ARTICLES
D'OMB LIGUE OFFENSIVE ET DEFENSIVE ENTRE L'EMPEREUR , LE ROI D'ANGLETERRE , L'ARCHIDUC FERDINAND ET LE DUC DE BOURBON, FAITE EN JUILLET ET AOÛT 15*3*.
( Archives générales du royaume de Belgique. — Copie. ) Août
Premièrement, ledit de Bourbon jure servir vostre majesté envers et contre tous sans nul excepter ; et accepte dez ceste heure vostre allience et ligue défensive. Et quant au roy d'Angleterre, il s'est ouffert de tous poincts en faire au dit et voloir de vostre majesté , veu la bonne intelligence, amitié et allience estre entre vous deux; et ce moiennant que vous lui donnerez en mariage la royne de Portugal vostre seur, si elle y veuille entendre, si non, madame Gatharine, et la livrerez ou ferez livrer en dedans le dernier de ce mois en la ville de Perpignan , pour illec célébrer la consommation dudit mariage, de donner en dot à icelle la somme de cent mille escus, à paier l'ung tiers dix jours après ladite consommation, l'aultre tiers un an après, et le reste ung an après. Et de la part dudit de Bourbon, ladite dame Eléonore ou Gatharine sera douhée de la somme de quinse mil escus par an, assignez et hipotecquez sur le Beaujunois et aultres terres et seignouries dudit de Bourbon.
Item, a-t-on dit aussi, que vous, sire, marcherez en personne ou
1 Ces articles sont extraits d'une lettre g août i5a3, par Louis de Praet, son adressée a l'empereur, sous la date du ambassadeur en Angleterre.
du moins ferez marcher avec vostre lieutenant une bonne et grosse armée droit à Narbonne, en dedans ledit dernier d'aoust pour le plus tard, soit pour assiéger ladite ville et pour passer oultre en pays d'ennemis.
Item, que ferez tenir prests en nombre de dix mille piétons allemans pour marcher avec ledit de Bourbon, huit jours après qu'il les aura requis; lesquels Allemans seront payez des cent mille escus que lui devez délivrer pour l'entretenement de ses gens ; et le reste sera employé à l'entretenement de ses autres gens de guerre avec lesquels, tant Allemans que autres , ledit de Bourbon marchera incontinent après l'entrée de vostre armée en France , au lieu que lui semblera le plus propice pour mieulx besoigner, de sorte que aurez cause d'estre content de lui.
Item, que le roi d'Angleterre fera descendre deans la fin de ce mois une bonne armée en Normandie , laquelle sera illec assistée de par aucuns gentilshommes serviteurs dudit de Bourbon , de tout ce que possible sera.
Item, ledit roi d'Angleterre fournira ausi cent mil escus, comme vostre majesté, desquels deniers ledit de Bourbon ne veult avoir aucune manience, ains est content qu'ils seront distribuez et emploiez seulement au paiement et entretenement desdits Allemans et gens de guerre.
Item, que monseigneur l'archiduc sera comprins en ceste ligue deffensive et offensive avec vostre majesté et ledit roi d'Angleterre, et que tous ensemble, ne l'ung à part, ne ferez aucun appoinctement sans y comprendre ledit de Bourbon.
Item , que pour le danger de déceler cest affaire , et aussi pour la haste qu'il requiert, n'avoit esté possible que aucunes gens de longue robe eussent esté presens à conclure ladite ligue, afin de la mettre en forme de lettres patentes, selon la coustume en semblables choses observée, a esté advisée par lesdits de Bourbon et Beaurin contrahans, de signer pour le présent seulement ledit billet jusques à ce que par ci-après l'on y pourra entendre de meillieur loisir.
S'ensuivent les articles qui se doivent passer entre le roi d'Angleterre
et le duc de Bourbon l.
ier Comme ainsi soit que, entre l'empereur et ledit duc de Bourbon, soit faite certaine promesse et convencion de faire ligue offensive et deffensive contre le roi François et tous ses adherens, le roi d'Angleterre est content que semblable ligue soit faite entre lui et ledit de Bourbon , avec obligacion réciproque de l'ung à l'autre pour l'inviolable observation d'icelle.
