ET DE RENÉE DE FRANCE

( Original ) 26 janvier, à Louvain.

Mémoire et instruction à monsieur le conte de Nassou ou messieurs de Sampy, le doyen de Cambray, le maistre d'ostei Philippe Daule, le président de Bourgogne, le sieur d'Aigny, tous conseillers, et maistre Gilles Vandendame, secrétaire, ambassadeurs de monseigneur le prince de Castille vers le roy très-chrestien , de ce que de la part de'mondit seigneur, ilz auront affaire vers ledit seigneur roy, au fait de l'aliance par mariage de mondit seigneur à madame Renée, seconde fille de feu le roy que Dieu pardoint.

Les dessus nommez ambassadeurs, après quilz auront présenté au roy les lettres que à leur partement leur ont esté délivrées et qu ilz

auront dit et exposé la cause de leur envoy vers lui , selon que par leur instruction leur est ordonné, quant ils entreront en communication particulière, soit avec le roy ou ses députez, pour mieulx adresser et parvenir à une bonne, vraye et entière alliance avec le roy, oultre et pardessus la confirmation du traktié de Cambray, laquelle , par leursdites instructions ilz ont charge de requérir, mectront en ayant l'aliance par mariage de monseigneur et de madite dame Renée. Et pour entrer en matière pourront dire que de pieça, et du vivant de feu le roy, que Dieu pardoint , monseigneur eust esté affecté à ceste aliance comme à celle qu'il congnoissoit la plus grande, la plus honorable et davantaige la plus commodieuse et plus profitable pour lui et ses pays, que aultre quelconque alliance qu'il sceust en ce monde. Et que, vivant feu le roy, monseigneur eust fait assentir et le scet le roy à présent, si ledit feu seigneur y eust volu entendre. Et depuis le trespas dudit feu roi , a fait assentir par M. le ministre frère Boniface et ledit maistre d'ostel Philippe Daule, du roy à présent de son intencion au fait de ladite aliance, et meismement se son plaisir seroît y entendre. Et sur ce pas remercyeront les dessus nommez ambassadeurs le roy de sa bonne et gracieuse responce.

Et pour entrer en matière pour le premier et principal point, requerront que, pour l'adresse et seurté de ceste alliance, madame Renée feust préalablement délivrée à monseigneur pour estre nourrie et entretenue de pardeçà jusques au temps de la consommation du mariage, tel que serait advisé, avec tel estât qu'il plairoit au roy lui ordonner à sa charge et despence , toutes voyes et sans diminution des deniers dudit dot.

Et ce declairé, contendront par tous moyens que le roy ou ses commis et députez vueillent deolairer quel party il vouldroit faire à madite dame. Et si chose est que k ce ilz ne puissent parvenir, en ce cas lesdits ambassadeurs leur diront que puis que parler leur convient et faire demandes, que à euh. ne restera et quilz en feront assez*

Et oultre diront que, pour dresser une bonne et entière aliance qui soit de durée, l'on doit oster et pourveoir à ce que pour le passé

auroit esté cause de débat, discorde, diffidence ou regret, et que pour V avenir pourrait donner occasion d'y recheoir.

Diront que par le passé, la detencion par feurent les roys que Dieu absoille, du ducé de Bourgogne, du visconté d'Auxonne, d'Auxerre, Auxerrois, Masconnois et Bar-sur-Saine, notoirement ait esté cause des diflerendz, diffidencefe et regretz d'entre feurent lesdits roys et les prédécesseurs de monseigneur, et que bon serott y pourveoir pour l'avenir.

Et soubz ceste couleur et affin de parvenir à une bonne, seure, entière et durable amitié , de la plus doulce et gracieuse ^sorte que fere pourront, requerront lesdites parties estre rendues à monseigneur comme choses qui de son droit de patrismoine et anchien heritaige lui compétent et appartiennent.

Et soubz la mesme couleur requerront au roy que son plaisir soit assister monseigneur au recouvrement de son pays de Gheldres, le* quel messire Charles de Gheldres à tort, soubz le port et faveur qu'il a eu de feu le roy, a détenu et encoires détient.

