LOUIS DE PRAET À L'EMPEREUR
Entretien avec la régente, qui affirme que l'intérêt de l'empereur est de Caire la paix. Elle dit que son fils mourra en prison plutôt que de céder la Bourgogne. Elle pense que la paix pourrait se conclure moyennant un double mariage. Elle supplie l'empereur de faire connaître ses intentions formelles , sans laisser languir ainsi son prisonnier. De Praet conseille à l'empereur de ne relâcher le roi qu'à toute extrémité. fi faut ou le traiter si mal qu'il ne puisse plus nuire, ou le traiter si bien qu'il né veuille plus nuire. Développement des conseils de cet ambassadeur. Il parait que le pape et le roi d'Angleterre vont agir fortement pour la délivrance du roi. La régente insiste sur les droits de M. d'Albret au royaume de Navarre. Dispositions pour k délivrance du prince d'Orange. On n'obtiendra pas la renonciation de M. d'Albret. Affaire du duc de Ferrare. H. de Brion est député vers l'empereur pour lui déclarer que le roi est déterminé a mourir en prison et à faire couronner le dauphin plutôt que de céder la Bourgogne contre son honneur. ( Archives générales de Belgique. — Copie. )
14 novembre, à Lyon.
Sire, je receuzhier, par Anthoine de Taxis, les lettres qu'il vous a pieu m'escripre du ijc de novembre, et quant à la responce de celles que m'avez escript par deux courriers, j'ay despeschié par deux divers messagiers, dont l'ung, comme je tiengs, est de ceste heure devers vous et l'autre y sera ennuyt ou demain, par lesquelz entendrez les nouvelles de par deçà.
Quant au saulf-conduyt de l'armoyeur d'Ausbourg, pour non retarder le voîage dudit Taxis, je ne le luy ai fait boulter, ains le sol-
1 Charles épousa, le 10 janvier i5a5- Castille, sa seconde femme. Elisabeth, i5a6, Elisabeth ou Isabelle, fille d'Em- née le 4 octobre i4o,3, mourut le i" mai manuel, roi de Portugal, et de Marie de 1539.
liciterai de sorte qu'il sera prest avant ledit armoyeur soit près de ceste ville, car, selon que m'a compté ledit Taxis, la venue dudit armoyeur est encoires incertaine.
Touchant la maladie du roy, j'en advertys hier madame la régente, et suis entré en plusieurs propoz avec elle, et de faict me dyt avoir esté advertye par lettres de madame d'Alençon datées du penultiesme du mois passé, comme ledit seigneur roy se portoit assez bien, et davantaige qu' elle esperoit que avant vostre allée vers Seville, quelque nouvelle et bonne ouverture se feroit, et de fait se monstra estre en merveilleusement bon espoir , rentrant derechief aux mesmes propoz de tous jours en termes gêner aulx, alleguit aussi plusieurs raisons pour lesquelles vostre majesté debvoit désirer l'amytié du roy , tant pour vostre couronnement à Romme que aussi pour crainte des Anglois, car ne luy peult sembler que le roy d'Angleterre ne pregne de mauvaise part la rompture du mariage d'entre vous et sa fille, etpluiseurs semblables devises, demonstrant bien, sire, avoir gros espoir en ladite alliance d'Angleterre; sur lesquelles luy replicquay que vostre intention estoit de en recouvrant Bourgoingne et ses dépendances demeurer ce neantmoings amy, en tant que en ce ne luy ostiez chose que ce ne fust vostre bon droit, et quant au courroux que le roy d'Angleterre auroit de vostre mariage en Portugal, luy dys que ce n'estoit chose où elle se deust fonder, ny penser que entre vous et ledit roy d'Angleterre eust quelque mauvaise intelligence, car ce que vostre majesté en avoit fait n avoit esté au desceu dudit roy d'Angleterre, et que vostre magesté estoit avec luy en aussi bonne amytyé qu'il avoit jamais esté.
