PAUL ARMERSTOHFF AO ROI DE CASTILLE

La partie adverse a tellement besogné auprès de l'électeur de'Mayence et de son frère lé marquis de Brandebourg, qu'ils ont totalement changé d'avis. Ils se regardent comme dégagés de leurs promesses , parce qu'on n'a pas tenu celles qu'on leur avait faites et parce qu'on a révélé les conventions secrètes conclues avec eux. Entretien particulier d'Armerstorff avec M. de Mayence, qui prétend que le pape, le roi de France et le roi d'Angleterre s'opposeront a l'élection de Charles d'Autriche. Le cardinal de Gurce n'est pas agréable aux électeurs. On dit que le roi, étant élu empereur, ne viendra jamais en Allemagne. Réponses d'Armerstoiff à toutes ces objections. Il est visible que M. de Mayence a reçu des offres de la France. Ses demandes. Il révèle à Armerstorff des choses dont on ne se serait pas douté et qui ne peuvent être confiées au papier. Si on n'accorde pas au cardinal de Mayence ce qu'il demande, l'élection sera fort douteuse. (Copie du temps.)

4 mars , à Offembourg.

Sire, quant à ce que m'advertissez que estes content de fournir à tout ce que a esté promis aux électeurs et leurs serviteurs en me commandant de faire but ce toute extrême diligence, etc., ay esté moult joyeulx, car j'avoîs déjà encommenché etasseuré ung chacun, veu que la nécessité ainsy le requeroit, comme aurez déjà entendu par mes autres lettres de Heidelbergh.

Sire, je nepensois trouver nul changement vers M. de Mayence, selon le bon rapport que Villinger et Ziegier m'avoient fait, semblablement sur l'advertisaement de M. le comte pakntin, mais je trouve tout le contraire : car votre partie adverse, que fait la non pareille et extrême diligence partout, avoient tellement, par leur diabolique trahison et mensoinge, besoigné vers «on frère l'électeur Joachim, duquel il avoit receu lettres , semblablement de M. de Couloingne , aveuques lesquelz il se conformoit , disant que Ton ne leur avoit tenu promesse, à cause que toutes les lettres et obligations rue leur avoient esté délivrez aux temps et terme ne encore à présent n'aparoient, et pour ce n'estoient plus tenus ne vouloient en riens estre

obligé. L'on avoit aussy publié partout ce que avoit esté en secret traitié entre l'empereur, que Dieu pardoinst, et eulx, car les François savoient tout et avoient semblablement copies des ratifications, et par iceux avoient esté plutôt adverti que par nous: par ce pouvez congnoistre comment estiez par d'aulcuns personnages servy.

Je luy jettay au-devant le devoir que aviez fait et qu'il veoit, par ce que j'avoye aporté, que de vostre paît n avoit ne auroit nulle faute, luy priant qu'il voulsist de son costé faire le semblable, et aider vers son frère et les autres selon la singulière confidence que aviez vers luy, aveuques tant de belles remontrances trop longues à escripre , qu il ne sçavoit de quel costé fuir, sinon qu'il me dit à la fin : « Je veux parler à vous privement, sur quoy se doit mon frère et moy fonder; nous sommes véritablement et secrètement adverty qu'après que nous aurons esleuz, l'on ne nous tiendra une seule chose de tout ce que nous a esté promis des pensions ne autres choses; car nous sçavons que ceux d'Espagne n'ont nullement voulu consentir que le roy prétende après l'empire, ne veulent laisser sortir la seur du roy 1 hors du pays* ne consentir au mariage du fils de mon frère.

c Four le second, sçavons que le roy ne pourra tirer ladite fille hors des mains de la royne sa mère; nous sçavons aussy que l'on pratique de la marier ailleurs et que mon frère en sera trompé. »

Pour le tiers, disoient qu'ils sçavoient bien que le pape, le roy de France et le roy d'Angleterre s estaient alyez et avoient concluz de non consentir que vous, sire, fussiez esleu roy des Romains et futur empereur, et que le pape deffendroit, quant il viendrait k l'élection, auxdits électeurs spirituels et temporels, sur paine d' excommunement et de desobeyr à l'Eglise, de non vous élire.

11 estoit aussy adverty que le cardinal de Gurce estait dénommé en la commission de ceste affaire , ce que l'un ne les autres électeurs ne pouvoient ne vouloient souffrir qu'il eust nulle charge pour cest heure, ne cy-eprès en l'empire; et si ledit sieur de Gurce vouspovoit

1 Catherine d'Autriche; confinée à Tordesilias, auprès de sa mère Jeanne d'Aragon.

en ce mieulx servir que luy, en estoit bien content. Mais que de ce fussiez asseuré que jamais ne se melleroit d'affaire là où il seroit. Hz estoient aussy adverty que le roy ne viendrait jamais en l'empire et demoureroient sans chief.

