, où il me tint longues devises, me disant, entre autres choses, qu'il ne faisoit que venir devers le roy, me donnant entendre que ledit seigneur roy luy parloit souvent de ses affaires; et me dit qu'il estoit encoires vers luy quant il eust la nouvelle que me aviés commis en la charge où il vous a pieu m'envoyer, dont ledit seigneur roy se monstroit le plus aise du monde; mais il , messire Galias, parloit à moy soubz mots couverts, comme s'il eust fait quelque doubte que ceste paix ne deust estre de durée , disant ils savoient bien que, par le traicté que aviés fait avec nostre sainctpere , estiés tenu de luy faire rendre Rege et Modene que le duc de Ferrare tenoit l , et qu'ils le savoient par le double du traicté que ledit père sainct avoit envoyé par deçà , et que cela touchoit tant la belle-sœur du roy qu'il ne savoit bien penser comment cela se pourroit bien vuider. Je luy dis que aviés bonne intencion de garder tout ce que auriés promis à qui que ce fust, espérant que ainsi feroit l'on à vous, et que à ce dont il parloit il n'en estoit, par le traicté de Cambray, que j'eusse entendu, fectes nulles mencions, et que du contenu audit traicté estiés délibéré l'entretenir. Il me dit soubdainnement que si estoit; puis se teust ung petit, et après reprint la parolle et me dit qu'il creoit que je avoye raison, mais que le roy en avoit tellement parlé avec madame vostre tante, et tant requis de cest affaire, et que sur ce maditte dame avoit respondu de sorte, soy offrant en fere son mieulx envers vous, que Ton extimoit cela austant presque que s'il eust esté mis audit traitté , et par ce cuyde avoir deschiflré que cestoit ce que ledit admyral vouloit dire. Il me dit après plusieurs choses dont n'en y eust une seulle bonne, et qu'il y avoit deux lignaigès en Italie qu'estoient cause de tous les maulx que y estoient, assçavoir les Medecis et Sforces, et que le
1 Le traité conclu à Barcelone, le a g siège. Du reste, par jugement arbitral de
juin i5ao, entre Clément VII et Charles- l'empereur lui-même, rendu à Cologne,
Quint, porte en effet que l'empereur ai- le ai décembre i53o, ces deux vilj.es fu-
dera le pape à recouvrer les villes de rent d&larées appartenir au duc de Fer-
Reggio et Modène , occupées par Alphonse rare. d'Est, vassal félon et rebelle au saint-
NÊGOC. DIPLOMAT. II. 89
monde eust esté bien heureux que pieçà la rasse en eust esté faillie. Il y a longtemps que je congnois le Galias Visconte, et l'ay tousjours veu plus subject à dire mal que bien, mais si ne laisse-il à estre homme d'esprit. Il n'est seul, sire, qui deçà fait doubte de l'entretenement de ceste paix, et dient aucuns qu'il y a quelque grosse tromperie qui se maine. Je feray ce que possible me sera pour en sçavoir ce que pourray pour vous en advertir. Le plus sehur remède que penseroye estre en ceste affaire, ce serait d'appaiser les affaires là où estes et fere amytié avec chacun, et soy contenter de ce que bonnement avoir se pourrait, sans trop persuader de vouloir avoir la table et les traiteaulx. Vous avés, grâces à Dieu, pour le jourd'huy plus que jamés, l'honneur de vostre cousté et l'espée en la main. Par quoy ne vous sçauroit estre imputé chose que voulsissiez fere estre faicte, sinon par bonne et libérale volonté et pour remédier la chrestienté qui s'en va destruite et perdue. JTay toujours veu l'affaire de Millan estre le naïf fondement de tous ces maulx; et si suis bien souvenant de ce qu'il vous pleut commander à feu don Ugo de Montcada, en pouvoir fere en toute extrémité, je ne fais doubte que à V. M. en souvient bien. Il gist [dus qu'en raison que ce qu'il vous plaisoit commectre et donner pouvoir à aulruy de faire, qu'il vous doive plaire de en propre personne y pourveoir, comme bien congnoissez le remède en