ROI DE CASTILLE

Importance d'employer des hommes qualifiés pour les négociations sur le fait de l'empire. Personnages qui se montrent dévoués. Ne pas perdre de temps , attendu que l'élection doit se faire à la mi-carême. Pratiques du roi de France. Postuler l'élection pour l'archiduc Ferdinand, en cas que l'on ne voulût pas de son frère, et au pis aller, pour un prince allemand quelconque. S'efforcer de gagner les Suisses en faisant de belles promesses au cardinal de Sion. Il serait bon de faire venir l'archiduc Ferdinand en Allemagne. Journée de Montpellier* Prétentions du seigneur de Floranges sur le duché de Luxembourg. Secours au roi de Danemark contre ses sujets rebelles. Ce prince voudrait avoir la Toison d'or. Trêve de Gueldre. Payement des gens d'armes et autres obligations. Envoi du comte de Horn à Londres , pour jurer le traité conclu entre la France et l'Angleterre. Envoi de M. de Sedan vers l'électeur de Trêves. Nouvelles instances pour faire accélérer les démarches. ( Copie du temps. )

20 février, à Matines.

Sire, nous avons receu les lettres que vous a pieu nous escripre du vie de ce mois , par lesquelles nous advertissez bien au long des provisions et despesches que vostre majesté, ayant entendu le doloreux trespas de très-louable et recommandée mémoire l'empereur, que Dieu absoille, a ad visées et ordonnées tant pour parvenir à vostre élection au saint empire que pour la seurté de vos successions d'AUemaigne et le régime et gouvernement de vos pays et subgects illec.

Sire, sur le premier article de vosdittes lettres, par lequel nous ordonnez de faire prier Dieu pour l'âme dudit feu seigneur empe-

reur, nous l'avons fait et faisons journellement, comme bien tenuz y sommes.

Sire, nous trouvons lesditcs provisions et despesches par vous advisées très-bonnes, saulf que pour l'exécution de l'affaire de l'empire, veu et considéré la grandeur et importance de l'affaire d'icelluy, et ayant regard aux practiques du roy de France, lequel, comme le dom prevost nous a escript, s'est vanté que, obstant que icelluy affaire se poursuit et conduit de vostre part par gens de petite estoffe, il espère que n'y parviendrez et qu'il en viendra au boult, nous semble, sire, à correction, que avec le cardinal de Gurce, qui est homme bien qualiffié, à cause de sa dignité, et du tout norry et instruict des matières, comme sont aussi tous les autres par vous choisiz, ferei bien de y commectre aucuns personnaiges ayant auctorité et crédit , ayant habitude, estime, privaulté, amitié et parenté envers les princes mesmement pour dresser et procurer le fait de vostre élection audit empire; assavoir: monsieur de Liège , le marquis de Brandebourg Casimirus, lequel, comme nous a escript le seigneur de Zevenberghe, se demonstre du tout affecté et encHn à vous faire service, et le conte palatin Frederick, et avec eux le seigneur de Zevemberghe. Et s'il vous plaisait aussi ordonner aux aultres par vous dénommez ou aucuns d'iceulx les assister et leur donner advis et conseil, faire le pourez sans les nommer en la commission. Et affin que iceulx dénommez n'aient cause d'eulx mescontenter, leur pourrez donner charge et commission d'entendre aux affaires des pays de par delà , dresser et asseurer ie fait de vos successions et les employer & autres choses, ainsi que adviserez pour le mieuli. Et attendu que la journée de l'élection se doit tenir au my-quaresrne prochain1, où n'y a plus que environ six sepmaines, ferez bien de envoyer icy incontinent et à toute extrême diligence povoir, avec bonnes et amples lettres et instructions èr ce requises auxdhs commis el autres, pour délivrer le tout à mondit seigneur de Liège, lequel a cest affaire très-fort à cuer

1 La diète ne s'assembla que le 1 7 juin ; l'élection eut lien le a 8.

et vous y pourra beaucoup servir; nais il est besoing de haster cette despesche pour la briefté du temps. Car autrement la chose seroit en danger de tumber en totale rompture pour vous, comme le povet entendre mieulx que nous.