Il ne sçavoit aussy, comme nous avions pourveu nostre affaire, les François donnoient à entendre qu'ils estoient bien asseurez de tous les autres électeurs, reserve de luy, et que le pape couronnerait le roy de France, lequel viendroit en l'empire aveuque une grosse armée pour veoir qui l'en vouldroit garder.

Et pour ce que je povoye penser si le roy de France parvenoit à la couronne, en quelle seureté luy et son église seraient.

Sur quoy je luy repondiz que je ne me povoie assez esbayr de ce que luy, qui estoit ung saige et vertueulx prince, se vouloit laisser si legierement abuser; car il pouvoit bien penser d'où cela venoit, et se il vouloit plus croire aux évidentes mensonges de nos adversaires que à la vérité que je luy monstroye par effet, que je ne veoye remède de le pouvoir contenter; mais s'il se vouloit contenter de la raison et confermer à la vérité, dont il estoit tenu, je ne trouvoie chose dont il se peust mescontenter. Et quant à ce que Ton leur avoit fait accroire, luy-même veoit le contraire à l'œil, luy remontrant tant de bonnes choses, qu'il ne sçavoit derechief sur quoy se excuser, sinon que l'on ne leur avoit encoires envoyé l'obligation de ceulx de Malines et Anvers; sur quoy je luy diz qu'il vous avoit esté jusques à icy impossible , mais que estiez en continuelle pratique , espérant le recouvrer, sinon luy donner obligation à sa volonté. Il me dit que , dès que ceux d'Anvers et Malines se vouldroient obliger, qu'il ne les vouloit plus avoir, car il savoit qu'ils avoient privilèges, qu'ils n estoient tenus de rien tenir dont ilz se obligeoient. Il ne se vouloit aussy contenter de nulle obligation que je luy povoie offrir de vostre part, disoit qu'il ne vouloit avoir afaire, quand il viendroit à ce avec son seigneur, d'entreprendre procès ou guerre contre luy, et demanda que Fucker ou ceux de Nurembergh ou Augsbourg s'obligeassent; je luy dis que c estoit chose à vous impossible; car ils n estoient point

vos subgets, mais je me offris, ou cas que vous ne le pourvessiés dedans ung an en biens ecclésiastiques, et je me viendroye rendre son prisonnier, à manger pain et eaue , jusques à ce que l'eussiez pourveu en bénéfices ou autrement, à sa volonté, et feroye tant que ledit Focker se obligeroit de luy payer entretant icelle première année.

Quand je veiz qu'il ne se vouloit en nulle chose contenter de la

raison, quelque offre que je luy feisse, je me couroussay et luy priay

' qui me voùllist octroyer que je puisse parler privement aveuques

luy, sans pouvoir offenser envers luy, et qui feist le semblable envers

moy; il me pria de ce faire.

Je luy diz que tout seroit pour néant, quelque devoir que peussiez faire de vostré part, et que je veoie bien qui ne tenoit sinon que la partie adverse luy pourrait avoir fait quelque offre plus grande que nous, et que pour ce ne desiroit sinon de reculer. Et Dieu scet comment je parliz à luy, remontrant la honte, deshonneur et dommaige et les inconveniens qui en pourraient venir premièrement à son frère et luy, puis à perpétuité à l'empire et toute la nacion d'Allemagne, en luy disant injures.

, Il me dict qu'il estoit vray que l'on luy offrait beaucoup plus grand chose; toutesfois qu'il ne regardoit à ce, mais que vouloit bien estre seur de son cas, combien qu'il luy sembloit bien, quant ores on donnerait plus grant chose , qu'il avoit bien deservy; cqp il avoit esté cely qui avoit pratiqué tous les autres et ne tenoit encoires qu'à luy de faire et deffaire le tout; car il sçavoit bien que les autres croyroient son conseil et se conduiraient selon luy, et afin que je congaeusse que ainsy fut après que je l'auroie contenté, qui me montrerait ce que les autres luy escripvoient. Je luy dis que je n'avois nulle charge de faire nouveau appôintement ayeuques luy, autre que par l'empereur avoit esté fait et conclu. Il me dit tout plat que, si l'on né luy faisoh autre appôintement, que le tout seroit pour néant. Je luy demandai quel appôintement il vouloit avoir, il demanda encoires ung cent mille florins d'or comptant, oultre et pardessus ce

