LE SEIGNEUR DE ZEVENBERGHE AUX DÉPUTÉS DU ROI À AUGSBOURG

Audience auprès de la ligue des cantons suisses qui veulent demeurer les fidèles alliés de la maison d'Autriche et de Bourgogne. Quant à la proposition d'une amitié plus étroite, il en sera référé aux cantons. Ils ne veulent pas du roi de France pour em-

' pereur, et tiennent à faire élire un prince allemand, sans dire pourtant qu'ils préfèrent le roi catholique. On rappellera les piétons suisses qui sont au service du duc de Wirtemberg. Du reste, M. de Zevenberghe se plaint beaucoup de la rudesse et cupidité des Suisses. On a été forcé de promettre à chaque canton 800 florins par an, outre les 200 exigés par la ligue héréditaire. ( Copie du. temps. )

22 mars, à Zurich.

Messieurs, mardi dernier xvc de ce mois, au matin, arrivay en ceste ville, à la plus grande dilligence que m'estoit possible, selon le maulvais temps et chemin ; car le cardinal me hastoit si fort par les messaigiers <Ju il me faillut laisser mes baghes derrière. Touteffois nëstoit jà besoing, car au prime avons eu audience de proposer le vendredi ensuivant devant digner. Ilz envoyèrent au-devant de moy hors ceste ville 111e piétons, comme j'entens, à leur accoustumé, et au remenant à mes despens bien largement me font de l'honneur.

Après estre arrivé, MM. mes adjoinetz, nommeementM. le conte de Zultz, Me Wolf de Zouburgh, Christoffle Fox, ung du gouvernement d'Ysbrouch, Me Martin Stuer, d'Enghese et Hans Hacker secrétaire, avons regardé noz instructions, tant celle en latin que le roy a envoyé d'Espaigne, que la lettre en allemand; et pensé tous les moyens pour moyns lyer le roy et neantmoings pour besongner selon que le temps et les affaires du roy le requièrent; ayant aussi ouy Tadvis de monseigneur le cardinal de Syon, et prenant devant nous le texte de la lighe héréditaire de la maison d'Àustriche avec les cantons et icelle bien regardée, avons conclud faire nostre pro-

posicion par la bouche dudit Christoffle Fox', et en effect, avec autres parolies à ce duisantes telle qui s'ensuyt :

Premièrement, complaindant le trespas de feu l'empereur et les remercyant de leur bon vouloir qu ilz ont monstre en faisant obsèques et prières pour son ame, en après declairé que le roy nostre maistre, pour la bonne affection qu ilz ont tousjours eu audit feu empereur et à la maison d'Austriche et de Bourgoingne, nous a envoyé par devers eulx pour, selon la teneur de la lighe héréditaire, et puis qu il avoit pieu à Nostre Seigneur faire sa volonté avec ledit feu empereur, icelle lighe héréditaire ratiffîer, lauder et approuver en tous ses pointz, les requérant de la part d'icelluy seigneur roy vouloir accepter ladite ratifficacion.

Et pour le second point, que le roy* desiroit avoir avec eulx plus estroicte amytié et entendement, et si leur plaisir estoit ad ce vouloir entendre, il nous avoit donné povoir sur ce avec eulx entrer en communicacion et* sur son bon plaisir avec eulx faire conclusion; ce que seroit bien convenable selon que le temps est disposé.

Pour le ni6, leur avons, soubz parolies générales, donné à congnoistre, par la meilleure façon que avons sceu, les pratiques que les François mesnent pour mettre en picque la nacion germanique Tune à Tencontre de l'autre , pour en après tant plus facilement la rompre et mectre à néant. Et e spécialement, que le roy de France, par dons ou par force, prétend parvenir à l'empire, ce qu'ilz peuent bien pourjecter, si tend à l'extermination d'eulx et de toute la Germanye; leur pryant /vouloir ad ce avoir regard et penser comment la publicque d'Allemaigne s'est toujours bien portée durant que les princes d'Allemaigne l'ont gouvernée et principalement la maison d'Austrice de père en fdz, ni 1" ans; et en cas que ad ce fussent desliberez, assister le roy nostre maistre, archiduc d'Austrice, qu'il leur offre les tousjours tenir en bonne amytié, extime et protection, comme ont fait ses ancestres devant luy, et de ce en vouloir escripre aux ellecteurs, à ceste fin les requérir par leurs depputez aux despens du roy. Et vellà assez en substance nostre proposicion.

