AL1 ROI

Dispositions du roi d’Espagne pour le roi de France après la mort de Henri II. — Il approuve le choix des Guises comme principaux ministres. — Raisons de son amour pour sa femme Élisabeth. — Touchant les aflaircs du Milanais. — Avances et flatteries de la reine d’Angleterre à Philippe II. — Expédition de Tripoli. — Guerre entre le Grand-Turc et son ûls Bajazct. — Maladie du pape.

Sire, sitost que ma despèche du quinzième feut partie, je reccus la vostre du treize, et depuis celle du quinze de ce mois, par où j’ay, sire, attendu après la fortune que Dieu a envoie au feu roy, que Dieu absoille, et l’ennuy extrême que vostre majesté en avoit porté, combien saintement elle se délibéroit de sincèrement conserver l'amitié d’entre vous et le roy catholique, vostre bon frère, au bien et repos de vos estats et accroissement du nom de Dieu, avec les autres particularités contenues en vos dictes lettres : suyvant lesquelles j’ay seulement eu hier matin moien de visiter sa majesté catholique et avoir d’elle ceste première audience de vostre part, ne l'ayant voulu plus tost en requérir, d'aultant qu’il s’estoit renferme et avec grand deuil et tristesse faict démonstration d’avoir supporté ceste adversité. J’ay commencé, sire, par excuser de ce que plus tost après vostre avènement à la couronne je ne l’avois visité , considéré que estant le feu roy en extrémité telle que la fin se veoioit à l’œil , je lui avois desjà amplement testifié vostre bonne volunté et affection ; laquelle depuis, pour avoir esté derechef plus clairement dicte et déclarée par la royne catholique à M. de Bergucs , luy devoit estre certaine et tant cogneue qu’il n’estoit besoing d’autres plus expresses asseuranccs. Que ce néanmoins, vostre majesté s’estanl depuis ses

SOUS FRANÇOIS II

ennuys remise 6 l’estaLIisscment et soing de ses affaires, après en avoir communicqué à la roync vostre mère et à messeigneurs les cardinal de Lorraine et duc de Guise , avoit voulu que faisant ce premier office je l’asseurasse de la continuence de vostre bonne intention , comme aussi de celle de la royne vostre mère et de tous lesdicts seigneurs, et priasse croire que vous seriez, sire, héritier de ceste perpétuelle affection aussi bien que du royaume; désirant soubs ceste confiance et fraternité vivre et régner, dont vos effets feroient encore k l’avenir plus de foy que les parolles; et que pour tant aviez escript par tout afin que si ceste mort avoit refroidy ou reculé les exécutions du traiclé \ il ne s’y monstrast désormais aucun empeschement. Luy discourant ainsi, par le menu, ce qui concernoit les traictés, et au surplus le saige ordre que vostre majesté avoit mis en toutes ses affaires, et avec quel contentement de vos subjets et de vos anciens et nouveaux serviteurs : dont, sire, il me monstra bien estre assez adverty, car après m’en avoir, par le menu, interrogé et luy-mesmes dict ce qu’il en scavoit, loua singulièrement le comportement duquel vostre majesté usoyt à l’endroit de la royne vostre mère, la prudence et vertu de laquelle il admire comme doibt tout homme de bien. Estimant aussi tant de la grandeur, preud’hommyc et expérience de mesdicts seigneurs le cardinal et duc de Guise, qu'il les tenoit pour perpétuels conservateurs de la bonne paix et mutuelle amytié de laquelle ils ont été principaulx ministres et promoteurs; que de sa part il vouloit, sire, vivre avec vous ouvertement et sans dissimulation, vous aymer et observer, se délibérant , cognoissant ceste vostre bonne et franche délibération , de vous monstrer par effect qu'il est prince de vertu et de parolle; qu’il rcmcrcyoit vostre majesté de la bonne envie qu’elle a de parachever l’exécution du traicté. En quoy, s'il estoit survenu quelque retardement ou longueur, il scavoit bien estre raisonnable de confesser et juger que le désastre advenu en estoyt cause : et prioit vostre majesté tenir pour certain que de son costé il ne manqueroit

‘ Le traite de paix de Cateau-Cambrésix.

