MARGUERITE D'AUTRICHE ET LE CONSEIL PRIVÉ AU ROI DE CASTILLE

Nouvelles diverses. Bonnes dispositions du roi de Danemarck. Nouvelle prorogation de la trêve de Frise. Demande de subside aux provinces. (Minute.)

12 avril, à Matines.

Sire , quant au cardinal de Syon, que nostre sainct-pere ne veult déléguer pour soy trouver à la journée de l'élection , V. M. ha bien employé les mil florins d'or que luy avez fait délivrer; car nous entendons qu'il prend grosse paine à praticquer et entretenir les Suysses à vostre devocion, et mesmes a esté cause de faire retourner les ceulx qu'estoyent allez au service du duc de Wurtemberg; et nous semble, sire, que, pour l'entretenir en son bon vouloir, vostredite majesté feroit bien de luy ordonner quelque pension ou le pourveoir de quelque bon beneffice dequel il se puisse entretenir; car il est fort poure et diseteux, et, sans avoir provision la nécessité le pourrait contraindre à sercher pasture. Nous avons escript à Jonglet1 de voloir solliciter que le roy d'Angleterre le vueille de sa part envoyer à ladite journée de l'élection à vostre faveur. Ledit Jonglet a par diverses fois escript à moy vostre tante qu'il ne luy estoit possible de plus demourer en Angleterre, tant pour l'indisposition de sa personne que pour autres raisons, requérant permettre qu'il s'en puise revenir, et si m'en a fait très-instamment parler par le conte de Homes. A ceste cause, et que le cardinal (Wolsey) a dit avoir les affaires de V. M. en telle recommandacion qu'il n'est besoing que le-

1 Jean Jonglet, seigneur des Maretx, et il en revint le 7 mai suivant. U lui fut

conseiller et maître des requêtes ordinaire alloué, pendant ce voyage, une somme de

du roi de Castille, aux Pays-Bas , avait été six livres (monnaie de Flandre) par jour,

envoyé en Angleterre, le 1 g janvier pré- Compte de la recette générale des finances,

cèdent, «pour aucungs grands affaires se- année i5ig, fol. 219 et a4icrets qui touchoient grandement le roy, ■

NÉGOC. DIPLOMAT. — II. 54

dit Jonglet face plus long séjour audit Angleterre, nous luy avons escript qu'il s'en peult bien revenir; mais si nous semble-il sûr que y devez envoyer quelque bon personnaige, soit de par delà ou d'ailleurs , pour y résider au lieu dudit Jonglet.

Sire, le conte de Ticion est icy venu, et ensuivant le contenu de voz lettres luy avons parlé d'y aller. Il nous a dit qu'il feroit ce qu'il plairoit à V. M. , mais qu'il desiroit premièrement vous aller faire la révérence et remonstrer son affaire. Il n'avoit point ung gros pour faire son voyage , et nous a Willingher escript qu'il luy est deu de reste, des gaiges et traictemens qu'il avoit de feu l'empereur, quelque somme de deniers, et que luy voulsissions faire délivrer quelque chose sur ledit reste. Par quoy et considérant, sire, qu'il a longuement servy ledit feu seigneur empereur, aussi qu'il est privé et expulsé de ses biens pour ledit service, comme il dit, ceulx de voz finances luy ont fait délivrer la somme de trois cens livres pour aller vers V. M. , sur et en tant moings de sondit deu , et se partira brief. Sire , quant ad ce que V. M. nous a escript de insister que monsieur de Lorraine vous face les foy et hommage qu'il est tenu de faire de le moityé de la terre commune, il nous a semblé estre le meilleur de différer de ce faire jusques après vostre élection; que lors il se pourra mieulx conduyre. Toutesfois, si le plaisir de vostredite majesté est autre, le nous mandant, ferons nostre devoir d'icellui acomplir.

Touchant le sieur de Roghendorff, il est présentement sur les frontières de Hollande et de Fryse pour, avec le sieur de Wàssenaire, prendre garde et seurté , tuicion et deffense desdits pays. Quant il sera revenu vers nous, luy declairerons ce qu'il vous a pieu nous escripre en sa faveur, qu'est chose bien méritoire; car c'est ung bon personnaige et qui s'est très-bien acquité en vostre service.

Sire, par vosdites lettres nous escripvez que entretenions les trois faulconniers de feu l'empereur, que Dieu absoille, jusques ayons nouvelles de V. M. Lesdits faulconniers sont icy en nombre de sept et demandent estre traictez chascun à dix florins d'or par mois. Nous

les ferons entretenir tant que nous en aurez mandé vostre bon vouloir et plaisir.

Sire, le roy d'Angleterre a escript à moy vostre tante de vouloir tenir main que le filz aisné de messire Edouart Guilford , chevalier pour son corps, soit retenu au service de monsieur vostre frère, coitome, s'il vous plaist, pourrez vebir par les lettres dudit seigneur roy que envoyons à V. M. avec cestes, pour en faire à vostre bon vouloir et plaisir. Semblablement, sire, vous envoyons une lettre que le cardinal de Gurce, Willingher et Renner, ont escript à moy vostre tante, contenant qu Hz ont fait arrester à Lintz en vostre pays d'Austriche, ung gentilhomme de France qui s'en alloit en Honguerye. Vostre plaisir sera leur escripre et mander ce qu'il vous plaira en estre fait, car nous l'avons remis à vous.