Le lendemain, après digner, ont envoyé vers nous leurs, depputez nous rendre responce en effect, et assez comme s ensuyt :

Quant au remerciement des debvoirs qu'ilz ont fait de pryer pour Partie du trespassé, qu'ilz n'avoyent fait que ce à quoy estoyent tenuz et qu'ils debvoyent faire; veu la clémence et vertu que avoit esté en sa majesté et que les avoit tousjours tenu en bonne protection, pryant Dieu en povoir recouvrer ung tel.

En oultre, qu'ilz estoyent délibérez tousjours demeurer bons confédérez à la maison d'Austrice et de Bourgongne, et en effect accepter la rattiffication par nous présentée , requérant que le roy veuille icelle sceller, comme il appartient et est convenu à ladite lighe héréditaire; et que leur avons promys d'obtenir vers le roy et leur en furnir brief.

D'autre part, quant à entrer en communication de plus estroite amityé ou intelligence , qu'ilz desiroient avoir de ce nostre intencion par escript pour, selon leurs vielles coustumes, en faire rapport chacun à son canton. Sur quoy avons persisté qu'il vauldroit mieulx pour les deux parties d'entrer en communicacion, et puis en faire rapport. Touteflfois sont demourez obstinez en leur propoz , demendant les articles par escript et en faire rapport à leurs seigneurs et maistres, et comparoir arrière en ceste ville, le dimenche du Letare Jherusalem, qui est au my-karesme, pour en faire responce. J'eusse voulontiers veu que ladite journée fust esté mise après Pasques, le dimenche de Quasimodo, pour tousjours amplement povoir avoir le désir du roy, mais n'y ont voulu entendre , disant que ne vouleient ne ( éstre ?) menez , ayns savoir à quoy se dévoient arrester.

Et a esté l'advis du cardinal et messieurs mes collèges d'accepter ledit jour, selon l'exigence de l'affaire du roy et le temps qui court.

Quant au roy de France qu'il prétend à l'empire, ilz ne sont nullement desliberez l'endurer ne souffrir, pour perdre leur vaillant et leur vie, ains tenir la main que ung prince d' Allemaigne , électeur ou autre, soit esleu empereur, sans particulièrement nommer le roy.

Veans qu'il n'y avoit remède, car là où ilz tombent ilz demeurent comme telz gens qu ilz sont, nous a faillu, par l'advis du cardinal et

de qnesdits collèges, donner par mémorial, au plus brief, ce que avyesmes dit de bouche touchant la plus estroicte amytié et intelligence; dont vous envoyons cy-encloz la coppie signée A9 avec leur responce signé B. Et a esté l'advis du cardinal, et de mes adjoinctz leur faire présenter par escript la somme y contenue et faire le billet de ceste sorte, puisqu'il a faillu donner par escript; et ainsi se sont retirez chacun à leur canton pour en faire respondre aujiit jour.

De ma part, je ne m'ose partir d'icy jusques ad ce que je saiche comment il yra des piétons Zuysses qui sont avec, Wsrtembergh; lesquelx ses seigneurs icy en gênerai ont conclud aller requérir par force et seront à ceste fin, d'huy en huit jours tous ensuivant, à Schafhousen à tous les enseignes, et dès là marchier contre eulx en cas qu'ils ne retournent comme derechief leur ont mandé, et les mectre par force en hobeissance. J'espère que aujourd'huy ou demain j'auray vrayes nouvelles de ce que lesdits piétons feront, et, selon le conseil du cardinal et de mes adjoinctz, useray de n?e retirer vers vous ou demeurer icy et actendre la prouchaine journée et leur rapport. Et de ce que auray conclud avec ledit cardinal et messieurs mes adjoinctz vous aveftiray à dilligence.

Je suis adverti qu'il se fait grande assemblée de pied et de cheval en Loraine, Montbelyard et ses quartiers; vous ferez bien commander et escripre à ceulx de Ferrette , faire passer leurs gens et se tenir prestz ; car si les François venoient à puissance , il me semble que ses gens icy, à la devocion où ilz sont, seraient délibérez tirer au-devant d'euix se joindre avec noz gens pour par force les rebouter.

Nous avons aussi hier ouy ceulx de Roottiriel *, lesquelx sont icy venu secrètement traicter avec les Zuysses, et sont.vestuz vers nous, disant que vray est qu'ilz ont traicté quelque entendement avec les Suysses pour leur seurté et le temps courant; mais que oe -devons doubler que ce qu'ilz ont fait soit aucunement directement ne indirectement au contraire des traictez entre lamaisom^'Àustrice et eulx,

1 Ce nom , défiguré ici et encore à la Souabe , qui en effet fit alliance à cette page 369, doit- être RoHoeil, ville tobre de époque «vec les Suisses.

ains seullement demourer bons et loyaulx en tous endroiz en ce qu'ilz ont promys, et que jamais Ton ne trouvera qu'ilz facent le contraire.