Surquoy ladite dame ne me replicqua riens, sinon quant à la redicion de Bourgoigne en la façon que vostredite magesté la demande, qu'elle tenoit fermement que ledit seigneur roy son filz ne s'y accordera jamais, et plustost morra en prison, et puis tumba derechief sur ce que l'on polroit en ce cas bien trouver quelques bons moyens à l'honneur de tous deux, mesmement #n haillant madame Eleonore vostre seur en mariage audit seigneur roy, et davantaige faisant ung
mariage de sa fille et de monsr le Dauffin, par lesquelles alliances vous et ledit seigneur roy polrez honnestement transporter vostredit droit auxenfans qui descendroient du dit mariage, selon que ne doubte vostredite magesté aura entendu de pieça par les ouvertures faictes par ladite dame d' Alençon. Et pour conclusion , sire , elle me prya vous remercyer humblement du bon traictement que faisiez audit sieur roy son filz , et pryant y voulloir continuer , et mesment ne luy oster ladite dame d' Alençon durant sa malladye, ains luy octroyer nouveau sauf-conduyt, en suivant le contenu de mes lettres précédentes; vous suppliant aussi de, en cas que vostre magesté ne soit résolu de encoire laisser partir son filz de prison, le voulloir declairer expressément et ouvertement, sans le laisser ainsi languir entre espoir et doubte. Je luy respondis, sire, que quant au bon traictement pour la sancté du roy, vous n'y espargneriez riens, et quant au sauf-conduyt, que volontiers vous en ^dvertiray; luy donnant toutesfois bien à entendre que la principalle guerison du roy gisoit en sa délivrance, laquelle estoit en son pouvoir en venant à la raison. Et touchant le delay dont elle avoit parlé , luy remonstray qu'il ne procedoit de vous, ainsi qu estoit tout notoire, veus les raisonnables termes où vous vous estiez mys , et en effect qu il estoit audit sieur roy et elle de le délivrer de brief de prison, et avec ses propos et aucuns aultres touchans à monsieur le prince , et dont cy derrière sera faicte mencion, me departys d'avec ladite dame. Et pour vous dire-, sire, mon petyt advys, je demeure tousjours d'opinion que vostre magesté doit bien penser avant que laisser partir le roy, et se doit traicter en lune des deux extremitez : assavoir de mectre luy et son royaulme si bas que par cy-après il ne vous puisse grever, ou le traicter si bien et en faisant avec sa personne sy estroictes alliances, que à jamais il ne vous veulle mal faire. Et en cas que le premier desdits moyens vous semble non faisable, tant pour avoir perdu l'ayde des Anglois, que aussi pour la disposition d aultres voz affaires, et que le second ne vous semble assez asseuré ny aussy bien conduisable pour aultres respects, encoires vauldroit mieulx tenir ledit roy prisonnier
NÉOOC. DIPLOXAT. — II. 80
pour quelque temps, que de le laisser aller à demy content ; car fait à doubter, et je me aperchois aucunement, que, luy venu en son royaulme, il trouvera assez de ceulx qui lui conseilleront de soy vanger de la honte qu'il a receu, et tant qu'il sera en prison et qu'il ne vous veulle rendre Bourgoingne, ce que je croy fermement qu'il fera, quoy qu'il tarde, et que avant que laisser partir d'avec lui ladite dame d'Alençon, pour le moings vostre magesté aura tousjours moyen de tenir en crainte ladite régente et toute sa bende, et généralement tout le royaulme, au moyen de ladite prison. Et à l'aventure que à la longue y naistroit quelque dissention qui vous pourrait porter prouffit, et en cas que ledit seigneur roy mourust en prison, vostre majesté, au pis venir, auroit affaire à rencontre d'enffans, et si se pourroit lors aussi engendrer quelque dissention pour le gouvernement de ce royaulme. Bien est vray que en ce cas n'y auroit espoir de la restitution de Bourgogne, sinon par force, comme nagueres vous escripvis; mais aussi au contraire vostredite magesté auroit loisir de reprendre alliance et vous faire fort durant la mynorité dudit Daulphin, et pendant icelle faire plus aysement vostre voyage d'Ytaiie, et redresser voz affaires d'Àllemaigne, que non pas si ledit roy fiist sorty de prison et demeurast vostre ennemy. Pourquoy, sire, peult sembler, parlant tousjours soubz vostre bonne correction, que quant l'on ne pourra parvenir autrement avec luy à traicté qui vous contente, mieulx vaul droit actendre les hazarts dessus dits, soit de sa longue prison ou de sa mort, que le délivrer et qu'il demeurait puissant et vostre ennemy; car non obstant que toute la généralité de ce royaulme soit pôvre et fort foullé , tant de taille que de mangeries des gens d'armes qui ne sont payez , et la plus part à pied ou si mal montez qu'ils ne peuvent faire grant service, singulièrement pour envahyr les pays d'aultruy , si faut-il considérer que si ledit roy estoit de retour , que ung chascun s'efforcerait de luy faire service, trop plus que durant sa prison; et les tailles montent ceste année, que aux champs que aux villes, à la somme de cinq millions de florins, lesquelles* selon l'advis d'aucuns, à grant peine l'on polra recouvrer.
