ADVERTISSEMENT

DE MONSIEUR LE CARDINAL \ EN PRENANT CONGH& DE LDI, LE IXe DE JUILLET XVe XVII.

Le cardinal de Païenne rend compte à l'empereur et au roi de Castille de ce qu'il a appris du pape, touchant les affaires d'Italie et les projets de la France, avec les notes de Jean Caulier en marge de chaque article. ( Original non signé.)

9 juillet.

Premièrement, que le pape, sur la bonne confidence qu'il a en lui, et parce qu'il est et se trouve si très-fort oppressé par le duc d'Urbyn, lui a bien voulu advertir des choses secrètes, affin d'en avoir son advis , comment il se doit conduire ; car, à la longue , il ne pourroit plus soustenir.

Le premier article est tout contraire à la lettre de don Hugues de Moncade2, dont Ton ma n'agueres envoie la coppie.

Avec ce, il n'y a point d'apparence que le saint-pere ne puist soustenir contre Francisque Maria3, veu qu'il a recouvré, tant des nouvaulx cardinaulx qu'il a faiz comme des vieulx qu'il a composez , plus vic 11 ducas.

Que le roy de France le veult ayder de xnm Suisses, de VIe lances desquelles est le chief et capitaine le sieur de la Thret, et autres

1 FrancescoRemolino, cardinal, nommé de se porter, avec les milices napolitaines,

archevêque de Païenne en 1 5 1 1 , mort à au secours du pape contre le duc d'Urbin. Rome en 1 5 18. * Francisque-Marie de la Rovère, duc

5 Hugues de. Moncade avait reçu , en d'Urbin , que Léon X avait dépossédé de

1 5 1 6 , de Ferdinand le Catholique , Tordre son duché. '

iiiic lances françoises, qui de présent sont en Ytalie ; de ainsi le roy de France y auroit mil lances et douze mille Suisses, oultre et par- dessus ce que les hommes d'armes de la maison d'Ursin sont du tout suspectz au pape et entièrement enclins à Ja partie de France, jasoit qu ilz soient entretenuz de lui et à sa souldée.

Il est bien aysé d'y remédier, assavoir que nostre saint-pere escripve ou mande au roy de France qu'il ne veult point ce secours ou qu'il le die à son ambassadeur.

Que nouvelle aliance se fait entre les Veneciens, le duc deFerrare, marquis de Saluce et lesdits François, par quoy le tout ensemble meslé, le roy de France se feroit ayseement seigneur de Florence et de toute la Toscane , qui est le detroict et le plus périlleux passaige d'Ytalie, et par conséquent feroit du royaume de Naples à son plaisir; car ceulx d'icellui royaume, ne le pape avec n'y pourroit résister.

L'anchienne alliance souffisoit et ne dist l'en point que la nouvelle adjouste quelque chose à l'anchienne.

Dit oultre, que cecy est desjàtout conclu entre icelluy roy de France et lesdits Veneciens , comme le pape afferme. Et à ceste cause y a ung chambellan du roy de France à Venise, et doivent les Veneciens ravoir les portz d'Otrente, de Branduse et autres villes et citez qu'ilz eurent au royaume de Napies devant la guerre, et dès le temps du roy Charles , et après du roy Loys le XIIe.

Le chambellan du roy de France peult bien estre à Venise, veu qu'ilz ont amitié ensemble ; mais de la reste, ce sont fantasies et comptent sans l'oste.

Que les François mesmes sollicitent journellement et à très-grande diligence le pape, affin de lui donner ce secours à rencontre et soubz umbre du duc d'Urbin, dont il en a adverty en grant secret icellui seigneur cardinal, le requérant très-acerte d'avis, conseil et bonne addresse; car il ne se ose plaindre à nulz princes ne par lettre ne autrement, comme audit seigneur cardinal, en qui il se fye du tout. Pour

quoy aussi icelluy seigneur cardinal requiert si très^acertcs qu'il peut que le tout soit tenu sy très-secretement qu'il est possible.

Il y a ici de la gloire , et n'en crois rien.

