MAX. DE BERGHES AU ROI DE CASTILLE

Les piétons suisses qui étaient au service du duc de Wirtemberg sont rentrés dans leurs foyers, malgré les intrigues des Français. Proposition de l'ambassadeur de France aux cantons suisses. Réponse de ceux-ci. Les cantons ont écrit au pape et aux électeurs, à l'effet d'obtenir pour empereur un prince df Allemagne, mais ils n'ont pas voulu désigner le roi catholique. Les Allemands ne veulent pas du roi de France. Confirmation de la ligue héréditaire. Prorogation de rassemblée à Zurich pour délibérer sur les autres points. On croit que celte prorogation est un moyen imaginé pour obtenir de 1* argent. Départ de M. de Berghes pour Augsbourg. Eloge du cardinal de Son. Recommandation du duc de Bari. ( Copie du temps. )

1 2 avril , à Constance.

Sire, ensuivant ce que par mes dernières avez entendu, comme les* dits cantons estaient délibères ravoir leurs piétons qui estoient allez au service de Wertembergh , et nonobstant les pratiques de l'ambassadeur franchois, lequel besoignoit à force de secrets dons, je les ay tellement practiquez et entretenuz que lesdits piétons sont tous retournez à l'ostel, exceptez les capitaines et doubles payes qui les avoient emmesnez, ausquels la pi uspart messieurs des cantons prendent journellement leurs biens, et nommément a ung Everlin von Rynschalch, qui a mesné tout l'affaire des Franchois et du duc de Wertembergh , dont toute i'embusche a esté descouverte par plusieurs lettraiges qui ont esté trouvez en la maison dudit Everlin , et à quelle fin tendent l'entreprinse dudit de Wirtembergb , et comme le tant estoit fait par inhort des Franchois, et en effet, comme je puis entendre, estoit le tout pour faire parvenir le roy Franchois à l'empire.

Ledit ambassadeur franchois, estant icy* par sa credence a exposé aux cantons comment son maistre n'avoit oneques , ny d'argent ne d'autre sorte, secouru ou assisté le duc de Wertembergh, et que

de ce ilz se tinsent seurs; dist en outre que vray estoit que des plus grans de l'empire il avoit esté requis vouloir entendre et faire diligence de procurer la couronne imperialle; et combien qu'il pourjettoit bien que ce ne luy seroit que paine, travail et grande despense , et qu'il se contentoit de son royaulme, neantmoins, à l'instance desdits princes de l'empire, et pour raisons que lui mettaient au-devant, principalement de la tuition de la chrestienneté et de tenir le saintempire en honneur, dont il avoit voulenté, povoir et eage compétent plus que nul autre prince chrestien, il estoit résolu et délibéré par voyes amiables entendre audit empire et le practiquer de tout son pouvoir, sans y espargner le sien ny de ses amis; et se d'aucuns fussent advertiz qu'il y pretendoit par force ou armes, n'y vouloir adjouter foy; car il n'entendoit que au bien de la nation germanique, et principalement d'eulx ses confederez et amis , leur priant pareillement en ce luy vouloir porter faveur et assistance, comme il en avoit sa confidence en eulx.

Sur quoy lesdits députez des cantons , tant par ce que dist est comme autres apparences qu'ils veoient journellement, sachant icelles estre contraires aux parolles dudit ambassadeur, luy ont donné pour response en substance : quant au premier point de Wertembergh, qu'ils estoient assez advertis que le roy l'assistoit ; neantmoins il en pouvoit faire son plaisir : mais quant à eux, ils avoient révoqué leurs gens qui sans leur congié estoient partis, à cause des estranges courses du monde , et principalement pour ce que ledit de Wirtemberghe estoit contre les membres de l'empire, contre lesquels ilz ne se vouloient mettre.

Quant au point de l'empire , luy dirent qu'il leur convenoit parler franchement k luy, car ils ne pouvoient ny vouloient souffrir que l'empire allast en autre main que d'un prince des Allemaignes; et que anchois le roy de France ou autre prince estrangier y parvinst, ilz mectroient en dangier corps et biens, comme ils estoient conclus avec la lighe de Swave et autres membres desdites Allemagnes, et prioient à son maistre se vouloir déporter du pourchas

