AVEC MADAME RENÉE DE FRANCE

( Original ) 1" février, à Gand.

Oy, par mon très-redoubté seigneur lé prince des Espaignes en son conseil , le rapport de maistre Jehan Caulier, son conseiller et maistre des requestes ordinaire de son hostel et avec autres, son ambassadeur vers le roy très-chrestien , de Testât de leur ambassade ou legacion et des termes esquelz ilz sont avec ledit seigneur roy, tant touchant le mariage de mondit seigneur avec madame Renée, fille de feu Loys, roy de France, xne derrain trespassé, que le fait de Tamistié d'entre le roy à présent, et mondit seigneur leur royaulmes, pays, seigneuries et subgectz dontjlz ont cherge, et pour ce que monseigneur par ledit rapport entent que ses ambassadeurs ne voyent apparence et n'ayent espoir de aux moyens à eulx chergiez conduire ou parvenir ne audit mariage, ne à icelle amistié, mondit très-redoubté seigneur par l'adviz de messieurs de son sang et de son conseil à bonne et meure deliberacion , et pour l'affection qu'il a ausdit mariage, amistié et alliance, soy fondant sur ce que selon le rapport dudit Caulier, le

igitized by

roy par ses gens et députez a communiquer avec les ambassadeurs de monseigneur en parlant du dot de madame Renée, leur ait fait dire et mectre en avant de demander pour icellui dot, le droit de succession paternelle et maternelle , que à icelle dame peult competer et appartenir, et à ce que plus avant ils. leur ont fait offrir et ouvertement présenter pour ledit dot aussi grand mariage que fille de fraace auroit jamais eu, mesmement que auroit eu la fille unique du roy Charles le Bel ou aultres filles unicques de France et non moins, ains plus. Ordonne à sesdits ambassadeurs que en parlant au roy ou en communiquant avec ses députez, au fait dudit mariage et mesmement du dot de madame Renée, ilz reprendent et leur remectent au-devant l'offre par eulx faicte touchant ledit dot, assavoir tel ou plus grand que fille de France et mesmement que les filles unicques auront jamais eu. Leur oultre dire et déclarer comme ja ilz ont touchié quilz ayent entendu que la fille du roy Loys Hutin de France, alyée au conte d'Evreulx * pour dotait eu le royaulme de Navarre, les contez de Champagne et Brye et quelque grande somme d'argent, et que la fille de Philippe le Long, alyée au duc Eudes de Bourgogne2, ait eu pour dot les contez d'Artois et de Bourgogne; et que, combien que le roy soit trop plus puissant que n'estoient lesdits Loys Hutin et Philippe le Long et que monseigneur, auquel par ce mariage madame Renée seroit alliée , soit autre et plus grand personnaige que n'estoient lesdits ducz de Bourgogne et conte d'Evreux , ausquelz lesdites filles unicques de France feurent alyées; que neantmoins mondit seigneur pour donner à cognoistre au roy l'affection qu'il a audit

1 Jeanne, fille de Louis le Hutin, née le a 8 janvier i3i i, hérita en effet de la Navarre, après la mort de Charles le Bel son oncle, et porta ce royaume à son mari Philippe , comte d'Evreux. Quant aux comtés de Champagneet de Brie , Jeanne n'en a pas joui , puisqu'ils furent cédés d'abord à Philippe le Long* et ensuite réunis à la couronne.

1 . Jeanne de France , fille 4e Philippe le Long, épousa, en i3i8, Eudes .IV, duc de Bourgogne ; mais il n'est pas exact de dire quelle ait eu pour dot les comtés de Bourgogne et d'Artois, puisque ees deux fiefs ne lui échurent qu'en i33o, à la mort de sa mère la reine Jeanne , épouse de Philippe le Long.

mariage et à son àmistié et alliance, sera coûtent prendre avec ma* dame Renée tel et pareil dot que auroit eu ladite fille de Loys Hutin, soit en pièces, et parties en espèce de pareille valeur aux pièces que dessus baillées en dot à la fille dudit Loys Hutin ou en argent jusques à la valeur d'ioelles.