m£ooc. diplomat. — ii. 37

que avoit esté traité aveuques luy. Je luy ait que c'estoit chose impossible, et pour ce vous en avertiroie, et que, pour le moins, de» moureriee roi d'Espagne et luy électeur pour ceste fois d? Allemagne. Mais je luy vouloie bien premiers advertir de l'honneur et le bien que là ppuvoit venir à luy et son frère surtout, aussy à f empire et toute la nation d'Allemagne à perpétuité. Je luy feiz une telle ha* range qu'il fut tout esbahy, et coneluz avçcques ce que j'avais espoir que Dieu nous vengeroit, qui feroient la verge dont ils seroieot batuz et pugnii pour leur péché, et sur ce prins congié pour m'en aller. Il me dit que je y pensasse cette nuit; aussy Feroit-il de son costé, et que le lendemain m'envoyeroit son varlet de chambre pour sçavoir ma conclusion et pour m'advertir de la sienne.

En effet, ledit varlet de chambre print payne de pratiquer entre luy et moy, et vint sur un", lx, cinquante mille» Je ly dis qu'il niestoit impossible de luy riens povoir asseurer ne promettre , car je n'a-* vois nulle puissance, et en ce ne le vouloye abuser, mais que je vous en advertiroievoulentiers et qu'il eust patience jusques i ce que puissions avoir nouvelles de vous, et que entretant il se voûtait tenir ferme sans varier. Il me dit de sa propre bouche que ne luy estait possible de pouvoir attendre vostre réponse d'Espagne; caries autres demandokntson conseil, et estoit contraint de les incontinent advertir de sa volonté et de ce qu'il estoit délibéré de faire, comme il me montrerait cy-après, et pour ce , que je advisàsse de conclure avecq luy fait ou failli ; car les messagiers des autres attentaient après, et il ne sa vouloit mettre entre deux selles à tertre.

Quand je veis ce péril, me sembla meilleur d'avanturer encoires quelque chose que de perdre tout , et luy dis. que ce seroit le moins de luy donner encore quelque gracieuseté; mais si l'on luy donnoit quelque chose et que les autres le sceussent, chacun en voudroit avoir autant, et par ainsy serait tousjours k recommencer; mais s'il vouloit asseurer et tant faire que les autres fussent conteras de l'ap* poiutement que l'empereur avoit fait* que ceulx de vostre conseil, MMv d'Ausbourg et moy, prandrions sur nous de luy pratiquer en-*

coire* une grande sonmpe d'argent vers voua. Il me dit que de sa part jamais nul des autres ie sçauroit, ains leur escriroit le contraire et exhorteront par tous les moyens du monde; et de M. de Couloingne, se tenoit seur qu'il ferait ce que vouldroit; et, quant à son frère, il estoit d'avis que Ton ne se devoit donner à nul autre appointeraient aveuques eulx, veu que aviez la voix du roy de Bohême pour vous; mais avant que escripre ne faire rien, vouloit sçavoir quelle somme et en avoir la seur été; et par le moyen de son varlet de chambre, a veuque la plus grande peine du monde, se condescendit à xx mille florins d'or, et demourames trois jours sur cette affaire avant que nous pouvoir accorder. A la fin, voyant qu'il estoit force de le contenter ou de mettre tout vostre affaire à perdicion, me accordant aveuques luy, et fut la conclusion telle, que ceulx du gouvernement dlsbrouck se obligeraient pour la pension des x mille florins d'or jusques à ce que l'eussiez pourveu en bénéfices , d'autant, pour le second, que luy ratifierez aucuns articles que par Villinger vous seront envoyez, car je les luy ay envoyez afin de vous en bailler la déclaration; et son advis, pour le tiers, que des dessusdits xx mille florins d'or de creue se confierait à MM. de Zevenberghe , Ziegler, Villinger et m oy, jusques à ce que eussions sur ce vostre volonté, et que ferions toute la diligence du monde vers vous, espérant qu'il n'y aurait nulle faute, et que entretant il ferait tout son leal devoir vers son frère et les autres, afin que l'appointement de l'empereur démolirai en son entier, sans qu'ils demandassent autre chose; pour le quart, qu'il n'aurait faute en la vaisselle et tapisserie que l'empereur luy avoit promis. Je luy feiz accroire que d'icelle vaisselle et tapisserie, madame vostre tante en avoit déjà la charge, et qu'elle se faisoit au Pays-Bas, et me semble bon de le ordonner; pour la cinquiesme, que vous ferez toute diligence vers le saint-pere touchant la légation, et en ce se plaint qu'il estadverty par son procureur de Rome que jamais n'en avez fait parler ung mot; et que dedans les Pâques prochains on doit avoir vostre response sur le tout. Et par ainsy, après que fumes d'accort, alors me dit : t Afin que vous

voyez que je puis et veux faire service au roy, et que je ne regarde pas tant aux biens que vous pensez, vous promettez de non me découvrir à personne jusques à ce que l'élection soit faite, et je vous montreray quelles pratiques il y a au monde. » Et alors me ouvrit coffres et lettres, et me montra de terribles pratiques, desquelles je vous advertiray, si Dieu plaist , après l'élection , et cognoistrez d'aucunes chose que vous n'eussiez jamais creu.