Et pour ce, sire, que les électeurs, en procédant au fait de ladite élection, au moyen des grosses practiques du roy de France et des amis qu'il pourrait faire et acquérir par dons, promesses, corrup- ' tions et autrement, se pourraient incliner de son costé plus que du vostre, nous semble, comme dessus, qu'il seroit bon de mettre et adjouster èsdite pouvoirs et instructions ou par autres instructions à part donner charge à vosdits commis de, audit cas, demander et procurer ladite élection pour monseigneur vostre frère, si d'aventure lesdits électeurs se vouloient plutôt arrester à lui que à vous ou audit roy de France. Et sinon, pour un des électeurs ou autre prince, soit Saxe, Brandebourg, le comte palatin Frederick, ou autre, plus tost pour le moindre que nul des autres, que Ton pourrait promovoir en vostre faveur, par moyen de mariage que vous pourrez faire traicter avec cely qui seroit esleu ou autrement, et»quant et quant pratiquer et asseurer aussi qui pourroit l'élection de roy des Romains pour vous, s'il vous plaisoit l'accepter, sinon pour mondit seigneur, affin de par ce moyen rompre et autrement rebouter les pratiques et entreprinses dudit roy de France ; et pour mieulx asseurer ledit affaire, seroit besoing de envoyer lesdites despesches en double, assavoir doubles povoirs et instructions, affin que si l'un des moyens ne se povoit conduire, l'autre feust mis en practîque.

D autre part, sire, nous semble encoires que devez autrement pourveoir au fait de Zuysses ; car vez voisins ne cessent de les practiquer et de eulx fortifier de tous costez à Tencontre de vous; et si vous les perdiez, seroit à doubler qu'il en advenist de l'inconvénient pour vous, voz pays et subjeetz. Et n'est apparant que l'on les puisse gai* gner ne entretenir de parolles, mesmement le cardinal de Syon qui est assez petitement pourveu de bien f coqime savez. Et à Geste cause avons envoyé devers lui pour l'entretenir en son bon propos, lui don-

^itized by

nant espoir que lui ferez quelque bon traictement. Et craindons que si brief il n'en a bonne responce de vous, il pourra estre practiqué d'autre costé et le perdrez , et par conséquent toutes les ligues desdits Suysses : si vous plaise , sire , y avoir regard. -

Sire, combien que par nos lettres précédentes vous ayons supplié et requis adviser au fait de mondit seigneur, tant pour son allée en Allemaigne ou demeure par deçà, comme pour le fait de l'obseque de l'empereur, et nous en, mander vostre bon plaisir et intention, touteffois en vosdites lettres n'en est faite aucune mencion. Et néantmoins, considérant que le temps se passe et que la fin des six sepmaines du trépas dudit seigneur empereur approche, nous avons advisé de faire faire lesdits obsèques en l'église Sainct-Pierre en ceste ville, sans pompe et à moindre fraiz que Ton pourra, de lundi prochain en huit jours, qui sera le derrenier jour de ce mois.

Et touchant le faict de mondit seigneur, attendu , sire, que voz affaires ne sont disposez de vous pouvoir transporter en Allemaigne pour prendre possession et asseurer la succession de l'empereur, sitost qu'il seroit bien requis ; ce que sans la présence de vous ou de mondit seigneur sera difficile de faire , et si l'un ou l'autre n'y est avant l'élection de l'empereur et qu elle se feist pour le roy de France, n'est apparant que l'un ou l'autre sceust bonnement passer ne approcher lesdits pays, et seriez en dangier de les perdre. Après avoir meurement debatu cest affaire, et considéré davantage que si mondit seigneur estoit èsdit pays avant ladite élection, et qu'il soit accompagné comme appartient, ce sera une grosse réputation pour vous et occasion de plus tost parvenir à vostre intention, tant au fait de ladite élection que autrement» nous a semblé et semble comme dessus, que à toute dilligence le devez despescher et envoyer celle part et ordonner de son estât et des personnaiges qui le devront accompaignier, et avec ce, faire despecher lettres de povoir et instructions sur lui et autres que bon vous semblera , contenant vostre décret et intencion de ce qu'il vous plaira leur ordonner et commectre, comment ils se devront adviser tant au fait dudit empire, s'il