Et si sur ces deux points, le roy ou les siens vouloient entrer à debatre le droit du roy ou celuy de messire Charles de Gueldres, lesdits ambassadeurs n'entreront formellement ne arrestéement en ce débat, mais seulement comme d'eulx-mesme et en d éclairant qu'ils n'en ayent charge, pourront sommierement dire deux mots du droit de mondit seigneur.

Pour le dot de madame Renée, ils demanderont le ducé de Milan et le conté d'Astavec leurs appartenances, et que le roy à ses despens en donne à madite dame et à monseigneur la possession et joyssance.

La somme de deux cens mil escuz d'or pour une fois & icelle payer au jour et solempnité dudit mariage et de la consommation d'icelni , et ce oultre plus que à madame Renée, comme fille seconde de feu le roy son père, lui doibt et peult de droit competer et appartenir.

En oultre demanderont, en faveur de ce mariage, la oomposicion et taille ordinaire du roy en Artois, du moins aux vies de madite dame et de monseigneur et du survivant d'eulx.

Que, moyennant ledit mariage, il plaise au roy à ses despens abolir le procès et querelle de monsieur le conte de Nevers contre mon* seigneur.

Donnant à congnoistre au roy que aiseement et à petite charge il le saura et pourra bien faire. Et pour à ce le plus induire, sera bon lui remonstrer que ores que monseigneur feust condempné es demandes dudit conté de Nevers, de quoy n'a apparence, que le roy en ce cas seroit tenu descharger et acquitter monseigneur de grand partie d'icelles.

Lesdits ambassadeurs présenteront à M. le ministre, frère Boniface, les lettres de monseigneur de créance sur eulx; et pour ladite créance le mercyeront du bon debvoir par lui fait vers le roy en ce dont monseigneur l'avoit requis. Et pour ce que monseigneur, tant par son besoingné et par son maistre d'ostel Philippe Daules que aultrement, a congneu etsceu le bon accès et crédit qu'il a vers le roy et les principaulx de son royaume, lui requerront affectueusement les vouloir dresser et assister à parfaire et conduire ce que si bien il a encommencé et davantaige qu'il vueille pour ce prier et employer ses amis.

Remonstreront oultre lesdits ambassadeurs, tant au roy que aux principaulx de son conseil, que combien que messire Robert d'Aremberch ait declairé avoir encommencé guerre au pays de Luxembourg et es autres seigneuries de monseigneur soubz couleur de l'emprisonnement et detencion du sieur de Busscy que, jà soit que ledit sieur de Busscy soit en la ville de Malines et sur sa foy eslargi de toute prison et garde, et que, combien qu'il ait pieu au roy mander audit messire Robert cesser et soy déporter de ladite guerre, que neantmoins il la continue et fait pis que auparavant; et à ces moyens et autres contendront qu'il plaise au roy faire déporter ledit messire Robert et restituer et reparer les dommaiges qu'il a faiz.

Remonstreront oultre au roy que, puis que monseigneur sera en amistié et aliance avec le roy, qu'il desireroit bien que l'empereur, son seigneur et grand-pere, feust en la même amistié et alliance pour

autant que à ce moyen l'aliance du roy et de mon dit seigneur en seroit trop plus puissante et mieux conservée. Et à ces moyens contendront à ce que le plaisir du roy feust escripre quelque bonne gracieuse lettre de son estât et de ses bonnes nouvelles à l'empereur, et icelle envoyer à monseigneur ; lequel, en ce cas, l'adresseroit à l'empereur, et lui escriperoit, et, ne fait doubte, l'induiroit à fere au roy une bonne et gracieuse responce , dont facilement l'aliance de l'empereur et du roy se pourront dresser et ensuyr.

Les dessus nommez ambassadeurs, aux moyens que dessus et autres , s'employeront à la conduite de l'intencion de monseigneur, en ce que dit est et des difficultez qu'ils entendront, en tousjours entre* tenant les choses sans rompture, avertiront mondit seigneur en toute diligence et de leurs advis sur le tout.

Signé : CHARLES.

Ainsi conclu et ordonné par monseigneur en son conseil à Louvain, le xxvi* de janvier, l'an xiiii.