dudit empire, fust par amour ou par force, ou dès maintenant luy annonchoient toutes amitiés et alliances falliez, et qu'ils avoient telles charges de touts leurs maistres uniformément. Ledit ambassadeur, veant qu'il n'obtiendroit autre chose , leur demanda avoir sa réponse par escript, ce que luy a esté accordé bien et au long, en une lettre close selon la substance susditte, et plus tost plus que moins, et font fait partir d'ung partemënt bien estrange et soubit, ayant perdu son argent sans riens profiter. Il avoit, à force de dons, gaigné tout plain de gens pour faire mettre ceste journée ou autre prochaine à Berne, Lucern ou à Tzough , là où il esperoit tourner tout ce que j'avois fait, et principalement avoit pratiqué de rompre ou dilayer la lighe héréditaire, ou du moins y mettre quelques brouliz; à quoy.m'a falu obvier et remédier par force d'argent et autres subtilitez, comme bien entendrez cy-après, et sur ce m'ont traisné messieurs icy toute cette sepmaine.

Sire, pour ce que me sembloit que temps et heures faddonnoient, ossy que l'avoy en charge de messieurs vos amis, j'entrepris d'avoir de messieurs les cantons lettres au saint-siege appostolique, tachant qu'ils voulsissent escripre pour avoir en empereur ung prince d'Allemagne, nommément vostre majesté, qui avez puissance de conserver l'empire en ses haulteur, honneur et prééminence; ossy qu'ils estoient plus tenus à vous à cause de f anchienne alliance et bon voisinage, et, en outre, que le pape desistast de donner faveur et assistence au contraire , principalement au roy de France , pareilles lettres à chacun des électeurs à part, avec parolles et propos à ce servans, et à la fin ay obtenu lettres au pape et aux électeurs chacun d'eulx, comme verrez par les copies que vous envoie avec cestes, qui n'a esté sans grosse coust et propines avant que y ay seut parvenir ; mais ne m'ont volu accorder de nommément designer vostre majesté, pour raison à ce les mouvans; ains me dirent de bouche qu'ils vous tenoient un prince d'Allemagne des plus grands, et que en poviez faire vostre pourchas là où il appartient, comme ne se doubtent que sauriez bien faire.

NéGOC. DIPtOMAT. — II. 53

Et par ainsy j'ay accepté lesdites lettres et icelles à vos dépens envoyé à Rome à leur ambassadeur, lui faisant gracieuse propine et est ossy ung chevalier homme de bien, qui aime vostre partie, lequel devant son partement avoy bien informé, afin que, en cas je obtinse et luy envoiasse lesdites lettres, il suppleisse de vostre part de bouche ce que seroit oublié estre mis par e script, comme me promist de faire, et à ceste heure luy rafrechy de nouveau. Il s'appelle messire Félix Crebel. Se d'aventure pleut à V. M, escripre ou soy aider de lui en court de Rome, je l'ay du tout gaingné à vostre dévotion, ensemble son frère et cousin, lesquelz m'assistent fort par deçà en voz affaires.

J'ai pareillement envoyé aux électeurs à chacun d'eulx leurs lettres par propres messagiers desdits cantons, pour leur donner plus grand efficace, mais à vos dépens; car ces gens icy n'entendent à despendre ny tirer un gigot : ains, quant l'on parle &eulx, faut avoir l'argent en mains, comme se l'on alloit au marché. Et de tout ce que me surviendra de réponse vous en certifieray.

J'ay escript à vostre ambassadeur à Rome avoir l'oeuil et se aydier dudit ambassadeur des cantons , avec le sommaire du contenu desdites lettres, affin que de tant mieux toute chose soit conduite; j'ay fait ossy escripre le cardinal de Syon en Angleterre et en Italie, en divers lieux, la despecbe du François, ensemble les escriptures et voulenté de ces cantons , affin que les gens se tournent à vostre dévotion tant mieux.

Je feray aussy tant que pareilles lettres seront lescriptes par la ligue de Swave au pape et électeurs, nommément en faveur de vostre majesté, et s'il est besoin, au roy de France, comme ils m'ont promis, et les feray addresser seurement, affin que tout le monde voy l'affection que l'on a à vostre majesté, et que les Allemans ne veullent le roy de France , pour mourir. Et l'avarice des électeurs est si grande qu'ils ne prendront point de petit prince qu'il ne sauroit furnir à leur désir: par quoy ne mets doubte à vostre fait, moyennant que

Ton tiengne cette lighe ensemble, et que l'on tiengne les Zuisses en la dévotion où ils sont.