Autres dient que Ton les reçoit, et que la régente amasse tout cest argent comptant sans nulluy payer et le garde pour ung grant besoing ou affaire que luy pourroit survenir, que seraient, sire, choses trop plus aisées à conduyre lors; soubz umbre du joyeulx retour dudit seigneur roy par deçà, que non pas estant où il est, et par conséquent en peu de temps il seroit derechief en ordre pour vous grever d autre part, comme par plusieurs foiz vous ay escript. L'on se fye icy merveilleusement de f appointeront faict avec les Ànglois, et non sans cause, s'il est tel que Ton déclare par deçà; Ton attend aussi icy ung ambassadeur d'Angleterre etdistl'on que c'est le trésorier de Galaix; je suys aussi adverty par lettres d'Angleterre et de bon lieu que le roy pourchassera merveilleusement vers vous la délivrance du roy de France, que me fait croire que le pape fera le raesme par l'enhort dudit roy d'Angleterre et du cardinal, auquel il n'ose desobeyr, et peult-estre que ce soit esté l'une des causes qui ayt fait aller Grégoire Casai d'ycy à Romme , pour conduyre sa sainteté à ce faire. Il semble aussi à oes seigneurs de deçà que quelque beau semblant d'amytié il y ait entre le pape et vous, sire, que pourtant il n'y peult jamais avoir ferme confidence pour l'affaire de vostre coronnacion et aultres difficultez, que de tous temps sont entrevenues entre les empereurs et le siège apostolicque ; et par conséquent ilz ont peult* estre espoir de quelque révolte en Italie, d'autant plus que la prinse de Morron est succédée ; et sy ilz voyent en quelque part la chose en bransle , fait à supposer qu ilz l'ayderoient à pousser, du moings secrètement et par succours d'argent aux Suisses ou ailleurs, que sont toutes choses à son advantaige, et auxquelles vostne majesté peut avoir regard. Et velà, sire, quant à ce propoz.
Quant au fait de monsieur le prince1, et l'eschange de monsieur d'Albret 2, madame la régente a envoyé devers moy son chancellier et aultres du conseil dudit seigneur, lesquelz m'ont fait pluiseurs re-
1 Philibert deChalon, prince d'Orange, * Henri d'Albret, roi de Navarre, fait
fait prisonnier sur mer en i5aA. prisonnier à Pavie.
monstracions touchant le droit que ledit de Labret a au royaulme de Navarre; aussi que nulz royaulmes se peullent renoncer, et que ores qu'il eust fait ladite renonciation, si seroit-elle de nulle valeur et constrainte, et du moings ne seroient tenus ses frères maisnés à l'entretenir, et pluiseurs aultres propoz sur lesquelz je replicquay en brief ce que me sembloit servir à vostre droit; mais la parfin fust telle que volontiers ilz advertiroient ledit roy de Navarre de ladite renonciation , croyant neantmoings fermement qu'il aymeroit trop mieulx morir en prison que de faire telle honte à tout son lignage ; qui fust le département d'entre eulx et moy.