en chose qui en deppendist. Bien ( me dit-il en cest endroit se soubriant) qu’il s’estoit bien apperccu que, sous couleur de la mort du feu roy, il y en avoit qui espéroient, suyvant leur mauvaise volunté (dont depuis j’enquis don Anthoine de Tollede : et me semble, à ce que d’ailleurs j’ay seu aussi, qu’il toucha ce propos pour le respect des terres de la Tuscane1 et pour Bouillon, qu'ils me disent n’estre encore rendu). Depuis, sire, je lui ay faict entendre que le surplus du premier paiement de son mariage2 estoit arrivé en ceste ville chez moy, et qu’estant le tout adressé au sieur Alexandre Bonvisy, le secrétaire Gras et tnoy l’avions mandé en ceste ville, aûn de parfaire ledit paiement par celle qui l’avoit commencé, dont il se contenta fort. Bien me sembla-t-il treuver bon et vouloir que ledit argent feust fourny en ceste ville sans le mener audit Anvers , crainte qu’il ne feust billonné : et de faict, sitost que Gravier, qui l’a conduict, fust passé Valenciennes, l’escorte le fist suivre ce chemin sans vouloir permettre qu’il se conduist ailleurs, dont je ne sais si Gondy1 sera content. Mais, sire, estant arrivé jusques chez moy sans autrement en avoir esté des chemins premièrement adverty, tout ce que j’ay pu y remédier a esté de mander ledict sieur Bonvisy, auquel le tout s’adresse , et me doubte qu’ils ne s’accorderont guières bien : car ceulx-ci voudront avoir les espèces qu’on a amenées, et ledit Bonvisy les accommoder d’ailleurs ; dont je n’ay pas voulln faillir advertir vostre majesté, afin quelle cognoisse qu’en cela il n’y a [joint de ma faulte.

Ayant , sire , entretenu sa majesté assez longtemps en ceste audience, je lui parlay de la royne catholique sa femme, et de son

1 En conséquence de la paix , les villes

de la Toscane devaient être remises entre les mains de Philippe II ; mais les Siennois, aveuglés par le désir de conserver leur liberté , croyaient que leurs affaires avaient changé de face par la mort de Henri II , et refusaient d'obéir au roi d'Espagne. Voy. de Thou , liv. XXIII.

’ On avait assigné (tour dot à Elisabeth 4oo.ooo florins.

1 Charles de Gondy , seigneur de Tour, né en 1 536 , chevalier de l'ordre du roi . son conseiller et capitaine de cinquante hommes d'armes, général des galères de France, et maître de sa garde-robe , mourut à Paris le 1 5 juin 1574.

SOUS FRANÇOIS II

partcment, lequel vosire majesté remectoit à sa volunté et intention de la faire conduire , comme il appartient à dame tenant tel et si grand lieu. Sur quoy il me reppliqua que d'autant plus aymoit-il ladicte dame, que le marquis de Bergues luy avoit teslifié qu’elle estoyt grandement aymée de vous et vostre bonne sœur : en ces termes l’estimant ung digne et propre instrument pour nourrir l’amytié d’entre vos deux majestés. Qu’il feroit savoir au due d’Alve son intention pour l’esgard de son partement; et quant à luy il espéroit et me chargeoit vous escrire qu’il s’achemineroyt le vm* d’aonst prochain , faisant tous les efforts qu’il seroit possible pour ne tarder guières en mer, si Dieu et les vents voulloient luy estre propices et favoriser ce traict et intention de débarquer au port le plus proche de Bourgos ou de Valadolid , auquel lieu il entendoyt que je le veinsse trouver par terre et luy rapporter de vos bonnes nouvelles, puisqu’il savoyt estre vostre volunté telle; dont, sire, il m’a monstre estre fort content et grandement satisffaict aussi de ce que vosire majesté remectoit à encore plus partyculièrement luy dire et exposer ses bonnes intentions, par M. de Savoyc1, sans la venue duquel je luy ai remonstré' que vous estiez en termes d'envoier par deçà autre personnaige notable de vos mieulx aymés. Il m’a sccu en cest endroict bien réplicqucr que plus confidant ne plus respecté, de part et autre, ne pouvoit avoir ceste charge; qu'il l'attendoyt en bonne dévocion et louoyt singulièrement l’élection qu’il vous avoyt pieu, sire, d’en faire; bien que il feut difficile de rien adjouster à ce qu’il en savoit et tenoit à jamais pour ferme et stable. — Sur la (in de mon audience, je luy ay parlé du navire de Marseille, dont depuis j’ay baillé le mémoire à don Anthonio deTolledo, qui m'a promis en faire despêcher lettres bien expresses adressantes au duc Medina- Cœli *, et me les mestre en main comme il a faict la dcspêche du

1 Jacques de Savoie . duc de Nemours . * Jean de ta Cerda , deuxieme du nom ,

comte de Genevois, marquis de Saint- ducdeMedina-Celi , marquis deCogoltudo,

Sortin , clievalier de l’ordre du roi et gou- comte du port Sainte-Marie , fut fait, en

verne or du Lyonnais. Il sera souvent que» 1 557 • rire-roi de Sicile et conseilla à i’Iii-

tion de lui dans ce volume. lippe II {'expédition de Tripoli, qui com-

sieur de La Roche Punsay, prisonnier détenu au chasteau de Milan , que j’ay baille à son frère, présent porteur, suyvant le commandement que m’en avoit faict le feu roy par ses dernières.