Pour ce que par aucuns amys et secrètement avons entendu que leur intencion est toute telle et ont fait le pareil de ceulx de Besançon, nous leur avons respondu que de droit et de raison nous deussent avoir advertiz devant avoir besongné à tel endroit avec les Zuisses, et que ne leur estoit si nécessaire, veu que tousjours ont trouvé bonne assistence et protection à la maison d'Austriche ; leur requérant, en cas que en cest affaire ne se seroyent liez ne obligez, qu'ilz le voulsissent laisser sans besongner plus avant; et en cas qu'ilz fussent obligez, que point n esperiesmes, qu ils nous voulsissent donner le. double de ladite obligacion ou entendement, pour l'envoyer au roy ou es lieu où il appartien droit, affin que ne pensassent que la chose fut pire que n'est. Hz prindrent retraicte et, avoir corn* m unique avec leurs compaignons, nous ont respondu, comme devant, que ce qu'ilz avoient fait et conclud n estoit en riens contraire ou préjudice aux poinctz comprins es traictez de la maison d'Austriche et d'eulx, ains vouloient demourer esdits traictez et nullement y contrevenir, mais que par icelluy ne leur estoit deffendu faire quelque amytié ou entendement avec autruy ; nous pryant comme devant point vouloir croyre qu'ilz ne voulsissent demourer bons subjectz à la maison d'Austriche, selon la teneur des traictez fais auparavant, et que n'avoient charge et nestoit mestier de nous donner coppie ou faire abstencion de leur besongné avec les Zuysses. Quant nous veismes que n'auryons autre chose, leur avons dit que l'on en advertiroit le roy et messieurs ayans charge de sa majesté par deçà, et à la prouchaine journée leur diriesmes ce que sur ce nous aroit esté respondu.

Messieurs, vous veez que, quoy que l'on face, se le roy ne pourvoye du bon chief grand personnaige ayant puissance de tenir ses pays en bonne h obéissance, que journellement nous reboutera le pareil. Vous ferez bien d'en advertir et escripre le tout au roy, ensemble luy mander vostre oppinion, affin que l'on y pourvoye de temps.

ENTRE LA FRANCE ET L'AUTRICHE. — 1518. 369 En passant par Constance, je feis assembler tout le conseil de la ville, leur présentant les lettres du roy que sçavez que estoient escriptes sur le blanc signet Charles, portant credance sur moy. Je leur deiz beaucop de belles parolles et persuasions et présentations; que le roy vouloit ensuyr les vestiges du feu son parent, et les tenir en bonne protection sans les laisser. Ilz me respondirent qu'ilz vouloient tenir ce que avoient tractez avec la maison d'Austriche, et en riens enfraindre , me pryant les vouloir tousjours tenir recommandez en la majesté du roy, et estoient ceulx qui ne désirent que son exaltacion, bien et honneur et de toute sa maison et luy assisteroient ad ce de leur povoir. Mais, quoy qu ilz disent, je suis adverti en secret que eulx, ceulx de Strasborch et autres villes imperialles, vacillent et ne serchent que de faire le pareil de ceux de Retariel (Rotweil). Nous mectrons de nostre part toute paine d'empescher telles choses par le meilleur moyen que sera possible; mais mon oppinion c'est qu'il n'est possible d'empescher tous ces inconvénients, aussi bien ceulx de par deçà' comme de par delà, en la basse-Austriche; lequel affaire je crains plus que l'on ne le veult à ceste heure peser, sinon qu'il fault que en chacun pays soit mis chief ayant puissance et à eulx agréable, jusques ad ce que le roy ou monseigneur puissent venir et y mectre ordre ; que je ne croy point que se puisse faire si briefz, mesment # avant la journée de l'élection.