Et quant au fait particulier de mondit sieur le prince , j'en ai parié par diverses foiz à madame , et aussi au trésorier Robertet, qui a grant crédit et se demonstre avoir grant désir à l'union d'entre vous et le roy son maistre; et ay tant fait que madite dame a veu ledit sieur et luy a tenu des meilleurs propoz du monde , sans toutesfois luy avoir voulu souffrir d'aller devers vous ny aussy le mectre sur sa foy, mais bien luy a donné congié de vous envoyer ce porteur pour vous advertir de son estât. En effect, sire, je trouve ledit seigneur merveilleusement affecté à sa délivrance, et non sans cause, car il est logié en ung très-mauvais et très-mauplaisant lieu, et despend ung merveilleux argent tant à des gardes que Toutesfoiz, quant à ce point,
madite dame m'a ce matinpromys de y faire bouter ordre; et d'autre part luy semble que, si vostre magesté et le roy ne s'appoinctent, qu'il sera taillé de y faire long séjour; et à la vérité je m'aperçois bien qu'il n'est guieres en grâce de ladite régente , et que ce peu de bons tours qu'elle lui a fait ces jours passez viennent de crainte qu'elle a de vous desplaire, car je luy ay bien donné à entendre que ce vous serait gros plaisir que ledit seigneur prince fust d'elle bien traicté. Parquoy, sire, ledit seigneur envoyé ce porteur par delà, comme dit est, pour vous supplier de ce que s'ensuyt, selon qu'il m'a compté. Premièrement, que pour les services qu'il vous a fait et espère encoires faire, il vous plaise entendre à la délivrance du sieur de Labret, en délaissant à part la renonciation de Navarre, et que au lieu d'icelle,
vostre magesté soit contente que ledit de Labret soit délivré de prison en payant au marquis de Piscaire la rençon telle qu'il a convenu, et en faisant tant vers madame la régente que ledit seigneur prince soit délivré sans payer aucunne rençon, auquel point luy semble polront bien venir ledit de Labret et ceulx de son conseil, et ores qu'ilz n'y voulsissent venir et qu'il faillist qu'il payast quelque rençon, il vous supplie me donner pouvoir de l'accorder telle que luy-mesme advisera et se sentira puissant pour payer, afin que pour peu de chose sa délivrance ne soit retardée. Et à son advis, sire, en ce faisant, vostre majesté l'obligera à jamais et de plus en plus à vostre service, auquel je vous assure il se demonstre avoir merveilleusement envye; et en cas que vostre magesté ne veulie entendre à la délivrance du sieur de Labret en la forme susdite et sans ladite renonciation, il vous supplie, sire, qu'il vous plaise du moings prendre son affaire à cueur et tant faire devers le roy et ladite dame d'Alençon, qu'ils en escripvent par deçà à ladite régente, afin qu'il puist venir par devers vous sur sa foy, ensuivant la promesse que ledit roy vous en a autrefois faicte, et que pour solliciter ceste matière il vous plese despecher en poste vers ladite régente ung gentilhomme de vostre chambre, le sieur de Boussu1, ou autre ayant lettres de vostre magesté à ladite régente ung petit roydes et fermes et au demeurant charge expresse de ceste matière, et mesme de non bouger d'ycy sans vous ramener ledit seigneur prince en la forme que dit est, ou que ladite régente vous en ay fait reffus, ce qu'elle ne fera jamais, à son advis, et ne vous osera desplaire. Pour vous escriprc, sire, mon petit advys sur les deux pointz dessusditz , nonobstant que ce soient matières qui passent mon entendement et que vostre magesté cognoit mieulx ledit seigneur prince et le service qu'il vous a fait et peult encoires faire que je ne vous sçauroye descripre, toutesfois, quant au premier moyen cy-dessus escript, peult sembler que ladite renonciation , de
1 Jean de Hennin-Liétard, seigneur, et de la chambre et grand-écuyer de l'empedepuis comte de Boussu, en Hainaut, reur, etc., mort à Boussu, le 12 février chevalier de la Toison d'or, gentilhomme 1 56a.