Sire, je vous supplie très-humblement de prendre de bonne part ce que j'ai fait et conclu aveques ledit cardinal; car je l'ay fait pour mettre vostre affaire en seureté, jusqu'à ce que puissions avoir nouvelle de vous, car soyez asseurez que autrement votre affaire eult esté en péril , et ne voudroit pour grant chose non l'avoir fait. Tousjours est-il en vous d'en faire vostre volonté; mais il me semble , par le serment et la loyauté que je vous dois, que ne devez délaisser de l'accepter et confermer; car, aussy vray que Dieu est, si vous le perdez, il tirera son frère etCouloingne avecques luy, et parce moyen espère qu'ils demoureront tous; mais il sera mestier le tenir secret, car si les autres électeurs le savoient, vouldroient faire le semblable en la meilleure sorte du monde, comme verrez par les copies en allemand , lesquelles Villinger vous envoyera et faudra tenir secret. Il a aussy envoyé à ma requeste sondit varlet de chambre en poste vers son frère , auquel avons donné bonne et ample charge de bouche. Il m'a aussy promis, ou cas que mestier soit, à mon retour de Couloigne et Trêves, que ly-mesme y ira en personne par devers eulx et que s'employera en tous endroits, de sorte que verrez qu'il deservira lesdits xx mille florins d'or et plus grant chose. Dieu veuille que aveuques ce , en puissions avoir bonne fin !

Sire, si vostre plaisir est d'accepter le tout, sera mestier que ordonnez que toutes les lettres soient incontinent depeschées et envoyées selon les minutes que vous ont esté envoyez; semblablement nouvelle obligation audit cardinal, selon la minute, et une nouvelle ratification générale, et faudra que le tout se trouve icy entre cy et les Pâques. Il m'est impossible spécifier le tout particulièrement pour l'amour de la

^itized by

chiffre, mais vous verrez le tout par les mémorial et minutes que Villinger vous envoyera.

Il m'a aussy parlé en secret de ce dont le chancelier du palentin me parla, comme avez entendu par mes lettres de Heidelberg r dont vous avertirons à mon retour à Âugsbourg, et faudra que nous envoyez l'obligation des électeurs, ou cas que l'ayez en Espagne, par la plus seure voye, avant leur assemblée de Francfort; car sans ce ne faisons riens. Il faudra aussy que vos ambassadeurs se trouvent aucuns jours avant l'élection en quelque lieu seur au plus prez, car, durant i?eleotion nulluy que lesdits électeurs peult entrer en Francfort.

M. de Mayence conseille aussy que vos ambassadeurs soient gens qui sçachent le langage. J'ay eu plusieurs bons propos aveuques ledit seigneur de plusieurs bonnes choses en quoy l'on pourra entendre aveuques le temps, au cas que la matière viengne à perfection, à vostre grant honneur et prouffit, <pie n'est chose qui viengne pour le présent à propos; j'espère vous en parler de bouche;

Sire, je vous supplie très-humblement que vostre bon plaisir soit que je puisse retourner par devers vous et que envoyez quelque bon personnage pour conduire cest affaire , affin que par mon innocence vos affaires ne puissent pis valoir. Dieu me veuille garder de tel passe teras; car à ma foible complection est chose insupportable; je partiray cejourd'huy pour tirer par devers M* de Coulongne, et de ce que y trouveray vous advertiray en diligence l. Escript en OiTembourg, le mf de mars, l'an xil. P. àbmehstobff.

1 Armerstorff écrivail en même temps a Marguerite d'Autriche : «Par ce congnoistrés, Madame, en quelle perplexiley j'ay esté, voyant ung tel affaire en dangier de romptore , sans savoir en quoy bien ou

mal faire Je vous assure que j'ay esté

troys ou quatre nuy ts sans dormir et hors <f espoir. Toutefoys, à la fin des deux pires, m'a samblé ceste voye la meilleure , car

j'ay laissé k porte ouverte, et entreiauf , le roy pourra faire ce que ly plaira. Mais il me samble qui vauldra mieulx entrer par ycelle que de rompre la muraille et faire tumber touUe la maison; dont, Madame , vous tenez sure et bien assurée que sy perdes cest homme , que Te tout trébuchera. *