J’ay voulu sentir des seigneurs de cette court et d’ailleurs si sa majesté catholique, estant embarquée, s’approcheroit fort des ports d’Angleterre, d’autant que depuis nos dernières j’ai sccu que celuy qui estoit venu par deçà avoit faict grandes offres audict seigneur de la part de la royne. Mais, en ce que j'ay pour certain apprins, il ne faict estât de s’accoster ne de séjourner en lieu que ce soit, si le temps et la tourmente ne l'y contraignent. Et me semble, sire, devisant de ce propos avec ses plus chers ministres, qu’ils s’attendent que vostre majesté advertisse par tous les ports et havres de son obéissance , afin que ce passaige soyt favorisé de raffresebissemens et accueil, s’il se présentoit besoing; dont j’ay pensé vous devoir advertir, afin qu’il vous pleust trouver bon le dire ainsi au duc d’Alve, et m’en commander aussi, sire, vostre bonne intention; estant asseuré que la royne d’Angleterre a chargé scs gouverneurs, admirais et vaisseaux de luy prester tous support et assistance.

Par les derniers advis venus d’Espaigne, ceulx de par delà se plaignent infiniment de ce que l’on a désarmé leurs costcs entièrement de gallaires, et tellement que les Mores osent les infester de jour et aultre fort librement; et pour cestc cause a-t-on mandé au vice-roy de Sicile 1 qu’il renvoiast dix des gallaires qui sont là amassées, et avec le surplus continuer son entreprise de Tripoli, pour lesquels ils embarquent de six à sept mille Espaignols tirés de Naples et de Sicile, avec quelques barquebuziers italiens; tenant d’aultant plus leur entreprise sûre que le Grand Seigneur est diverty et retenu de la guerre qu’il a contre son fils Bajazet, en laquelle l’advis est venu de l'empereur par deçà qu’il va en personne, et que, à ceste fin, de la fin. du moys de may l’armée passoyt à Constantinople, comme

mença asse» heureusement par la prise de Tripoli raina celle du roi d’Espagne, de Gerbi, mais qui eut une triste fin, en 1 Le duc de Medina-Celi. Yoyei 1a ce que la flotte turque venue au secours note précédente.

SOUS FRANÇOIS II

vostre majesté pourra voir plus clairement par les extraicts que je luy en envoyé. Cela, en mon advis, donnera à l'empereur et à toute la Germanie plus d’occasion de vivre en repos qu’ils n’espéroient, d’aultant que lesdites lettres portent que gènérallement toutes les forces de l’Europe tirent en la Natolie.

Hier arriva M. d’Arremberg d’Auguste *, où il y a quelque temps que le roy vostre bon frère l’avoyt envoyé, comme pour lors j’advertis le feu roy, à qui Dieu face pardon. Il rapporte le semblable, adjoustant que le Turc, sur quelques troubles qui estoient venus ès frontières de Hongrie, passé deux mois, avoit faict excuser cela pour pouvoir librement vacqucr à ses plus importantes occupations; d’aultant, sire, que la nation germanique est pleine de gens de guerre oisifs qui ne demandent que querelle et occasion de s’attacher en quelque endroict, et qu’il semble que le bruict des ambassadeurs dont ils ont si longtemps parlé continue. J’escris ce que dessus à vostre majesté afin qu’elle vculle et luy plaise ne négliger les serviteurs et cappitaines qu'elle a parniy l’empire, lesquels se voyant à vostre advénement caressés et recogneus continueront plus aisément leur bonne affection.

Hier arriva un courrier de Florence par lequel le duc mesmes, entre aultres advis principaulx, cscrit à sa majesté catholique du peu d’espérance qu’il y a en la vye du pape, et le prie avant que s’embarquer vouloir y pourveoir. N’estant encore party monseigneur de Grantvelle, sieur de Cliantouné, allant de ceste part résider ambassadeur près de vostre majesté, il me vint hier visiter et remict son partement au temps que le roy son maistre s’embarquera : estimant, pour la présence de messieurs les duc d’Albe et prince d’Orange2, n’estre nécessaire de plus tost estre par delà. Qui est, sire, tout ce qui se présente pour le présent. Vous remerciant

* De la ville d'Augsbourg.

* Guillaume de Nassau-Dillembourg, dit le Jeune, huitième du nom , fil» de Guillaume le Vieux, se mit eu possession de

la principauté d’Orange, en vertu du testament de René, son cousin, quoiqu'il ne descendit en aucune manière de ia maison de Châlon , ni de celle de Baux.

NÉGOCIATIONS très-humblement de l’honneur qu’il vous plaist nie faire, me retenant au nombre de vos très-humbles serviteurs, avec espérance que nostre Seigneur me fera la grâce de m’en acquitter en homme de bien et avec soing, dilligence et fidélité.

Sire, je prie à. Dieu vous donner, en très-bonne santé, très-heureuse et très-longue vye. De Gand, ce xix* juillet i55g.

Vostre très-humble et très-obéissant subject et serviteur,

S. DF. L’AUBESPINE

Evesque (le Lymoges.

/la dos : Au roy, mon souverain seigneur.