Ledit seigneur cardinal lui a depuis deux jours en çà, par ung propre courrier et en grant haste , fait responce par lettres et escript que nullement il n'accepte l'offre du roy de France, et qu'il endure le ' tout au mieulx qu'il pourra , quant ores il devroit perdre quelque ville en la Romanye ou la marque d'Ancona; mais qu'il envoyé à toute diligence la ratifficacioiî de son entrée en l'aliance et du besongnié, par son commis, frère Nicolas. Et, en cas que les François lui veullent donner ce secours maulgré luy et contre sa voulenté, ils contreviendrient à l'aliance faite entre luy, l'empereur et les deux roys ; et seroient lors les confédérés tenuz et obligez l'assister; ce que ledit seigneur cardinal espère qu'ils feroient, du moins du costé du roy son maistre, n'y auroit faulte; et espère bien que pareillement le roy catbolicque se mectroit en devoir; car, en ce cas, il doit estre entièrement asseuré et acertené que se ledit secours des François se donne , soit du gré du pape ou contre son gré, que soubz la couverture dudit secours, le tout se fait pour Naples.

Il ne souffist point de point accepter Y offre dn roy de France , mais est besoing que le pape signifie premiers et face savoir au roy de France qu'il ne veult ce secours. Autrement le roy ne enfrainderoit le traicté en lui envoiant, mais feroit plus qu'il n'est tenu fere par icelui traicté, dont il ne feroit à blasmer. En fin de l'article, il menache pour Naples, qui est la couleur pour induire le roy à leurs fins.

Et pour mieulx conduire tout cest affaire et y obvier de haulte heure t disoit icelluy seigneur cardinal que le roy son maistre a son commis vers les Suisses, et fault que, le plus tost que possible sera, que le roy catbolicque y envoyé quelc'un selon le contenu de la confédération, et affin de les mieulx garder et entretenir.

U suffira que le roy advertisse l'empereur de ces choses affin d'y garder leur honneur et prouifit commun.

Et que , sur toute chose , soit practicqué vers eux que quant les François feront samblant de donner ce secours au pape contre son gré ou autrement, et qu'il vouldront marcher plus avant en Ytalie, pour le fait de Naples, en ensuivant la conclusion prinse entre eulx et les Veneciens; que lors iceulx Suisses leur soyent au doz, et que quant à ik» marchent aussi vers Milan; ce que leur sera chose bien aysée à faire, considérée si très-voysine prochaineté et frontière l'un de l'autre; et mesmement considérez les destroiz et autres fors lieux que iceulx Suisses tiennent sur la marche et frontière dudit Milan.

Il fault regarder d'aller sagement en ces choses et non legierement à l'appétit d'autruy, qui peult-estre charche son prouffit.

Que pour conduire les choses dessusdites, semble audit seigneur cardinal qu'il n'y a homme plus propre pour démener telles afferes que le cardinal de Syon. Et à ceste fin icellui seigneur cardinal sollicitroit et feroit solliciter de par le roy son maistre envers le pape que ledit cardinal de Syon soit député par le saint Siège apostolicque, légat envers lesdits Suisses, affin qu'il aye meilleure occasion de s'en mesler, et affin qu'il soit plus autorisé , réputé et extimé envers lesdits Suisses, tant pour le pape que pour les autres trois confederez.

Chacun le congnoist et à quoy il tend. Il vault beaucop mieulx que autruy le mecte en œuvre que le roy.

Et finablement et d'aultre part, dit aussi que, touchant le poinct que le roy avoit fait recommander au roy d'Angleterre les affaires de ses pays, pendant son absence, etc. Le roy d'Angleterre prendroit fort en gré que ledit seigneur roy lui en escripvist une lettre de sa main , ou que du moins il y eust en ses lettres dix ou douze lignes escriptes de sa main, et cela esmouveroit fort le roy d'Angleterre et le prendroit fort en gré.

Le roy fera bien d'escripre au roy d'Engleterre une bonne lettre , pourveu qu'il n'y ait chose qui puist desplaire à autres.

Le tout à correction du roy et de messieurs de son noble conseil , et pour ce que cest adviz ne soit publié, ne en baille coppie à personne , pour cause.

INSTRUCTION