D'ÊTRE NOYÉS SANS R^PIT, DÉPORT OU GRÂCE

(Original) 17 septembre, à Bruxelles.

Marguerite, etc

Très-chiers et bien amez, pour ce qui est venu à nostre cognoissanceque, nonobstant la guerre d'entre l'empereur, monseigneur mon nepveu et le roy de France, pluiseurs religieulx des pays de pardeçà, soubz couleur de religion, s'avancent journelement aler et converser au royaume de France et les religieulx de France venir et converser esditz pays de pardeçà; desirans y remédier, nous vous ordonnons et expressément commandons de par l'empereur mondit seigneur et nepveu faire promptement expédier placcars et iceulx faire publier par tous les lieux de Flandres esquelz on est accoustumé faire publicacions d'ordonnance, et deffence que nul religieulx de quelconques ordre ne aultres prestres ou gens d'église, de quelque estât qu'ils soyent, des pays de pardeçà, soubz couleur de la religion, obédience, visitacion ou autre quelconques occasion, ne s'avencent hanter, converser ou envoyer au royaulme de France, ne ceulx du royaulme de France de venir, enter ou converser esdits pays de pardeçà, à paine ceulx qui feront au contraire d'estre noyez ; et faire procéder contre les transgresseurs par l'execucion de ladite paine sans respit, déport ou grâce. Et qu'il n'y ait faulte. Très-chiers et bien amez , nostre Seigneur, etc. Escript à Bruxelles, le xvue de septembre, l'an xxiu.

Signé Marguerite.

Et plus bas : Du Blioul.

NÉOOC. DTPLOMAT. II. 75

Cette année a commencé à Pâques, 27 mars.