Sire , quant à la lighe , et sur ce qu'ils ont désiré avoir aide de V. M., messieurs vos députez estans à Ausbourg m'ont escript qu'ils besoignent avec eulx et m'en ont demandé mon advis; ce que leur ay envoyé, et ne me doubte que estes ou serez brief adverty de leur resolution et conclusion. J'ay encore cejourd'huy receu lettres des capitaines des villes imperialles et des vostres de la comté de Tirol qui sont aux champs avec ladite lighe, que vous avez toute la noblesse et villes imperialles pour vous, et que ne se doubtent qu'ils trouveront fachon d'entretenir la chose ou même trayn; ce qui fera beaucop de bien à la matière; et de ma part, mettray peine les entretenir comme j'ay fait jusques icy.

Lesdits de la lighe avoient envoyez leurs députez à Zurich vers moy, me remerchiant en vostre nom du devoir que j'avoy fait sur le retour desditz Zuisses, eulx offrant tousjours estre pretz k vous faire service de leur pouvoir.

Je leur diz que avoy charge de V. M. leur faire tout assistance et service à moy possible , saulf qu'ils feissent le pareil et que nostre affaire estait tout ung et que devions assister l'ung l'autre ; ce que me respondirent qu'ils estoient pretz de faire. Et, par l'advis du cardinal et de mes adjoints, sommes allez par ensemble vers messieurs des cantons, et leur feiz proposer par l'ung de ceulx de ladite lighe pour nous conjointement, leur remonstrant les practiques du Franchois et appretz d'armes qu'il faisoit à tous costez, requérant sçavoir quelle ayde et assistence nous auriesmes d'eulx, en cas qu'il voulsist invader les AUemagnes ou troubler l'élection par force. Sur ce nous respondirent qu'ils feroient comme bons et ledulx membres de l'empire; mais ils estoient poures et ne pouvoient supporter grand despens : neantmoins avoient voulenté le deffendre de leur corps et possible , et que k ce l'on voulsist avoir regard. Et ainsy se sont retournez lesdits de la lighe vers leurs maistres, et moy persisté et sollicité d'avoir ma response desdits cantons sur les points proposez en l'autre

journée précédente, laquelle n'ay sceu obtenir finalle; ains m'ont respondu ce que leur ay demandé par escript, comme verrez par le billet que vous envoie avec cestes, qui est copie de celuy qu'ils m'ont baillé, signé, et est en effet.

Quant à la lighe héréditaire, qu'ilz l'acceptent derechief en tous ses articles, priant que nous la veuillons bien et lealment entretenir, et que de leur part feront le pareil. Ils m'ont fort pressé de la reformer d'autre sorte , pour ce qu'elle se réfère à autres traitiez précédents; mais n'y ay volu entendre et n'ay trouvé en conseil d'y riens varier : à quoy sont estez bien mal induisables , mais à la fin s'y sont condescenduz.

Au regard des deux autres points : assavoir la mutue defension, en comprehendant tous vos royaumes , pays et alliez , et qu'ils vous deussent laisser leurs piétons devant nul autre , il estoit vray que sur ce avoient pris ceste journée de respondre, mais n'estoient à présent fournis d'absolute resolution de leurs maistres, et ne leur estoit possible sur ce donner ample response, jusques au dimence après la -Sainte- Croix prochain; et que alors me trouvasse audit Zurich, puis que avoy requis d'y mettre la journée pour raison susdite, combien que leur estoit grief et eussent mieux aimé à Tzouch ou Lucerne, et que lors vous donneroient responce de leurs maistres sur lesdits deux points. Je leur repliquay que estoyt la demouré sur l'espoir et attendant i celle response principalement en ce temps qui court, leur priant derechief que me voulsissent dire lealment, sur quoy me fieroy en eulx, se d'aventure le roy de France voulsist à force entrer en Allemagne, pour vous sur ce arrester. Ils me respondirent que en ce cas. et se entre temps telle chose advenoit, en me trouvant à diligence par devers eulx furni d'jurgent, car d'eulx-mesmes ne povoient porter la despense en cest affaire, ils vous montreroient toute bonne amour et affection ; dont m'a fallu pour ceste fois estre content , veant que n'auroy d'eulx autre chose, leur priant vouloir tousjours demorer en la bonne dévotion et affection qu'ils ont vers vous, et se délibérer de vous donner bonne response à la susdite journée et que me retireroy en vos affaires,

leur laissant deux du gouvernement d'Ysbrouch et deux d'Enghse, .avec un secrétaire que a tousjours accoutumé d'y estre de par l'empereur, lesquels entendroient d'ouyr tous les demandeurs et créditeurs de feu Timperialle majesté, selon qu'ils avoient requis, leur priant de leur part y commettre deulx ou trois pour les assister; car vostre intention n'estoit de payer aucunes debtes ny promesses que ne fussent approuvez par lettrages; autrement les demandes de debtes particulières, pensions et arrérages monteroient plus de xxx0* florins d'or, combien que j'avoy escript que de xvm; mais il en vient journellement de nouvelles , dont ne me doubte que la pluspart sont debtes ruyneuses, et est à craindre que à la longhe, se n'y est mis remède, en viendrait encores plus.