quelque sorte qu'elle soit faicte , ne vous donnera au royaulme de Navarre aucun droit davantaige que y avez ny envers Dieu ny les hommes, car tousjours il sera notoire qu'elle aura esté faicte par contraincte, et fault espérer que, avec l'aydedeDieu et la puissance qu'il vous a donné, qu'est aujourd'huy le principal poinct qui conserve les princes et leurs royaulmes, nul le vous ostera et d'autant y aura moings d'apparence si le roy de France vous promet de ne luy porter nul ayde ny faveur. Et n'y voy que une difficulté, c'est que à l'adventure les Espaignes prenderoienl de fort mauvaise part que ledit de Labret eschappast sans passer ladite renonciation, et que pour ce vostre magesté y vouldra persister plus pour le contentement de voz subgectz que pour chose qu'elle sera de grant effect. Et quant au second moyen , je le trouve très-bon et avez meilleur moyen de constraindre le roy et ladite régente à vous complaire maintenant que jamés, puisqu'elle vous fait requeste de prolonger le saulf-conduit de madame d'Alençon, comme cy-dessus est déclaré, et servira fort bien à propoz que vostre magesté en parle par affection au sieur de Bryon, quant il vous fera la requeste de ladite prolongation. Mesment, sire, sera fort bon ausei que vostre magesté envoyé par deçà ledit sieur de Bossu ou aultre instruit comme dit est; car, en ce faisant, madame la régente cognoistra d'autant plus la bonne affection que portez envers ledit seigneur prince, et de ma part l'ayderay de l'addresser en tout ce que polray. Vostre magesté par sa prudence sçaura bien choisir le meilleur desdits moyens, ou aussi quelc'un aultre tel qui sera convenable pour la briefve délivrance dudit seigneur; mais, en cas que vostre magesté soit résolue sur le premier moyen, fauldra quant et quant ordonner par lettres au marquis de Piscaire de, après avoir receu la rençon dudit sieur d'Albret et aussi lettres de monseigneur le prince et de moy, de sa délivrance hors de prison , il face incontinent sortir ledit de Labret et le mettre à son délivre, affin que par plusieurs renvoiz le temps ne se perde et quelque aultre chose ne entreviegne que recule ledit affaire. Et velà, sire, ce que me semble en brief de ladite matière, remectant le de-
meurant à ce que cedit porteur vous dira de bouche par le commandement de monsieur le prince.
Au demeurant, sire, je tiengs vostre magesté avoir bonne souvenance de ce que par mes dernières lettres escripvis du fait du duc de Ferrare. Depuis n'en ay oy parlé ung seul mot, sinon que hier soir vint vers moy ung sien secrétaire qui s'est tenu tous ces jours passez en ceste court, et me monstra lettres dudit seigneur duc, par lesquelles luy commandort soy trouver vers moy et m'advertir comme le seigneur duc avoit esté adverti par le duc de Sesse que ses ambassadeurs estant vers vostre magesté luy avoient de pieçà despesché ung courrier avec responce de vostre bon plaisir sur son allée en Espaingne ; et voyant qu'il ne povoit itnpetrer sauf-conduyt de madame la régente pour passer par terre , et qu'il n'avoit encoires nulles nouvelles dudit courrier, il se tenoit pourasseuré qu'il fust détenu en quelque lieu de ce royaulme. Parquoy, par l'advis dudit duc de Sesse et marquis de Piscaire, mesment considérez les broullys que se commencent à eslever en Italie, il s'estoit rethiré de Savoye vers sa maison, me affermant neantmoings que, sachant vostredite resolucion sur sondit voyaige, il se mettroit incontinent en chemin, voire par la mer si le chemin de terre luy estoit denyé, me disant au surplus tout pkin de bons propoz touchant l'envye qu'il a de demeurer vostre leal serviteur. Je luy demandois quelle nouvelle il y avoit d'Italye; sur quoy me respondit que, à son advis, le pape et les Veneciens avoyent quelque emprinse en trayn qui vous pourrait porter grant dommaige. Vostre majesté cognoit trop mieulx telz affaires que moy et ce que en peult estre la vérité; par quoy m'entiendray à tant.
Je ne veulx aussi, sire, oblier de vous escripre comme monsieur de Bryon m'est venu veoir à ce matin , ainsi qu'il estoit prest à parr tir, et en somme m'a dyt qui s'en va devers le roy , et qu'il croit que, incontinent luy estant arrivé , ledit seigneur roy l'envoyera par devers vous pour vous supplier de declairer ouvertement si, sans la restitucion de Bourgoingne en la sorte par vous proposée, n'estes délibéré de le délivrer. Et en cas qu'il vous sente résolu en ceste opinion, il