Et si lesdîts ambassadeurs cognoîssent qu'ilz ne puissent parvenir à tel dot, à quoy toutes voyes soy arrestant aux offres que dessus, Hz persisteront tant que en eulx sera et à la raison , en ce cas, ilz retourneront & ladite première ouverture, affîn de demander, pour le dot de madame Renée tout et tel droit que de succession paternelle et maternelle luy peult cempeter ou appartenir, soit en terres et seigneuries ou en telles parties, ou portions d'icelles en espèce, ausqu elles elle pewh et a droit de succéder ou en argent à la valeur d'icelles; duquel : droit lesdits ambassadeurs demanderont leur estre faicte de* claratjcm; et oultre plus pour son droit de ce que elle soit fille de France, deux ou trois cent mil escuz d'or, et plus ou moins, selon qu'ilz entenderont le droit de succession paternel et maternel d'icelle dame estre grand m petit * à quoy ilz persisteront comme dessus.

Et s ilz cogneiesent qu'ils ne puissent parvenir en ce caz, à la restreinte et à l'extrémité ilz demanderont pour le dot d'icelle dame, en dernier comptant, la somme de cinq cens mil escuz d'or pour une fois et s'y arresteront.

Et oultre ce , et avec les parties que dessus si gracieusement et en si douta termes que faire pourront, ilz demanderont pour partie du dbt de madame Renée le duché de Millan et le conté d'Àst, et au heu de la requeste qu'ils ont précédemment faicte que le roy a ses despens les deust conquerre, et en donner la jouissance et possession à madame Renée et à monseigneur» mecteront en avant que la ceaqueste s'en deust faire par le roy et monseigneur, et. que iceulx seigneurs à l'advence de leur facukez contribuassent k la despence d'icelle conqueste.

. Et sur ce propos pourront dire et donner espoir que l'empereur à ce moyen les assistera en ladite conqueste, que plus est quant au*

dit moyen , se pourroit trouver une bonne amistié entre ledit seigneur empereur et le roy.

Ettousjours contenderont lesdits ambassadeurs que le dot, partaige ou droit de la succession d'icelle dame soit franct et exempt de toutes dettes et charges quelconques, et outre plus, que madite daine soit meublée ou enjouaiflée ainsi que à son estât appartient.

Lesdits ambassadeurs reprendront aussi que jà ilz ont touché du fait de Gheldres; et soubz couleur de ce que ledit pays, au moyen de la faveur que messire Charles de Gheldres a eu de delà, a esté substraict de l'obéissance de monseigneur, contenderont à ce que le roy assiste monseigneur à la réduction et recouvrance d'icellui; et s'il semble que le roy ne doye aydier à la réduction de Gheldres, en ce caz lesdits ambassadeurs luy mectront en avant qu'il n'empesche monseigneur à ladite recouvrance et ne assiste aucunement ledit messire Charles à le deffendre, et quant à ce obtiendront ce que en eulx sera.

Si toutes voyes le roy reboute ce point de Millan et Asta, comme jà il a fait soubz couleur de ce qu ilz soyent du patrimosne de la royne ou à autre moyen et ne veulle consentir d'assister monseigneur à la recouvrance de Gheldres ne aussi habandonner messire Charles de Gheldres; en ce caz iceulx ambassadeurs, après y avoir gracieusement insisté, s'en deportement par le meilleur moyen que faire le pourront.