2 e Ledit de Bourbon avec ses adherens, amis et alliez assisteront ledit roi d'Angleterre à recouvrer tous les droits, titres, terres, possessions et seigneuries qui sont détenues audit roy d'Angleterre et occupées par ledit roi François.
3e Ledit de Bourbon, incontinent après la descente du roi d'Angleterre ou de son lieutenant avec puissante armée en France, sera tenu non-seulement se declairer ennemi dudit roi François et ses alliez, mais de assister et faire assister icelui roi d'Angleterre et sadite armée en tout ce que leur sera possible.
4€ Ledit roi d'Angleterre descendra en personne ou fera descendre son lieutenant avec bonne et puissante armée fournie d'artillerie et autres municions de guerre, en deans le premier jour de ce présent mois d'aoust pour envahir ledit roi François par le quartier de Picardie, soit pour assiéger villes ou lui donner bataille.
5e Ledit duc de Bourbon promettra assister et faire par tels ses serviteurs , amis et alliez qu'il aura audit pays , l'armée d'icelui roi d'Angleterre en tout ce que lui sera possible ; et en cas que ledit roi François voulsist donner bataille à l'armée d'icelui roi d'Angleterre, ledit duc de Bourbon, avec ses gens de guerre de cheval et
1 Le connétable de Bourbon avait con- cardinal Wolsey, et conservée encore au-
fié k M. de Châteaufort, son chambellan , jourd'hui à la bibliothèque Cottonienne ,
le soin de suivre à Londres cette téné- Vitell. B. V., fol. 18A. Voyez The lifê and
breuse négociation. Cet agent était por- timès cf Francis the firtt, by James Bacon,
teur d'une lettre de créance adressée au I, Ao6.
de pied et les dix mille lansquenets que l'empereur lui a promis faire avoir à son service , à l'entretenement desquels lansquenets ledit roi d'Angleterre est content de contribuer, marchera à diligence pour donner la bataille audit roi François, et le poursuivra de tout son povoir sans aucune dissimulation.
6e Item. Après que les dix mille lansquenets seront au service dudit duc de Bourbon, et qu'il se sera déclaré contre ledit roi François, ledit roi d'Angleterre furnira la somme de cent mille escus d'or pour l'entretenement desdits lansquenets, qui se paieront de mois en mois par gens que ledit roi d'Angleterre commettra pour faire leur paiement.
7e Ledit roi d'Angleterre est content que ladite ligue soit offensive et deffensive entre lui, l'empereur, monseigneur l'archiduc et ledit duc de Bourbon, et que Jesdits seigneurs roi, empereur, archiduc, seront obligez non entendre à quelque appointement avec ledit roi François sans le consentement dudit duc de Bourbon, en faisant lui de sa part le semblable.
8e Et quant à ce que ledit roi d'Angleterre demande que le duc de Bourbon le reconnoisse pour son naturel et souverain seigneur et obligé par son sairement ainsi le faire : ce point seulement sera remis à ce que l'empereur en ordonnera.
9e Et pour ce que pour le dangier, n'a esté possible, du cousté du roi , avoir gens de longue robe , a esté fait seulement ce présent mémoire, jusques à ce que sur le tout sera conclud par lesdits roi d'Angleterre, et empereur, et duc de Bourbon, et lors sera le tout mis en telle forme que sera advisé. Ce neantmoins sera le contenu de tous les dessusdits articles mis pour chacune des parties, pour austant que leur touche, à reale exécution, sans attendre que lesdits articles soient réduits en forme deue par manière de traité1. En tesmoing et foy de ce que dessus , ledit roi d'Angleterre a signé ce présent mémoire le 4e jour d'aoust i5a3.
1 Ce traité fui agréé par le duc de disait être le même que le premier. (Noie Bourbon, excepté le second article, qu'il de la main de M. de WynanU.)