vous suppiira de luy assigner quelque lieu où le vouldrez tenir prisonnier la reste de sa vie, et aussi quelles gens et de quel nombre vouldrez laissier pour servir sa personne. Et, ce fait, fera couronner le Dauffin, et se délibérera de user ses jours en ladite prison plustost que de faire chose à rencontre de son honneur, y adjoustant que ores qu'il voulsit, si ne sçavoit-il comment il le polroit faire, et pluiseurs semblables propoz touchans sa maladie, et que, à son advys, la fin d'icelle seroit l'ydropisie. Je luy replicquay ce que me sembloit servir au propoz, me demonstrant fort affectionné à la paix, ainsi que à la vérité je suys, moyennant qu'elle se puist trouver bonne et seure; tant que en la parfîn il me dist que selon la loy de France, ladite duché de Bourgoingne estoit au roy , et que selon noz coustumes elle vous appartenoit; et sur ce departist de moy et s'est desjà mys en chemin pour parfaire sondit voyaige. Depuys ce, j'ay parlé à ladite dame régente, qui m'a tenu les meilleurs propoz du monde et pareilz à ceux que desjà par pluiseurs foiz vous ay escript, et m'a derechief dit qu'elle espère quelque bonne fin ; car le roy est par delà, et sa fille a toute puissance pour traicter bien grosses choses, et que, de vostre part, elle a mys toute sa confidence en vostre bonté; m'a dit aussi que le marquis de Piscaire est malade à mort1, et que le phasteau de Mylan n'est plus enclozdevoz gens, comme il a esté; aussi que merveilleuses choses se demeneroient en l'Ytalie, si elle y vouloit prester oreille, ce que non, sur espoir de bon traictement que ferez audit seigneur roy son filz. Je luy ay respondu à tout le plus gracieusemeht que aypeult; car, en suivant le contenu de mes penultiesmes lettres, je suys bien asseuré qu'elle désire plus la délivrance du roy que nul autre, et que, si vostre magesté parvient jamais à la redicion de Bourgoingne par voye de traicté, se sera par son pourchast et de ceulx qui se pourtent d'elle. Et pour ceste raison et autres par ci-devant vous
1 Ferdinand d'Àvalos, marquis de Pes- Milan, comme auteur d'un complot dont
caire t mourut en effet dans les premiers Pescaire lui-même avait été le principal
jours de décembre, après avoir dénoncé instigateur, et livré Jérôme Morone, chancelier de
ay escript, vostre majesté durant le temps de ces traictez ne se doit, à mon ad vis, adresser en ce royaume à autre que à elle, et à la vérité il n y a de quoy. Et aussi si la paix se peult trouver entre vous et le roy, ce sera bien fait de prendre quelque bonne intelligence avec ladite dame ; car c'est chose toute asseurée qu'elle aura plus de crédit vers ledit seigneur roy qu'elle n eust jamais. Et , à la vérité , elle Ta bien servy depuis sa prison, et à ce que je voy, ne fust sonauctorité et son sens, les choses de ce royaulme ne se porteraient pour le présent si bien qu'elles font; car, d'autant que mon petit entendement le peult comprendre, je n'ay jamais veu gueres personne si bien parler et entendre les affaires d'estat, ny aussy porter ses re~ gretz avec si grande constance quelle fait, Et à tant, sire, en me re^commendant, etc. De Lyon, le xiiij* de novembre i525.
Sire, depuis ce que dessus escript, ay eu nouvelles du capitaine Sucre , lequel vous supplie très-humblement prendre à cueur sa délivrance, et me mande qu'il se tient pour bien adverti que le pape et les Veneciens ont eu quelques secrètes practiques ensemble sur les affaires d'Ytalie, et les ont cuydé mectre nagaires en exécution au domaige de vostre majesté. Puisque ledit Sucre le m'a mandé, je n'ay voulu (négliger) de le vous escripre^car ce sont choses d'importance, d'autant plus qui prendra regardt aux parolies que la régente me dit hier, et mesmes de l'extrême maladie dudit marquis de Piscaire, laquelle vous pourrait pourtergrantdommaige; il vous plaira prendre à cueur l'affaire dudit Sucre et aussi dudit prince ; car, si la mort dudit marquis advenoit, il y aurait dangier que ledit sieur d'Alebret ne trouvast moyen d'eschapper par quelque voye sinistre l.
Vostre très-humble, etc. Lots de Praet.
1 C'est ce qui arriva en effet, Henri eu lieu le 16 avril i5a5, comme le pré-
d'Albret parvint k s'évader, en prenant tend M. Gènin , Lettres de Marguerite d'An-
les habits d'un page qui partageait sa cap- gouléme, I, 33. Il est plus naturel de la
tivité. Mais cette évasion ne peut pas avoir reporter au mois de décembre suivant
NÉGOC. D1PLOIUT. — II. 8l
NICOLAS PERRENOT k MARGUERITE D'AUTRICHE.
Affaires des Pays-Bas. Persistance de l'empereur à avoir la Bourgogne. Propositions des ambassadeurs français. ( Archives générales de Belgique. — Copie. )
15 novembre, à Tolède.