Sire, je leur ay donné charge de regarder, de modérer et appointer avec ceulx qui ont bonnes lettres et sellé, en leur donnant quelque chose maintenant, une partie à la prochaine journée et le résidu à termes les plus longs que pourront prendre , lesquels il faut payer : car la comté de Tirol et le pays de Ferrette sont leurs pleiges, et en défaut de payement y auroit dangier de grand inconvénient et de soy fier que ceulx d'Ysbrouck ou de Ferrette en payassent promptement ung denier, ils se laisseroient plutôt destruire ; et ne s'y faut de riens attendre à eulx.

Le cardinal et mes adjoints sont d'opinion, ossy il me semble à l'euil, que cette retraicte que MM. des cantons ont prise n'est pour autre. chose que pour avoir des pensions particulières, comme ils sont accoutumez d'avoir de tous ceulx qui par cy- devant ont traitez avec eulx, sans lesquelles n'est possible de venir à fin avec eulx, comme par mes dernières vous ay escript. Et à ceste cause n'avions mis les pensions publiques des cantons que à viii° florins chacun canton, là où aviesmes par instruction d'en présenter XVe, outre les 11e que de pieçà l'on leur est accoutumé de payer, car l'on practique mieulx avec eulx à tout pension particulière que ouvertes, veu que ceulx-là sont qui tournent le peuple là où ils veullent; et me semble, à correction , plus duisable donner tant plus de pensions secrètes que

par temps se abolissent, que publiques qui ne meurent, et espérant que brief Ton practiquera avec eulx ces pensions particulières, ils. ont différé la respoose.

Et est ladvis de MM. que, en cas Ton ne leur présente lesdites particulières pensions avant qu'ils prendent conclusion pour response de la journée à venir, qu'il est à craindre que ne l'aurons à nostre contentement, ains tacheront de faire quelques nouveaux broutiez, dont ils se soevent bien ayder quant ils veullent. Et semble audit cardinal et MM. mes adjoints qu'il vouç vault mi eulx, selon la disposition de vos affaires, vous délibérer de payer ladite somme ordinaire publique, et secrète extraordinaire, qui n'excède, comme avez veu par les billets que vous ay envoyé et encores derechef vous envoie, la somme de xxvim florins d'or par an, que d'estre au dangier des troubles que pourraient faire ces gens en vostre affaire.

Sire, se n'en ayez escript vostre resolution, ce que espère que l'ayez fait, je vous prie le haster à diligence, car ces gens icy sont muables et les practiques sont grandes , et ne les porra Ton tenir à l'ostel sinon par ce moyen; vous y adviserez pour le mieulx et manderez vostre bon plaisir.

Je me retire à Ausbourg, comme m'escripvent MM. d'illecq, pour ayder et entendre à la perfection de vos affaires , comme bon y cuide par cy-devant avoir servy, vous priant vouloir ordonner quelquesungs pour tenir la prochaine journée , qui soit furny des choses susdites, ensemble d'argent pour laparpaye des créditeurs, avec autres extraordinaires survenants, du moins d'ung sept ou huit mille florins; car se l'on ne contente ces créditeurs, je ne conseille à nulluy qu'il s'y treuve. Dieu sait de ma part, comment j'en ay esté hanibalé; j'ay mis les choses en bon train, lesquelz il aura legierement à entretenir, et je mettray peine vous pouvoir faire plus de service avec vosdits commis et députez. Moy venu à Ausbourg, vous envoyeray la minute des lettres de la ratification de la lighe héréditaire, car d'icy je ne l'ay point, et ferez bien de la renvoyer sellée, afin qu'il n'y viengne changement; ossy vous plaira à diligence mander à vosdits commis

comment entendez de faire avec les Zuisses, se d'aventure les Franchois venoient, ou de prendre ung nombre d'eulx, comme vous avez escript par vos lettres, ou de leur donner une quantité d'argent par mois, quant ils seront aux champs à tout leurs propres enseignes, ainsy comme vous semblera pour le mieulx.