Surtout entend et veult monseigneur que lesdits ambassadeurs, en toutes leurs ouvertures, contendent à ce que madame Renée pour la seuçeté du mariage d'elle et de monseigneur soit promptement délivré à mondit seigneur et y persisteront. Et si le roy y consent, moyennant seureté de monseigneur que, icelle dame venue en l'eage de xii ans, monseigneur l'espouseroit. En ce caz lesdits ambassadeurs entenderont du roy quelle seureté il en vouldroit avoir, et si besoing est, obligeront monseigneur à ce que en lui délivrant la dite dame, elle venue à l'eage de douze ans, mondit seigneur l'espousera, et du moins par lui ne restera qu'il ne l'espouse, à paine, à la charge de

monseigneur, de semblable somme que monteroit le tierchz du dot d'icelle dame, et, si besoing estoit, jusques à deux cens mil escuz d'or pour une fois.

Et où le roy ne vouldroit entendre à ladite délivrance, lesdits ambassadeurs, si autre remède n'y voyent, se chargeront en advertir monseigneur et le feront à dilligence et de leur adviz. Si toutes voyes lesdits ambassadeurs cogneussent que à l'occasion de ce delay, rompture deust advenir audit mariage , en ce caz monsieur de Nassou et monsieur de Sempy, comme d'eulx-mesmes dont ilz protesteront, parleront à part au roy ou à aucuns et les principaulx de ses députez, soubz couleur de ce que dit leur a esté, que des choses qui se traicteroient avec eulx l'on leur feroit bonne seureté, et par manière d'ouverture et de vouloir adresser la matière , pourront demander quelle seureté, en non promptement délivrant madame Renée à monseigneur, ilz vouldroient faire à mondit seigneur que, elle venue en Péage de douze ans, ilz lui delivreroyent; et de ce que respondu leur sera, mesmement si c'est chose apparente et raisonnable, et de la seureté que le roy vraysemblablement demandera avoir que, madite dame venue en l'eage que dessus, monseigneur Tespo usera, et de leur adviz sur ce ilz avertiront monseigneur en dilligence, ne feust, comme dessus, que de ce delay rompture feust apparente, ouquel caz et si avant que lesdictes seuretez présentées par le roy et par luy demandées feussent raisonnables et conduisables, avant que rompre ilz les «accepteront.

Et si le roy, au fait du mariage, du dot de madame Renée ou de la délivrance d'icelle, ne voulsist entendre aux ouvertures que dessus, ne à aucune d'icelles, ce qui n'est vraysemblable, en ce caz lesdits ambassadeurs, remonstrance faicte au roy de l'affection de mondit seigneur à son amistié et alliance par mariage et autrement, pourront comme d'eulx-mesmes lui mectre en avant et dire qu'ilz tiengnent que monseigneur, plustost que faillir audit mariage, s'il plaisoit au roy lui délivrer madite dame Renée, en rendant à mondit seigneur la ducé de Bourgogne, le visconté d'Auxonne, le ressort de Saint-Lau-

HfcOC. DIPLÔHAT. — II. 5

rens, les ville et cité d'Auxerre, l'Auxerrois, Mascon et Masconnois et Bar-sur-Seyne, qui sont de son vray patrimosne, seroit content de quicter au roy tout le dot de madicte dame. Et ou cas susdit contenderont que ainsi se face , et encoires à l'extrémité, et se autrement faire ne le peuvent avant que rompre , en recouvrant promptement ladite ducé de Bourgogne et autres parties dessusnommées, se depor feront du dot de madite dame et de la prompte délivrance d'icelle, moyennant comme dessus bonne et soufiisante seureté de la délivrance d'icelle dame, icelle venue audit eage de xn ans.

Hz se conduiront au fait du douaire que monseigneur devroit donner à madame Renée selon ce que par leur précédentes instructions leur est ordonné.