Sire, le roy de Dennemarck, ayant entendu le trespas dudit feu seigneur empereur, nous a fait dire que devions inciter V. M. à poursuyr vostre élection à roy des Romains par tous les moyens du monde, sans y riens espargner, soy offrant vous y donner toute l'assistence qui luy sera possible. A ceste cause, et que le duc de Zassen est son oncle et le marquis Joachim de Brandebourg1 son beau-frere, et que par quoy présumons qu'ilz vouldront bien faire quelque chose à sa requeste, nous avons depesché ung secrétaire de vostre conseil en Hollande , pour aller devers luy le solliciter d'escripre bonnes lettres ausdits duc et marquis en vostre faveur, et de faire à vostredite majesté en cest affere toute l'adresse à luy possible ; ce que nous espérons qu'il fera.

Sire, voz depputez estans à Utrecht pour la prorogacion de la tresve ont escript' à moy vostre tante avoir prorogué derechief la tresve pour huit jours, à commencer du vne de ce mois, et deppuis m'ont escript l'avoir en oultre proroguée pour ung mois, à commencer du jour de l'expiration de celle desdits huit jours, comme si

1 Christiern II , roi de Danemarck, était margrave Joachim de Brandebourg par en effet, par sa mère Christine, neveu de sa sœur Elisabeth, qui avait épousé ce rélecteur de Saxe. Il était beau-frère du prince.

est vostre plaisir, sire , pourrez veoir plus à plain par la coppie de leurs lettres que vous envoyons. Il nous semble , sire , que messire Charles de Gheldres ne taiche que de délayer et trayner ladite prorogacion de tresve jusques il voye ce que ce sera de la journée de Montpelier. Vostre plesir sera, sire, faire faire une fin à ladite journée du différend de Frize, car c'est une chose très-nécessaire pour le bien, seurté et repos de voz pays de par deçà.

Sire, M. de Liège nous a envoyé le double de la finale responce qui a esté faicte par ceulx de Lyege à l'ambassadeur de France qu'estoit vers eulx, lequel double envoyons à V. M. Et pour ce, sire, que congnoissés ledit sieur de Lyege tant enclin et affectionné à vostre service qu'il n'est possible de plus, nous semble que ferez bien d'avoir souvenance de faire praticquer ce que luy avez escript et fait dire, touchant sa pencion, sortisse effect; car il est personnaige qui le vault et mérite.

Sire , selon que par noz autres lettres vous avons escript , pour subvenir à voz affaires de par deçà , qui sont en tel estât que le vous avons envoyé au long par escuyer, nous avons fait particulièrement assembler les gens de voz pays de par deçà, ausquelz avons à chascun fait faire certaines demandes pour recouvrer en clers deniers vu ou vin" mil florins, assavoir à ceulx de Brabaant esté demandé cent mil escus; sur quoy les nobles ont consenty leur portion de inim florins de xl gros pièce; les prelas ne veullent venir que à leur cotte de XLm florins ou au plus hault de Lm; et ceulx des villes ont prins retraicte. Par quoy n'y a encoires nulle asseurance dudit accord, mais nous en ferons nostre mieulx et possibilité.

A ceulx de vostre pays de Flandres a esté fait demande de pareille somme de c mil escus. A quoy ceulx de vostre ville de Gand ont consenty à payer en deux années, oultre l'ayde courant qui est bien grant. Et y a espoir bon que les autres villes suyront, car vous avez audit pays pluiseurs bons officiers et mesmement le receveur Pottelberghe, lequel s'employe fort à dresser l'affaire.

Ceulx de Haynnaut, Lille et Namur ont chacun consenty quelque

gracieuse somme, selon leur faculté et puissance, à payer à trois termes, chacun de demye-année, dont le premier terme escherra au jour de Saint-Jehan-Baptiste prouchain venant.

Aussi ceulx de Zellande ont prins jour de rendre leur response après Qaasimodo prouchain venant.

Ceulx de Luxembourg sont excusez à cause que ilz payent le rachat de vostre ?

A ceulx d'Artois n'a esté encores fait aucune demande pour ce que nous trouvons en conseil qu'il vault mieulx atendre l'issue de la journée de Montpellier, à cause que ledit pays est sur la frontière de France, et que pluiseurs qui font l'accord sont serviteurs et officiers du roy très-chrestien.

Sire, en Hollande se fait autre demande, si comme requeste d'anticipacion pour le payement du premier terme du deu du roy de Denemarck et lettres obligatoires pour Lm 1. par an jusques à la parpaye, et si ont nouvellement fait autre accord. De Malines, le xua d'avril avant Pasques

P. 5. — Sire, par lettres que Marnix a escript à moy vostre tante, avons entendu que l'armée de la ligue de Zwave a gaigné deux bonnes villes sur le duc de Wertemberg et fait très-bon exploit; nous tenons que vostredite majesté en sera adverty plus au long par M. de Gurce et autres voz depputez estans à Ausbourg