JEAN DE MARNIX X MARGUERITE D'AUTRICHE

H. de Zevenberghe ira en Suisee ou restera à Inspruck, suivant que la régence de cette ville le décidera. Le roi vient d'envoyer un* pouvoir où ledit sieur de Zevenberghe n est pas nommé, ce qui afflige et étonne beaucoup ce dernier. Représentations à ce sujet. Il veut se retirer; mais on l'engage à attendre une explication. Maraii demande lui-même a se retirer. On a eu tort oassi d'éloigner Zîegler, qui rendait de grands services dans l'affaire de l'élection. Quant au cardinal de Gurce, nouvellement choisi pour négociateur, tout homme de bien qu'il est, on le juge peu propre à conduire une telle affaire. ( Original. )

20 février, à Àugabourg.

Madame, etc., comme Ton vous eecripvit hier au soir bien tait, en depeschant la poste, est arrivé le Beghe en poste venant d'Espaigne; et a apporté de part le roy pluseurs lettres au trésorier Felingher et une à M. de Zevemberghe, que ledit Felingher luy a baillié, contenant icelle lettre en substance comme sa majesté escript bien à plein son intention des afferes de par deçà au gouvernement d'Ysbroch, et qu il se tire celle part et face ce que ledit gouvernement luy ordonnera , soit de aller en Zuysse ou de demeurer. Et au cas qu'il n y vxwse , qu'il demeure devers ledit gouvernement jusques aultrement par ladite majesté luy soit ordonné.

Sa majesté a aussi envoyé povoir et mandement patent sur M. le cardinal de Gurce, messire Michiel de Wolgsteyn, Je chancellier Sertanner, Villingber et Renner pour besoigner et conclure avec les princes électeurs au fait de l'élection de sa majesté, sans faire aucune mencion dudk sieur de Zevembergh , qui jusqu'à icy y a prins tant de peine comme avez veu, et sans lequel , je vous asseureT le* choses ne seraient en Testât où elles sont.

Madame, ledit sieur de Zevembergh a eu ung merveillieux regret de voir une telle depesche, que certes homme du monde ne seroit juger estre en son honneur ; et si ne croy pas qu'elle soit k l'avan*

taige du roy ny à l'avancement de ses afferes. Par quoy ledit sieur est toutallemant délibéré de se bref partir d'icy pour s'en retourner par dellà ; que ne viendra pas à propos. Madame , je l'ai cuydé de tout mon povoir, pour le bien des afferes du roy, persuader et induyre de demeurer néant mens jusque s il ait responce de vous; ce que j'espère il fera, combien qu'il m'a dit qu'il ne veult fere honte à luy ny à ses parens et amys, et que de demeurer icy serviteur d'ung conseil de xun ou xv personnes , où il y a de diverses manières de gens et de beaucop moindres qu'il est, où paravant il y a esté tenu pour ambassadeur, que pour mourir il ne le fera; et notés, madame, le tresourier Felinger confesse bien qu'on luy fait tort et que les choses ont esté mal entendus; Seigler aussi, qui est ung des meilleurs pilliers qui fust en cest affaire de l'empire, est demeuré en blanc. Je ne sçay comment le roy et son conseil l'entendent, mais j'ay grant peur qu'il n'en viendra jà bien.

De moy, madame, puisque le roy a déclaré sa voulenté en toute choses et que le tout est entre les mains des Allemans, je ne serois de riens servir icy: que me fera suyvir ledit sieur de Zevemberghe; car je me doubte, puisque les choses sont ainsi conduictes, que, si Dieu ny met la main, que ceulx qui conduiront ces afferes n'en obtiendront gueres d'honneur ny de grey.

Madame, au pourchas du trésorier Felingher, ledit sieur de Zevemberghe s'est obligé avec luy et chacun pour le tout envers le Focker, pour la somme de iv ou vm florins d'or pour survenir à ses affaires de l'empire , lesquels deniers ledit Felingher a receu et distribué. Et pour ce qu'il s'en veult aller, il vous vouldroit supplier escripre audit trésorier de l'acquicter de sadite obligation, puisque le roy luy donne la toutaile charge de ses afferes ; qu'est chose bien raisonnable. Et croy qu'il ne pourra bonnement partir que cecy ne soit fait.

Madame, combien que ledit cardinal soit très-homme de bien, si semble-il ausdits Felingher et Seigler qu'il n'est propice en cest affere pour aucunes raisons dangereuses à escripre. Touteffois, quant les choses sont faictes , elles sont difficiles à reparer.

Madame, je prie à tant Nostre Seigneur, etc Escript à Aus-

bourg, ce xxc de février a° xix.

Vostre très-humble et très-obeissant subgect et serviteur,

Jehan de Marnix.