Et si lesdits ambassadeurs, en façon que ce soit, ne peuvent parvenir à l'adresse et conduite dudit mariage par nul des moyens susdits, en ce caz neantmoins ilz en traicteront, apoincteront et concluront au plus grand honneur et prouffit et au moindre grief de monseigneur et de madame Renée que bonnement faire le pourront, saulf et pourveu toutesvoyes que monseigneur, à ce moyen, n'entre en nouvelle obligation qui prejudicier lui puist, et que aussi il ne quite ou renonce à aucuns de ses droitz, actions ou querelles, ny aux parties de son patrimoisne dessus touschiés occupées par le roy, ni à autres ses droits , querelles ou actions quelz qu'ilz soient ou puissent estre ; se aussi lesdits ambassadeurs peussent ou sceussent traicter dudit mariage ou de l'amitié mieulx et plus commodieusement que dessus n'est touchié, monseigneur entend et se confye d'eulz qu'ilz le feront.

Et ledit mariage à quelque moyen que ce soit accordé , lesdits ambassadeurs procéderont à traicter et conclure de l'amistié d'entre le roy et monseigneur, leurs royaulmes, pays et subjectz, selon les articles par eulx conceuz et exhibez aux députés du roy.

Saulf que ou premier desdits articles que se commence r « Soubz lesquelles protestations, etc. » au lieu de ces mots : « ses royaulmes, pays , seigneuries et subj ectz par lui à présent possessez, ses royaulmes,

pays, seigneuries et subjectz que lui peuvent avenir, succéder et escheoir incontinent et à mesure que lui seront succédez d'autre, » sera dit : « ses pays, terres, seigneuries et subgectz par lui à présent possessez,- ses royaumes, pays, seigneuries et subgectz qui escheuz lui pourraient estre, et succéder et escheoir lui pourront, et à mesure qu ilz lui seront succédez d'autre. »

Et que ou vu desdits articles qui se commence, Item et en' eussent

auquel est dit que monseigneur, durant ceste amistié, joyroit de la composition d'Artois , lesdits ambassadeurs demanderont ladite composition aux vies de monseigneur et de son plus prochain hoir masle et en obtiendront ce que en eulx sera.

A l'extrémité toutes voyes, et piustost que rompre, lesdits ambassadeurs, s'ilz ne peuvent parvenir à la prompte restitucion des ducé de Bourgogne et parties contenues ou xc desdits articles commençant Item, pour de tant plus perpétuer.... après qu'ils auront persisté à ladite prompte restitucion, s'en déporteront; mais en ce caz en le xi desdits articles commenchant: Item que toutes et chacune les actions et querelles.... lequel article est gênerai de toutes actions et querelles sans aucune specificacion , ilz y toucheront nommeement lesdis duché de Bourgogne , viconté d'Auxonne , etc. , et autres parties couchées ou Xe article susdit; et à iceuix nommément, comme dit est, réserveront l'action de monseigneur et sa faculté de les poursuyr par voyé amiable ou de justice, et comme autres générales actions ou querelles.

Outre ce, remonstreront au roy que les contez de Boulogne et de Guisnes sont tenuz de monseigneur, comme conte d'Artois , à cause de son chastel d'Arras et en matière d'appel en première instance, doyvent et ont accoustumé sortir audit Arras, et requerront que le roy y face faire la raison à mondit seigneur.

Et affin que l'amistié d'entre le roy et monseigneur soit plus ferme, plus seure et estable, ilz requerront au roy et pour monseigneur consentiront que le roy et mondit seigneur soyent amis d'amis et ennemis d'ennemis, saulf et réservé de la part de monseigneur, quant à

l'inimité, l'empereur et le roy d'Arragon, ses deux seigneurs et grandzperes; et sur ce propoz mecterout en avant et feront office et requeste au roy que si entre l'empereur, lui et le roy d'Arragon , a quelque différent ou dissidence» que le plaisir du roy soit que monseigneur se peust mesler de les apoincter et les faire amis comme il le désire.

Us requerront et pour monseigneur consentiront, comme dessus, que le roy et monseigneur, soubz quelque couleur ou occasion ne comment que ce soit, ne puissent aydier les ennemis l'un de l'autre.