Signé : Du Blioul.

MERCUMN BE GATTINARE k MARGUERITE D'AUTRICHE.

Réclamations de Gattinare au sujet du rang qu'on lui assignait parmi les membres de l'ambassade, qui elle-même n est pas munie de pouvoirs pour traiter. (Original)

86 janvier, au Cateau-Cambrésis.

Madame, je vous escripviz avant-iher de Mons et iher de ceste ville; et ces deux lettres ont esté escriptes à haste et sur le bureau en la présence de messieurs les ambassadeurs, ce pendant que Ton despechoit les aultres lettres- à monseigneur, et n'hay jamais vehu noz instructions ny sceu le contenu d'icelles jusques aujourd'huy.

Madame, ayant vehu icelles instructions, me suys repenty d'avoir prins et accepté la chargie d'estre nommé au nombre des ambassa-

NÉGOC. DIPLOMiT. — II. A

cteurs de monseigneur; cap, au lieu de <rcyder avoir honneur, je me trouve avoir honte et dhmnucion de reputacion, attendu que en iceUes instruction» le confesseur et Philippes Dalles sont tout» deux dénommes devant moy; en cpkof n'y pays cognesstre aulcune appa* rance de raison, sïaon de me donner à cogneis&re que je m'en deb* woye depourter, ce que j'eusse voulontiers fet, et me nommer seulement vostre ainbessadeur en exploictant seulement le chaogie de voz afferes sans me mesler d'aultre chosse; May s, pour ce que monsieur de Nassou et monsieur de 5ainct-Py m'ont remonstré que, si je me despartoye d'eulx et que ne voulsisse estre présent à l'expo** sicion de leur chargie en veullant desmeller vostre affere à part, ce pomroit tourner à grand dommagie à monseigneuf -et honte à eulx; car en ce lesFrançoys pourroient prendre quelque diffidence et pourroit sembler qu'il y e«t quelque pique entre nous. Je leur ay reapondu que j'aymerois mieulx endurer, non-seulement ceste honte , mays des copz de baston, ptastost que de fcre dommagie ou empeschement aux afferes de monseigneur, ny fere honte auxdicts seigneurs ambassadeurs; combien, madame, que ce m'est chose dure à supporter; car au lieu de acquérir honneur il me fault endurer honte; ce que n'eust esté non ayant aultre charge que de vous. Et pour ce, madame, je vous vouldroye bien supplier pour vostre honneur et myen, puysqu'il vous ha pieu me fourrer en ceste pelliterge maulgré moy, que vostre plesir soit, s'il est possible, tenir main envers monsieur de Chievres et monsieur le chancellier que du moings, par les lettres de credance et par le pouvoir qu'ilz envoyeront après, ilz veullent faire reparer la faulte et me dénommer au lieu qu'il appartient; car je cognoys qu'il n'y ha nul des deux qui sont prêterez à moy, que d'eulz-mesmes ne cogneussent la raison estre au contraire et qu'il n'y ha apparence quelcunque, et, s'ils n'y veullent foire aulcune reparacion, qu'il vous plaise sur ce me mander vostre bon plaisir comme entendez que je m'y conduyse.

Madame, quant aux poinotz principaulx touchant les instructions, il ny ha riens plus avant que ce que vous escpipviz de Bnraeltw avoir

esté dict de bouchie par le greffier de Tordre; et quant aux povoirs qu'estoient despechiez pour estre au sacre, cela est expiré ; car le sacre est tenu, et actendons nouvelles de Philippes Dalles du chemin que le roy tiendra au partir de Reyns que debvoit estre ce jourd'uy. Et in somma, ny ha povoir quelcunque, ny quant au mariage, ny pour tracter paix ou appoinctement, ny pour renouveller le traictié de Cambray, qu'est le principal poinct de noz instructions , ny pour vuyder les aultres differendz. Et ne viz onques envoyer gons de tielle estoffe en tiel estât, sans povoir quelcunque de besognier, et, que pys» est,. sans lettres de.eredence; carilz n'ont pas unne seule lettre ny au roy ny à aultre; que me- semble très-grand faul te ea ung tiel comencement de si grosses matières et de si grande importance. Mays je suys tçusjour en mon opinion que.au pis aller, ce votts est grand honneur de prendre leur principal fondement sur vostre traie* tier de Cambray, en quoy tendent lesdites instructions1; et quant au surplus n y ha riens que en Tayr et pour en taster.