vous plait en donner charge à mondit seigneur, comme èa affaires de vosdit pays d'Austrice ; et nous semble aussi que la présence de mondit seigneur avanceroit grandement vosdits affaires. Et pour vous aucunement soulager, avons, soubz vostre bon plaisir, advisé de faire un concept de Testât de mondit seigneur pour ledit voyage, et le vous envoyerons par la première poste pour y adjouster et oster, ou délaisser de tous points, selon qu'il vous plaira en ordonner, vous suppliant, sire, avoir regard à ce que audit estât ne soient que gens de bien et de fait dont mondit seigneur puisse estre honnestement servy, et que, pour éviter la longueur, ils soient prins et choisis par deçà, affin qu'il soient prestz de partir, sitost que vostre responce sera icy venue, sans plus tarder; car si vous plaist que ledit voyage se dresse, sera besoing que mondit seigneur parte le premier dimanche de quaresme prochain pour le plus tart ; autrement vostredit affaire sera en grand dangier de tumber en grant confusion et rompture : si vous plaise, sire, y penser et ordonner à vostre sentiment.

Sire, quant à l'assemblée de Montpellier, le dom prevost nous escript que le roy continue en son propoz qu'elle se tiengne. Mais soubz umbre de ce qu il dit estre en voulenté de faire passer monsieur le grand-maître devers vous , et que pour ce faire il lui veult ordonner plus grand train, il délaye le partement dudit grand-maistre pour xii ou xv jours. Et peut sembler, sire , qu'il le fait à eautelle pour ce pendant veoir et entendre comment ses affaires se porteront en Allemaigne , et selon ce régler ladite journée de Montpellier et les matières qui s'i pourraient traicter, pensant aussi que ^u moyen d'icelle journée, vous délaisserez ledit affaire de l'empire ou du moins ne le prendrez tant à cuer que feriez si ladite journée estoit du tout en desespoir. A quoy, sire, nous semble que devez avoir bon regard et doubler voz diligences , sans vous laisser prévenir ni abuser. Et quant à vostre audiencier, il est prest de partir toutes et quantes foiz que le dom prevost mandera le jour arresté du partement dudit sieur grand-maistre , comme il a escript qu'il. fera si tost qu'il en sera acertené.

HéôOC. DIPLOMAT. — II. 33

a nagaires il est passé par cy, sitost qu'il eust visité moy vostre tante, me salué et condolu le trespas de l'empereur, de la part dudit roy de France, il partit soubit pour tirer devers messire Charles de Gheldres, sans rien declarier de sa charge; dont nous avons ad- •verty le dom prevoat, affin de adviser, au lieu. où il est, de besoigner au fait de ladicie trêve ou qu'il en mande la voulenté du roy pour nous, y régler selon ce. Et actendu que le temps de ladite trêve est court et prochain d'expirer, nous semble, sire, à correction, qu'il est besoing de la continuer, du moins jusques à ce que Ton voye si par quelques appoinctements Ton pourra vider l'affaire dudit Frise. Et ne semble point nécessaire de faire mencion du fait de Gheldres, actendu que ledit messire Charles est comprins es traictez de Paris et de Noyon, et que sur bénéfice d'iceulx il a esté restitué, et en joyt en vertu du traicté fait à Utrecht en septembre l'an XVe xvu.

