MARS

L arrivée du neveu du pape attendue. — Préparatifs contre Tripoli, Alger. — Abjuration d'on Turc . qui s'offre pour diriger l'expédition. — Le cardinal (lara lie. — M. de Vaulx. — La reine et sa maison.

Monseigneur, le pape ou ceulx qui sont près de luy promettent tant que le neveu de sa saincteté arrivera en ce lieu garny de tous privilèges et grâces demandées par sa majesté catholioque, qu’en ceste court nous commençons à remettre touttes nos debtes sur les grandes sommes qui se doivent tirer de ceste croisade dont il apportera les expéditions, et se doibt fort solemnellement faire et lever ceste année par deçà pour plus aisément subvenir aux frais qui se font en la conqueste de Tripoly, et se fera ci-après en celle d’Alger, d’ou depuis quelques jours il est arrivé en ceste court ung Turc d’assez bon lieu qui désire estre baptisé et conduire l'armée : ayant esté induit i nostre religion et à ceste bonne intention, par aucuns pauvres esclaves chrestiens, dont il y a une infinie quantité par delà. L’ayant sa majesté bien receu et à la vérité apprins de luy beaucoup de secret» de la terre, et mesmes, par le même, veu et bien examiné ung portraict qu’il luy a baillé de la place, que ceulx de par deçà qui en ont d’autres assez de cognoissance jugent estre véritable. Tout ce que dessus, avec le bon bcsoing que sa majesté catholicque a de pourvoir aux despcnscs passées, est cause qu’il continue à user de toute dili-

SOUS FRANÇOIS II

gence pour tirer d’icy tant de deniers coniptans qu’il luy sera possible. Au surplus, monseigneur, à la sollicitation qui se fait ici en faveur du cardinal Caraffe par sa saineleté, elle tesmoigne assez qu'elle recognoist le papat de sa main ', se desmonstrant au surplus si bon et aysé en choses qui concernent les estats de par deçà que bien que pour tant d’honnestetez on l’estime corne l’on doibt, si ont-ils grand peur qu’enfin ceste facilite ne tourne à quelque préjudice de la chrestienté.

Monsieur de Vaulx, présent porteur, vous dira, oultre nos lettres, la bonne santé et disposition de la royne catholicquc et comme jusques à présent il n’a esté prins au fin en tout ce qui concerne son estât; ce que j’estime ne pourra estre résolu qu'après ses toumoys et combatz qui se dressent icy. Il y aura parmi ceulx de ladite dame, tant menus officiers que gentilshommes, du mescontcntement de ceulx que la royne ne pourra retenir; mais, monseigneur, vous sçaurez, s’il vous plaist, par voslre prudence bien excuser les ministres, qui ne font icy que prier.

Monseigneur, je me recommande très-humblement à vostre bonne grâce, vous disant à Dieu, auquel je supplie vous donner, en trèsbonne santé, très-heureuse et longue vie. De Tolède, ce premier de mars i55g.

Vostre très-humble et très-obéissant serviteur, S. DE L’AUBESPINE,

Évesque de Lymoges.

Au dos : A monseigneur le révérendissime cardinal de Lorraine.

1 Paul IV, de basse origine, n'avait dû Charles et Alphonse CaraCTc, secondés des

ton élection qu'aux cabales des cardinaux cardinaux Slorce , Karuèse et dê Guise.