Quant aux pensionnaires et debteurs qui sont icy, dont m'avez donné charge d'appoincter avec eulx comme la matière le requiert, nous en avons esté affoulez; car vous cognoissez la condiciori des gens d'icy, lesquels nous ont traictez de ceste sorte de menasses et de rudes parolles. Et nous ont tellement forcoru que, si j'eusse sceu que l'on eust mené icy telle vie, j'eusse myeulx aymé à porter pierres que d'y eatre venu. Il y a des demandeurs des debtes, arreraiges et promesses qui se disent trestous avoir bon droit pour plus de xvm florins; je croy qu'il y a des bien ruyneuses demandes. Touteffois, ne fussent estez les depputez des cantons qui mesmes m'ont en ce assisté, jamais n'en eusse sceu venir au bout; tellement que par leur

KÉGOC. DIPLOMAT. — H. 67

moyen nous avons contenté lesdits demandeurs, que chacun s'est retiré en son canton pour donner à congnoistre aux seigneurs de leur canton le droit de sa demande. Et fut dit que, à tout lettres et déclaracion de leur demande, en suivant lettres d'aprobacion de leursdits seigneurs, ilz se treuvent le dimanche de Judica en ceste ville, là où ilz trouveront des depputez de par le roy de ses consaulx d'Ysbruch et d'Enghese, avec aucuns qui par cy-devant ont mené lesdits affaires de par deçà de par l'empereur, avec lesquelx iront tous ses demandeurs et appointeront selon qu ilz trouveront la raison avec eulx au mieulx que pourront. Et, sur ce, se sont retirez la pluspart en intencion de retourner et estre à ladite journée. Par quoy ay fait escripre à ceulx de Insbrouch et d'Enghese de pourveoir de gens ad ce duysables pour tenir ladite journée, affin que lesdits demandeurs soyent contentez selon la raison, car autrement il y auroit dangier que quelque inconvénient fust en Tyrol ou Ferrette, comme vouscongnoissez.

Des deniers que m'avyés donné par advis de mes adjoinctz, en ay donné une partie aux principaulx demandeurs qui porroient destourber nostre affaire. Et de tout ce que je desbourse en expouseray et feray tenir registre à celluy d'Ysbrouch que esticy etd'Enghise, et la reste de l'argent laisseray en leurs mains pour servir en ladite journée des debteurs, au dimanche Judica.

Si d'aventure les piétons de Virtembergh ne retournent et ne veuillent hobeyr à leurs maistres, ces gens icy sont prestz, comme vous ay escript, se mectre aux champs et les réduire par force à hobeissance. Par quoy est besoing d'avoir bon regard, car si les villes imperialtes avoient entendement avec lesdits Suysses, ilz pourroient faire un horrible desroy. Et me semble, pour evicter cela, n'y a remède plus propre que le roy donnast quelque argent promis pour une ayde de coste à ceste lighe de Zwave , en laquelle sont la pluspart des villes imperialles, et par ainsi tiengnent tousjours ceste lighe pour luy; ce qu'il sera cause de sa promocion, donnera crainte aux Françhois et aux Zuysses, s'ilz vouloient riens faire aux ellecteun,

tet mectra hobeissance en toutes les Allemaignes. Et ne suis nullement d'advis que Ton souffre faire aucun appoinctement de ladite lighe à celle de Wiertemberg ; car si une fois l'appoincthe se faisoit, la lighe se romproit, et auroient les François plus d'opportunité user de ses trafficques, et les Suysses seroient beaucopt plus fiers et plus durs à manyer qu'ilz ne sont ; et y auroit moindre hobeissance par toutes les Allemaignes; car chacun accouste les horeilles levés, tant que cest lighe soit aux champs.

Messieurs, je vous escrips voulentiers bien et au long mes fantasies, mestant tousjours le tout en vostre correction, vous pryant de tout cecy vouloir advertir le roy par mes ziffres. Et ne luy escrips point, à cause que j'ayme mieulx que vous, messieurs, l'en ad-

vertissez de tout

Je suis d'oppinion , à vostre correction , que ne debvez nullement laisser ne tarder vostre venue, soit àBrisach ou quelque part sur le Rin, si bas où qu'il vous semblera le meilleur; car, comme j'ay tousjours esté d'oppinion, vostre demeure à Ausbourg n'est pas prouffitable pour beaucopt de raisons. Et estans si bas, serez tousjours adverti des finesses des François, ausquelles plus facilement pourrez mectre remède plus près des ellecteurs, et donnerez ordre à ses pays de Ferrette, que pour cest heure sont au plus grant dangier pour les emprinses des François; pourrez donner ordre aux affaires des Zuysses; serez dr oie te ment au millieu pour tousjours avoir Fadvis du roy, beaucopt plus près des Pays-Bas et d'Ysbrouch, et pourrez aussi bien conduire l'affaire de la lighe dudit Brisach que d'Auspurg. Et si faictes difficulté pour les finances et que ne povez habandonner les marchant cTAusbourgh, il me semble que pour cella ne debvez laisser à venir ; car, puisque le roy vous a mandé faire mectre tous deniers es mains du Foucker et Welzer, ilz ont tousjours estez prestz envoyer leurs facteurs avec vous. Par quoy encoires de rechief vous prye, messieurs, bien affectueusement, pour le bien du roy, que veuillez haster vostre venue. Et trouverez M. de Nassau qui viendra celle part; et en nous joyndant par en-

semble pourrons myeulx pourveoir à tous affaires, et evicter beaulcopt d'apparens dangiers. A tant, très-reverent père en Dieu1, etc.... à Zurich, le xxie de mars.

