L'ÉVÊQI F. DE I. IMCM.ES À LA HEINE MF.IIE

l" II.UU l5&9.

Touchant la aantr, lèlat, la maison fl la manière «le se conduire de la reine catholique.

Madame, afin que vous croyiez nnculx la bonne santé de la royne catliolicque , le roy vostre bon fils n’a pas esté content que monseigneur deVaulx. présent porteur, vous feust renvoyé, pour de bouche vous le tesnioigner, mais aussy a voulu vous escripre de sa main la lettre qu’il vous emporte qui vous sera, oultre ce, témoignage tousjours de plus en plus de l'infini contentement qu’il a avec l’Iispaigne universellement ; ce que. Dieu mercy, je veoy aller croissant de bien en mieulx; qui me faict espérer que le roy et vous n’en aurez jamais que bonnes nouvelles. — Nous sommes encores sur l’establissement de sa maison, dot et arres, en quoy il se prendra résolution la semaine prochaine; et le feust desjà si ce carcsme-prenant ne nous en eust retardé ; bien que cependant ceulx des finances et qui ont charge des domaines ne perdent pas temps pour adviser à ce qui se pourra trouver commode pour les assignations de ladite dame, en quoy ils se trouvent d'aultant plus empeschez que se ressentant des incommoditez de la guerre passée, aussi bien que leurs voisins, la meilleure part et quasi tout ce qui est du pouvoir du prince par deçà se recognoist estre vendu ou bien engaigé. Pour y besongner plus asseurément, comme j’ay desjà mandé au roy, il ne sera rien conclu que sa majesté et vous n’en soyez bien et particulièrement informée. Aussi peu puis-je rendre compte à vostre majesté de ceulx que le roy vostre bon fils désire retenir au service de ladite dame : d’aultant que depuis le petit estât que ladite royne catholicque leur en feist bailler, duquel je vous ay envoyé ung double, nous n’avons entendu aultrement la volonté dudit seigneur. Bien sçay-je que cependant l’on commande

SOUS FRANÇOIS II. 297

aux dames cspaignolics et à tous aultres serviteurs de teste nation jà ordonnez de se tenir prest pour entrer en ce service tout au coup, lorsqu’il le sera commandé : par où il se juge assez que sur le mémoire que la royne a baillé, ayant le roy son mari clioisy ce que bon luy aura semblé, tout au coup et sans aultre communication la maison et estais sont estably comme quasi il semble nécessaire, car il y a tant de presse et de plainctes de part et aultre, désirant chacun estre des premiers et le inieulx, que jusques à cesle conclusion la royne ne sera servie comme elle mérite, ne sans une inlinie importunité à laquelle elle ne peult pas pourveoir, si d’aultre part aussy elle ne vouloit desplaire à ceulx avec lesquels elle a à vivre. Ce que j’en répète à vostre majesté, oultre mes dernières, est afin qu’il luy plaise (comme chascun rejecte ordinairement la faulte de ce qu'il ne peult obtenir sur ceulx qui sont en la charge qu’il plaist au roy me donner) estimer que je y fai tout ce qu’il est possible en homme de bien , joint que je n’y ay pas grand part ny pouvoir, réservant le traicté l’entrclenement à ceulx de par deçà, qui d’autre costé sont assez deilians, prévoyons et pensans aux choses qui peuvent advenir pour ne laisser icy ‘que le moings d’estrangers qu’ils pourront. De quoy devisant avec la royne en particulier, elle m’a sceu fort bien respondre que le plus grand bien quelle pouvoit avoir estoit qu’il ne luy en demeurast guières, mais qu’ils feussent bons et de ses singulièrement favoris, et qu'elle avoit commandement de vous, madame, de ne s’en travailler aultrement ; qui est véritablement , pour la rendre aymée ferme et bien establye en cest grandeur, le meilleur plus salutaire conseil qu’elle sçauroit recevoir, vivant merveilleusement bien méinorative de touttes choses jusques aux moindres, desquelles il vous a pieu, madame, l’informer à son partement, qu’elle mect asseurément peine ensuivre de poinct en poinct et tout ainsi que si vous estiez icy présente : qui est un singulier contentement à tous ses serviteurs et à moy particulièrement.

Madame, je me recommande très-humblement à vostre bonne grâce, vous disant à Dieu , auquel je supplie vous conserver en très-

bonne santé, très-heureuse et longue vye. De Tolède, ce premier de mars îââg.

Vostre très-humble et très-obéissant serviteur, S. DE L'AUBESPINE,

Évesque de Lymoget.

Au dos : A la royne, mère du rov.

L’ÉVÊQl'E DE LIMOGES X M. LE CARDINAL DE LORRAINE