Et quant à faire crue de gens d'armes et dresser leur paiement sur les deniers que l'empereur souloit prendre icy et par delà , nous ne voyons point qu'il soit conduisable, veu mesmement que le tonlieu de Zeellande, sur lequel ledit seigneur empereur estoit assigné pour .une partie des deniers qu'il levoit par deçà, se doit bailler entre les mains de ceulx d'Anvers et de Malines pour leur seurté et indempnité des obligacions qu'ilz baillent pour les pensions de messieurs de Meance et de Brandebourg, dont espérons avoir bonne responce desdites deux villes dedens deux ou trois jours ; de laquelle vous ad ver tirons. Et quant aux deniers de par delà, ils sont trop loingtains et fait à craindre qu'ilz seroient difficiles à recouvrer pour en contenter lesdits gens d'armes et qui ne peuent bonnement actendre leur paiement. Toute ffois, sire, pour tousjours vous obeyr autant que en nous est, et commencer à exécuter vostre ordonnance et mesmement pour avancer le fait de mondit seigneur pour son voyaige en Allemaigne , nous avons advisé dès maintenant de retirer aucuns contes des frontières de la basse Allemaigne , desquelz vous serez servy en payant les gens d'armes, quant les vouldrez employer à vostre service tant seulement. Et en avons fait un estât

montant à nm 1. par an, qui voua tournera à grant prtfuflit et en serez tousjours servy en tous quartiers où vous plaira les employer, ainsi que verrez et entendrez le tout plus à plain par le double dudit estât que vous envoyons avec ceste. Et sitost que lesdits contes auront accepté ledit service et en aurons leur responce, nous leur ordonnerons de par vous retenir et mectre sus jusques à Ve chevaulx pour accompagner mondit seigneur à sondit voyage d'AUemaigne, ou s'en servir à la tuition et deffense de voz pays de par deçà et ayder à résister aux emprinses que messire Charles deGheldres, le sieur de Floranges ou aultres voz malveullans vouldroient faire par deçà en vostre absence. Et en retenant lesdits personnaiges, ne les gaignerez point seulement, mais avec eulx leurs parens, amis, maisons et subjects, qui est le groz de toute ladite basse Allemaigne; et si obvierez à ce que voz ennemis ne s'en pourront servir contre vous.

Nous avons envoyé à maistre Jehan Jonglet les lettres que vous a pieu escripre au roy d'Angleterre et à luy ; et voyant que M. du Rœux, ne luy, ne le bailly de Haynau, n'ont voulu accepter le voyaige d'Angleterre, ainsi que l'aviez ordonné, nous avons tant fait que M. de Hornes a consenty de y aller ; et partira dedans deux ou trois jours pour satisfaire à la charge qu'il vous a pieu envoyer pour accepter et jurer de par vous le traicté dernier fait entre France et Angleterre, à condition que , ses devoirs faits , il pourra incontinent retourner. Par quoy et qu'il seroit bien requis d'avoir quelque bon personnaige de par delà pour continuellement residter devers ledit seigneur roy d'Angleterre, nous semble que ferez bien, s'il vous plaist, de despescher quelque homme d'extime et d'entendement de par delà, et l'envoyer devers ledit seigneur roy le plus tost que faire se pourra, comme vous avez autreffois escript que ferez : car ledit Jonglet ne y veut aussi. plus demourer; et vous supplions, sire, le vouloir ainsi faire.

Sire, après que par M. de Sedan, lequel est icy venu pour assister la compagnie à l'adresse de voz affaires, avons esté adverty que M. de Trêves a désiré et désire communiquer avec luy, nous lui avons

requis vouloir aller vers luy et entendre son intencion, au fait de l'empire et comment il est disposé envers vous. Laquelle charge ledit sieur a libéralement accepté, et au moyen de l'habitude qu'il a avec ledit sieur de Trêves, espère bien de le gaigner et retirer de vostre costé. Et si a aussi prins charge de besongner avec messire Franscisque Seckinghe, et luy accorder de par vous nm liv. de pension, combien que eussiez mandé de lui accorder seulement mille florins d'or: ce que avons fait, obstant qu'il a perdu la pension qu'il avoit de l'empereur et qu'il pourroit estre practiqué d'autre costé, pour le retirer en vostre service: ce qu'il espère aussi conduire à vostre désir; et au moyen dudit Francisque qui est vassal dudit de Trêves, tant mieulx induire icelluy de Trêves à se joindre de vostre costé. De ce qui se fera, vous avertirons aussi à diligence.