Le tout vostre, etc. Maxihilien de Berghes.

P. S. Messieurs, depuis cestes escriptes, ainsi que les depputez des lighes se sont retirez chacun faire rapport à leur canton, nous nous sommes assemblez vers le cardinal2 pour sçavoir ce qui restoit de faire plus avant, et nous a ledit cardinal dit et exposé qu'il ne veoit remède de parvenir à ces articles par nous exhibez par escript ausdits cantons, si Tonne distribuast à chacun canton secrètement austant de pension par an que est contenu en ce billet icy encloz signé C ; dont avons esté estonnez , et luy avons pryé pour retraicter et pour sur ce délibérer.

Et en effet, nous semble que sommes assez habandonnez, en cas que puissions obtenir les pointz contenuz au billet signé A, d'avoir fait l'oufire de donner à chacun canton vmc florins par an , oultre et par dessus les deux cents florins par an à chacun canton de vieulx pour la lighe héréditaire, sans plus avant donner à secrètes personnes si grandes sommes et telles contenues oudit billet signé G. Et avions remonstré au cardinal que de ce ne vouliesmes traicter sans avoir plus ample charge et sur ce avoir le bon plaisir du roy. Par quoy envoyé présentement par devers vous en poste messire Christoffle Fox , conseiller dlspruch, pour vous declairer bien et au long tout l'affaire mieulx que ne sauriesmes escripre, vous pryant de nostre part le vouloir ouyr et croyre, aussi bien pour jecter et peser l'argent <fue le cardinal conseille donner par an tant en pansions publicques et secrètes, et que après avoir ouy ledit messire Christoffle, lequel de vous se tirera vers ses maistres, à Insbrftch, de tout le devantdit veuillez

1 Ce conseil, siégeant à Augsbourg, se * Mathieu Schinner, cardinal, évêque

composait de Mathieu Lang, cardinal, de Sion. évêque de Gurce, du trésorier Jacques Willinger et du secrétaire Hans Renner.

bien advertir le roy amplement, ensemble luy mander sur tout vostre advis et conseil ; car il ne fault point peu peser procurer si grant somme pour telz articles à telles gens que sont les Suysses, qui sont puissans et si près voysins des successions du roy, tant en Tyrol que en Elsate , et vueillent estre payez sans faillir à leur terme ou invader lesdits pays. Et encoires n'entendent aucunes fois à entretenir ce qu'ilz ont promis que à leur plaisir et bonne oppinion.

Et prenez que soye icy à mon grant regret, en despence énorme, veu que ses gens icy me sont journellement sur le doz par trois ou quatre tables, comme se les heusse pryé, et ne cessent ne nuyt ne jour de demander. Et ne fust la paour d'encourir l'indignacion du roy, et ses affaires s'en pourteroient de pis, je me retireroye en ma maison et y aymeroye mieulx pourter pierres que d'endurer ce que journellement me convient porter de ses belistres et coquins; et les fault adourer comme seigneurs, et encoires ne les peult l'on satisfaire. J'ay accordé, à la requeste de mes collègues et pour le bien de l'affaire, a étendre la responce de ceste prochaine journée de mykaresme. Et sans point de faulte, alors me retireray là où serez, et ne me doubte , comme cy-dessus, que serez descenduz vers Brisach , pour le bien des affaires du roy. Dont et de tout ce que escriprez au roy je désire estre adverty par postes incontinant , pour selon ce me povoir régler, et que veuillez expédier ledit messire Christoffle, si tost qu'il sera possible, affin que, après avoir adverty ses cornpaignons d'Ysbruch, il puisse estre icy à ladite journée, tant pour pourter la parolle que aussi venir accompaigné d'agens des comptes instruictz et pourveuz, pour tenir la journée du dimanche Judica, que est prinse pour contenter les debteurs et demandeurs de par deçà, aussi avoir vostre advis pour me conduire pour la prouchaine journée de my-karesme.