Il est besoin de haster vostre response ; car il y a danger que le premier qui viendra furny pourrait lever de leurs gens; et à ceste cause me retire vers vosdits commis pour, le cas advenant, devant eu vostre response, sçavoir comment Ton se devoit régler; cependant m'a promis le cardinal de Syon et les autres d'Ysbrouck et d'Enghse, qu'ils regarderont le tout tenir au meilleur tram qu'ils peuvent, et tousjours advertir vosdits commis de ce que surviendra, mais me resciipvent journellement à diligence que je fâche mon extrême devoir vers vostre majesté, que lewr soit donné pouvoir d'accorder lesdites peu* sions secrètes, se l'on veuh avoir irait d'eulx.

Sire, pour vous déclarer en gênerai Testât des vinm florins que j'ay receu de MM. vos commis, pour les distribuer tant en dons pour gaingner amis que contenter les pensionnaires et autres créditeurs* comme furair aux dépens extraordinaires, les ay la pluspart exposez, et laisse la reste es mains desdits d'Ysbrouck , pour d'iceulx faire le mieulx, si -avant que se peuvent extendre, dont eulx et moy feront compte et reliqua à vosdits commis.

Sire, quant à mon traictement, vous m'avez accordé nm philippes pour trois mois d'ordinaire, pour lequel payement j'ai escript à madame vostre tante et ceulx de vos finances d'embas, et ay servi déjà huit mois, sur lesquelles m'ont tant seulement furni inm vin° 1. de x& gros ; et quoi que leur escripve, l'on ne me donne nul espoir, et n'ay la puissance de le débourser ; par quoy, sire, vous prie vouloir avoir regard à mon affaire. Je veulx volontiers faire la peine, mais je ne puis plus avant, se par V. M. n'y soit pourveu. Vostre plaisir sera ordonner à vos commis de par deçà me payer mondit traictement; je fay par tout le mieulx et là où nulz des autres et où le dangier est ne veulent aller. 11 faut que je voye etsoye leur varié, ou autrement

vos affaires s'en porteraient de pis. Je mectray peine vous lealment servir, et y despendray le mien davantaige , espérant, quant serez parvenu à vostre intention, que me laisserez retourner à l'ostel.

Sire , je ne puis laisser de vous escripre l'affection que le cardinal de Sy on porte à vostre majesté, car il y va de vray cueur . Il faut que vous ayez regard qu'il est poure, et que Ton luy a pris tous ses biens pour ce qu il ne veut condescendre à la dévotion des Franchois; et sans nulle faute, à ce que je le treuve. disposé, il est homme pour vous faire quelques jours grant service. Je luy ay donné mil florins d'or, que Villingher luy envoie de par vous, et solliciteray audit Villingher et voz autres députez les autres mil que luy avez escript; car, sur ma foy, c'est un leal personage, et il y a pitié à son cas, se par vous n'y soit remédié, et croy qu'il le deservira bien. Et quant vostre plaisir seroit et le temps l'ordonnast de vous en servir en vos affaires, je vous promects que je ne voie gaires de vos serviteurs qui sont sy propices que luy.

Sire, je vous recommande ossy le duc de Barry1, qui depuis la mort de l'empereur n'a riens eu que 1111e florins, lesquels MM. vos commis luy ont donné, et ceulx d'Ysbrouck le laisseraient plustost morir de faim que luy donnassent ung gros. Et vous plaira avoir pitié d'ung si honnest prince ; car, sur ma foy, il y a bien à dire à l'autre 2, et ne me doubte qu'il vous fera quelque jour service. Les Zuisses ont grande dévotion à luy et y a beaucop d'amis, et en temps et lieu l'on se polroit bien servir de luy. Il vous plaira luy ordonner le gracieulx traictement que l'empereur, cui Dieu absoille, luy faisoit, car autrement il ne luy est possible de vivre bonestement. Par le médecin du feu l'empereur, qui va présentement vers vous, vous entendrez le remanant plus avant. Escript à Constance

1 François-Marie Sforce , frère de Maxi- de Maximilien Sforce , qui avait eu la lâ-

milien, duc de Milan, à qui il succéda en cheté d'abdiquer à prix d'argent, et qui

i5ai. finissait honteusement sa carrière en

1 Zevenberghe veut sans doute parler France.