est pour remédier à tant de maulx. Aussi , Sire , ne fais doubte que saurez bien considérer la insuppourtable despence que avez de vos armées et que l'yver est à l'huys, et que si avant icelle ne venez en nécessité des payemens ne appaisez vos affaires, de grans maulx vous en pourraient ensuyvir, voire comme non remediables. J'espère que, à l'ayde de Dieu qui atousjours conduit vos affaires jusques yci de bien, que encoires le fera, et que de vostre part faisant vostre debvoir, vous y aydera. Je ne sçay, Sire , s'il vous plaira vous souvenir que vous dis, le matin que prias congiet de vous, que si le roy de France avoit mauvaise intencion et vouloit user de tromperie , les longs termes qui sont prins en toutes choses luy serviraient de beaulcop et pourrait estre la fin , telle que de l'argent qu'il
a amassé soubz couleur de ravoir ses enffans, lequel est prest pour la pluspart, comme l'ay sceu, voire m'a l'on dit, le tout pour le moings. Je sçay que cellui de ceste cité Test; il pourroit fere ung merveilleux effort sur ce prouchain printemps. Il est vray que, d'autre cousté, je ne puis croyre, sinon que la chose que le roy de France et sa mère désirent, c'estoit de ravoir leurs enffans; et aussi est à croyre que ladittedame, qui s'est meslé de fere ceste pain, tiendra main, pour son honneur et auctorité, à l'entretenir, et scet bien que, si l'on ne r'a les enffans pour lesquels tout le royaulme s'est taillé, où elle est desjà si fort mal voulue, encoires le seroit-elle plus. Je croy, Sire, que le plus que l'on pourroit bonnement haster toutes les choses que sont à termes, que ce seroit le mieulx fait, et que par ce aussi l'on pourroit aucunnement descouvrir la vraye intencion de deçà. Le principal fondement des termes est cellui de la restitucion des enffans, et ce que deppend d'icelle journée, le terme en est prins deans le premier de mars. Et me semble qu'il est dit par le traicté ou plus tôt si fere se peut, que l'on pourroit par manière de devises sur ce plus tost satisfaire, se peut mectre en avant que le moys de février est le pire de toute Tannée pour amener lesdits enffans, passer les montaignes, et seroit trop mieulx vers la fin de décembre ou au quinzième de janvier par le sec temps qui est accoustumé de faire en telle saison; j'entends si se trouve que la chose se doye fere vers Fontarrabie, et si V. M. trouve bon que ainsi se deusse faire , en pourrez tenir à Bryon les termes tels qu'il vous plaira, quant il vous parlera de ceste matière, comme il m'a dit qu'il a charge de faire.
Et puisque ainsi est, fait à croyre que aussi le roy et madame m'en parleront, et si ainsi est, vouldroye bien qu'il vous pleust me mander comme il vous plaira que m'y conduyse.
Sire, je vous ay fait ceste myenne lettre si longue et à tant de reprinses, par gens qui me sont venus visiter, que ne pouvoye par honneur reffuser, que je ne fais doubte se trouvera en icelle largement faultes et redittes: je vous supplie j'en soye tenu pour excusé, et aussi me pardonner et vouloir prendre de bonne part si je m'avance à es-
cripre des matières plus avant que ne deusse. Dieu, qui tout congnoist, scet que le désir qu'ay à vostre service le me fait faire. Et me recommandant, etc.
Le gouverneur de ce lieu me dit à mon arryvée que le roy avoit escript au sieur de Clermont en Daulphiné , duquel suis parent : il me ,veut accompagner pour me faire bien traicter jusques vers luy, mais ledit de Clermont n'est encoires venu. J'ay séjourné dois lundi dernier en ce lieu pour choses nécessaires à m'accoustrer, et me partiray demain pour achever mon chemin. Escript à Lion, ce îxiij* de septembre 1629.
Vostre très-humble et très-obeissant subjet et serviteur,
La Chaulx.
FRANÇOIS Ier A POMMERAYE , SON AMBASSADEUR PRÉS DE LA GOUVERNANTE