Sire, nous avons reçu lettre de M. de Zevenberghe, par lesquelles il nous escript des nouvelles et affaires d'Ailemaigne; laquelle lettre nous avons fait mettre en chiffre et la vous envoyons, a (fin que soiez adverty de toutes choses, craindant que les despesches qu'il vous a envoyées par Romme et Naples, demeurent longtemps en chemin , vous suppliant, sire, prendre nos advertissemens et petiz devoirs de bonne part, et adviser de faire diligenter ces affaires qui sont de si grant importance , et requièrent si grant haste et extrême célérité qu'il n'est possible de les délayer ne postposer, sans les mectre en dangier de totale rompture et confusion pour vous ; ou au mieulx venir, il vous coustra le double plus qu'il ne ferait en faisant ladite diligence; vous advisant, sire, que après cette poste ne vous en saurions despescher autre pour vous avertyr d'aucunes choses qui pourraient servir et subvenir auxdits affaires , parce que la journée de l'empire sera au my-quaresme , comme le vous escripvons ci-dessus. Et à ceste cause, sire, sera besoing de ordonner aux postes faire extrême diligence , et nous mander vostre bon plaisir surtout pour l'accomplir à nostre povoir de bon cœur, comme tenuz y sommes , priant le benoit fils de Dieu vous donner par sa grâce bonne vie et longue. A Mali nés, le xx de février.

MÀX1MILIEN DE BERGHES X MARGUERITE D'AUTRICHE.

Nomination de la régence d'Inspruck. D* après la teneur des lettres du roi, M. de Berghes est tenu d'obéir aux ordres de cette régence. D ne peut se soumettre à une telle humiliation. Il rappelle ses services et les dépenses qu'il a faites dans l'intérêt du roi. D demande la permission de se retirer, afin de ne pas se faire moquer de lui.

( Original, ) 20 février, à Augsbourg.

Madame, hier soir, après la poste expédié que vous ay envoyé, j'ay receu une lettre par mains de Villingher, auquel le roy avoit envoyé en poste le Beggbe * à tout une bougette plaine de lettraiges ; et après avoir fait decyffrer mes lettres, je me suis apperçu de la confidence que le roy a en moy, ossy amplement entendu comment mes services luy ont été interprétez.

Madame , se poise-moy que n'ay mieux servy le roy, il n'a tenu à moy; et se je n'ay mieulx fait, il n'a tenu que à point sçavoir et point à maulvaise voulenté .

Le roy a ordonné M. le cardinal de Gurch, messire Michel de Wolkenstain, le chancelier Serentiner, Villingher et Renner pour son conseil et chiefs au conseil d'Inspruch, et leur a envoie leur povoir de traiter tant de l'empire que autres. Il a ordonné à moy, comme verrez par ses lettres dont vous envoyé la copie, de faire en toute chose, soit aller en Suisse ou ailleurs, là où leur plaira m'envoier , et obéir aux devant dits comme & sa personne.

Madame, vous sçavez que je n'ay procuré de venir icy, ains vous ay requis, sur mes leaulx services que vous ay fait et suis encore délibéré de faire, que vous eust pieu me laisser à ma maison. Toutes-

1 Henri le Bègue, écuyer d'écurie du le 6 février, date des lettres du roi. Voyez roi, dépéché de Monteerrat en Espagne, ci-dessus, page 209.

fois, pour obéir au commandement du roy et à vous, je suis icy venu, ay dépendu quatre mille bons florins du mien et l'argent du roy ossy. Et de plus longuement demorer en dépendant le mien sur bonnes promesses que Ton m'a fait et encores journellement fait, et descendre de degré en degré et se faire mocquier de moy, j'espère que ne le desirez, veu que souvent, madame, m'avez rescript que ne volez ma destruction, ains mon bien et honneur, ce que tousjours ay trouvé et deserviray le remanant de ma vie ; je tiens que mes amis ne me conseilleraient estre ung acguet et messagier de telz gens, sans commission, povoir ou aucune charge.