Hz mecteront en avant et pour monseigneur consentiront que en ceste amistié soyent comprins les alliez d'ung costé et d'autre, lesquelz en dedens six mois prouchain du jour du traictié , s'ilz y veullent estre comprins par leur lettres patentes , seront tenuz en faire declaracion.

Hz dénommeront pour alliez de monseigneur, nostre saint père et le saint siège apostolique, l'empereur et le saint empire et les princes électeurs d'icelui, lesroys d'Arragon, d'Engleterre, de Portugal, de Hungerye, d'Escoce et de Denemarcke, les ducz de Saxen, de Gleves et de Jullers, les evesques et les églises, citez et pays de Liège et d'U» trecht , et tant que en eulx sera, s'ilz entendent que honnestement il soit conduisable , autrement non,, llz contenderont à ce que le roy ne dénomme messire Charles de Gheldres pour son alyé, et neantmoins, se le roy le veult dénommer pour allyé , en ce caz ilz contenderont à ce que icellui seigneur roy ne lui donne ayde ou confort si avant mesmement qu'il voulsist enprendre sur monseigneur et ses pays.

Pour ce que l'empereur a escript à monseigneur qu'il désire que le mariage de lui et madame Renée se conduise par l'adviz commun de lui , du roy d'Arragon et de monseigneur, et que pour ce faire , l'empereur, averty que le roy d'Arragon ait ung ambassadeur en France et supposant qu'il ait cherge conforme à son intencion, ait despechié et y envoyé le prevost de Louvain l chergié de ceste matière ; monseigneur, pour obeyr et complaire ausdits seigneurs, désire et

1 Conrard Rentier, prévôt de la collé- Correspondance Je Maximilien et de Margiale de Saint-Pierre de Louvain. Voyez guérite d'Autriche, I, 218-319.

veult que ses ambassadeurs différent traicter de sondit mariage jusques à la venue duditprevost, ambassadeur de l'empereur, et que lors avec lesdits ambassadeurs de l'empereur et d'Arragon, si avant mesmement que ledit ambassadeur d'Arragon ait cherge du mariage de monseigneur conforme à l'intencion de l'empereur et de mondit seigneur, comme dit est , ce qu'ilz assentiront de luy si avant qu'ilz le pourront. En ce caz traicteront conjointement dudit mariage, ne feust que du delay de ceste matière, en l'attente dudit ambassadeur de l'empereur, rompture ou autre inconvénient feust apparent pour monseigneur, ou quel caz, et si dudit delay, rompture ou autre inconvénient feussent apparant au préjudice de monseigneur, sachant monseigneur que l'empereur et le roy d'Arragon désirent son bien et prouffit, et que de son dommage leur desplairoit, soubz ceste confidence il veult et ordonne âusdits ambassadeurs que , sans aucun delay et sans attendre l'ambassadeur de l'empereur, ne sans appeller ledit ambassadeur d'Arragon, si avant qu'il n'eust cherge conforme à l'intencion de l'empereur et monseigneur, procéderont à l'exécution de leur charge au fait dudit mariage et autrement au moins mal que faire le pourront, soubz le plaisir toutesVoyes de l'empereur et de monseigneur, et pour les en avertir et en avoir leur responce, demanderont le temps de quinze jours, ne feust toutesvoyes comme dessus que le roy ne voulsist entendre audit delay et que rompture en feust apparente ; ouquel cas ilz conduiront arrestement le tout.

Charles.

Ainsi conclu par monseigneur en son conseil, messieurs le conte Federick palatin, duc de Bavyere; de jtavestein; le prince de Chimay; messire Jean le Sauvaige, chevalier, chancellier; de Chievres, grand-chambellan; du Reux, grand-maistre d'ostel; de Bevres l'admirai; de Lalaing de Montigny; de Berghes; prevot d'Oudmunster; le gpand-escuyer; le bailli de HaynnqLiit; le procureur de Bethune, et autres présents. A Gant, le premier jour de février XVe xmi.

Du Blioul.