Madame, je vous escrivis dernièrement une lettre par Richard Boulengier, assez prolixe et faitte à plusieurs fois, pour la difficulté des postes et selon que les choses sucoederent et changèrent, et encore font d'instant à autre. Et avant de depescher ledit Richard, depuis ai recouvré par escrit les réponses sur tous points et articles des instructions dressées sur messieurs de Praet et vicomte Hannart, telles que me furent baillés et autres depuis apportés par ledit Richard. Et voiant que n'y avoit meilleur apparence de paix» et encores que le partement de l'empereur avoit esté résolu pour le quinse de ce mois pour aller à Seville, parlai vendredi passé à S. M. de vos particuliers affaires; ce que, selon vostre ordonnance et conformément à l'avis des seigneurs de par deçà, j'avois toujours différé; lui suppliant le vouloir accorder, et faire depescher, et aussi adviser ce qui lui plairoit me commander, pour, avec le congé de sadite majesté, vous retourner rendre entier compte de ma charge. A quoy il me fit réponse que seulement une heure paravant l'evesque de Therbes (Tarbes), commis par madame la régente ambassadeur devers S. M. pour résider ensemblement qu'est M. de Praet devers ladite dame, lui ayant parlé que messieurs les evesque d'Ambrun et président de Paris, estant lors avec le roi de France à Madrid, peussent retourner devers S. M.; ce qu'il avoit consenti s'ils le vouloient, sans qu'il le requist, et vouloitque j'attendisse pour entendre s'il y avoit autre moyen de paix, ou si l'on retourneroit à la guerre, pour vous en advertir, et de tout ce que ce pendant s'ensuivra, avec son intention pour l'avenir, et que, quant à vos particuliers affaires, il m'en feroit
bonne réponse : quoi voiant, craignis plus oultre insister quant à mon partement : bien lui dis -je ce qui me sembloit pouvoir dire pour vosdits affaires particuliers, esquels il démontre avoir bonne affection de vous complaire, et en ferai le mieux que me sera possible.
Madame, depuis je reçus lundi les lettres qu'il vous a plu m'ecrire du a 5 octobre, aussi celles pour l'empereur, lesquelles lui présentai tôt après, et lorsqu'il avoit donné audience esdits ambassadeurs d'Ambrun et président de Paris, arrivés ledit jour, et lui déclarai les termes que tenoient ceux de Gand , reprenant pour autant qu'il servoit au propos les advertissemens que desjà lui en avoient esté faits ci-devant. Aussi lui dis comme maistre Guillaume de Barres devoit venir; sur quoi S. M, me dit qu'il louoit fort et se. tenoit trèscontent des termes qu'avez tenus avec lesdits de Gand et autres villes de par delà, et que avez mandé les seigneurs, pour estre presens à les ouïr, et pour y pourvoir par leur avis, et qu'il entendoit bien qu'aviez beaucoup de soins et peines pour ses affaires, mais que vous falloit toujours faire le mieux que vous pourez. Et après me. reprit de soi-mesme et pour vous advertir au long de sa part est besoing que j'attende, comme déjà m'avoit dit, ce que s'ensuivra de la poursuite desdits ambassadeurs, lesquels ne parloient du duché de Bourgogne, et que sans le ravoir ne vouloit entendre appointement.
Madame , les moyens mis en avant par lesdits sieurs sont de faire le mariage du roi leur maistre avec la reine douairière de Portugal, lui baillant en dot le droit que l'empereur prétend en ladite duché: et que par ce moyennant, en faisant paix, le roi baillera trois millions d'ecus à termes convenables. Et si se pourra convenablement bien accorder le surplus des articles appointés par don Hugues de Montcade, et en outre ont demandé pour madame d'Alençon, et trois cens chevaux jusques en mars. Sur quoi n'a encore esté re- . pondu par l'empereur, mais il y a apparance qu'il s'arrestra de ravoir le duché et ses appartenances. M. de Bourbon doit aujourd'hui arriver, qui poura estre cause de bailler autre considération es affaires. Dieu donne qu'elles soient bonnes et que je puis estre tost et bien
Si.
despeché; ce que je désire singulièrement et y tiendrai main de tout mon pouvoir. Madame, je prie le Créateur, etc. De Tholede, ce i5 novembre i5a5.
Vostre très-humble , etc. Nicolas Perrenot.