Par quoy, madame, j'escrips présentement au roy, luy requérant qu'il luy plaise prendre mes services agréables, que j'ay fait au moindre mal que m'a esté possible jusques à ores par vostre commandement, et que luy prie très-humblement que neprende de mal part que n'accepte ladite charge; car ne me seroit honneste servir sans charge, point seulement ung gouvernement ou telz gens, mais ossy ung prince.

S'il eust pieu au roy soy servir de moy, il m'eust bien donné charge de Testât que luy eust pieu, comme à des gens de quoy il s'appercevra qu'il employé à son service, les choses estoient en très-bon train, j'espère que messieurs les commis les y entretiendront.

Vous priant très-humblement , madame , faire passer ladite lettre outre vers le roy, et qu'il vous plaise commander à Yillingher que des obligez qu'il m'a fait donner de par le roy pour son affaire en mon privé nom que j'en sois quitte; car j'ay assez dépendu du mien, sans payer le fait qui touche à l'affaire de l'élection du roy, qui monte à iiîj ou vm livres, dont j'ay donné mon obligé avec luy et en a eu la maniance et n'en ay veu ung seul denier.

Je m'appresteray et feray du mieux que pourray pour retourner actendant ceste descharge de mes obligez, laquelle vous prie trèshumblement vouloir faire haster.

Le Fouger n'est encore payé, comme il m'a4 dit ce jour, des ijm livres, quoy que l'on m'ait dit ou escript; ce que me vient mal à

point. Tempère, madame, que le ferez faire où qu'on le puisse sçavoir; je laisseray plttstost le tout en gaige et le payeray.

A tant, madame, prie Notre Seigneur, etc.; escript à Ausbourg, ce xxe de février, anno xviij0.

Vostre très-humble et très-obeissant serviteur,

Maximiuan us Bkrghes.

CHARLES, ROY DE CASTILLE, X MARGUERITE D'AUTRICHE ET AUX MEMBRES DU CONSEIL PRIVÉ.

Remerctments pour les «oins donnés à f affaire de 1'éleetion. Démarches à faire auprès de divers princes et de Franc de Seckingen. Nouveau pouvoir pour M, de Zevenberghe. Conduite k tenir k l'égard de la ligue de Souabe. Bonnes dispositions du roi d'Angleterre. Mille florins d'or seronl donnés au cardinal de Sion. Envoi de M. de Berghes en Angleterre. Gouvernement et trêve de Frise. Journée de Montpellier.

(Original)

2fi flfaier, à Barcelone.

Madame ma bonne tante et très-chiers et feaulx, nous avons receu vos lettres des viij* et XIe de ce mois v ensemble plusieurs copies de lettres que ont esté ecriptes & vous nostre tante, d'Allemaigne, d'Angleterre et ailleurs, par lesquelles vos lettres avons congneu le grand soing, devoir et diligence que portez en tous nos affaires et singulièrement en celui d'Allemaigne* et louons les bonnes depescbes que y avez fait vers les princes électeurs et autres et l'envoi des personnaiges, tant en Allemaigne, Angleterre et Rome; louant aussi Dieu nostre créateur, que nos affaires sont en si bon train partout, et que y faites si bonne provision de vostre cpusté, comme faisons icy 4e la nostre, sans y riens espargnier; et ne cessons de continuellement en escripreà Rome, Angleterre, AUemaigne et ailleurs, partout il est besoing et nécessité; car pour ung tel et si gros affaire ne voulons ceste foiz mtooc. diplomàt. — ii. 34