Madame , avant que nous abourdons au roy, il est très-nécessaire que vous m'envoyez le double de. vostre confirmacion et nouvelle concession touchant Boinrgongne; car s'il y avoii difficulté, ce vous seroit honte de le poursuyvir ainsy; et si l'hon vous vouloit altérer la substance» fériés bien, avant que l'accepter, de m'envoyer les poiaçtz qu'ilz vouldroient changer ou, ouster, à fin que je vous en puisse envoyer mon advis.

Madame, vous me manderez et commanderez toutjours vous bons plaîsijos, etc. Escript à Chasteaù en Cambresys, ce xxvie jour de jan~ vyer i5i£r^

Vostre très-humble et très-obeissant subject et serviteur,

Mercdrin de Gàttinaka.

1 Gattinare, qui avait eu, par set con- pat fâché "d'en faire valoir ici l'impor- «efls et son influence sur Marguerite, une tance, tout en l'attribuant à la princesse grande part à ce traité' de Cambray, n'est elle-même.

MERCURIN DE GATTINARE A MARGUERITE D'AUTRICHE.

Observations sur la teneur des pouvoirs conférés aux ambassadeurs qui doivent se rendre à Paris, et sur le rang qu'occupe le nom de Gattinare parmi ceux des autres députés. (Original.)

28 janvier, au Cateau-Canibrésis.

Madame , je vous escripviz avant iher en vous advertissant de nostre demeure, en actendant noz despechies et cornant j'avoye vehu les instruction et la honte que Ton me faisoit de m'havoir nommé après le confesseur et Philipes Dalles. Despuys Thon ha envoyer les lettres de credance et ung povoir pour besogner sur toutz les pomtz, au quel pouvoir y ha la mesme faulte; mays les lettres de credance sont bien; car il n y a dénommé que les deux principaulx. Et pour ce que l'on ha envoyé de nouveau devers monseigneur pour fere les povoirs séparez , asçavoir l'ung pour la continuation du traictié de Cambray, l'aultre pour appoincter les difierendz des entrefaictes qui ont esté debatuz à la journée de Peronne, et le tiers pour le mariage; je vous vouldroye bien supplier, madame, que pour vostre honneur et myen, il vous pleust tenir main, que en refaisant lesdits pouvoirs je fusse mys au lieu où je doibs estre, ou, si Thon ne le vouloit ainsy fere, que du moingz il vous pleust me mander que je ne me nomme ambassadeur sinon de vous seulle , en solicitant voz despechies et les laisser fere entre eulx ce que touchie k monseigneur. Touteffoys j'en feray toutjour ainsy que vous plaîsra me commander, combien que ce sera à mon regret; et si j'estoye sur mon partement il y auroit bien à fere de m'y envoyer ainsy honteusement.

Madame, despuys mesdites lettres, ay receu ce jourdhuy les vostres escriptes à Louvain le xxvie de ce moys, lesquelles ay communiqué à messieurs les ambassadeurs , les merciant de vostre part et les priant celon que m'escripvez ; lesquelz spnt toutz bien délibérez. Je suys bien ayse que la despechie de vostre affere de Bourgogne soit

faicte celon la minute; et, quant à la quittance, vous n'en pouvez avoir mal fet de la despechier tout ainsy qu'ilz l'auront voulsu deviser; et sera bon que faictes incontinant interiner et veriffier vosdites lettres par tout là où il sera mestier, et aussy que en advertissez l'empereur cornant avez poursuyvie ladite confirmacion pour n en estre despossessée, et mesmes qu'il vous avoit mandé remettre toutz les pays à monseigneur sans riens reserver. Escript à Chasteau en Cambre sy s, ce xxviii6 jour de janvier i5i5.

Vostre, etc. Mercurin de Gattinara.